The Hair

Very nice Salon, clean and service very good. Had my eyebrows threaded & color… great job

بصراحه اول مره اعلق ، لكن ماعاد اروحلهم الكوفيره الاولى قلتله ابي قصه curtin bangs من قدام غره و مدرج تعملي بشينة نفسه كني ميته بتسويلي و قلتلها ابي قص. تقول ما ينفع! و طول عمري اقص كذا ولا طلبت رايها للاسف مو بروفيشونال ولا تتبتسم ولا شي وترتني مرره ، قلتلها ابي من الهلف مدرج تقولي ما ينفع! طيب انا جايه ابي يتعملي اللي ابي ودافعه حقه! طول عمري اروح صالونات ما عمري تعاملوا بذالاسلوب للاسف انها عزت علي نفسي معامله فعلاً فيها شوفة حال و كني شاحته الموعد شحاته و الابتسامات من الموضفات مو كلهم بس الكوفيرات بعضهم للاسف باليا الله تطلع ، اول مره و اخر مره بإذن الله واي احد حولي بقوله اللي يبي يذل نفسه يروح اللي يبي يعزها لا يروح ، للاسف

صراحه اول مره اجرب مكان بالرياض وفعلا ماشاءالله المكان حلو الاهتمام النظافه الذوق والاخلاق

وباذن الله مو اخر مره-ماشاءالله ايمان كانت صبوره وذوق واللون الحمدلله طلع حلو ربي يسعدها

والله من الاستقبال صراحه الي العاملات شي يفتح النفس ماشاءالله

شكراً لكم ذا هير كطاقم بالكامل من الاستقبال وحسن التعامل منكم. و الاخصائيه هاجر وايضاً الموظفه غاده
حسن تعامل ورقي تجربه اولى لي معكم بإذن الله راح تتكر

اسوا صالون ممكن تتورط فيه
الخدمه سيئه
التعامل سيئه
انتبهوا تدفعوا بكجات فيه مشكله الاسعار مبالغ فيها واذا تورطت ببكج مضطر تكمل لانهم مايرجعون الفلوس
مكان جدا سيء لا انصح فيه

تعامل طاقم جميل وبشوشين
المكان صغيره وزحمه لكن تعاملهم ماشاء الله راقي
سويت شعري مع منال علمتني وشو ممكن يطلع لون قبل تبدء شغل وطلع احلى مماكنت متوقعه

الصالون زحمه واخلاق العاملات من طرف خشم يالله يحكون طلبت ماسك مع ايمان عملتلي معالجالاستشوار زين مااتوقع راح ارجع

تجربة "تفشل"
طلعت من المشغل والجبهة كلها صبغة ولم يسبق لي ان واجهت مثل هذي المصخرة في مشغل آخر، وبالنسبة للسعر كان مبالغ فيه + الي تصبغ الشعر مستعجلة ونفسيتها سيئة

خدمة رائعة بالذات تركيب الرموش ثالث مره اركب عند مرضية يدها تنلف بحرير و سريعة وبالها طوييل ماشاءالله تبارك الله مستحيل اغيرها لكن عندي تعليق على المكان بالذات الباب اللي عندها جداً خطير ممكن ينكسر بأي لحظة و صوته مخيف مررره!

عملت شعري عندي صالحة. ما شاء الله عليها وريتها فيديو المطلوب و ما قصرت. تشتغل بهدوء جداً و قمة الرواق.
اكيد ما ح تكون اخر زيارة لها

صبغت هايلايت عند هاجر يجنن لون صيفي ️️
وسائدة رائعه تعاملها رائع كان عندي مشكله بشعري بعد الصبغه وصلحتها لي على طول

ضيافتهم جدًا حلوه ومحترمه وخصيصاً موضفة الاستقبال وعد خلوقه لابعد درجه اضافه جميله للعمل ونتمنى لكم الافضل على اللي تقدمونه والاعتناء للي يجونكم ️

صالوني المفضل احبهم وصارو خياري الاول دائماً، رموش عند مرضية شيء خيييييال ركبت عندها اكثر من مره جوده شغل ونتيجة وبالها طويل، منال يامنال جربت عندها الاستشوار و الويفي عندها شيء خيالي والصبغه ١٠٠/١٠٠?

خمس نجمات عشان البنت اللي بالاستقبال اسمها وعد صراااحه اهنيها على اخلاقها الحلوه خلتني احب المكان اكثر

اول زياره لي بالصالون. الصالون صغير وهادي و موظفات الاستقبال بشوشات. عملت شعري عند صالحه. مره حبيت شغلها. عملت سكرب للفروه وتريتمنت inova وقص. وحبيت النتيجه. والتريتمنت فعلا يرطب الشعر. ومو اخر زياره لي ️

الخدمه رائعه والعامله صوفيا او صفيه ماعرف اسمها بضبط كانت خورافيه وتعاملها ذوق ، للاسف ان الاستقبال بنات سعوديات وقحات! انا قبل مابدا الخدمه اتفقت على السعر مع واحده سوريه الي كانت مسؤوله وكانت تقولي بكسبك زابونه! ولمن خلصت وجيت بحاسب تنافخ علي السعوديه لان فرق ٦٠ ريال تبيني ادفعها منب عجزانه عنها بس اسلوب المنافخ مضيعه وينا فيه! وتطول صوتها علي قلة ادب فيه اسلوب تتكلم فيه مع الزباين واقولها وش فيك تصرخين ترد انه عشان طال عمرها هي متاكده ان الخصم بس ١٠٪؜! مع انهم قالو لي بنخصمك الي تبين وحتى لمن قلت الاستشوار من ضمن السيرفس والبخور بعده قالت لا وتنافخ! مافهم يعني لازم اصير لمى سعد ولا احد مشهور عشان تتادبون معه؟ للاسف اني ماراح ارجع بسبب قلة الاحترام والذوق وهذا رأيي بكل امانه

تقييم ٥ نجوم وتجربه تتكرر لعيون نادية، المكان والشخص الأمثل لما الإنسان بيدلع نفسه، شغلها على استشوار وفير الشعر فنان، لباقه بالاسلوب والخدمة، شكراً

من البدايه الخدمه كانت ع الموعد بدون تاخير
الاستقبال جميل و يفتح النفس و الطاقه الايجابية مليانه بالمكان
الخدمه نفسه محترفه جدا و سريعه مثل ما كنت ابي و احلى و السعر معقول جدا
شكرااا لكم
المره الجايه يصير تحطون ميوزك حلو زيكم؟

سوتلي شعري ايمان وكان حلو مره وطلعت مبسوطه
لكن بعد ماغسلت شعري لاحظت فيه ريحه قويه مره مب راضيه تطلع من شعري كانه محترق او الفير مو نظيف
ماعتقد راح ارجع له مره ثانيه بسبب هالمشكله حسيت شعري معدوم

رائع قصيت شعري واستشورت ويفي عند هاجر فنانة وموظفة الاستقبال بشوشة ولبقة ولطيفة جدا صح الأسعار موتفعة لكن الخدمة ممتازة والمكان مرتب

للاسف كان عاجبني المكان من زمان و حاطته باللسته عندي بسوي شعري و رحت بعد اعلان by noura قلت فرصه حطت عرض خصم ١٥٪؜ لمدة اسبوع من بعد العيد (عيدالاضحى) ولما رحت لهم اليوم قالو وقفنا العرض لكثره الزباين! انصدمت من الرد طيب ليه ما اعلنتو عند نوره ؟ قلتو وقفنا العرض ؟ ليه ما اعلنتو بحسابكم بالانستقرام ؟ مع اني مكلمتهم بالواتساب وقلت لهم بجي الجمعه او السبت و ما قالو لي يمكن نوقف العرض لزيادة الطلب!

بالنسبه لي صراحه عذر اقبح من ذنب هذا يعتبر استغلال للزباين و لعب على عقول الناس عشان اجي و اتعنى و اقول ايه كثرة الطلب واسوي بالسعر الاساسي ؟ طيب وش اللي يثبت انكم موب تستغلون العروض عشان يجيكم زباين و كل مره بتقولون لي وقفنا العرض لكثرة الزباين؟ اصلاً وش اللي يضمن لي انكم وقفتو العرض عشان كثرة الزباين يمكن انتم موب قد كلامكم و لا قد اعلاناتكم عند المشاهير او ان المشاهير يستغلونا يكذبون علينا اسئله كثيره صراحه و لا اعرف وش الجواب الصحيح لكن بالنسبه لي تجربه سيئه ان احد يستغلني و يعنيني للمكان و يطلع اعلان وهمي

حبيت المكان و اللي يشتغلون فيه اخلاقهم عاليه وتعاملهم رهيب
سويت خدمتين النتيجه مرضيه
من ناحية الأسعار غاليه

المشغل روووعة اول مرة اجربه وكان اختيار موفق.
والعميلات متميزات وذووق واللي تبغى تدلع عمرها تجي هذا الصالون
صبغت شعري عند هاجر، روحها حلوة ومتفهمة وتسوي اللي تبيه العميلة بالضبط وتنصحك إذا كان عندك اي تساؤلات.
طلعت من عندهم وانا مبسووطة مرة بالنتيجة.

جربت القص مع ايمان ماشاء الله جميل جدا ومرتب مثل ما ابي
والمكان ككل جميل ورايق وموظفة الاستقبال عسل وخلوقه جدا

10/10 المكان والفايبز
‎9/10 الصبغة والشغل بس بشكل عام ابدا ماندمت على المشوار لهم جلست خمس ساعات بس النتيجة تستاهل حرفيا مبسوطه بشعري بدعت ايمان صبغه واستشوار ️

I did curtain bangs with Eman, the result was amazing! Overall the salon is great and the receptionist Hasna’a was so polite and sweet!

مكان رااائع ومتخصصين بالشعر وصراحه جربتهم مره وصار زياره اسبوعيه للعنايه بالشعر عندهم

جربت عندهم كثير خدمات مثل
١- الصبغه مع ايمان كانت ممتازه و ما اتعبت شعري ابدا
٢-مساج الراس مع صالحه و صوفيا رهيبين جدا
٣-تريتمنت الي عندهم ممتازه بس الافضل تاخذونها بكج عشان تشوفون النتيجه انا شعري ناعم فكنت محتاجه عنايه و الاخصائيه برضو اشوف شعرك و تنصحك بالتريتمنت المناسب لك (الي جربته ذا هير و خلطه ذا هير الخاصه و ترندي) وتسويهم مع صالحه و صوفيا
٤-الرموش خورااااافي كأنها طبيعيه و خفيفه ما احس اني ركبت و سريعه و شغل نضيف
٥-بدكير و منكير جميل شغلهم ومساج يجنن

بشكل عام مكان رائع موظفات بلا استثناء بشوشين و مرحبين ونفوسهم زي العسل أروع الاوقات الي فيها موعد عندهم دلع وجوده ️

خدمه اكثر من رائعه دلع وضيافه والاسعار منطقيه مقارنه بالصالوالين الثانيه صبغت شعري مع هاجر تبارك الرحمن حبيت الصبغه والتريتمنت والاستشوار طلعت مبسوطه وراضيه ان شاءالله انها مو اخر زياره لي

خدمه اكثر من رائعه احببت المكان مررا شغلهم يجنن سويت عندهم ٥ خدمات مشالله تبارك الرحمن عجبني و تعاملهم يجنن حبيتهم والله صار my favourite salon?

الله يعطيهم العافيه جميعاً ماشاء الله تبارك الله أول مره أدخل صالون كذا التعامل مريح. شكراً لهاجر ودارين على إهتمامهم وعنايتهم بشعري

أنا من أوائل الزباين لهم? الخدمات والموظفات يهبلووون واحترافيات جداً?
جربت عندهم تريتمنت تريندي (أخذت بكج من 5 جلسات) خرافي مع الاستمرار
جربت قص الغرة وقص أطراف واستشوار ويفي وكلها رائعة
سلموا لهم شعركم وانتم مرتاحين

Sofia was amazing! I love the way my hair looks. She was thorough when she was coloring my hair. She was so gentle when using the blow dryer. The staff in general were nice, professional, and the place was amazing! I love it

العاملات لطيفات لكن غرفه تركيب الرموش غير مريحه الناس طالعه داخله عليك وبتصيرين فرجة للعالم وانتي ما تشوفينهم وتركيب الرموش اقل من عادي ولا يستاهل القيمه وما عندهم خبره ثانيا عملت تسريحه شعر مع تحدى العاملات الشغل سيء جداجدا ولن اكرر تجربتي معاهم

المكان راقي جدا و تعاملهم جميل ولطيف فيه من افضل ما يكون
بخصوص الخدمة كنت مع صالحة لمدة ٥ جلسات تريندي
شغل صالحه في الويفي من افضل المرات اللي سويت فيها
اقيمه ١٠٠٪؜ و اقيم الويفي حق صالحه ١٠٠٪؜

Literally the best salon in the whole world!
Was my first visit and definitely won’t be the last! Thank you The Hair Team ️️️.

اولاً الصالون يقفل ١٠ ، لكن قعدوا لمن ١٢: ٣٤ عشانا! و بنفسيات حلوه و عسل!

حب حب حب لصالون كلهم من صوفيا لحسناء و ناديه و هاجر تيم اكثر من رائع و نفسياتهم تجنن تطلعين بنفسيه جديده و حلوه! اختصار (لان تحت تفاصيل)

صوفيا / صبغه: سوت اختي صبغه معها و حرفياً تجننننن و لطيفه ، اول شيء سوت تست و علمتنا ايش ينفع و ما ينفع. و تجنن صبغت خصل و طلعت حلوه مره ماشاءالله تسلم يدها ، وصدق ما قد شفت احد يعامل الشعر بهذا اللطف? ️.

ناديه: ساعدت صوفيا بالصبغه و سوت استشوار و ويفي لاختي (شعرها كيرلي) و حرفياً طلع واو و يجنن و نفسيتها حلوه و كنا متحسمين و كانت مره متحسمه معنا و معطيتنا على جونا و لطيفه لطيفه? ️️

حسناء: استقبلتنا برووح تجنن و يا حلوها حتى بالنهايه سوت لنا زنجبيل بنفسها عشان برد غير الضيافه الاساسيه من قهوه و غيره لا هذي من يدها بنفسها سوت? ! امانه تجنن! و ساعدت بشعر اختي معنو مو من مهامها الشعر اصلا بس عسل الله يسعدها يارب ️️

اخيراً هاجر: هاجر قصت لي شعري انا رحت صالون معروف بدبي و قصوا لي غره و مره ما طلع حلو مع الاستشوار ما كان مبين بس اخذت شور طلع جداً شين و رحت لهاجر و كانت مره صريحه انه يحتاج اقصره شوي و كنت مره متردده بس سلمتها نفسي و عدلت لي و قصرت شعري و صراحه النتيجه ؟؟ صدمه صدمه مره تجنن تسلم يدها ، جيت بسوي رنساج و كنت متردده برضو بس هاجر العسل اقنعتني و بعد ما قصت لي شعري عطتني سعر اقل للرنساج فتشجعت و سويت? ️! و ما ندمت طلع يجننن يجنن ️.

مره متحمسه ارجع لهم عشان نسوي انا و اختي جلسات تريتمنت معهم لان فعلاً تطلعين حلوه مو بس بشكلك لا حتى نفسيتك ️️.

ما أقول الإ الله يسعدهم سعادة الدارين ويحرم يدينهم عن النار على هالقص الي فوق فوق الخيييييييااااااال والله شيء جمممممميل كل شيء مممتاز شكرا شكرا شكرا والله اكتب التعليق وانا مبسوطة الف الحمدلله

التعامل و الاستقبال رائع لكن للأسف احرقوا شعري. أخذت موعد صبغة مع إيمان أول شيء قلت لها ما أبي سحب لون شعري ما يتحمل أبي اصبع شعري تفتحينه درجة أو درجتين بس بدون سحب لون إذا ما تقدرين يفتح اللون عادي أهم شيء لا تسحبين وترا شعري يمسك اللون على طول ما يحتاج سحب. و مع هذا كله سحبت لون واعدمت شعري و صار برتقالي! طبعاً انصدمت من اللون البرتقالي وقالت اغمقه لك اللحين قلت لها اخاف ما يتحمل ويخرب اكثر قالت لا عادي بس شامبو ٧ دقايق و غمقت لي اللون و انعدم شعري اكثر. اللون صار مقبول بس مو اللي ابيه! يعني شعري انعدم و اللون يضيق الصدر! هذا شعري كيف كذا تسوي اللي ببالها من غير ما تسمع لي ما يحق لها!

مايستاااهل لو فيه اقل من نجمه عطيتهم. جدا غالي وشغل بدائي مرررره وحتى على التجربه تدفعين مبلغ خير وحتى تقول ماراح اسوي سحب لون وتسوي سحب بدون علمي لايمكن اجي عندهم مرره ثانيه

جميل جدا من تعامل الاستقبال قصيت شعري عند هاجر جدا جميله ولطيفه وبروفشينال م تحسفت ابدا ع المشوار رغم اني جايه من ابها لهم

اولًا من بداية استقبال الصالون وحفواتهم واخلاق الموظفات شيء لا يوصف! بحد ذاته يخليك تبغين ترجعين لهم. على قد ماجربت صالونات ماقد شفت هالتعامل والحفاوة والاخلاق قمممة تبارك الله? ثانيًا أخص بالشكر حسناء كمية اخلاق وحفاوة تشتغل بكل حب ️ والشكر الاكبر لصوفيا صبغت شعري واسشورت لي وقصت لي شيءءء خيالي اخلاق واتقااااان فنااانة صوفيا بعتمدها بإذن الله ومن كل قلبي شكرًا لكم?

اجمل صالون شعر. والطف واحلى موظفات واخصائيات
الله يعطيهم العافيه،،تجربتي كانت مع ايمان رائعة ،، وموظفة الاستقبال حسنه لطافة وذووووق والى الابد مارح اروح مكان ثاني غيرهم.

مركز رائع. من طاقم عمل بشاشه بالتعامل.
اللي سوت شعري صوفيا. روعه.
وحسناء رائعه وتعاملها. رائع
اشكر جميع القائمين. ومن نجاح لنجاح
والضيافه ماشفتها باي مكان ️

صالون ولا اروووووووع طلعت وانا راضيه اتم الرضا

صبغت عند إيمان وماشاء الله شيء يجنن تسلم يدينها
و الله يعطيهم العافية طاقم بروفيشنال ما ابالغ! اشوف شغلهم على اللي حولي وماشاء الله

المكان جميل جدًا و نظافه وترتيب و الضيافه انواع من القهوه و الحلا، ذوق جدًا الله يبارك لهم بالتعامل والضيافه ماقصرو?

شيء خيال الشغل نظيييف ومرتب وماتطلعين الا وانتي راضيه تمامًا عن النتيجه
صبغت عند ايمان ولا ندمت ابد

اخذت موعد مع صالحه. وكان على الوقت بالدقيقه وهذا اهم شي بيوم المناسبه مااتاخر. خدمتي كانت سشوار مع فير فقط كانت جيده وصالحه سريعه ورقيقه على الشعر. المكان مرتب ومنظم وفيه ضيافه. لي زياره ثانيه باذن الله

صدق بنات لا يفوووتكم انا ماعمري صبغت شعري لاني كنت متردده وخايفه بس توكلت وسويته عند صوفيا ي ج ن ن ماشاء الله ماندمت ولا واحد بالميه وتعاملهم يجنننن من ابتسامه من قهوه عسل الصالون مو اخر مره ان شاء الله

الصراحه شغل ايمان لا يعلى عليه ،ايمان تحافظ على الشعر و من قبل الصالون انا اتعامل معها الشي الي ما يناسبني تقولي ما يناسب و صريحه جدا و قصها يجنن ،شاطره في الهايلايت و اللولايت حتى لو تعمل سحب لون تكون حريصه على الشعر.

تكلمت عنه مشهوره ورحت وهاذي اخر مره الاسعار عاليه جدا جدا مقارنه بالصالونات الثانيه سويت عندهم ماسك ب ٧٠٠ ريال! وطلعت شعري نفس ماهو ولا فيه تحسن درجه بسيطه لو مسويه ماسك بنفسي كان شفت اللمعه من اول مره الاسعار فلكيه وما انصح به

الأسعار مرتفعه و المكان صغير بس نظافة و اهتمام و صراحة صالحة اكثر وحده لطيفة و حتى شغلها متقن و تعامل الشعر بحنيه انعم وحده ممكن تستشورين عندها

صالون رائع وشغل البنات يلي فيه منجد اكثر من رائع سويت شعري والحمدلله مرة عجبني غير استقبالهم الجميل

I’ve been there 3 times and the staff are supper friendly and respectful! They are distinguished for their meticulous work. They give you what you need exactly!

الصراحه قيصت عند ايمان قصها كنه قصي مب اخصائية على مسماها مب زين اوريها الصوره ابيها مثله ولا قصت نفسه وحتى هي تكد بقوه
الطاقم الباقين بشوشين بس اول تجربه مااكررها مره ثانيه

مستانسه اني اخترتهم ️! مدري احصلها من الطاقم الرائع او من وجيهم البشوشه او من شغلهم الرائع! ️️
قصتني صالحه صراحه تسلم يدها انسانه عسل ️️ + حبيت الضيافه إلي يقدمونها اتمنى تستمر ومايوقفونها زي باقي المشاغل ️