Dr. Ibrahim younis is very good at extraction of the wisdom tooth MashaAllah. No pain, very fast and gentle. Thank you doctor ماشاءالله تبارك الله دكتور ابراهيم ممتاز في الخلع ما حسيت بالم الحمدلله
العيادة هذه لو فيه اكثر من خمس نجوم عطيتهم فريق العمل كامل من استقبال لمنسقات لاطباء وممرضات واخيراً لفنيين المعمل كلهم قمة بالاحترافية والاخلاص بالعمل
مراجعاتي استمرت ٦ شهور بديت مع دكتور عبدالله العبدالجبار، حدد لي خطة علاجية (تجميلية) كاملة واستمر يتابع معي بعد كل مرحلة
بالبداية حولني على دكتور نواف لعلاج اللثة وكان شغله تجميلي وسريع جدًا و ما احتجت غير مراجعتين.
بعدها حولني عند الماجد للتقويم وتفهم عدم رغبتي بالتقويم الحديد واقترح تقويم متحرك لمدة شهر وخلاص
واخيراً رجعت للدكتور عبدالله ومعه دكتور طارق لتغيير تلبيسات امامية وكان الموضوع صعب ومعقد لكن قدروا يخلصونها ويطابقون لي اللون والشكل الطبيعي ١٠٠٪.
الله يعطيهم العافية وتجاربي مع كل الاطباء الاربعة كانت رائعة وانصح فيهم اي احد متردد و اسعارهم مناسبة لنتائج شغلهم
العياده ممتازين وتجربتنا مع الدكتور رمزي ترسن عمليه خلع سن العقل افضل دكتور على الاطلاق ماشاءالله متمكن وتعامل ممتاز انصح اي احد حاب يشيل ضرس العقل لايتعداه لوفي ١٠ نجوم كان قيمته ١٠
تجربتي مع دكتور براء اسلوب غير مهني في تقبل رايي كمريضة تلبيسة سن امامي اللون والشكل سيء الفني عند اخذ اللون اخذه بسرعه والنتيجة سيئة مقابل المبلغ. تم ارجاع المبلغ لكن ضيع وقتي وتعامله مزعج مفروض من أول موعد قال لي انه مايقدر يعمل المطلوب!
سويت حشوات عند دكتور طه سيئة للغايه وراح اعيدها كلها في عيادة ثانيه مره ثانيه بسبب الالم لعمق الحفر اللي سواه وعدم اتزانها للأمانه الدكتور خلوق جدا في الاستقبال والوداع والكلمه الطيبه وماسويت هذا التعليق عشان اضره لكن عشان انفع اللي بيخسر فلوس واسنان لايغلط. اما هو بيرزقه الله يمديه يكتفي بتنظيف الاسنان. اما شغله في الحشوات سيء سيء وشكرا
عملت عندهم تنظيف مستوى النظافه عندهم جدا متدني النظاره وحده مايغيرونها من مريض لمريض على مدار اليوم"سألت اخصائي التنظيف و احد اي انهم مايغيرونها" يغطس الفرشة في جل التنظيف بعد مايحطها داخل فمك قمة القذاره و فرص نقل عدوى عاليه
تجربتي مع الدكتور مصطفى شيل اعصاب ممتاز جداً ولا حسيت بأي الم الله يسعده سعادة الدارين ويبارك له. وجربت الدكتور حسام تنظيف سوس وحشوه الله يعطيه الف عافيه يد خفيفه وشغل متقن ويشرح لك الحاله بتفصيل الممل الله يبارك له ويوفقه الاسعار غاليه بس على شغل يستاهل.
مركز جميل ونظيف. بس اسعاره مبالغ فيها جداً جداً. سويت عندهم حشوات وخلص تأميني ٤٠٠٠ريال وفوقها دفعوني ٤٤٠ريال يوم سألتهم قالت تكلفة حشوة الضرس الواحد ٦٠٠ريال ليه مابلغتوني قبل اشتغل ان التأمين ماراح يكفي ؟!
تجربه لن تتكرر. فيه مراكز افضل من هالمركز واسعاره افضل من كذا.
الان بعد مرور عدة اشهر اقول حسبنا الله ونعم الوكيل ،، اضراسي الان تللللج فيها الم غير طبيعي ،، مااقدر اكل سكريات ،، بالرغم ان الدكتور طه اعاد على شغل الدكتور فيصل بس والله اعلم ان المواد سييييئه ،، اول مره يصير معي كذا حشوات بسيطه زادوا الالم عندي
تجربتي مع د. ابراهيم يونس، يده خفيفة جدًا ومريح وممتاز ماشاءالله، جيتهم أكثر من ٥ مرات كلها دخلوني بسرعة بدون أي تأخير. جدًا جدًا رائعين، مشكلتهم إنهم غالين مرة.
سويت عمليه لضرس العقل عند دكتور ياسر العلي خلال ساعه شال لي ٤ انصح فيه وبقوه يده خفيفه ويشرح لك مابعد العمليه خطوه بخطوه لي استكمال العلاج غير ان الواتس اب حقه شغال لي اي استفسار شكرا من القلب دكتور ياسر.
مركز جميل ونظيف. بس اسعاره مبالغ فيها جداً جداً. سويت عندهم حشوات وخلص تأميني ٤٠٠٠ريال وفوقها دفعوني ٤٤٠ريال يوم سألتهم قالت تكلفة حشوة الضرس الواحد ٦٠٠ريال ليه مابلغتوني قبل اشتغل ان التأمين ماراح يكفي ؟!
تجربه لن تتكرر. فيه مراكز افضل من هالمركز واسعاره افضل من كذا.
كانت تجربه حلوه من زيارتي لمركز اورانس وان شاء الله مراح تكون اخر زياره وانا جدا مبسوطه بتعامل موظفه الاستقبال الاخت فدوى والتعامل مع دكتورها الدكتور عبدالرحمن البرغش وشاكره جدا لحسن التعامل
اجريت قص اللثة عند الدكتور عبدالله الزامل ،رااائع جدا ما حسيت بأي الم نهائيا ، المركز من افضل المراكز للاسنان. و أسلوب كافة الكوادر العاملة في المركز احترافي و راقي جداً.
د. خالد حسين (عصب) الغني عن التعريف دكتور قمة في الأخلاق والتعامل ما مر علي بحياتي انسان مثله وفوق هذا متقن لعمله وشهادتي فيه مجروحه الله يوفقه دنيا واخره د. ندى الضحيان (حشوات وتركيبات) دكتورة جميلة خَلْقاً وخُلُقاً بغاية اللطافة والأمانة والإحسان في العمل
الصراحه مركز ممتاز خصوصا الدكتور طه امين وصادق ويده خفيفه وانا ازوره دايما منذ اكثر خمس سنوات كذلك الدكتور محمد السلطان ممتاز للتقويم وناصح وشغله احترافي وصادق
اغلب اللي يقيمون بنجمة واحدة هو بسبب الاسعار وانا لا ارى ان هذي طريقة صحيحة للتقييم، بالامس اجريت ازالة لضرس العقل عند الدكتور الاستشاري/ حسن عابدين، شخص فاهم ومتعلم وحتى ابرة البنج بالكاد حسيت فيها، بغض النظر عن السعر، بس ان خفة يده وشغله النظيف، يسوى أن الواحد يدفع مبلغ عشانه.
الاستشاري / حسن عابدين (جراحه) جزاك الله خير على: تفهمك اسلوبك اخلاقك تعاملك مع المريض والله ما مر علي دكتور مثلك في خفت يدك وكل ما سبق -كلمة حق أسال عنها امام الله-
اليوم اول مره اجيهم وزرت عيادات كثير غاليه ومعروفة ولاعمري شفت هالإحترام والإهتمام بالعميل من استقبال للمرضات للدكتورة يعطيهم العافية جميعاً لأول مره أطلع من مكان وانا راضية عن التجربة
من أجمل المراكز نظافه وحسن استقبال. واحترام للمواعيد. انا سبق وجربت خلع عند الدكتور حسن عابدين يده خفيفه وتعامله ممتاز. &والدكتوره (ندى الضحيان) قمه بالادب والذوق وحريصه على المريض وصحته بشكل كبير. و متعاونه من ناحية المواعيد. ومبدعه بالحشوات والتنظيف. و التلبسات والاوتاد. ويدها تبارك الرحمن ملفوفه بحرير. انا عرفتها بالصدفه. حجزت موعد بنفس اليوم ودخلت عندها. واستمريت معاها إلى الآن. الله يسعدها يارب. ️️. مستحيل اغيرها.
&أيضآ الدكتوره ساره حقت الأطفال انسانه عسل عرفت كيف تتعامل مع بنتي الصغيره. وشغلها مره حلوو ونظيف. الله يرزقها اضعاف سعادة بنتي?
&أيضا الدكتور حق الأعصاب عمر السماحي مره ممتاز ويده خفيفه. & والدكتور خالد مررره شاطر. كان عندي شغله صعبه ومعقده بالأسنان والحمدلله تمت السيطره.
& والدكتور إبراهيم المطلق دكتور أطفال ماشاء الله عليه مبدع بكل شي مع الأطفال. ويعرف كيف يتعامل معهم.
وكذلك الموظفات المسؤلات عن التأمين مررره حبوبات. وموظفات الاستقبال متعاونات. وشكر خاص لمنسقة مواعيد الدكتوره ندى.
##ملاحظتي الوحيده فقط الأسعار خصوصآ التلبيسات أسعارها مرره مرتفعه. واتمنى تكون عندهم عروض او خصومات أكثر. ##
من افضل عيادات الانسان صراحه اتعامل مهم من زمااان كل الدكاتره كويسين ومن ضمنهم علي الرويلي، عبدالله العبدالجبار وطبعا ما انسى افضل شخص بالعياده وهي منسقه الدكتور عبدالله العبدالجبار اريج العتيبي، اي شخص يدور على عياده اسنان كويسه يروح لهم وهو مغمض
بقولكم قصتي. كنت اخاف ازور طبيب الاسنان وتشجعت اجي بعد ماسمعت عن المركز وتعامل الاطباء وشغلهم سويت ٨ حشوات اسنان عند د. فيصل السهلي والحمدلله كان شغل مرتب وجميل والدكتور جدا محترم وامين وصريح ويده خفيف وكان الدكتور اول شخص شافني واعجبني ياخذ وقت ويشرحلك تفاصيل العلاج كامله
خلعت سن العقل عند الدكتور حسن عابدين بدون الم و خلصه في ٥ دقايق وماحسيت بشي ابدا الله يسعده و لطييف جدا و يعاملك كانك من عياله
سويت علاج عصب عند الدكتور خالد حسين جدا ممتاز وشغله سريع وماتحسين بالالم حق العصب اللي يتكلمون عنه والدكتور تعامله جدا راقي
الدكتور نواف الحمودي Nawaf Al-Hamoudi تنظيفه سيء! رحت له لانه كان عندي مشكلة في منطقتين في اللثة فقط قال لي بس فرش و تروح المشكلة لحالها و مع كذا نظف المنطقتين و سبب لي مشكلة في اللثة و حساسية إلى الآن مع انه ما كان عندي حساسية في اللثة قبل.
تجربتي من مجموعه من الاطباء واكرر معهم التجربة? عملت عصب مع د. مصطفي مريح تعامله وشغله ممتاز الله يبارك له عملت تبيض مع د. زينب رائعه ومتمكنه وتعمله على مراحل ومتعاونه جدا الله يوفقها وكذلك حشوه تجميليه مع د. سلطان الشمراني شغله دقيق ولا كان فيه حشوه ماشاءالله عليه الله يرزقه مستقبل باهر يليق به عملت زراعه مع د. حسن العابدين لطيف جدا ومتمكن يابنتي يابنتي ولا كانه زراعه الله يبارك له ويزيده من فضله وكذلك مع د. طارق عبدالجبار عاد هنا وش اقول وش اخلي الله يسعده ويبارك له اخلاق مهنية عالية دقه في المواعيد اكثر من١٢ جلسه ولا يتاخر علي دقيقه وحده احترام للعميل مخلص صادق واضح لطيف ورقيق جدا في شغله وعنده استعداد يعدل ويعمل بحب وتفاني الله يبارك له ويرزقه السلامة والسعادة والعافية وبخصوص الاسعار نفس اسعار المراكز الممثله بالمستوى.
مدير طبي فاشل اداريا ولا يعرف ابجديات التواصل مع المرضى ولا حل المشاكل وتأخر الدخول على الطبيب وتقديم ادعاءات كاذبة بأنه تنظيف المكان ثم المريض فيه نزيف ومايحتاج الأمر لذلك قل الحقيقة وكفى. مركز لا يمت للمهنية بصلة للاسف بكهذا تعامل. نجمة للكادر الطبي فقط. ويجب مراجعة موضوع تعامل الاداريين تجاه المرضى وعلى رأسهم مدير المركز. التبرير الكاذب لا يخلق انجاز فالمرضى على وعي وحقوقهم سجب أن تكون أول من يحافظ عليها وليس التبرير ثم الهروب بعد فشل التبريرات وانت المسؤول عنها!
كشفية ٤٠٠ واشعة الف وعليها وش باقي بعد ويقولك تركيب السن الواحد ١١ الف ينطبق عليهم البيت الي يقول ، والنفوس اليا بغيت تعرفها ارم الفلوس ، وين وزارة التجاره عنهم
المركز كويس من ناحيه كفائة الأطباء انا عملت زراعه عند الدكتور حسن عابدين الطبيب ممتاز جداً وأنصح فيه كل من يحتاج يعمل زراعه. بس الأسعار مباااااالغ فيها جدا يبداء سعر الزراعه للسن الواحد من ١٢٠٠٠ ريال. المكان مناسب للي عندهم تأمين عالي
سيء جدا جدا انتهو ا من دكتور اسمه مالك كان عندي ضرس مسوس شيء بسيط ازال العصب قال يحتاج تلبسه مسح السن مسح بثي شيء بسيط منه لا يتحمل التلبيس رحت لاكثر من عياده لمعالجة سوء عمله قالو السن ممسوح مسح لازم قص من اللثه حتى ينتظر لنا السن ونركب عليه التلبيس مجرم والله اني شكيت فيه يوم قال لي خلع ضرسين التركيب جديد لك وهي نظيفه وسخ مجرم انتبهو منه
زرت المركز عده مرات وسويت زراعه عند الدكتور طارق تسلم يده والله انه من افضل الدكاتره الي عرفتهم اخلاق عاليه وحسن معامله الله يوفقه ويعطيه الصحه والعافيه ملاحظة بالنسبه للمواعيد عندهم ملتزمين ماتقعد في النتظار ولا دقيقتين يعني عطوك موعد الساعه عشره إذا حظرت الساعه عشره تدخل عشره ودقيقتين وفي عندهم الدكتور حسن عابدين ممتاز يده خفيفه ماشاءالله عليه الله يوفقهم المركز رائع جدًا
المواعيد سيئة حجزت قبل الموعد بثلاث اسابيع وقبل الموعد بيوم قالوا لي الدكتور مايقدر يجي واجلته وبنفس يوم الموعد قلت لهم بتاخر وجيت وقالوا لي ماراح ندخلك طيب كان قلتوا لي قبل اجي المشكلة اني انتظرت بالانتظار ودفعت بعدين قالوا مانقدر ندخلك
تجربتي سيئه جدا سويت زراعه مع الدكتور حسن عابدين الدكتور تعامله سيئ و صوته مرتفع جيت على موعدي مرتين ولا ادخل بسبب التركيبه مو جاهزه طيب ماتعرفون تدقون علي! من غير كنسلت المواعيد العياده بختصار ماديه كلمت المسؤل الإداري اتوقع اسمه حسين نفس الشي اسلوبه صفررر
اسعار مبالغ فيها جدا جدا ،، تجربتي معهم زراعة وعصب وتلبيسات افضل دكتور عندهم طارق العبد الجبار للزراعة وحسن العابدين غير كذا ما انصح فيهم ابدا خالد جيد في ازالة العصب لكن لا تستشيره في اي الم اخر. كنت اتابع معهم والله دفعت مبالغ مهولة وبالاخير اكتشفت ان التلبيسة الي يحطونها من النوع العادي الي ماتستاهل مبلغ ٣٥٠٠ ريال. واحيانا اجيهم بداية التسوس وينظفون لغاية مايوصلونه للعصب بعدين يحولوني اشيل عصب والبس السن كنت كل مرة اروح لهم لاني اثق فيهم ومواعيدهم سهلة حسافة والله من ٢٠٠٨ وانا عميلة معهم لغاية ٢٠١٨ والان ابحث عن عيادة امينة واسعار معقولة
الأسعار مبالغ فيها جدا جدا جدا تلبيس سن للوالده كلف ٣٤٢٠ الاف بعد خصم ١٠%. نزع عصب جذور وحشوه ١٥٠٠ ريال. غالي جدا جدا جدا. انصح بالبحث عن البديل الفرق يصل نصف السعر وبنفس الجوده. د عبدالعزيز الهلال. ممتاز لكن غالي
تجربتي مع الدكتور صلاح علاج عصب ماشاءالله تبارك الله يده خفيفه جداً والحمدلله توفقت فيه لكن عندي ملاحظتين المركز مادي جداً وغاليي جدا جدا للاسف يبي لي ميزانيه خاصه لو فكرت ارجع لهم شي ثاني الا يطلعون فيك ١٠٠ علة حتى تجي تشتغل عندهم ، دكتور بنفس المركز اخذت استشاره عنده جلس يسب ويذم شغل دكتور سابق بعياده ثانيه اكثر من كذا تسويق مافي
تابعت مواعيدي في المركز مع د. نايف العقل ، من البداية كان جداً متعاون و باله وسيع و شغله مرررره دقيق و مرتب و دايم اكون راضيه و مرتاحه من النتايج اللي اشوفها في اسناني بعد كل موعد لي في العيادة. الله يبارك له في شغله
زرت العيادة لعمل ڤينيرز وكان الدكتور عبدالعزيز الهلال جداً امين وقالي فعلاً ايش أحتاج، دكتور عبدالعزيز استشاري ومعاه بورد امريكي بالتركيبات وهالشي جداً مهم كون الدكتور فاهم ومتخصص. لي رجعه قريباً بالتأكيد.