شغله للامانه ممتاز مافيه ملاحظات لكن اكبر عيب هنا الي ممكن يخليك تكنسل الجيه هي السعر الفلكي يبغالك تبيع كليتك عشان تصلح حكه بسيطه لو رحت الوكاله اصرف لي
الشغل مثل ماتشوفون ممتاز جدا ماشاء الله وهذا الي يهم الناس. لكن أكثر شي لفت انتباهي هو خدمة مابعد البيع. مستحيل تحصل خدمة مابعد البيع بها الجودة يعني إذا عندك أي ملاحضات على الشغل ما لك إلا ترضى حتى لو بين لك شي بعد ما اخذت الموتر ثم رجعت لهم. على طوول يحلون الإشكال الي عندك وهذا صار معي حتى جميع العماليين بالورشة يخدمونك بالي تبي ماتحس أحد يتهرب او شي خصوصا بعد ما استلمو الفلوس يخدمونك بنفس طططيبة والرجال واقف على شغله الله يبارك له. وانا دخلت سيارتي بموعد عشان كذا ماطول الموتر عندهم. وساعد بها الشي الضربة خفيفه.
اول شيء حاب اشكر مسؤول الورشه ابو سعود على حسن تعامله ، ثاني تعامل لي معاهم واكيد هم الوجهه الاولى بالنسبه لي في تعديل الصدمات الصعببه للامانه ما اجيهم الى واطلع وانا راضي سلمت لهم السياره وبهذا الوضع وللامانه الضربه صعبه وجايه على حرف الرفرف والحمدلله هذي النتيجه بعد ما انتهوا من الشغل بدون رش ولاهم يحزنون ماشاء الله
ماشاء الله تبارك الله صلحت موتري بعد الصدمة ورجعه كانه ما جاه شي حتى الحرف اللي على الرفرف رجع مثل ما كان مالك الورشة ابو سعود رجال نصوح ويحب الخير وواقف ع الشغل بنفسه عطيته موتري وقال عطني وقت وازهله وفعلاً شغله جبااررررر يستاهل.
تم زيارة المركز وكان عندي عفط في الرفرف الخلفي وتم المعاينه من الاستاذ المحترم مصطفى (مصري الجنسيه) وتم معالجة العفط والشفط بدون اخذ ريال واحد مشكور الف شكر لابن النيل على حسن تعامله واخلاقه العاليه ويستاهل اكثر من خمس نجمات ️
شغله مطاريس صراحه اشتغلت عنده الباب والرفرف كلها تموج موج وضربات الشاكوش واضححه خصوصاً على الباب وقاص سيلكون الرفرف بطريقه بدائيه جداً والاسعار غاليه اخذ علي دبل سعر السوق ووافقت اغتريت باسم المكان وكلام الرجال
ابوسعود رجال صادق جداً اشتغلت عنده وكنت جايه عشان تعديل باب ووزن باب يسبب تصفير مزعج اثناء المشي صلح الباب والتصفير اتضح له ان المشكله شي ثاني مالها علاقه بالوزنيه كان كلبس مرايه منطلق دق وبلغني كان بامكانه يستغل ويزيد السعر لكن ماقصر ابد الشغل: ممتاز وكان حسب الاتفاق كان واعدني بنسبه ٨٥٪ وكان الشغل بهالنسبه التعامل: جميل جداً من الجميع سواء ابو سعود او الاستاذ مصطفى ولا الشاب اللطيف اللي بالاستقبال هذه تجربتي سوف يتم ارفاق الصور للفائده
السلام عليكم ورحمة الله وبركاته. كل الشكر لمركز فن التعديل و الشكر موصول للاخ ابو سعود. رجل مشرف على العمل بنفسه و يخاف الله في عمله. ويقدم النصيحه لك. اشتغلت عندهم تعديل الواجهه الامامية مع سحب وتعديل و رش الصدام الامامي فقط وتعديل و وزن الكبوت و الباب الايمن بدون رش و عندي عفط في الشبك النيكل الامامي ورفض ابو سعود تغيره قال نعدله بالحرارة وبأذن الله يظبط وفعلاً رجع نفس الجديد ما تلاحظ فيه شي. قبل تسليم السيارة يطلع هو يشك بنفسه على اي ملاحظه مع العلم مافيه ملاحظات شغلهم فعلاً تحط سيارتك عندهم و انت مطمئن شكرا من القلب ابوسعود على التعامل الراقي و الاخلاق الجميله. ولا انسى الفني مصطفى شخص جميل حبوب قمه في اللخلاق و كذالك لا انسى عبدالله الشخص الجميل في اخلاقه. شكراً لكم من القلب
شغل مرتب ونظيف والسعر مثل اغلب ورش التعديل ما عندي علم فيهم والله الا بالصدفة من زحمة السيارات اللي عندهم ماشاء الله ولازم تجي يعلمك اي يوم تجيه افضل ما يمسك السيارة عنده فترة من غير شغل (المسؤول اسمه مصطفى
تجربتي للورشة كانت ممتازة ، شغلهم احترافي جدا جبت لهم باترول فيه طقات كثيره ورش صدامات وصدمة معقده مالقيت احد يعدلها لي بشكل ممتاز غيرهم ، عمالتهم متميزة ويهتمون بتفاصيل سيارتك من الصدام للصدام تستلمها منهم وانت مرتاح وبنتائج جداً مرضيه ، صاحب الورشة ابو سعود شخص يحرجك باخلاقه ويقدم لك نصائح تفيدك قبل تسلمهم سيارتك وأسعارهم جداً مناسبة ورخيصه عن غيرهم من ورش التعديل. شكرا ورشة فن التعديل والشفط
شكرا من القلب اهنيك يابو سعود تعامل ولا أروع شخص حبوب ودود ونعم الرجل ونعم الأخلاق انسان ياخذ ويعطي معاك وأي شي تلاحضه بعد التعديل يقوم هو بنفسه ويتفحص ويشوف ويفك ويركب انسان تشتري تعامله ونفسه الطيبه قبل شغله اما شغله ١٠ من ١٠
بدايةً يعلم الله اني لا اعرف صاحب الورشة شخصيًا ولا تربطني فيه علاقة.
اقسم بالله ان هذا الشخص كان حريص على سيارتي اكثر مني ويبي للزبون الشي الزين واللي يناسب سيارته حتى بعدين اذا جاء يبيعها يعني يفكر في بيعة موترك.
انا عدلت عنده باب وركبته والله ماشاء الله تبارك الله وكاله حتى المسامير مافي شي باين انه مفكوك ومركب شي صراحة خرافي.
جامعها شغل واخلاق واصلا من تشوف الزحمه عنده ترتاح انا جلس موتري مصدوم اسبوع ابي مكان كويس موتري ٢٠٢٢ لكزس وبعد الله توفقت بالزعيم ابو سعود.
وكثير ناس ينتقدونه اذا تواصلوا معه وانا اولهم ، بس لما تجيه وتشوف الزحمه بتعذره وتعرف انك بالمكان الصحيح. مافي فلسفه موترك يحتاج كذا والشي اللي ماهو في صالحك والا ما يتعدل ما يسويه.
الله يبارك له ويوفقه والله اني كنت ضايع وبعد الله زبطنا الزعيم.
ما شاء الله على الشغل رغم ان ضربت السيارة قويه الا انهم ابدعو في التعديل لأعلى درجة ان مدحت الشغل ما شاء الله ما وفيت حقه و ان اثنيت على التعامل من ابو سعود و الطاقم الي معاه قليل في حقهم. فالهم التوفيق و منها للأعلى فالابداع
الله يسعده ويبيض وجهه شهادة الله شغل ما شفت مثله سيارتي لكزس 2010 وجايها وجهية وكنت شايل همها 7 شهور بدون تصليح وراميها بسبة خوفي إن السيارة ما راح أبداً ترجع مثل ما كانت وبعد 7 شهور سمعت عنه وتوجهت له وقلت السيارة أناً راميها لكن خلني بشوف وش يسوي بها ولا إله إلا الله رجعت له إلا السيارة والله ولا كأن جاها حادث أبببببد وكل الحديد وكل شي رجع وكااالة الله يبارك له ويجزاه خير
انا صاحب الكامري ٢٠١٧ اللي مريتك امس العصر وبصراحة كفيت ووفيت يابو سعود ولا انسى الاخ المصري مشرف الورشة والحقيقة اول مره اشتغل سيارتي عندكم علما باني من المنطقة الشرقية وكنت ابحث عن ورشة متميزه في الشغل والامانه والحمد لله وفقت في ورشتك. اسال الله ان يبارك لك في رزقك.
افضل ورشة جيتها من ناحية الشغل والعمل وتعامل مدير الورشة ابوسعود من ارقى الناس ورجل ينصح وش الافضل لتصليح سيارتك ومايكلف و كان في دقشه بسيطة بسيارتي باترول ضبطها لي وماخذ مني ريال وابيض وجه يابوسعود
بسم الله الرحمن الرحيم قمة فالأخلاق ، شغل اجمل من الرائع ، انجاز العمل بوقت ممتاز ، إشراف صاحب الورشه على العمل ، وتعاملت معهم اكثر من مره ماشاءالله اتمنى لهم التوفيق.
صراحه رقي بالتعامل من الأخ ابو سعود وتعاون لا يعلى عليه شغل التعديل احترافي تم التعامل مع الورشه للان ٤ مرات بدون رش فقط تعديل جبار انصح التعامل معه بشده
عمالة مهرة وأسعار معقولة واحرص على إجادة الالتصليح وصاحب الورشة أبو سعود رجل راقي وخلوق وذوق في التعامل الإشكالية الوحيدة عندهم أن السيارة تأخذ وقت طويل في مدة التصليح
بسم الله الرحمن الرحيم. شهادة حق لانجامل فيها صاحب المحل ابو سعود. شغلهم ممتاز. وانجازهم ممتاز. واسعارهم معقوله ومنطقية مقارنة مع منافسيهم. وصاحب العمل ومالكه هو بنفسه المشرف عليه والواقف على الشغل والعمال ويستحق التقدير والدعم والتشجيع. وابو سعود اخلاقه طيبه واستقبال ممتاز ومصداقيه. ولو لا شغله الممتاز ما جيته مره ثانيه وانصح بقوة بالتعامل مع هذا المحل لتجربتي الممتازه معهم و بيض الله وجهك يبو سعود.
السلام عليكم ورحمة الله وبركاته احب اشكر ابو سعود مالك الورشة على الشغل الطيب والله العظيم ماكنت متوقع تتعدل الصدمه بالشكل الطيب هذا شغل يبيض الوجه واستقبال جميل من ابو سعود واسعار طيبه الله يبارك لك ويبيض وجهك
استقبال رائع ،،، خبرة في تشخيص الوضع و التوصية بالحلول المؤقته و الدائمة للمشكلة ،،، المالك للورشة سعودي (أبو سعود) الرجل متمكن جداً ما شاء الله من عمله و يقوم بالعمل بيده بالإضافه للإشراف و توجيه العماله ،،، عندهم أجهزه متطورة و حديثة لمعالجة اصعب الحالات ،،، جودة و امانه و اخلاص. أبو سعود محب لعمله و محب للخير
صراحة ابداع في التعديل وتعامل صاحب الورشة ابو سعود مع العملاء شيء لا يوصف صراحة والله يرزقه وانصح بالتعامل معه وابحط لكم الصور قبل وبعد وتراه تعديل مو شفط ولا رش
تعرضت سيارتي لحادث سبب ضربه في الرفرف وطعج وقطع في الربل للصدام الامامي كلمت صاحب الورشه ابو سعود وارسلت له صور السياره ورد علي انه راح يتم تعديل الرفرف بدون سمكره وبويه على البارد بنسبه 90٪ للأمانه شغل ذمه وعلى الشرط وكلام ابو سعود مقنع ونصوح وطلع شغلهم فوق ماكنت متوقع
باختصار من يبحث عن جودة العمل لا يتعب نفسه يروح عندهم ويتوكل على الله. شغلهم ما شاء الله تبارك إبداع اسم المحل اسم على مسمى وصاحب الورشة الأخ أبو سعود يتعامل مع التفاصيل بسيارتك بنفسه وكانها سيارته.
شغل نظيف و احترافي و دقيق و سريع. كان عندي دقشة في زاوية الرفرف الأيمن الأمامي مع شمعة مهشمة. تم تعديل الرفرف على البارد و تركيب شمعة جديدة ب ٧٥٠ ريال خلال ساعتين و نص تقريبا (الشمعه من عندي). التعديل كان تقريبا ٩٠-٩٥٪ و هذا الشي من النادر تحصله في الورش. الشغل تحت إشراف إدارة سعودية (أبوسعود) رجل حريص على خدمة العميل و حريص جدا على سمعة الجودة المقدمة. ينصح بالتعامل معه
للأمانه لم اجرب عملهم و لكن التعامل من البداية سيئ و غير مبشر تم الاتصال و طلب التواصل عن طريق الواتس اب و تم السحب و التطنيش فاللي هذا أوله ينعاف تاليه (رأي شخصي)
بسم الله الرحمن الرحيم. اللهم صلَّ على محمد. بالنسبة للورشة " عرفتها عن طريق اشخاص معدلين سياراتهم فيها " خصوصاً ان سيارتي جديده وكانت تحتاج تغيير صدام ورفرف بس رحت لأبو سعود ونصحني بالتعديل وشفت عنده سيارات معدل فيها بدون تغيير واقتنعت اصلح سيارتي عنده) انصح وبشدّه للي بيصلح سيارته يروح لأبو سعود (رجل نصوح ومحب للشغله وهو اللي يشرف على العمال بنفسه). والله يجزاه خير ويرزقه على قد نيته
ماشاء الله تبارك الله جودة في العمل رقي في التعامل طيب في الأخلاق أحرجتنا بطيبك يا أبو سعود بيض الله وجهك ورحم الله والديك عن النار مشكور وماقصرت (رفض يأخذ ريال واحد) يقول حق ضيافتك الله يكثر خيرك ويرزقك وين وماوديت وجهك
السلام عليكم للأمانة تجربتي كانت رائعة مع هذه الورشة وانصح جميع من يريد تعديل سيارته بزيارة هذه الورشة والتواصل يكون مع مشرفها أبو سعود وضوح في المواعيد و السعر من قبل لا اجي للورشة وكنت اتواصل مع ابو سعود عن طريق الواتس لتشخيص حالة السيارة و تحديد السعر و تحديد الموعد لاستقبال السيارة و الانتهاء منها.
عدلت عنده باب الشنطة بدون صبغ و الكبوت و ايضا رش لي الصدمات و كانت مطابقة اللون اكثر من رائعة و خلال زيارتي للورشة للوقوف على العمال دائما ما اجد مشرفها ابو سعود متواجد حول العمال.
أقيم
التعديل و الشفط ١٠/١٠ الصبغ و الرش ٩. ٤/١٠ السعر مقبول نوعاً ما مقارنة بالجودة.