-لم يتم تغطية جميع اجزاء السياره والعذر انها اماكن ضيقه ويوجد بعض الاخطاء بالقص مما تبين انه ليس قص كمبيوتر مع اصرار الموضف انها جيده ولا فيها اخطاء (يبغى يمشيها)
-التأخير بالوقت
-خدمات ما بعد الشراء سيئه
-التضليل ممتاز وجودة ممتازه بالعزل ولكنه لم يتم تضليل فتحة السقف بعذر النانو الداخلي وسيتم تضليلها مع التشييك
ثالث تجربة لي منذ عام ٢٠١٦ متعامل معهم ثلاث سيارات ولله الحمد راضي جدا عن المنتجات (التضليل و النانو) ما يحتاج ازكي منتجاتهم ابحث بنفسك عن شركات المنتجات المستخدمة لديهم و سوف تعلم عن جودتها في الختام أشكر أبو أحمد على لطفه و سعة صدره معي و نسأل الله لنا و لهم التوفيق ##** تحديث إبراءً للذمة ، النانو سيراميك السائل اللي ينحط على البدي (للأسف ما كمل سنه و ظهر على البويه دوائر) إما ان المنتج لك عليه أو التركيب غير احترافي **##
حماية الوجهية استمرت معي سنتين ماشاءالله بلا اضرار ولا عيوب +انا اشوف قليل من الناس بتعليقات صار معهم اضرار وتفككه بعد مرور سنة هذولا مايعرفون البيئة المحيطة اللي حولهم بزران او عمال صيانة طبيعي بتتشوه سيارتك وتتفكك اذا ماتعرف تحافظ لا تتهم
للاسف تعرضت لضربتين بسيطة على بودي السيارة وحماية السيارة ماسوت شي! (الطعجة) للاسف موجودة مع انها جدا بسيطة (ضربة باب). اتمنى يتم فتح التعليقات في منصات التواصل (تويتر وانستغرام) وتخلون الناس تعلّق وتقول تجاربها ان كنتم واثقين من منتجكم! باختصار سعر عالي جدا مقابل منتج عادي
والله نجمة قليلة بحقكم ركبت نانو سراميك عندهم ب3500 وبعد 6شهور قلتهم جددوه قالو بفلوس وهو اصلن قايلين لي انهم يجددونه مجانًا قالو اي ادفع 1700 وشغلهم مقبول لا اسلوب ولا احترام معطيني ضمان 3 سنوات والضمان سوالف النانو بعد ستة اشهر يختفي
مساكم الله ب الخير عندي استفسار الله يسعدكم انا مسوي عندكم نانو سيراميك 3 طبقات قبل تقريباً 8 شهور واختفى تماماً والسيارهه افالون 2021 قهر وعلماً ان غسيلي كله شامبو واكس وفوط مايكرو فايبر الصراحه مرررهه استغربت انه اختفى هل الضمان يشمل الموضوع ؟
التظليل كجودة ممتازة ، لكن التركيب غير مقبول وعند استلام الموتر الكشافات ما عليها حماية وارسل المسؤل علي عامل سوداني يركبها ركبها بطريقة غير احترافية وبتعامل غير مقبول ونفس متذمرة وتعامله لا يرتقي للتعامل مع العملاء ،ومع هذا يوجد ملاحظات كثيرة رجعت لهم وحولوني على نفس العامل السوداني واستخدم الابره لبعض الملاحظات وقال خلاص وتركني ودخل المحل بعدها جاني عاملين اعتقد انهم من جنسيات آسيوية ودودين وخدموني بشكل مرضي ووممتاز وصلحوا وبدلوا بعض اجزاء الحماية لكن التظليل فيه ملاحظات كثيرة قالي موظف الاستقبال ابو احمد بعد فترة مع الحرارة يضبط والى الان لي أكثر من شهر واغلب القزاز فقاعات وملاحظات
تعقيباً على ردكم الكشافات ليد وليست هالوجين ولم يتم خدمتي حتى الان ، لاتبحثوا عن مبرر للعامل او الموظف او القصور ابحثوا عن طريقة معالجة المشكلة والقصور
الحماية بعد التجربة وخصوصاً مع طريق الشرقية جودتها اقل من المتوقع بكثير وتأثرت من الطريق
شركة سيئه مع الاسف عدلت عندهم مرسيدس بقيمه 29000 الف ريال ويوجد مشكله في البويه في الصدام الخلفي وكذلك غطاء الشبك الأمامي لم يثبت بالطريقه الصحيحه وعند التواصل معهم لايوجد تجاوب وعدم اهتمام للعميل بشكل غريب تعامل مع الاسف سيء ولايوجد رد في الوتساب من اكثر من ثلاث شهور لكن سيتم التواصل مع مدير الشركه قرييا
تعامل راقي جدا من ابو احمد رغم كثرت اتصالاتي به الا انه كان راقي جدا بالتعامل وسرعه في الانجاز اول تعامل ولن يكون اخر تعامل ان شاء الله الله يوفقكم تم التعامل مره اخرى ٢٠٢٢ مع زيوكس دائما خياري الاول في مايخص اكسسوارات السيارات من الحمايه و التظليل و الشغل النظيف و اخص ابو احمد صاحب الخلق الرفيع
Last week I took my new car to xeoex for car full protection. This is the forth time I took my new cars to xeoex ever since I tried them first time end of 2017. I found them highly dedicated, professionals and of sincere workmanship. I woud recommend them for their high quality end product.
زيوكس السعودية ماشاء الله دلني بعض الاخوة عليهم واشتغل عندهم تغليف كامل اعطوني بكج يشمل العازل الحراري مسماه عندهم الباين ماشاء الله تبارك الله تعاملت مع عديد من الشركات لكن صراحة لم اجد منتجات ممتازة مثل منتجاتهم انصح الجميع بهم وافضل ما لديهم ايضا خدمات ما بعد البيع شي يخلي الواحد لايفكر في ڜركة غير زيوكس اتمني لهم مزيد من التقدم
شغلهم ممتاز من أفضل محلات العناية بالسيارة التي تعاملت معها المنتجات رائعة جدا تجربتي من خلال العزل الحراري وافلام حماية الطلاء انا اعطيهم 10/10 الف شكر علي الخدمات والاخلاق كل التقدير والاحترام!
اشتغلت عندهم الباقة الاقتصادية حماية سافي قص كمبيوتر ما شاء الله تبارك الله ولا غلطة ونانو 3 طبقات وتظليل للزجاج بصراحة قمة الفخامة وسلاسة في التعامل الله يجراكم الف خير
من اسوء المحلات اللي تعاملت معها. موظفين المبيعات ماعندهم خبرة بالتلميع فقط بالتسويق والكلام! اطرف مشكلة تحصلك ماتلقى احد فاهم يقدر يشرحلك الحاصل بإحترافية
شركة تعمل بكل احترافيه وتقدر العملاء واللي يقول اسعارهم مرتفعه غير صحيح يروح يشوف مودستا شغل اي كلام وأسعار نار وهذا غير مستغرب من مجموعة البازعي جودة واهتمام وخدمات مابعد البيع تقييمي بعد سنتين من التعامل معهم واتمنى يكون فيه فروع اكثر الى الأمام وفالكم التوفيق
خدمات رائعة و أسعار منافسة مقارنة بالمحلات الأخرى تجربتي تركيب حماية كامل الكبوت والرفارف والصدام ما احس انو في حماية علي السيارة. أشكر الشركة وطاقمها علي حرصهم علي جودة الخدمة ودقة تنفيذها
السلام عليكم ورحمة الله وبركاته اشكر زيوكس السعودية على اختيارها لموظفيها واشكر اخوي (عبدالعزيز الغامدي) الله يوفقه ويبيض وجه ويفتحها عليه وين ماراح ادب واخلاق وماراح انسى معروفك على ولي زيارة ثانيه ان شاء الله دمت بخير يارب.
عازل لكامل زجاج السيارة /ضمان 10 سنوات نانو سيراميك خارجي وداخلي /ضمان 7 سنوات وحماية مقدمة السيارة واضفت عليها حماية كامل الكبوت بدل الربع /ضمان 10 سنوات
السعر: 8625 ريال
العمل على السيارة اخذ 5 أيام إتقان من قبل العمالة ومنطقة النانو سيراميك منعزله تماما عن الخدمات الاخرى حاليا السيارة له اسبوع معي ماواجهت اي مشاكل ولله الحمد ماعدا مشكلة الغبار يمسك على السيارة وعلى كلامهم الفترة الاولى فقط اول اسبوعين يمسك الغبار
بإذن الله بين فترة وفترة راح احدث التعليق وان شاء الله يبقى كما هو
اشكر الاخ محبوب على التعامل الراقي
تحديث: 9/9/2021 حماية الكبوت انفكت في مكانين مختلفه للأسف يوم جيتهم قلت على كلامكم انه يحمي من السافي والحصى ويتعالج ذاتيا لاكن يقول هذي مو ضربت حصى هذي ضربت مفتاح المشكلة لو قلنا ضربت مفتاح راح تكون الضربة اكبر وتكون من اعلى موب من الاسفل واذا فيه واحد اصلا بيحاول يشوه سيارتك ماراح يحن عليه قلبه ويضربك ضربه بسيطه لاكن للاسف حتى بدي السياره تأثر.
بالنسبة للعازل استمريت عليه شهر ادخل السيارة المراتب جدا حاره ركبت تظليل خارجي من محلات الزينه فرق معي كثير جدا حتى بروده السيارة في التكيف فرق معي.
النانو الخارجي قبل اركبه الصراحه الغبار ماكان يمسك على السيارة الان بعد الغسيل بيوم ترجع مثل أول.
اشتغلت عندهم الباقة الذهبية صحيح سعرهم غالي نوعاً ما لكن شغلهم ممتاز للأمانة، احب اشكرهم على تعاملهم و اخص بالشكر الاستاذ ابو احمد الله يجزاه خير اسلوبه جداً راقي.
اشكركم على الجودة والابداع بالشغل سويت سيارتي قبل 3 سنوات ولاتغير لون الحمايه رغم اني راعي خطوط لكن اثبت لي جودة منتجكم وخلاني اجيب سيارة اخواني عندكم تستاهلون الدعم وفالكم التوفيق
ماشاء الله التلميع والتظليل والنانو شغل نظيف وبا امانه وبدقه عاليه وحسن استقبال من الااخ ابو احمد وشرح با التفصيل عن منتجاتهم ورحابه صدره بكثرة اسألتنا الف شكر لك اخوي ابو احمد واخ رشدي وجميع القائمين على هذا المركز الرائع (مع الاسف التظليل كذا مره افكها واركبها بسبب سوء اليد العامله بغض النظر على اني اغيرها على الضمان ولكن شغله مرهقه للعميل الرجوع كذا مره علشان يعدلون اخطائهم)
للأسف الشديد الاسعار مبالغ فيها جداً كلمتهم عندي النترا تغييم فقط وحماية واجهة ب 4000 يقولك مع العرض وتعامل الاخ السوداني اللي على الهاتف تعامله غير مرن
نصيحه قبل لا تدفع ريال لهم، كلمة حق التظليل عندهم ممتاز جداً (اتكلم عن اعلى فئة اللي هي الباين) لكن النانو سيراميك والحماية الخارجية للسيارة عادية جداً زيها زي اي شركة بس هم يوهمونك انه عندهم خصم، وهو بالأساس السعر الاساسي، اول مره اشوف عرض طوال السنة! اللي ممشي مبيعاتهم تلميع السيارة عند تسليمها فقط. والخيار بيدك انت اعرف كيف تدفع فلوسك مقابل الجودة المقدمة لك، بالتوفيق
الحقيقه تظليلهم ممتاز ولكن فيه ملاحظه العامل ترك باب سيارتي مفتوح على الشارع ودخل يجيب بخاخ علشان فيه تبديل لتظليل المثلث. الا يعتبر هذا استهتار بممتلكات العميل مع ان الريموت معه. بلغت السوداني رشدي ولم يلقي اهتمام للموضوع. كذلك يحتاجون لتطوير في اسلوب التعامل مع العميل وخاصه مابعد البيع.
المركز جدا فخم،، شغل مرتب على الآخر، دقة في العمل و اهتمام بالتفاصيل قص محكم لفلم الحماية للبودي مع شفافية عالية و لمعة لا تختلف عن بوية السيارة ، لا يمكن التفريق بين الجزء المحمي المغلف بالحماية مع الجزأ الغير محمي لمعة فلم الحماية لا يختلف مع مرور المدة ومع تغيرات و تقلبات الجو من واقع تجربة بالنسبة للعازل الحراري جداً ممتاز من ناحية العزل و القص والتركيب و اللون كذلك مميز النانو لمعته جبارة بمعنى الكلمة المنتجات الثانية مثل شامبو الغسيل و الواكس تعطي نتيجة مختلفة تماماً عن الماركات العالمية المشتهرة في الاسواق زيوكس الأفضل
حطيت النانو من عندكم الصدق فرق اللون كان باااااهت وبعد النانو ماشاءالله تبارك الله طبعا اللون اسود ورجعت اللمعه الحمدلله ومع الواكس والصابون ممتااااز يعطيكم الف عافيه على شغلكم النظيف
تجربتي كانت تفوق الوصف، بصراحة و بكل أمانه أخذت منهم منتجات الغسيل الخارجي اللي هي الشامبو و بخاخ الواكس و البخاخ حق الكفر. الشامبو نظف لي السياره مضبوط و الواكس استخدمته بعد التنشيف و يعطي لمعه واضحة و نعومه للبويه حتى المنشفه تزلق من الكبوت و البخاخ حق الكفر استخدمته بعد غسيل الكفر وتنشيفه و رجع الكفر الى لونه الاصلي واحلا حاجه فيه انه ما يجمع الغبار
زيوكس وفرو لنا أجود و أفضل المنتجات بالسعودية و مبدعين
بصراحه ممتازين و اخلاق وجوده للمنتج جبار تعاملهم طيب وفيه واحد اسمه ابو خالد كان بفرعهم القديم على طريق ابن الهيثم بس قفلوه واتوقع الان على طريق الامام
ماشالله تبارك الله اخذت من عندهم اسوب الكفرات وحطيته من امس وماشالله لين الحين و هو ماسك الصراحه الاستوب و الشابو والله انها احسن شي انا ما جربت الا هاذي وهاذا رايي في المنتج
اولا اشكرهم جميعا من اخواني السودانيين والسعوديين والفنيين استقبال ممتاز واخلاق عالية واهتمام ممتاز ومتفهمين. تم تركيب فيلم حماية كامل على البودي وتظليل عازل كامل للقزاز شغلهم ممتاز ودقيقين ويهتمون في ادق التفاصيل قبل تركيب الحماية او التظليل من التنظيف لإزالة الشوائب والأتربة اعجبتني جودة المنتجات عندهم وراضي كل الرضى على خدماتهم وانصح الجميع بتعامل معهم. بإختصار زيوكس صداره بس نوع السياره مرسيدس
للامانه انا ماجربت اي شي عندهم لكن كنت ابحث عنهم قبل اسوي اي شي لقيت عروض غريبه تجي ومثبته بالصور عندي يقول بدون عرض اقل فئه سعر التظليل ١١٠٠ قلتت حلو وحطو خصم ع التظليل حسن كتبي ٥٠ بالميه ولما حاجيتهم قالو لا هذاك كان نوعيه ثانيه مع ان كل نوعيات التظليل من ماركة الباين بس استهتار بالعروض وطقطقه ع الدلوخ
اتصلت على الرقم المجاني ورفض الشخص إعطاء اسمه وكأني متصل على بيته الخاص. أستغرب من شركة محترمة يرد شخص ما يبغى يتفاهم مع زبون ويرفض إعطاء اسمه.
وللأسف مرة أخرى يتشدق بكل ثقة "داير تعرف اسمي تمر الشركة وتعرف اسمي" قمة الأدب والأخلاق حقيقة في بيئة يفترض فيها العملية والربح وليست جمعية خيرية توزع ببلاش على المحتاجين
ارجو أن يتصل بي شخص عاقل من شركتكم إذا كانت لديكم الرغبة في إبقاء زبائنكم
ماشاء الله تبارك الله عليهم انا ما كنت متوقع انه يطلع كذا بس عاد شركه زيوكس بصراحه يشتغلون بذمه وضمير ما هو زي باقي الشركات التلميع كل ما زادت لهم فلوس زاد لك مهمه مع احترامي لبقيه الشركات بصراحه انا في وجهه نظري شركه زيوكس لا يعلى عليها بصراحه انا واحد من الناس اللي عانه من السافي لازم اعطي كل ذي حق حقه ما ظهرت الشركات المتدنيه او اللي ما يقدم خدمه اي خدمه بقد الفلوس اللي انت دفعت الا لمن باع الضمير هم ترى والسلام ختام واعذروني هذه الصراحه في وجه نظري بصراحه انا اتوقع اتوقع ما بحصل شركه أفضل من زيوكس بصراحه. (انصحكم بالتعامل معهم بشدة)
جبت السياره عندهم كان الكبوت مشهب بشكل كل محلات التلميع قالوا لي رش بويه وما قصروا رجعوا لي اياه بنسبة ٨٥ في الميه ما شاء اله تبارك الرحمن التلميع الخارجي لا يعلى عليه عندهم
افضل مركز محترم بكل المقاييس ١- نظافه المكان ورأحته تعكس حجم الاهتمام بالعميل قبل العمل ٢- تعامل الموظفين الراقي ٣- جودة المواد ودقة العمل التي لاغبار عليها ٤- خدمات مابعد البيع التي تميزهم عن غيرهم
مساء الخير توني مسوي عندهم تلميع ونانو الصراحه شغلهم جبار وأكثر من رائع السياره ماكنت متوقع انها بترجع لمعتها لدرجه هاذي ماشاء الله اخص بالشكر الاخ الغالي ابو مبارك رجل بكل ما تعنيه الكلمه انصح بزيارتهم
مسساء النور اول ششيء شكر خـاص لـ اخوي الغالي ابومبـارگ ع الأسلوب الطيب وكميه احترم في ههذا رجال مع الكل الله يطول ف عمره وثاني ششيء شكر شركه زيوكس ع شغال الطيب ومافيه منافس لهم جدا جدا شغلهم عليه الكلام يشهد الله ع كلامي
Thanks Xeoex for the amazing service, I have been dealing with serval of car cares around Riyadh but Masha'Allah Xeoex services are topnotch and the workers are so friendly, keep it up the greatest work!
أثني با الشكر والتقدير والعرفان لاأدارة زيوكس على اختيارهم لجودة منتجاتهم وحسن أختيارهم لموظفيهم وحسن استضافتهم لي وتقديم أفضل العروض بطريقةلبقه ماشفت لها مثيل في باقي الشركات المنافسة في الاإتقان والدقة في الوقت و العمل وكلامي هذا يشهد عليه الله ياأخوان أتمنى لكم دوام التوفيق والنجاح
معاملة سيئة للعملاء. ليست لديهم اي احترافية بالتعامل مع العملاء تم الاتفاق قبل موعد تسلم السيارة على سعر محدد، يوم التسليم تم انكار المبلغ وعند الاطلاع على السيارات الي تم العمل عليها تبين ان الجودة اقل من اسعار باقاتهم
لا انصح بالتعامل معهم، السوق يعرض خيارات افضل و باسعار منافسة
غير محترفين في العمل ولا في التعامل مع العميل لايعلمون ماهي معالجة الطلاء ويكتفون بالتلميع العادي ، وهذا يؤثر على العمل النهائي لا أنصح بالتعامل معهم لمن يهتم بجودة العمل
دقه في العمل وامانه واسعار ممتازة مقارنة بالمنافسين انا اخذت الباقه الذهبيه وبصراحة سعرها جدااا بطل والحمدلله اني اخذتها لاني سافرت بعدها وجاني سافي مجنون والحمدلله لم تتاثر السيارة شكرا حسن كتبي على التوصيه شكرا فريق زيوكس
اقدم لكم خالص الشكر والتقدير على جودة العمل المنفذ والدقة في المواعيد وانا عملت ٤ طبقات نانو سيراميك وحماية نصفيه للمقدمة وقد اذهلني جودة العمل والاحترافية العالية في التنفيذ. وقدم خالص شكري وتقدير الى الاستاذ/ علي (ابو محمد) وجميع العاملين
بدون مجاملة المحل روعة، فخم، ومرتب، ركبت عندهم حماية وجهية ضمان 7 سنوات، وظللت، والتظليل عليه ضمان 10 سنوات والتظليل بصراحة فرق معي لان تظليلي القديم تجاري الحين فرق شاسع وملحوظ ما شاء الله، ولبست ارضية وشغلهم 100% ما شاء الله عليهم واذا جلست في صالة الانتظار يضيفونك ويعطونك كاباتشينو و شاهي فانصح اللي يبي يركب عندهم حماية وجهية ويظلل يروح عندهم
ماشاء الله شغلهم ١٠٠٪ سويت عندهم الباقه الذهبيه - تلميع بوليش ونانو سيراميك ٦ طبقات وعازل حراري وحماية للمقدمة فرق عن مراكز اخرى. قبل وديتها في مركز بمكه المكرمة بس الشغل مرره مايجي نصف شغل شركة زيوكس. شكر خاص لأخوي أبو أحمد على الاستقبال الجميل ويعطيه ألف عافيه عل التعامل الراقي وخدمته حتى بوقت اجازته. ماقصر بشي الله يجزاه خير