Tailor lines

بعد تجربة وتفصيل (٤) مرات (٣) مرات رجعت عدلت على الثياب.

حقيقة لا أنصح بالتعامل معه لعدم احترام الزبون وكذلك سعره المبالغ فيه ناهيك عن عدم التفصيل حسب المطلوب.

أنا ما نشرت هنا إلا بسبب عدم تجاوب الموظفين بالمحل وكذلك مافيه خدمة عملاء أو رقم للشكاوي أو التواصل مع صاحب المحل بأي طريقة.

سيء جداً الجودة يا ليتها ترتفع مثل أسعارهم اللي كل زيارة أتفاجيء ان السعر ارتفع فيها عن الزيارة السابقة، الجودة في انحدار ما انصح فيه ابد

خياط فاشل وفيهم ثقه مهي في محلها جايب والكلام كثير ويبي يلبسك على كيفه وعود كذابه ولا يبي ينزل سعره والسعر ماهي مشكله المشكله ان جودتك ماتستاهل

خياط جداً متواضع ، والمواعيد مضروبه جداً
اكثر من ثوب اجيبه يعدلون عليه ولا فيه نتايج
وفوق هذا كله السعر غالي والجوده والتفصيل جداً عااادي
بإذن الله اول واخر تعامل

للأسف لن تتكرر الزيارة لأني فصلت ثوب تجربة ولبسته عندهم طلع الثوب ضيق بعدها تأكد الاخ السوداني من المقاسات شاف فرق بين الدفتر ومقاس الثوب واعتذر قال نعدلها ولو انا ماعترف بتعديل الثوب قلت ماعليه رجعت مره ثانيه بفتره بعد التعديل لبسته ضيق من الكتوف حتى سألت لي عميل كان عندهم قال واضح بعدها قال الفلبيني اللي قص الثوب ماقصها صح عطيت حل مرضي للأخ السودانيً قلت له دام ان اللي قص خربها وهو منكم بفصل ثوب من عندكم تغير وجه وزعل سبحان الله عميل يخسر عادي ماهي فارقه معهم مع العميل يروح يشتري ويجي ويخسر ومشاوير بس المحل يعوض العميل لا حرام هاذا اللي شفته من ردة فعل الاخ السوداني في الاخير بعد تعب رجع لي المبلغ حوالة كلمة آسفين او حقك علينا مافي والله على ماأقول شهيد الخلاصة هل الادارة يرضيها هالشي وأتوقع من نجاح اي عمل ومشروع هو احترام العميل واخذ كلامه بعين الاعتبار هاذي نصيحة اوجهها لهم واعتذر عن الاطالة

والله حرام اني ضيعت فلوسي ووقتي عشان خياط فاشل مثل هذا، ما انصح فيه ابد عدل على ثوبي اكثر من مره وكل مره اخيس من قبل

يعني اصلا حرام عليكم النجمه والله حرام انا اعطيتكم نجمه مضطر عشان اعلق واكتب وقسم بالله انه اسوأ خياط ثياب قد مر علي ف حياتي كامله يعني غالي وغير كذا الخياط مضروب جايب الثوب وسيع وقلت يعدل عليه ونسى شغله ورجع لي الثوب وصخ والقلاب مغير وحاطين مستخدم لكن حسبي الله ونعم الوكيل فيكم هذا اللي اقدر اقوله ولا راح ابيح لكم ولا احللكم

شكلهم يدفعون دعايات لبياعين محلات الاقمشة الرجالية في اسواق القدس الي قريب منهم عشان ينصحون الزباين يخيطون عندهم.
رحت لملبا وجلس يمدحهم بقوة ويتصل بهم ان يتوصون فيني وطلع يأكد اني من طرفه بس عشان نسبته.

انا عميل قديم عندهم اشتري اقمشتي من براء وخيطها عندهم بصراحه ممتازين (كتبة تعليقي لجل الناس الي تبحث عن خياط ممتاز ماتنغش في تعلقات السلبية) وشكرا لصاحب المحل ولا ابي خصم يكفي ان تحافظ على جودة الخياطه وتطور للاحسن.

انا زبون قديم عندهم واشوف ان هم الأفضل في التفصيل والدقة وتعاملهم عسل واخلاقهم عاليه بس اللي يعيبهم السعر مرتفع بعض الشيء نتمنى ينزلونه ومشكورين على جهودكم

قسم الله افشل خياط وتعامل غير محترم وتأخير في استلام الثياب والحشوات خربت من اول غسله شي مب معقول هذا ثوب العيد ورجعته لهم يعدلونه ونفس الشي يشهد الله اني ما زليت عليهم وان المقصد ابين الملاحظات وعدم تعاونهم

للاسف خياطه فاشله ومعاملهه فاشله ومع ذالك يقولون ان الخياط ينقع القماش قبل الخياطة بس ماشفت هالشيء اول مرهه واخر مرهه

اقسم بالله من اسوأ الخياطين اللي مرو علي ، لدرجة ان ثوبي مرتين معدل عليه ولازال فيه ملاحظات ، ولا فيه اداره كويسه ، ياليت يتواصل معاي المدير او صاحب المحل نفسه ، خسرت على ٣ ثياب اكثر من ٤٠٠ ريال والاقمشه من عندي وانعدمت بسببهم ، جيت اعدل طول الكف وشوفو كيف حتى مو عارف كيف يصلحها

الحقيقه ما جربته لكن للاسف تقييمه في قوقل صار ما له معنى لان صاحب المحل يوعد اي شخص يمدحه بخصم! فالاكيد انه ما يستحق التقييم الي واصل له وان حركة الخصم هذي رافعه التقييم فوق ما يستحق.

حقيقة جربت عندهم تفصيل خمسة ثياب دفعة واحده وطلبت بروفة وكانت مقاسات اليد ضيقة جدا جدا وطلبت التعديل والغريب اني الان سوف اصل لاتمام شهر كامل دون الانتهاء او التواصل معي ويتعذرون بأن عمالتهم خارج المملكة والان الله يعين ننتظر يجعز لو ثوب واحد والله يستر لا يكون المقاس غير مطابق

الحقيقة لم أتعامل معهم لكن من خلال التعليقات يبدو أنه لايستحق التجربة. تواصلت معهم للاستفسار عن تكلفة الخياطة فقط فأخبرني بأن التكلفة 150 ريال (شغل يد فقط)
الحمد لله يتوفر في السوق خيارات أفضل منه

اخوي مجرب كم ثوب عندهم ويمدح شغالهم واليوم بجيهم افضل وباذن الله يكون مثل ما قال و ان شاء الله يراعوني بالسعر دامني مرسول من عميل سابق لهم وينجزونه قبل العيد

كانت تجربتي معهم لعيد الفطر المبارك لعام 1443 جداً جداً سيئة لكن ممكن أخرون تجربتهم كانت جيدة فلا تحكم عليهم بالسيئ
خسرة قماش ثوب من ناحية الاكمام جداً وسيعة و زرار الرقبة مكسور والخياطة من ناحية الصدر منفرطة و الخيوط الجانبية غير مستقيمة متعروجة بكل أمانه كانت تجربة سيئة جداً جداً وتقييمي لنجمة لهم خساره وهذا رائيي أنا

عميل لهم من ٧ سنوات
يوم كان التفصيل الخارجي ١٠٠ ريال الان ١٥٠
جوده الخياطه تغيرت عن اول
الياقات ماتكمل شهرين الا خربانه التغير عندهم مجاني لكن مو فاضي كل فتره اجي اغيرها
جاري البحث عن خياط اخر

للأمانة فصلت شتوي من عندهم وكان التفصيل جميل ورجعت لهم وفصلت صيفي واحتاج افصل اكثر من عندهم وننتظر الخصم منهم.

كل مره اعطية فرصة و اقول بيزبط لكن للأسف المقاسات ما زبطوها لي لا الهندي او الفلبيني. كذلك المواعيد مضروبة عندهم يواعدني بكره و تمر اليومين و ما خلص الثياب أو التعديل

الخياط جداً سيئ وما يفهم جيته مرتين كلها بس عشان يقصر الثوب من تحت ويخليه فوق الكعب فاااشل ولا انصح ابد احد يجيه

السلام عليكم
والله خياطه سكبة السكبه
وخيط الثوب بحسب طلبي اللي طلبته
والحين كملت ثلاث سنين ما خربت الياقه ولا القلابي
واخذت عندهم قماش الجديعي ياباني وبنتلي بعد والحين بخيط عندهم سمير ميس
شكرا ابيات

فصلت ثوب و طلع واسع مره، جيته بفصل ثاني قالي زاد سعره ٣٠ ريال، على شنو ما تدري فجأه كذا و المشكله يكذب يقول قبل ٥٪؜ طريقه و قلت له انا فضلته بعد ال ١٥٪؜ الضريبه لا تقعد تالف من راسك. طيب و الثوب الي فصلتوه لي واسع ؟! يقعد يستهبل. من اسوء الاماكن الي فصلت فيها

للاسف الخياطة جدا تعبانه وراعي المحل غير متعاون فصلت عندهم ٥ ثياب والقماش من عندي، رجعت لهم ٣ مرات عشان يعدلون الثياب وكل مره اسوء من قبل ما انصح فيه.

هنا يكمن الاتقان والفن في التفصيل من هنا تبدا الذائقه في سرد اسمى واجمل الابيات في مجال الخياطه الرجاليه ^^.

ما انصح فيه جبت لهم قماش وخربوه ما يضبطون قياسات الكتف رجعته اهم اكثر من مرة عشان يعدلونه سووه أسوأ من قبل

فصلت عندهم ثوبين وانا احضرت القماش وكان سعره غالي وللاسف رجعت الثياب للمحل ممكن مرتين او ثلاث بسبب مشكلة في القلابي وعدم التوازن بينها وكذلك مكان الازرار وكلها في مكان اللياقة وهذي المشكلة لم يسبق ان صارت لي من محلات الخياطة وما توقعهتا اساساً فكيف بهذا المحل واعتبر هذي آخر زيارة.

خياط مميز ولي تعامل معهم من 3 سنوات واكثر وانصح كل من يريد خياطه فريده من نوعها ومميزه بزياره خياط ابيات

للاسف تجربتي مع الخياط غير موفقه احضرت لهم قماش بسعر غالي ولكن مع الاسف لم يتقن الخياطة ولم يتلزم ببعض التفاصيل التي اخبرته ان يقوم بها مع العلم ان المبلغ ٢٢٠ ريال اول تجربه واخر تجربه

كان لي زيارة لخياط ابيات و تعجبت من الأخطاء البدائية في تفصيل الثوب فأنا دفعت ١٥٠ ريال من أجل الدقة في التفصيل فتفاجت بالعكس اذا كان الامر زي كذا اجل بنروح اي خياط ونخيط ب٦٠ريال وانتهينا

مشكلته أسعاره غاليه وفي شغله مهمه احتمال كبير ارجع لهم فصلت ٣ ثياب عندهم بس وغسلها مرتين فقط الحشوات تتكسر اذا شفت الموضوع قاعد يسؤ راح ارجع لهم واشوف حل

مع الاسف المحل اختلف وفقد بريق لمعانه عن قبل بكثير وصار الان تجاري اكثر من انه يهتم برغبه العميل.

تفصيله متقن و إخراجه للثوب جميل ، لكن يعيبه المبالغة في السعر ، القماش من عندي أخذ على التفصيل 150 ريال بعد التخفيظ ، أتمنى النظر في السعر.

دائما اعطيهم طاقة الملبا وتفصيلهم رائع عندهم فلبيني شاطر. لكن ما جربت تفصيل الاقمشة الشتوية عندهم. واتمنى احصل على خصم

تاخير في التسليم ويوم جيتهم جاء واحد من طرف صاحب المحل يقوله يومين وثيابك جاهزه وانا عشره ايام ويوم جية باقي ما جابو ثيابي

ماشاء الله تبارك الله
تنوع في الأقمشة والتصاميم
دقة في الخياطة
سرعة في التنفيذ
أسعار جداً منافسة
راعي المحل واقف على شغله
الله يوفقه ويرزقه

بكل صدق انا ليس من سكان الرياض ولي شهور ابحث عن خياط وشفت تفصيله صراحه جمييييل جداً الليقات والمخفي والتطريز اتقان والقماش من براء سمعت انه ب١٢٠ ريال عساه ثابت ما ارتفع ؟ اتمنى الافاده عن سعره?

أفضل خياط من سنتين وانا اتعامل معهم حشواتهم لك وللزمن. الاشكاليه ارتفاع سعر الخياط اذا القماش من خارج الخياط!

والله ودي افصل عنده انا شفته من بعيد وشفت الصور صراحة التفصيل فخم جدا بس يوم شفت الاسعار من التعليقات خفت ومن زمان ادور خياط اتعامل معه وخياطته زينه ف اتمنا افصل عندة يوم من الايام عن قريب انشالله

والله رهيب ودقه بلخياطه بس للاسف. فصلت عندهم ثوبين. قبل خمسه شهور قسم بالله العظيم الاول تقطع من عند الازرار. وقلنا يمكن من المغسله رجعت له وتهاوشت معه لدرجه اني غيرت المغسله. ورجعت لبست الثاني. ونفس الطريقه. مدري وش السبب من جوده الاقمشه لن والله العضيم كنت افصل عندهم وطول ماتخرب ولحين مدري كيف انا انصحك نصيحه يصاحب المحل لا تخسر زباينك اسمي علي العيسى فصلت اكثر من عشرين مره. واغلى ثوب فصلته عندكم الامازون كان سعره ٣٥٠ العاملين جدا محترمين

للأسف تجربتي الشخصية كانت غير مريحة

بعض الأشياء اللي اتفقنا عليها ما اتعملت

فصلت ثوبين ، كل واحد يبان كأني مسوي تكميم
لانو واسع
حتى بعد التعديل
ما اعرف ممكن مالهم خبرة في الاقطان

لكن العمال متعاونين وصاحب المحل ملاحق شغلو

عموما اتمنى تحسين الجودة