sara salon / صالون ساره

مشغل غالي الاسعار مره مبالغ فيها اتفقت انا وموظفة والاستقبال على مبلغ مع انه غالي مره كان مايستاهل السعر استشوار بس ١٠٠ وشعري ناعم وخفيف بعدها مانتبهت كم انسحب على بالي ١٠٠ مع انه ماكنت مقتنعه غالي بعدها بيوم اشيك على السحب الصراف اشوفها ساحبه ١١٥ حسبي الله ونعم الوكيل ان شاءالله بذمتك ليوم القيامة ماراح اسامح موظفة الاستقبال بذمتها

ماشاء الله المشغل يجنن شغلهم والاستقبال يهبلون موظفه اسمها فتون مره اخلاق تهبل ولي زياره ان شاء الله

ما شاء الله شغلهم نظيف واسعارهم مره حلوه
عندهم وحده اسمها سالي مره ممتازه في قص الشعر

الصالون راايق وموظفاتهم يهبلون خاصةً فتون عسسسل، والمنكير والبديكير يجنن ، وغير تعامل الموظفات والعاملات

سويت بدكير ومنكير عند العامله روبي ولاغلطه نصحتني فيها الموظفه فتون الله يسعدها اخلاق وذوق.

حطيت خمس نجمات بسبب الموظفه سديييم ما شاء الله تبارك الله خلوقه ومجتهده ومتعاونة جدددداً جددداااً الله يوفقها يارب

من المشاغل القليله التي عندها مرونة في العمل والتعامل مع الزبونة اشكركم على دوامكم ايام العيد اللي يحتاجها الكثير ومرونة دفع العربون واستخدامه متى ماشئت

انتبهوا منهم شغلهم اي كلام بس يبون يخلصونك وياخذون اللي بعدك حرام فيهم حتى ال ١٢ ريال حقت القص اللي مزعجينا فيها خربت شعري ولا تناظره اصلا عشان تخلص بس

الاستقبال جداً سيء لا اسلوب ولا اخلاق وهذا الشيء اللي خلاني انفر منه ياليت تعلمونها كيف يكون اسلوبها على اني كنت من زباينهم قبل اتمنى يوظفون الشخص الصح

من ناحيتي ان المشغل نظيف ومرتب بس من ناحية رسم الحواجب والتشقير ماعجبني مرررره الشعر بعد مارجعت البيت ماتشقر والرسمه مرررره ماضبطتها مثل ماابي لو يغيرون طريقة رسم الحراجب يكون افضل والله يعطيهم العافيه

مشغل حلوة اسعارة وخصوصا اسعار القص ب١٢ ريال عاملات كويسين
بس ليت يخففون ريحه بخور المعمول عندهم شوي مكتوم المشغل وتدخل بتسوي خدمات تنكتم من ريحه بخور قوية خصوصا اصحاب حساسيه الصدر والربو يتاثرون من قوة البخور ويطلعون وهم يبون خدمات
شكرا لكم على الروائح جميلة بس ليت تخفون شوي

صرااااحه ذوووق التعامل والاستقبال روووعه لطافه مررره انصح فيه اول زياره لي وما راح تكون الاخيره
️️️️

تجربه سيئه جداً يحددون سعر التسريحه وشعري خفيف وقصير وتسريحتي جداً سهله اخذو مني١٧٣ وقلت للعامله الفلبينيه ابي من قدام تخصيل راحت الضعيفه تعلمهم وجا السعوديه تقول تزيدنا ١٢ليه قالت تسريحتك يبيلها شغل نعم نعم المشاعل مو كذا ابداً وووع وووع ووع ع هالتجربه توبه مااغير الصوالين اللي اروح لهم اعطيهم صفر

معليش اسواء شي شغلكم بقص الشعر والله حرام عليك جيه اوسي الاطراف وكان قطعه وحده شي طويل شي قصير

عاملات يتأخرون ويتأففون اذا طلبتيهم والاسعار الموجوده غير الحقيقه ع اساس ضريبه! ضريبه ١٠ريال؟؟؟؟

معاك ام باسل عميله صرحه المشغل وراعيته الله يسعدهم شغلهم مررره بطل وانا عميله دايم عندهم جميع الخدمات بطله اهني صاحبه المشغل على روحها الحلوه وتعاملها الراقي

المشغل جميل متواضع ورائع
لكن انا اتصل على الرقم مايرد والله من الصبح وانا ادق اتمنى تردون بأسرع وقت
الي يعرف رقم آخر يعلمني الله يسعده

على كلام الاهل سعرهم تمام الله يرزقهم من واسع فضله اهم شي المستثمر يبعد عن الطمع ويبشر بخير ان شاءالله

تجربه سيئة ذا المره تم زيادة الاسعار ومافيه تنظيم او ارقام ولا يتم توجييهك من قبل الاستقبال فوضى

اقذر مشغل رحته في حياتي واول واخر مره اجربه … انا بغيت اكنسل خدمة تنظيف البشره من وساخة المكان لكنها رفضت وانا رفضت اسوي الخدمه ومارجعت الفلوس … ادوات تنظيف الاظافر غير معقمة ووسخه تسبب المرض … المكان زباله لاتعامل ولاعاملات ولاشي ويوم جبت اطلع طلبت اني اقيمها خمس نجمات! سويت نفسي ما افهم قالت عطيني الجوال. عطيتها عشان أتأكد من تصرفها وكيف تخدع الناس في قوقل وتخدع اللي يدور على مركز محترم وطبعا دخلت تقيم نفسها بكل بجاحه بس ماقدرت لاني ما اسجل حسابي في قوقل الا اذا بغيت شي …. قتلها عطيني جوالي ومشيت وان شاء الله بيتم التبليغ عليها في هيئة تنفض المكان الوسخ هذا

زيارة سيئه للمشغل وغرفه غير مهيئه للمساج ابداً ابداً
وسعر المساج على الغرفه سيئه نظام الغرفه مفتوحه اي خلق الله يمر يشوفني ماهو مساج نهائيا والمفرش غير مريح جداً وقصير

الف شكر لصاحبة المشغل على حسن الاستقبال والتعامل وتوفر عدد من العاملات لخدمة الزبائن والف شكر لموظفة الاستقبال والعاملات للنفسيتهم الجميله ورحها مره حلوه وسريعين جدا

نصيحه الصبغه طلبت لون ودفعت قيمة الارضيه والخصل وفي الاخير يطلع لون واحد بعد سحب لون يعني سحب لون وخسارة فلوس ولون غلط شي يقهر

مشغل زي الزفت والمعامله ازفت يكون عندك مناسبه وفرح وينكدون عليك بمعاملتهم واغراضهم قديمه والله م انصحكم فيه للأسف الله لايسامحهم بس

شغلهم حلو ومتقن لكن اسعارهم شوي مرتفعه وياليت الموظفات اللي بالاستقبال يكونون بشوشات ونفسهم حلوه

مشغل متهالك جدا جدا جدا النظافه زيروووووو استغرب وين البلديه عنهم والادوات سوداء من الوصاخه هذا غير الريحه! معقول مافي احد لاحظ! وين صاحبة المشغل الاجهزه سودا من قمة الوصاخه ؟؟؟؟؟ مايستحق حتى نجمه بس حطيتها عشان اقدر اعلق!

سيء جدا
طلبت خدمة بدكير بس العاملة من كثر العجلة جرحتلي اصابعي ونبهتها انها نزلت الدم وهي ولا همها واليوم الصبح مو قادره امشي بسببها حسبي الله ونعم الوكيل

جيت. للمشغل اليوم. انا. وبناتي. المشغل. فوق الروعة ما اقول. حسبنا. ونعم. الوكيل. على من شوهه. السمعة

المشغل قديم وتصميم مثل الغرف لكل عامله غرفه والنظافه لك عليها بصراحه شغلهم يمشي الحال بس مو ممتاز اختي سوت بدكير ومنكير اظافرها محكوكه واضحه الخطوط بالظفر. اتمني من صاحبه المشغل تشوف المكان وتضبطه

اولاً نظافة المشغل من اسواء المشاغل الي مريت عليها ومكان قص الشعر هوا نفسه مكان البوديكير واسواء بودكير سويته في حياتي لانهم يستخدمون الحجر الاسود القديم اتوقع الحجر مر على جميع رجول بنات الشفا الي راحو المشغل وحاطين رجلي في جهاز مو مغسله والجهاز مو نظيف والمويه ماتتغير يعنيي كل تفاصيل المشغل سيئه جداً

كثير قالو مو نظيفياحليلكم انا شايفه فار موجود يتمشى ولا احد تحرك ونطق بحرف ، حرفيا من اوصخ الصالونات الي دخلتها وكل يوم لهم سعر ونفسياتهم زفت من عاملات الى مسؤله ، سيئ جدا جدا

حسبي الله عليهم مشغل فاشل. اللي غرفتها قبل الاخير طلبت قصة شلال وقصت شعري من قدام كاريه ولعبت في شعري. لايعرفون يسوون حواجب وحتى الاظافر اللي الكل يعرفها جلست اسبوع واظافري توجعني من كثر ماقصت اللحم. كل يوم اقوم اشوف شعري اتحسب عليهم. هذا غير الوساخه اللي في المشغل. المفروض كل عامله تلمع غرفتها بدل ماهم متراكمين وسط المشغل بشكل كأنهم متسولات. انا ماادري ليش صاحبة المشغل ماتنتبه لحلالها لعبو فيها ذا العاملات. حسبي الله عليهم

اللي تستقبل الطلبات عند الباب نفسها في خشمها و تكلمك من رأس خشمها و مافيه نظافه النظافه عندهم صفر و الادوات مستعمله و قديمه و يوم جت تنظف حقت البدكير من بعدي بس كبت المويه و رجعته مكانه ما عقمته ولا شي

اول واخر مرة أن شاء الله تجربة سيئة جدا ابتداء من رائحة المكان الله يكرمكم. وثانيا موظفة الاستقبال واقفين ساااعة عشان تشوف طلبنا وغير بشووشة مع الزباين. والأسعار اووووفر اووووفر

يجنن. على رغم من بساطة المكان الا ان البديكير والمونكير والاستشوار ورموش الحبه خيال يجنن ورخيص -

كذابين واستغلال في الأسعار دخلت الوالده عليهم وكلمتهم بنفسي قلت مكياج خفيف وتسريحه عاديه قالو لي إن شاء الله جيت أخذ الوالده طلعت معها الباقي 100ريال وأنا معطيها 500ريال كلمتهم قامو يلفقون كلام ويقولون أنها طالبه رموش ومكياج مميز اصلا الوالده الله يحفظها ماتعرف وش رموش ومكياج مميز تدخل وتقعد على الكرسي وهي ساكته هذا طبعها بس حسبي الله ونعم الوكيل شافو في يدها ال500ريال واستغلوها وكلمتهم يقولون أبشر المره الثانيه على طول يصير حسابها 300ريال قالك الحين يبون يرضوننا

مشغل سيئ والعاملات حالتهم مزريه وغير مرتبات وشغلهم بالحواجب قديم
كله كوم وتعامل المحاسبه السعوديه نعامل غير راقي ابد غير التنفسيه جيت مرتين وكبه منفسه وتكلمني من طرف خشمها

مشغل رخيص القص والحواجب والصبغ مرره اسعارهم رخيصه وبسيطين عندهم جميع الخدمات الي تخطر على بالكم العاملات كثيرين الشغل مو واو ولا سيئ مقبول على اسعارها

مشغل مرتب وموظفات مجيدات لعملهن واسعارهم معقولة مقارنة بغيرهم.
حسب رأي وتجربة العائلة الكريمة، ومرات يسوون عروض

سي للغايه العاملات تعامل زباله ونفس الادوات تستخدم للزبونه واذا شقرت لك تبي تستنا لمى تحف غيرك وتشيله ورب العزه نفس الاسفنجه ونفس المنديل تستخدمه للزبونه غير الارضيه الزباله تمسحها بمويه وقبل فتره تعثرت كبيره سن والحمام نفس الجزمه يمشون فيها ع الارضيه اقد اقول قذر جدا واخر مره ازوره والله توي اغسل حواجبي تخرع الله لايوفقها ولايحللها ع الاسلوب الزباله والتشقير الازبل منه حسافه يانجمه سي جدا جدا جدا

مشغل جميل نوعا ما كبير وعليه اقبال كثير شغلهم جميل ولكن ليس هناك نظافة في الأدوات وتعقيم ادوات الاضافر و و و ولاكنت شغلهم مرتب انصصح به

الخدمة جيدة لكن الاسعار ماتستاهل كأن مافي مشغل في الشفا الا هم طبعاً نروح لمشاغل تسوي عروض وارخص

سوء تنظيم ، عادي تحجزين وتنتظرين من وقت وتقومك عشان وحده ، مشغل سيء ، البدكير لو اسويه انا بيصير احسن من حقهم ، الويفي حليو بس فيه الف مشغل افضل منهم وافضل من التعامل ،، الفلبينيات بعضهم كيوت ويجننون وبعضهم ما يردون عليك ويسفهونك

من اوصخ الصالونات واجهتها بحياتي بالله هذي غرفه يستقبل فيها الزبونه؟؟؟ غير ان كل يوم لهم سعر لعابين مررررره

الاستشوار عندهم حلو وهي اكثر شغلة حلوة عندهم مع صبغ وتشقير الحواجب طبعاوالعاملات كثير ماشاء الله لكن يحتاجون ميك اب ارتست شغلها كويس لأن المكياج عندهم مو ذاك الزود وكمان عاملات تسريحات شعر لأن العاملات اللي عندهم يجيدون اكثر الاستشوار والقص وصبغ الحواجب ولا يوجد عندهم خدمة منازل اتمنى لو يضيفون هالخدمة

بطيء جدا. تحصيل حاصل كثير ونصيحه المكياج وتسريحات انتبهو. قديم الديكورات، غير مرتب الدرجة الزبائن متكدسين في وسط المشغل،حق خدمات خغيفه فقط،وآخر زياره