Sonbol

ثلاث موظفات قاعدين على كاشيرين وخده تحاسب وثنتين على جوالاتهم والناس متجمعه على كاشير واحد!

الله يرضى عليكم دخلت بتسوق وفيه بضاعه حلوه وودي اني مكمله لكن للاسف صدعت من ريحه المعرض ريحه فضيعه تكفون مايصير طلعت ماشريت شي

جميل واسعاره مناسبه وقت التخفيض اضافه جديده. الفتره هذي اشوف بضاعة سنبل وتخفيضهم مو نفس اول كانت قبل افضل

التعامل غير جيد انا في فترة الاسترجاع وبامكانهم فتح الفاتورة من خلال الجهاز لكن رفضوا وهي ضاعت مني فقدتها! تواصلت مع خدمة العملاء واتس محد يرد! السؤال ليه اخذتوا رقم جوالي وقت الشراء ؟ اعتقدت انه كباقي المحلات لربطه بالفواتير! اذا كان لمصلحتكم واعلانتكم فلابد من ابلاغ العميل!

تعجبني اقمشة فساتينهم عمليه وجميله فيه تخفيضات هالفتره لكن لازال غالي احنا زبائن مستمرين ياليت تخفضون من الأسعار شوي وفالكم التوفيق

رحت له على اعلان لمشهوره وصدمني الصراحه الكوالتي والفنشنق اقل من عادي واسعاره مرتفعه كأنه زارا!
غير كذا دخلت المحل جلست تقريبا ربع ساعه انادي الموظفه وادورها ماحصلتها ولما نزلت لي قالت معليش كنت في المستودع!

اسواء موظفات واسواء تعامل الوحده تحسسك انك ماخذه من حلال ابوها ، والمحل حوسه ووصخ ، وتكذيب العميل عيني عينك يعني شئ غريب جدا ، قد اخذت منهم فستان ويوم رجعت البيت لقيته مشقوق ويوم رجعته جلسو يقولون شلووون شفتي الشق! يعني بالله قطعه شاريتها ماراح اتفحصها ، الموظفات يحتاجون اعادة تدريب وكيفية التعامل مع العميل ، الفرع ذا مستحيل ارجع له مره ثانيه

المحل مرتب ومنوع في موديلاته، مساحة المحل تسمح بالتجول داخله بأريحية مقارنه ببعض فروعه الأخرى الصغيرة مناسب لجميع الأذواق، الموظفات متعاونات ومبادرات دائما في المساعدة.

موديلاته مميزة، و عنده ملابس ساترة، و أيضًا بلايز دوام فيها موديل وحركات و غالبًا الزميلات يسألوني من وين.

محل ملابس نسائية وينزلون موديلات مرة ستايل وحلوة مرضي لجميع الأذواق بإذن الله دمتم بود ونقطة آخر السطر.

زرته اليوم وساعدتني الموظفه اروى باختيار المقاسات والازياء مرررررره متعاونه ياحظكم فيها امل اني اشوفها في منصب اعلى من كذا في سنبل فهي تستحق احترافيه ومهنيه

الموظفه الي على المحاسبه (بندري المساعد) وقحه وفيها من قلة الذوق الي يخلي الزباين يحرمون يزورون المحل ووقاحتها مع كل الموجودات لاتحترم لا كبير ولا صغير. سنبل لو تبغون مصلحة محلكم اعيدو النظر فيها

الملابس مكدسة على الحوامل. طريقة العرض غير جذابه ابدا ولا تتيح الفرصة للنظر و الاختيار. التصاميم غير جيده كانت زمان أنعم وأفضل.

Good and Nice Quality Clothes and Good Styles Also. My suggestion U must Visit And look your self

للآسف اذا بترجع اي قطعه المحل مافي كاش واسلوب الموظفه غير لائق ابدا ابدا مافي اي احترام للعميل خدمة سيئه للغاية

البضاعه جميله والخامات جيده جدا ولكن لا يوجد غرف قياس مع الاسف والمقاسات لبعض القطع مو مضبوطه المفروض يوفرون غرف قياس احسن من اروح وارجع

صراحه تعامل الموظفه كان سيء ، خلتني اضرب مشوار للفرع و بالتالي الغرض ما كان موجود اتصلت من قبل الموظفه و قالت انه موجود و بعدها تقول تلخبطت باللي ابيه ، و اتصلت على طريق الملك عبدالله و حصل نفس الخطأ
ما اعجبني التعامل.
و شكراً.

حلوه بضاعتهم تنفع للمحجبات والي تحب الملابس الساتره وحتى للي تحب العادي في قسم مخفض لهم كذا فرع

حقيقة سنبل نزل مستواهم جدا في السنة الأخيرة قبل كان عندهم قطع جميلة سواء خامة أو موديل، حاليا الخامات متوسطة إلى سيئة أما الموديلات غالبا غير جيدة، قبل أغلب لبسي من عندهم أما الآن أدخل وأطلع ما أشتري شي.

صراحه الموظفات رائعات ومخلصات بهالفرع يتربون ودقيقات بالحساب ماشاءالله سنعات والمحل احلى مافيه الملااابس اللساااااتره بس الاسعار بصراحه اوفر وغاليه حتى ملابسكم ما تستاهل هالاسعار لانها مصنوعه في الصين والصين رخص التراب وعن نفسي ما اشتري الا وقت التخفيضات بسراحه اشوف الاسعار استغلاليه شوي

اسعاره مقاربة جدا لاسعار زارا حتى موديلاته هي نفسها موديلات زارا. ولا يوجد قسم خاص للاطفال. فقط نساء. لا يوجد شيء مميز لا بالسعر ولا بالموديلات الموجودة

في اشياء غريبه تحصل اثناء الشراء للملابس
مثل:
١. عندما تشتري ملابس من سنبل نلاحظ عليها انها ملبوسه من قبل.
٢. سبب الاسترجاع و الاستبدال في خلال ٧ ايام وهذه خطاء كبير جداً.
٣. الرجاء من صاحب او صاحبه المحل (سنبل) حل في هاذا الموضوع لان خطاء كبير جدا.
فرجاء التزام بشكل افضل وعدم اعطاء للزبائن استرجع لمده اسبوع لانها سوفاء تاتي الى المحل لطلب تغير الملابس وتكون الملابس مبلله كراحئه نكره.
والسلام عليكم ،،،

_

وللمعلومية أن المحل في المروج / الحمراء / الملقا وكل انحاء اللمملكه (سنبل)
فاشل مع احترامي الشديد ، بسبب استرجاع والاستبدال في خلال ٧ ايام وهذه خطاء كبير (إوريد حل بهذه الموضوع)

الى متى وحنا نعاني بشكل هذه.
الى متى يتغير وتصبح بدالاً ٧ ايام الى ٣ ايام.