Security Forces Hospital - Main Building

اسواء مستشفى على الاطلاق لنا في الطوارئ من 5 الفجر والحين 4,41 العصر ماطلعونا عذرهم مافيه سراير واذا طلعت تلاقي كل الاسره فاضيه لمين مخزنين هالاسره الله اعلم معي رضيعه تعبانه ومواصله من يومين وماهمهم كل واحد العن من الثاني لازم ترفع فيهم برقيه يشوفون وضعهم لان مو اول مره تصير لي كذا مررره لازم احد يلتفت لها التلاعب بالمستشفى

مع الاسف الممرضات ينافخون عليك وانت ولد البلد وش تسمون هاذي ذل ولا ايش حسبي الله ونعم الوكيل

ولله استهتر في الطوري يمرضونك وانت مريض حتى المرافق مايدخل مع المريض ويخلونك في الانتظار ٤ ساعات اقل شى صراحه من سى الا اسواء الي صاير

من اسوء المستشفيات في الرياض كانك جاي تعالج بفلوسهم لا من التمريض ولا من الاستقبال انتظار من الساعه ١١ الى الساعه ٥ فجر وطلعت منهم مادخلت لا على دكتور ولا استفادت من الانتظار شي وكل ماكلمنا احد يقول في مرضى لهم الاولويه على اساس احنا جاين ترفية وكل واحد يرد عليك من طرف خشمه وكل واحد يذبك على الثاني وبنفخون المريض يجي نفسيته تعبانه ويبي يتعالج ويطلع شوي نفس زينها ياليت يخوف الله في المرضى يكون فيه رقابه من المسوولين على موظفينهم الادارين والطقم الطبي لايعقل الناس الموجوده لازم تكون تستاهل مكانه اللي فيه

وين مدير المستشفى عن هذي الفوضه ؟؟؟

مستشفى عالمي يقدم خدمات قد لا تجدها في اي مستشفى آخر.
وقد واجهت مشكله اتمنى معالجتها وهي انني عند الخروج من التنويم إلى البيت انتظرت صرف العلاج لمدة ساعتين.
لماذا هذا التأخير ولماذا لا تعطى الاولوية لهم

مستشفى سييييييء جدااااااا تجيهم طوارىء تنلطع فوق ٥ ساعات وهذي واهيييي طوارىء ودكاتره فاشششلييين تجيهم عشان شي ويحطون فيك شي ثاني ويروعونك يخلونك تجلس ع اعصابك لين تخلص نتيجة التحاليل ونفسياتهم شيييينه كانهم مغصوبين على الشغل

اسواء مستشفى عرفته البشريه لا مواعيد ولا خدمه والموظفين مايردون عليك ويكلمونك من ورا خشومهم الطواريء لو تموت في السيب ما دروا عندك والله الله يعين الي منحد عليه وبس

المستشفى ممتاز لكن تحتاج فترة طويلة لحجز موعد. كما ان انتظار دورك في الطوارئ طوييييل جدا لكثرة الحالات الطارئة كان الله في عونهم

أنشأ مستشفى قوى الأمن عام 1393هـ الموافق (1972م) ، حينما تم افتتاح مستوصف صغير بموارد محدودة جداً بمدينة الرياض ثم تمت توسعته في عام 1396هـ  (1975م) ليصبح مستشفى يعمل بطاقة تشغيلية قدرها (20) سريراً. وبدعم من الأمير نايف بن عبدالعزيز وزير الداخلية ونائبه الأمير أحمد بن عبد العزيز شُيد مستشفى بجوار هذا المستوصف بطاقة تشغيلية قدرها (120) سريراً. وعند انتهاء تشييده أسندت عملية تشغيله لإحدى الشركات الوطنية تحت إشراف ومتابعة ممثلي وزارة الداخلية. وأطلق فيما بعد على هذا المشروع اسم مستشفى قوى الأمن، كما سميت مرحلة التشييد مشروع المرحلة الأولى.

وبدأت في عام 1402هـ  (1981م) المرحلة الثانية لتشييد مستشفى على أرض مساحتها 65360 متراً مربعاً وقد اكتملت في عام 1406هـ  (1985م) واستمر المستشفى في النمو والتطور. في عام 1409هـ (1988م) قام الأمير نايف بن عبد العزيز آل سعود وزير الداخلية بتوقيع عقد تشغيل وإدارة مستشفى قوى الأمن والمستشفى الميداني المتنقل بمكة المكرمة مع إحدى الشركات الوطنية المتخصصة في تشغيل وصيانة المستشفيات. وفي نهاية عام 1412هـ  (1991م) تم تمديد العقد لفترات أخرى، حيث أثمرت ترسية هذين العقدين في حدوث تطور هائل في موارد المستشفى، حيث ازداد عدد الأسرة حتى وصل إلى (508) أسرة، كما تم افتتاح عددٍ من الأقسام الجديدة وتوسعة الأقسام الأخرى القائمة بينما تم توفير أجهزة طبية متقدمة. وقد باشرت وزارة الداخلية في عام 1419هـ  (1998م) مسؤولية تشغيل وصيانة مستشفى قوى الأمن والمستشفى الميداني المتنقل بمكة المكرمة، وأصبح المستشفى معروفاً باسم برنامج مستشفى قوى الأمن. وأصبح اليوم برنامج مستشفى قوى الأمن من أكثر المستشفيات التي تتمتع بسمعة جيدة ومكانة مرموقة في المملكة، وحاليا يوجد له فرعان احدهم بالمنطقة الشرقية والآخر بمنطقة مكة المكرمة وتقدم خدماتها لمنسوبي وزارة الداخلية وأسرهم. ويشهد حالياً انطلاقة مشاريع جديدة تهدف إلى توسيع طاقته الاستيعابية لخدمة أكبر شريحة ممكنة حيث تم إنشاء مركز الأمير نايف لأمراض وديلزة الدم في عام 2008 كما تم اعتماد برج من ثمانية طوابق لإغراض طبية متخصصة. ويلتزم المستشفى من خلال رسالته التي تهدف إلى تقديم خدمات صحية متميزة لمراجعية بأفضل أساليب الجودة ويسعى حثيثاً إلى تطوير وتحسين نوعية الخدمات وفق أفضل المعايير العالمية.

مستشفى سيء من ناحية خدمة المرضى والتكييف فيه سيء جدا جدا في غرف المرضى بشكل عام طاقم طبي ممتاز لاكن الي الممرضات من اسوء مايوجد

يكفيني فخر واعتزاز انني من مواليد هذا المستشفى العريق واشكر جميع القائمين عليه من موظفين وأطباء من أكبر من منصب إلى أصغر منصب?

من اسوا المستشفيات في العالم كنك جاي تتعالج علي حسابهم الخاص الطوارى وما ادراك ما الطوارى اصوات حزينه واجساد تتألم ولا حياه لمن تنادي يمين الله منعدمه عندهم الانسانيه المسؤؤلين اتقو يوما ترجعون فيه الي الله

للاسف مواعيد سنويه وينسون الواحد بنتي دخلت هالمستشفى بدايه كانت تمشي ع رجولها نبغى نعرف سبب الم رجولها ومواعيد طويله ولا علاج اخذته منهم والى الان لها اكثر من سبع سنين نراجع لا اخذنا علاج ولا عرفو تعبها والان ع عربيه ماتقدر تمشي الله لا يسامحهم لا بالدنياولا بالاخره

الله يحفظ الوطن والملك وهذا نعمه من الله على عباده كل شي متوفر الامن وصحه الحمد الله وشكر ونعم المستشفى والموظفين

قسم التنويم مهتمين بالمرضى حسب ما شفت اعجبني اهتامهم والله اعلم عن الطواري ما جربتها وبالغالب كل المستشفيات زحمه الطواري وتتأخر فيها بشكل سيء

الرياض كلها علي طبيب وواحد طواري
الانتظار بالساعات الي متي مفروض يكون هناك مسانده في اوقات المواسم المرضية

صار علي حادث قبل سنه وجيت الطواري وقالو اثنين دكاتره ان فيه شعره في المشط ولازم تروح استشاري ولما رحت لعيادة العظام عند استشاري قال ما فيك شى والحين ولي سنه للحين تالمني اثاريه يحسبني ابي اجازه حسبي الله عليه دهورني الله لا يسامحه ولا يبيحه

المستشفي لديه بعض المشاكل في الرعاية الصحية للمراجعين اولها عدم توفر المواعيد للمرضي. طول فترة المواعيد وإجراء العمليات. تمنياتي ان يكون هناك استطلاع للمراجعين المرضي ومعالجة المشكلات التي يعاني منها وان تكون العمليه طرديه بين تقديم الخدمة الصحية والمرضي اذا كان يبحث عن جودة العمل.

مستشفى جيد فيه تقريباً جميع الأقسام فيه مشكلة عند الموظفين من ناحية الأسلوب سيء مافي احترام للمريض ايضاً في ملاحظات على الية المواعيد وجدولة المريض وطريقة المواعيد عبر الموقع الألكتروني للمستشفى
كيف تحجز موعد
١-تفتح ملف
٢-تدخل موقع المستشفى
٣-تدخل على حجز المواعيد الساعة ٣: ٥٠م واذا جت الساعة ٤: ٠٠م تبدأ تحجز لأن المواعيد ما تفتح الا ٤: ٠٠م
تختار العياده والوقت صباح او مساء
٤- تضغط تأكيد وتجيك رسالة

ملاحظة: اللي يرفض حجزة لزوجته سواء عيادة متابعة الحامل او غيرها لازم يروح للمستشفى ويروح قسم الملفات ويغير حالة الزوجه من عازب الى متزوجة

الصراحة قسم الانف و الحنجرة كويسين مره بس الصيدلية مع الاسف من أسوء المستشفيات من ناحية التاخير و السوالف فيه 5 شبكات واللي موجود واحد فقط ؟؟

مستشفى نظيف. مرتب. الخدمه يبغالها تحسين اكثر. المواقف قليله جدا. المواعيد طويله. الممرضات مرتبات. الدكاتره بعضهم جنتل

ليت فيه اقل من نجمة وكثيره عليهم الحين الساعه 9: 00 الليل جايب بنتي لطوارئ الاطفال ومن الساعه 2: 00 الظهر لحد الآن ماحصلنا على رد او شي يفيد فقط زحماااا باايااا ايش هدا جعلك ماتربحين ولاتفيدين

مستشفى يتميز بنخبة من الاطباء والممرضين والكوادر المتميزه مشكلته فقط في طريق حجز المواعيد متعبه شوي ولو ذا العيب يستاهل عشر نجوم

هذا المستشفى مولود فيه وسويت كذا عمليه فيه كان من افضل المستشفيات الان صار من اسوا المستشفيات يبيله شغل حتى يعود كما عرفنا من قبل

الصراحه تعاملهم جداً جداً سيء مافيه اي احد تتوجه له يخدمك كل واحد يرميك لثاني وعلاقات المرضى فالحقيقه لا اعلم ماهو دورهم فالمستشفى تجيهم يقول انا مالي علاقة قسم النساء والولادة مافيه احد يفيدك او تحس انه بيساعدك علماً انني من التابعين لهم شي محزن من تصرفاتهم وتعاملهم معى المواطنين التعامل والكلمة الطيبه هذا اقل شي نحاتجه مافيه احد بيروح المستشفى من فراغ نتمنى النظر من الادارة لماهو حاصل! ؟

للاسف مستشفى فاشل و يحتاج للتطوير
يعطونك موعد للتنويم و يأجلونك حالتك الم اكثر من اسبوع اظن يحترونك تموت عشان م يخدمونك وخدمة المرضى فس قسم التنويم كنهم يصرفون عليك تصرفهم اسواء من السيء

لديه إيجابيات وسلبيات ولاكن نطمح بالافضل
نذكر السلبيات لكي يتم تطويرها (علماً انه يتم انشاء قوى امن اخر وجاري انشائه)
السلبيات.
المواقف
انتظار المرضى
مواعيد الطب والاسرة
وغيرها لم تحظرني حاليا لاني ماني رايق وقاعد انتظر وسلام
صلوا ع الرسول ي اخوان

انا ابي اعرف بس الإداره راضيه عن شغلها الواضح انو راضيه
(وزارة الداخليه والخدمات الطبيه) وينكم عن المهزله اللي جالسه تصير اذا كان يتبع لكم المشفى قسم بالله وضع مخزي ومزري للأسف

سيء لا يقدرون حالة المريض ولا حالة المرافق ولا ظروف احد شككاين مفترين مايخافون الله ولا عندهم قيم ولا مبادئ لايكترثون الا بعملهم الالي فقط انجاز مهمتهم والخروج من المشفى. مريض يعاني من سرطان يدخل الطبيب عليه ويقوله انت عندك سرطان ومن الدرجة ٤. الخ الين اخلاق المهنه لماذا لا يبلغ اقاربه فقط يبغلونه باسلوب ارقى انسانيا خطا فادح شرح حالة المريض امامه خاصة اذا كان لدية مشاكل نفسيه تؤدي به الى الخروج على مسؤليته ورفض العلاج. تعامل سيء قالوا لي الحراس عند الباب ان هذا مشفى وزارة الداخليه مو الصحه وبنمنعك تدخلين وبنحذف اسمك من المرافقه عقابا لك لانك رفعتي صوتك علينا يرفعون صوتهم عليه ويهددون عادي بس ارد عليهم بالمثل مو عاجبهم. عنجهيه وتكبر وعدم اكتراث باحوال المرضى وعائللتهم جعلني اخرج خواتي٢ من عندهم وحالتهم خطيره. وامي من قبلهم خرجتها بعدما تركوها دون اي علاج الى ان تدهورت صحتها خرجتها مدينة الملك فهد ومايختلفون كثير عن قوى الامن حولوها للعناية التلطيفيه تركوها تتالم الى ان ماتت دون مسكنات يبدو انهم يتلذذون بتعذيب المرضى

اقسم بالله العظيم اسوء مستشفى حكومي بداية من موافق السيارات الناس فوق بعض، تعامل الاداريين صفر باقي احب يديه عشان يخدمني من الاخ اللطيف اللي عند فتح الملفات والاخ الثاني حق المواعيد. شكراً على تعاملكم الله يحرمنا منكم

مستشفى فاشل نظامه مثله فاشل لي 3 ساعات انتظر يقول مافيه الى ثلاث سراير قلت طيب وش الطريقه قال انتظر وللعلم الحاله الى معاي تتوجب كشف سريع بس الله لايوفقهم ولا يسعدهم

والله حرام كيف المواعيد الالكترونيه كذا ارتز عند الهاتف من الساعه ٤ ولا الاقي موعد الى متى ياقوى الامن من جرف الى دحديرا ، النجمتين فقط لدكاترة طب الاسره وخاصه الدكتور عمر السوداني مررره اخلاق وعنده حسن انصات للمرضى الله يبارك فيه ويجعل اخلاصه في موازين اعماله الحسنه ، اما اطباء العيون في الرئيسي (الاستشاريون) للاسف حسافه عليهم الشهادات، شايفين انفسهم على المرضى ويرون انهم يتعاملون مع همج ، اذا سألت سؤال مايردون عليك واذا ردوا يردون بصوت عال حتى يكممون افواه المرضى

مستشفى سيء جداً من ناحية التنويم ف قسم الباطنيه نساء اضافةً الى اخلاق الممرضات والتأخر على المريض لما يدق الجرس وايضاً الغرف كلها فاضيه وعمال الصيانه فيها وينوموني جمب عجوز متوفيه دماغياً ويغيرون لها عندي وروائح كريه والحمامات مافيها شطاف نظام مستشفيات امريكا وايضاً الطعام سيء جداً وسامج ماعدا السمك مره يمي وتحياتي.

قسم الاسنان جداً سيئين. اما الدكاتر كويسين لكن الموظفات تتكلم بدون نفس ومدير المواعيد جالس يسولف مع زميله وتارك المرضى نص ساعه وين المسؤولين خافو الله النجمه حتى مايستاهلونها

المكان ممتاز
الخدمة ممتازة
التعامل راقي
المواعيد مضبوطة
النظام والترتيب مميز
به مصليات وخدمات لوجستية موزعة
الخدمة الطبية رائعة

شكرا للقائمين على المستشفى والعاملين فيه

مافي مواعيد وفي صعوبه في استقبال المريض ولا يعملون فحوصات شامله وسريعه بطيئين جدا في كل شي والمواعيد مستحيل تحصل لا في الموقع ولا في الاتصال
ولانقول الا حسبنا الله ونعم الوكيل

مستشفى يخدم عندة قطاعات ويعتبر من أفضل مستشفيات الرياض يحتوي عدة تخصصات متقدمة وتخصصية يعيبه حجز المواعيد وبعدها احيانا تأخذ أشهر ايضا المواقف زحمة. بصراحة لو استغلت المواقف كذا دور سفلي وأعلاه مباني تخدم أكبر شريحة يكون أفضل ولو تم استقبال الحالات المحتاجة للرعاية بشكل أسرع بدل ١٢ساعة واكثر انتظار.

‏سلام عليكم ورحمة الله وبركاته
‏صراحته ‏مستشفى مرة مرة مرة مرة سيئة
‏واجهت مشكلة في تحليل هرمون الحمل قالوا انه ما هو مرتفع رحت مستشفى خاص قالوا مرتفع 2000
‏رجعت المستشفى تأكدت أن هرمون مرتفع قبل سنة ولم يبلغنا بذلك باختصار شديد اللي يراجع المستشفى هذا يتأكد في مستشفيات خاصة والله ولي التوفيق ‏ولا حول ولا قوة الا بالله

من الاخر من افضل المستشفيات في المملكة ككادر طبي من استشاريين واخصائيين وممرضين وحتى الاداريين والامن كتعامل سلس وتوجيه سريع وخدمات ميسره ، كذلك يتميز بالتطور السريع سواءً في المواعيد بالحجز على الهاتف او من التطبيق عبر ابشر او الخدمات الاخرى كطلب تقرير وطلب اعادة صرف ادويه او مستلزمات طبيه او تغذيه ، علماً انه بعد الطلب توصل عن طريق شركة توصيل متعاونه الى باب المنزل ، يعيب المستشفى انه بدى يضيق عالمرضى لكثرة المراجعين من القطاعات الخاصه فيه ، اتمنى تحويل المستشفى الى فرع عيادات كالموجود في غرب الرياض في لبن ، وبناء مستشفى كبير متفرع التخصصات والمساحه لتجنب زحام المراجعين ،،،

مستشفى سيئ لا تعاون ولا تجاوب والتلفون يسكرون في وجه المتصل ساعه يرن وفي النهايه مايمديك تتكلم والا مقفلين الخط

طوارئ سيئة للغايه وتعامل غير إنساني
وإنتظار لساعات طويلة
منسوبي وزارة الداخلية الذين يضحون بأرواحهم بحاجه لعناية طبية ممتازه لهم ولأفراد أسرهم
أقترح أن يتم إغلاق الخدمات الطبيه بشكل نهائي و إستبدال ذلك بتأمين طبي لمنسوبي وزارة الداخلية ومن يعولونهم

سوء الادارة هي السبب في تاخير المواعيد وعدم وجود مواقف تناسب الاعداد المهوله الموجودة في المستشفى لا مواعيد لا مواقف الى متى بيكون وضع المستشفى كذا ؟؟؟؟؟؟

اتمنى بنك الدم خارج المستشفى او يحطون فرع بالقرب من المستشفى.

لاني جيت ابغى اتبرع ولا لقيت موقف وبنك الدم داخل المستشفى ولا قدرت اتبرع.

بكل أمانه تعامل الأطباء الرجال بالأخص وموظفي الطوارى والأمن والسلامة رائع رائع رائع جدآ جدآ جدآ اما الطبيبات والبعض من التمريض الغير سعوديين ف والله العظيم و بلله الرحيم شى ملموس مني ومن الجميع سى سى سى تعاملهم مع المرضى وموافقهم إلا ما قل منهم والبقيه ٨٠% الله يعين عليهم.

مستشفى قوى الامن لديه اطباء ممتازين وخدماته ممتازه والي يشتكي من المواعيد وسبب تاخير المواعيد المستشفى عليه ضغط ويخدم جميع مناطق المملكة واكيد يكون فيه تاخير بسبب كثر الزحمة والاقبال الكبير

الله لايوفقكم ويحرق قلوبكم طوارئ الاطفال جداً سيئة ويفتقدون للانسانية والرحمة لا بالتعامل القذر ولا بالاخلاق مدير المستشفى انت انسان يبي لك محاسبة شديدة على المهزله الي قاعده تصير وتقصير بخدمة المواطنيين حسبي الله عليك انت وكل مقصر ومتخاذل من موظفيك معيب وفضيحة تكون خدمة منسوبي وزارة الداخلية بهذا الشكل الوضيع وخالفت توجيهات سمو وزير الداخلية وولاة الامر حفظهم الله بتوفير افضل خدمة للمواطن

مو معقوله كمية التعليقات السيئة هالدرجة المستشفى سئ
كلن يشكي من المواعيد ومافي أحد يمدح قسم النساء والولادة، ولادتي قريب وامي قبل ١٧ سنه كانت تجربتها سيئة وللحين هم سيئين يعني مافي تطور!

تجربتي فيه للولادة مرتين تستاهل ٥ نجوم ، جربت العمليه وجربت الطبيعي، تعاون الممرضات ولطفهم ومساعدتهم يشكرون عليها، طبعًا ممنوع المرافق في كل الحالتين من قبل كورونا هذا نظامهم ، بالنسبة للمواعيد الي يبغى يحجز يتصل قبل الساعة ٤ مساء بدقيقه يعني تبدأ الساعة٤ تكون ماسك خط المكالمة وبتلقى موعد لو تتصل ٤: ١٠ تلقى المواعيد طارت فلازززم الحرص ع الإتصال من أول دقيقة من الساعة ٤ لين يمسك الخط بالنسبة لغرف التنويم فيها مشكلة وحدة الأفياش لازم تشتري فيش خاص ماتقدر تشحن الجوال الا برأس مختلف يقولون الممرضات اسمه فيش مستشفى قوى الامن ومايتوفر عندهم يعني قبل التنويم لاززززم تشتري الفيش بحط صورته للإفادة وهذا مو في كل الغرف الاغلب شكله مخختلف عن الصورة بس ماعندي صورته

سيئ جداًً حسبي الله ونعم الوكيل في المسؤليين فيه هذا مستشفى يخدم موظفي الداخلية وعوائلهم! وضع المستشفى جداً سيئ

مستشفى سيء بمعنى الكلمة ٩ شهور عشان اعمل اشعة رنين مغناطيسي للركبة شكلي بنتظر ٩ شهور ثانية عشان ادخل على الدكتور

مستشفى أكثر من رائع الله يوفقهم دائما. في تطور للأفضل و مفيد للمرضى اشكر جهودهم المستمرة لرفع الخدمات المقدمة

Few days back, Visited this hospital (it was a very bad experience I got from one philipino nurse)

اووه ما احدثكم عن السوء الي هم فيه انتظار مريض كورونا في الطوارى ساعه واربعين دقيقه في قسم الاطفال والناس تنتظر برا ومافيه مكان مخصص للمرضى بكورونا وغير المرضى بكورونا حاطينهم مع بعض كمية سوء حتى تخجل انك تقولها ، حسبي الله عليهم. وللان انتظر بعد.

ممتاز بس فيه تعقيد شوي من ناحية دخول المراجعين من حراس الامن مثل المتابعة عنذ الاستشاريين ماتكون موعد ويمنع دخولهم!

أسوء مستشفى بتاريخ البشرية، سيء جداً بشكل فضيع، موعدك اللي تاخذه الساعه ٩ ونص تدخل على الدكتور الساعه ١١ ‍️ عز نفسك بفلوسك ورح للحبيب

ما ادري متى يستوعبون ان المراجعين اكثر من المواعيد ويتوسعون مو معقول انه مستشفى اكبر جهة حكومية والمواعيد توصل لاكثر من اسبوعين ، التوسع شيء ضروري وعاجل!

حسبي الله ونعم الوكيل فيهم وفي علاقات المرضى لي سنتين موعد عيوني في قائمة الانتظار الي اعدمو عيوني بالقطرات والنظارات وبالأخير يالفم المليان يقولن شف طريقه تخش على الاستشاري

النجمة حرام فيهم بعد. قسم المراجعين و قسم زيارة المرضى و قسم الطوارئ جداً سيئين بالي فيه من (حراس امن) الى موظفين علاقات المرضى الى ممرضين الى اكبر مسؤول عندهم ، كل موظف يفتي من راسه محد يعرف يشتغل شغله كامله اسلوب دنيئ عدم احترام معاملة سيئة فوق انك مريض يمرضونك زياده حسبنا الله و نعم الوكيل فقط

جميع العاملين فيه محترمين يتعاملون مع جميع ألمرضاء بكل احترام وتقدير ولهم مني الف شكر واحترام جزاهم الله خير

متى بتشوفون حل مع المواعيد الزفت ذي
صار لي اسبوع وانا احاول احجز ماقدرت لدرجة اني سريع بشكل كبير في اختيار الموعد قبل الساعه 4 واختار سرعة نت عاليه كله علشان القى موعد
وفوق هذا الحرص كله ماقدرت احجز يطلع لي لايوجد مواعيد

مستشفى قوى الامن المفضل شكرًا لكل شخص فيه فعلًا ذوق واحترام وسهولة تعامل واسلوب شكرًا شكرًا لكل من كان له بصمه في تغيير المستشفى العظيم للأفضل?

ادارة المستشفى تريد التهرب من حجز اي موعد للمراجعين وتضع شروط تعجيزية مثل:
1- حصر المواعيد في ايام واوقات محددة
2- طلب تحديث الملف بشكل عبثي وغير ضروري
3- النظام لا يقبل حجز المواعيد في احيان كثيرة
لذلك نأمل من ادارة المستشفى تدارك القصور لديهم ويكون المستشفى مواكب مع رؤية واهداف المملكة 2030

شكرا الاستشاري ماجد الثبيتي وشكرا لدكتور عبدالعزيز الزهراني اصلح الله لكم حياتكم الحقيقه يستاهلون اعلى تقييم والله

الله يجزاهم خير طب الاسرة والمجتمع كان عند امي موعد
وكبيره بالسن ورفضو ادخل معها لكن ماقصرو الموظفين قامو بالخدمه كامله الله يجزاهم خير

اسوء خدمة وتعامل خصوصا خدمات المرضى اللي جهة الادارة حقتهم الموظف يفكر المراجع يطق باب بيته انت جاي تخدمني بفلوس تدفعها الدولة لك اذا انت مو قد المكان خليه في غيرك يبيه