اشكر الموظفه ناديه العتيبي على حسن تعاملها وأخلاقها العاليه ومساعدتها لزوجتي واختي في قسم النساء والولادة وحرصها علي المساعده والتعامل الاكثر من ممتاز وشكرا لمستشفى رعاية
احب اكتب هذا الكلام الشكر للموظفه شذى البندر كنت متواحده مع امي بخصوص تقييم من التامينات الاجتماعيه إن حبَّكِ لعملكِ هو سرّ تميُّزكِ فقد كان همُّكِ الأول هو نجاح العمل، وليس الحصول على المال، فاستطعتِ أن تنجحي في عملكِ وأن تكسبي المال الحلال، فشكرًا لكِ شذا البندر وكل التقدير لجهدكِ وتميُّزكِ وحبّكِ للعمل ومساعدتكِ للمرضى وخدمتهم على اكمل وجه ذكّرنا بقول هنري ثورو: "لا توظف أحدًا يعمل من أجل المال، وإنما يعمل لأنه يحب العمل"
تم تنظيف الاسنان عند الدكتورة نور حسين للأمانة شغلها مميز جدا وهذي ثالث زياره وكلها بنفس الجودة والنظافة، حتى لو كان مدة الجلسة أكثر من وقت الموعد الحقيقي مادام مافيه بعدك مريض ينتظر
Quite impressed with the dedicated care and professional conduct of Dr Majdolin in your physiotherapy department. Her approach with the patience is very caring and selfless, she knows her job very well. May God bless her.
مراجع للمستشفى منذ ٢٠٠٢ موظف أرامكو تأمين بوبا وقبله تاج التعاونيه كنت بالعايله كامله وبعد التقاعد بقيت وزوجتي للعلاج بالمستشفى وتعاملت مع جميع أقسام المستشفى تعاملهم ممتاز وخدمتهم ممتازة نبداء من الاستقبال بشوشين وخدومين ووقت الانتظار مايتعدى نصف ساعه واذكر منهم ليلي الظفيري وساره الدوسري والسبيعي وممدوح العتيبي وخالد ناصر الدوسري وكثير ولكن لااعرف أسمائهم ومدير العيادات أمجد والعلاج الطبيعي مجدولين تأدي واجبها على أكمل وجه وبنت خلوقه وبشوشه والدكاترة متميزين واذكر منهم د يوسف العماري د حمزه الحمزه د أحمد صوان د عبدالله عرابي وغيرهم ولكن لاذكر أسمائهم وكذلك الممرضات المتميزات. واشكر الجميع وأعتذر ممن سقط اسمه سهوا
تجرببتي الاولى والثانيه ممتازين من ناحية الممرضات وتعاملهم لاكن تجربتي الثالثه قبل شهر سيئه جدا بكل شي انا وضعي طبيعي والاغصب ولاده عمليه وانا رفضت العمليه مع الدكتوره فرح مادري افراح وانصحى اي وحده يجيها هذا الاسم تبعد عنها تعاملها سيئ للغايه بتسوي عمليه لي باي طريقه همها الفلوس وبس الخدمه والممرضات مره ممتازين
السلام عليكم تعاملت من قريب مع المستشفى، رائعين جربتهم طواريء وجربتهم عيادات التعامل سهل ومريح معهم جداً ، واخص بالذكر دكتورة زينب عبدالله نساء وولاده الله يسخرلها جنود السموات والارض هذا اللي اقدر اقوله ، طبيبه لطيفه وفاهمه وحريصه واستشارية السونار مها ايضا لطيفه ، دكتوره زينب تعاونت معاي واعتبرتني مراجعه قديمه بالرغم اني اليوم ثاني زياره لها. شكرا رعاية الرياض على النخبه لديكم.
حدثت لي أصابة بالعمل كسر بالرسغ وعملت عميليتين تركيب وأزالة مثبتات لعظم الرسغ في قسم الأصابات المهنية وأشكر جزيل الشكر الدكتور أشرف العرابي استشاري وجراح العظام والدكتور محمد حجازي دكتور العظام والدكتور عبد الله السكران بالعلاج الطبيعي وإعادة التأهيل ولجميع الطاقم الطبي والعاملين بالمشفى برأيي معاملة طيبة وجزاهم الله خير الجزاء والله يشفي كل مريض
ليش كل ماندخل ندور تعليقات ايجابيه نحصل تعليقات سلبيه معقوله محد استفاد معقوله محد اعجبه المستشفى وطلع راضي. تعبنا من البحث عن افضل مستشفى ولاده. يارب يسر ولا تعسر
قسم بالله اسوء شي سويته بحياتي يوم دخلت ذي المستشفى سويت تكميم عند الدكتور اللي الكل يمدحه واتوقع عارفين اسمه بس للاسف جاني التهاب مدري تقرحات في المعدة وما عطوني خبر وكل ما اقوله قاعدة استفرغ مافي شي يثبت في بطني يقول قاعدة تتدلعين بس يوم طلبنا التقرير علمونا ان فيه التهاب غير كذا يقولي على ادوية بيوقفها لي والممرضات ما يقصرون يحطون الدواء اللي هو قايل بيوقفه ما ادري كرم زايد ولا جهل وسوء تنظيم واخر شي يقوله لي الدكتور تبين احولك على الطب النفسي؟ استهتار بمشاعر المرضى واكثر شي غلط بحياتي سويته دخلت عليهم برجولي وفرحانه من مدح الناس له في التويتر اللي كثير منها حسابات وهمية وطلعت بعد خمس ايام وانا مقدر اكمل خطوتين على بعض وكل شي اكله استفرغه وما ادري كيف بكمل حياتي بالشكل ذا يارب تعيني بس ما اقول الا حسبي الله ونعم الوكيل يارب ترد لي صحتي وغير كذا حتى الابر ما يعرفون يعطونا مثل الناس كل ما خذيت وحدة منهم يدي تورمت وانتفخت ما يعرفون يحطونها بالوريد واقول للدكتور الثاني عن المشكلة ذي واترجاه بس يشرف عليهم عشان يدي لا تتورم ثاني يقول ذي مو شغلتني ويجلسون فوق راسي الفلبينيات والهنود يدخلون الابرة ويطلعونها
اول شي انا من ضمن اللي عندهم تامين تجربتي الحمدلله جميله مع دكتوره زينب كانت صبوره وحليمه اصلا من تشوفينها تحسين براحه عموما المستشفى بشكل عام من جيد جيدا الى ممتاز لمن يغلب عليه التمريض هنديات
اسعد الله اوقاتكم بكل خير حابه انقل تجربتي عن المستشفى وعن الدكتور عارف الرويلي اول شي انا سمعت عنو وقريت مره كتير وقررت ولكمت المنسقة وفعلان اعطتني موعد بعد ما كلمتها اسبوع لاني انا اخترت لاني من خارج الرياض موعدي كان 11 ونص صباحاً وصلت الرياض قبل ورحت للمستشفى تقريباً 10 ونص المهم من بادروم المستشفى الي هوا السكيورتي الي الاطباء احترام وتقدير صراح ماشفتو بمدينتي ريحني الشي دا مره كتير وعلى دخلت فيه نقطه زعلتني انو مو الدكتور الي في العيادة ولا شفت الدكتور عارف إلا بعد العملية الي شفتو فيها اتوقع 3 دقايق بزبط بس كان كل شي ممتاز ومريح تعاملهم عسل حرفياً ومافي تأخير ابداً دخلت غرفت العمليات الساعة 9 الصباح معنو كان فيه مرضى كتير مره تقريباً 20 مريض بس الحمدلله دخلت في البدايه والحمدلله اعطوني بنج كامل ما اخفيكم اول مافك البنج ندمت اني سويتها من الالم بعدين على طول اعطوني مسكني ماحسيت بس يوم كامل وكل 3 ساعات يعطوني مسكن ارتحت مره الحمدلله المهم خرجت تاني يوم الصباح ومافي اي الام وعطوني مسكن والحمدلله ما احتجتو طيب العلاج كمية مهولة صراح اتصدمت 3 اكياس مليانه علاجات بس حق شهر اخدت كلفني 2800 وحبيت انقل تجربتي بالتفصيل لاني اكنت اتمنى احد ينقل تجربتي بالتفصيل دعواتكم ليا
سويت عملية تكميم عند دكتور عبدالله زهراني ودكتور اسمر نسيت اسمه وكان الحمدلله ناجحه العمليه وتشجيع ممتاز من دكتور قبل العمليه وقت العمليه جلست يوم وليله مفروض يومين بس انا طلعت كان صحتي زي البوم ومافي ترجيع والدوخة الحمدلله انصحكم تسونها بدون خوف وتردد وتمشون على كلام دكتور لا تهتموا في تعليقات سلبيه كل واحد تجربته وصحته تختلف عن ثاني بس لازم عندهم تأكيد الموعد عشان ماتجلس انتظار
السلام عليكم بتكلم بشكل مختصر طبعا تعبت وانا ابحث عن احد تكلم عن تجربته بمستشفى رعايه الرياض ولا حصلت للاسف. الحمدلله انا بذكر تجربتي معاهم للمره الثانيه بس هالمره التجربه ولاده قيصري مع الدكتوره زينب الله يسعد قلبها. ماشاءالله تبارك الله جدا كانو متعاونين معانا وخدومين ويحاولون يغيرون نفسيتك ويشجعونك ابد ماكانو يخوفون او انهم يشدون عليك بالعكس الحمدلله رعايه واهتمام بالام وطفلها الف شكر لكم
للاسف قسم التامين عندهم الدكاترة عندهم مايشوفش ابدامصلحه المريض اهمشي مصلحه التامين ويعمل كلشي عشان ماتسوي العمليه على حساب التامين ووقعوني على تقفيل الملف من دون ان اعرف انو تقفيل الملف لنو كان كلة مكتوب انجليزي والى الان اعاني من اصابتي وماستفدت منهم شي غير المشورة رايح جاي
السلام عليكم ورحمة الله وبركاته ،، اجريت عملية جراحية عند الدكتور الراقي والرائع جداً رامي باسرة جزاه الله خير صاحب الخلق الرفيع والذوق العالي ،، وكان لدي موعد مع الدكتور رامي الاحد الماضي واتصل بي المستشفى وقالوا سيتم تحويل ملفكم الى الدكتور السيء جداً جداً عبدالله سعيد الزهراني اللي مع كل أسف حسافة الكشفية اللي دفعتها وحسافة وقتي اللي ضيعته (شايف نفسه + بلا أي أخلاق + ويشرح لي وكأني عنده بمحاضرة ولا يريد أن أقاطعه! عسى خير ان شاء الله) وبعد ذلك قلت له صراحة انت ما عندك اي تواضع بوجهه واسلوبك غير جيد ابد قال انا ما يعجبني الشخص اللوام وما تعجبني طريقتك! ويقول اصلا المفروض ما اقبل ملفك قلت ليش تقبله! ما أحد قال لك تقبل الملف ،، مع كل أسف يسيء لسمعة مستشفى رعاية الرياض ،،، ما أقول غير الله يوفقك يا دكتور رامي ويا دكتور عبدالباقي دكتور قمة في الخلق … جزاكم الله خير
تجربتي سيئة في هذا المستشفى سويت عملية عند الدكتور عارف الرويلي يقولون انه الدكتور عارف لكن ماادري هو اللي سوى العملية والا لا لأني والله العظيم ماشفته بعيني ابدا من دخلت المستشفى الين طلعت وطاقم تمريض سيء جدا وحتى المسكنات بعد خروجي من العملية لازم نشحذه منهم والعلاج اللي كتبه كان مرررره غالي ولا منه فائدة ابدا واختي مرافقه معي ودفعت للمرافق ١٥٠ وحتى وجبة ماقدموها لها الين طلبتهم هي بنفسها لأنها ما تقدر تطلع تروح تجيب لها اكل من برى او تطلب وانا لوحدي في التنويم و راحوا جابوا لها قطعة توست استحي اقدمها لقطوة مو لآدميه واقفة من الساعة تسعة الصباح على رجولها الين المغرب وفوق هذا تطلب اجازة مرافق من الدكتور المساعد علشان تقدمها لمدرستها ويروح الدكتور ويكتب الاجازة باسمي انا المريضة ولما راحت تراجعهم كل قسم يحولها على قسم ثاني وفي الاخير قالوا تواصلوا مع المنسقة والمنسقة تقول انا مالي شغل وراحت يومين على اختي ورفعتها بدون عذر بسبب خطأ الطبيب المساعد واهمال المنسقة وكتبت تجربتي للاستفادة منها وشكراً
حسبي الله ونعم الوكيل في اخصائية الاشعه الي في الاشعه الصوتيه في قسم النساء والولادة الي كانت مداومه في يوم الاحد تاريخ٢٨نوفمبر ٢٠٢١ الساعه٧ الله ينكد عليها ولا يكمللها فرحه زي ماسوت فيني ومنعتني اشوف الجنين واسال عن حالته نكدت علي الله ينتقم منها
نور طبيبة الاسنان سيئة جدا وخربت اجازتنا وشغلها سيء بالعصب ولا شالته بالكامل وتصورو الالم كيف والموعد الجاي تقول بعد شهر تقول عندي اجازة وطلعت بالاخير كذابة لان قسم المواعيد يقول عندها مواعيد وليست بإجازة
قسم النساء والولادة سيء جدا وخاصه دكتوره ريشماالهنديه تسببت في وفاة جنيني وبعد استلام تقرير عن حالتي انصدمت بمعلومات كاذبه لتنجو من المحاسبه. وطاقم تمريض من الهند لايفقهون في أساسيات تمريض ابدا معامله جداسيئه. حسبي الله ونعم الوكيل.
الطاقم الطبي جيد لكن تخطيط المستشفى عباره عن متاهه أقسام متباعده. كانت زيارتي للدكتور انور علوان عظام وعمود فقري دكتور ماشاء الله متمكن فاهم بشوش امين. انتقلت بعد العياده الى الموافقات ثم للصيدليه ثم الى اخر المستشفى قسم الأشعه وبين كل محطه ومحطه أنتظار وبين كل محطه محطه تمشي مسافه ولاتوجد ارشادات واضحه. يحتاج الى اعادة النظر في توزيع العيادات. المستشفى تطور كثير بالديكور على قبل 3 سنين.
من أسوأ تجارب المنشآت الصحيه في حيااتياستغلال وحرمنه ليس لها مثيل كل خدمه بيسوونها لك تتدبل ضعفين وثلاثه ومن سوء حظك إنك تجي وتدخل طوارئ وكاش بعد كل نفس بفلوس. مبنى قديم ومتهالك ومرافق سيئه للغايه لاترقى لمستوى الرسوم اللي يطلبونها ع الطالع والنازل لطلب طبيبة نساء وولاده لزوجتي ٢٥٠! دون اجرة الدخوول ووووو. مانقول إلا حسبنا الله ونعم الوكيل. فاتورة خدمات تتجاوز ١٨٠٠ في أقل من ٣ ساعات دون علاج أو حتى أدويه تذكر!
خدمة الهاتف من اسوا خدمات الهاتف الي شفتها بحياتي كنه يرفع السماعه ويتركها وبعدين يقفل هاذا مستشفى مفروض يكون الرد سريع والتجاوب للاسف نجمة وكثيرة على الخدمة الفاشله
من اسوأ المستشفيات التي ممكن تتعامل معاها. وينطبق ذلك على جميع مستشفيات رعاية التي اثبتت فشلها في ادارة المستشفيات. كوادر طبية محدودة الخبرة والامكانيات و كوادر ادارية تفتقر الى التعامل مع الامور بحكمة و ذوق. لا ينصح بالتعامل معه الا في حالات الحاجة القصوى. والغريب مقابلة شخصية اعتبارية على مستوى الدولة اسهل من مقابلة مدير المستشفى لديهم.
اهلا وسهلا مستشفى رعاية في تطور ملحوظ في الخدمات حقيقة يشكرون الفريق القائم على ذلك. ملاحظات مهمة لمن لديها موعد ولادة: 1- سيأتون موظفات تسويق لشركات حفايظ اطفال الله يكرمكم، في اوقات غير مناسبة لابسين الزي الرسمي كالاطباء. وخصوصا في الاوقات اللي تحتاجون تناموا بعد ما تكونوا ماخذين مسكن. و في اوقات مختلفة. 2- انصح بالتواصل مع الممرضات في حالة رغبتكم بالراحة و بدون اي ازعاجات وذلك بإشعارهن بذلك. 3- فيه ارقام المدير المناوب و مدير التنويم في كل غرفة مايقصرون متجاوبين مع اي اتصال. في حالة واجهتكم مشكلة او قلق. طبعا كنت مرافق مع زوجتي وهذه ملاحظاتي. تمنياتي لكم بالشفاء العاجل.
جددا جميل فيه وحده بكستانيه دكتوره ولاده جداً رائعه والدكتوره منال السعوديه ايضاً ممتازه لكن فيه ممرضه تجيب الادوات الي تحتاجينها كانت سيئه وطلبت منها بنتدول وكانت ترفع صوتها ان اهي الي تجي تعطي الي والده اهي مسؤله على الاشياء وطلبت اشياء خاصه قالت انزلي تحت بمكانك الي في الدولاب هو فقط لك! طيب الان هي في غرفه فوق ايش المشكله ماتوفرونلها من فوق
قسم الاسنان تجربتي معهم سيئه جدا دكتوره نور شالت لي عصب وحطت حشوه مؤقته ومن بعد ماطلعت وانا الالم معي قوي وماانام منه طلع لسى باقي عصب ماشالته اسوء دكتوره مرت علي ويدها ثقيله بشكل فضيع حتى مع البنج تعور الله لايسامحهامع ذلك زحمه عندها ومواعيدها بعيده على ايش مادري
الزام المرافق بإستخدام (مخدة و بطانيه) المستشفى التي يعاد غسلها ويستخدمها اكثر من ١٠٠ شخص وعدم السماح له بإحضار ادواته الخاصه حسب ما افاده حارس الامن / مجرشي وسوف يتم التقييم على الخدمة العلاجية والنظافه المقدمه خلال الايام القادمه?
الوالد تنوم عنده بالعناية المركزة كورونا. وجلس ١٣ يوم. الرعاية كانت جيدة احب اشكر الدكتور حليم وخلف وواحد يماني ممتاز نسيت اسمه وايضا الدكتور اليوسف المشرف على الحالة. يعطيكم العافيه
أصبت بكسر في اصبع قدمي اليمنى، وذهبت الى طوارئ المستشفى واستقبلتني طبيبة سودانية اخبرتني أن قدمي سليمة، ولخبرتي في الإصابات طلبت منها عمل أشعة للتأكد، فقالت ما تحتاج. اكدت عليها عمل الأشعة. بعد عمل الأشعة لم يأتني سوى الممرض، وأخبرني أن القدم سليمة. لم اقتنع، وبعد شهر من الآلام، طلبت صورة من الأشعة وفوجئت أن التقرير المدون من أخصائي الأشعة هو: كسر في مفصل الاصبع! راجعت مستشفى آخر ومع الأسف أخبرني الاستشاري أن العظم بدأ ينجبر بشكل ليس مثاليا، ولكن (يمشي الحال) ولا يمكن عمل أي شيء سوى العلاجات الطبيعية.
الطوارئ جدا سئ تمووووت مادخلت جايتهم حامل وفيني نزيف قوي ودوخه نص ساعه انتظار برا ولما دخلت السرير نص ساعه عشان يجي الدكتور وللاسف دكتور عام مايدري وش السالفه ،، لما اصريت ان تجيني دكتوره نساء انتظرت ساعه عشان تجي ،، مهملييين وبطيئين جدااا حتى الممرضين يضحكون واصواتهم عاليه مافيه اي احترام للمرضى اتمنى يكون في سرعه بالتعامل خصوصا الطوارئ يجي الواحد يبي احد يسعفه سريع مو تتركونه بالساعات
موظفين العيادات الخارجيه سواءً ريسبشن او ادارة الله يسعدهم على التعامل والاحترام واذا راح اخص شخص بالشكر بيكون الأخ سهيل الحربي ولو فيه اكثر من 5 stars يستاهلونها ️.
تجربه ماحبيبتها جدا في قسم التنويم جناح النساء عطوني سرير غير مريح ابدا لم استطع النوم وعدم توفر سليبر للحمام طلبت فرشة اسنان قالت لي الممرضه مافيه هل يعقل مستشفى لا يوفر فرش اسنان للمرضى اعطيه نجمه وحده بس لوجود الدكتوره منال الهوشان افضل شي موجود فيه
اسوء مستشفى في الرياض همهم الوحيد شفط جيب المريض كانت تجربتي مريرة في هذا المستشفى يوم الاربعاء اسعفت ولدي عن طريق الهلال الاحمر وتم استقبال الطفل وقالوا في دكتور مخ واعصاب ولغاية ثالث يوم محد جانا لادكتور ولا شي. الصراحة مستشفى تعبان
تجربتي انا و الوالد مع هالمستشفى بقسمين الطوارئ و كانت سيئة جدا و الثانية هي قسم قسطرة القلب. بصراحة مهما وصفت و حكيت عن ام عبدالله بقسم القسطرة ما اوفيها حقها. ابوي عمل عندهم العملية و كانت قمة في الاحترام و طيب الاخلاق. مثال للانسانة اللي تؤدي عملها بكل اخلاص. كانت تجاوب على اسئلتنا باحترافية عالية و ارشدتنا لكل اللي احتجناه خلال وجودنا في المستشفى الله يجزاها الف خير هذي هي الكوادر اللي ترفع اسم المستشفى و الى الامام.
للأسف مستشفى بحجم رعاية الرياض تحصل كراسي الانتظار عندما تجلس شوي وتنخفس بك قديما جدا ومتقطعة اغلبها أرجو من ادارة المستشفى تحسين هالاشياء ومعاملة الممرضات جدا سيئ لاننا نجي وندفع فلوس ونبي خدمة جيدة وترا الكثير معاد صار يجي بسبب هالاشياء الي منتو يمها نهائيا وحتى كراسي الموظفين مره كنت جالس امام موظف والكرسي يروح يمين ويسار صراحة شي غريب مستشفى بحجم رعاية الرياض يصير كيذا.
مستشفى كبيرة جداً ونظيفة ولكنها قديمة والصيدلية تعطي غالباً أدوية بديلة بحجة أنها نفس المادة الفعالة وقسم الموافقات الطبية عندهم بطئ جداً ولابد من أخذ موافقة على أي خدمة تطلبها هناك حتى على أي دواء تصرفه رغم أن تأميني الطبي (VIP)
أولا / البداية من الطوارئ: تم التعامل مع حالة الولادة ببرود تااام (والمفروض من الطوارئ يتعامل مع أي حالة مع مايستعديه الموقف ، لكن هم ماخذين في بالهم إن أي وحدة بتولد قدامها وقت) لدرجة أن الممرضة تقوس الضغط + تقول: روحي حمام + وتسأل عن الولادات السابقة بهدوء تام ولا كأنها حالة طوارئ ، وبعد ممكن ١٥ دقيقة جات مسؤولة التوليد أو القابلة وقالت: واللهي دهيا خلاص ، و قالوا لها ٣ مرات (قومي لسرير ثاني) وهي أصلا ما تقدر تتحرك! ورأس الجنين طلع وهي لسى ما وصلت غرفة التوليد لأنهم كل شوي يقولون غيري السرير!
ثالثا / أخذوا حقهم كامل للولادة والتنويم في غرفة مشتركة ، والطعو زوجتي في كل غرفة التوليد من الفجر إلى أذان الظهر والحرمة بعد الولادة لازم ترتاح ، لكن للأسف لم يتك توفير الغرفة بعد الولادة. وتسمع أصوات النساء الله يخفف عنهم ويرزقهم الذرية الصالحة ، ولافيه راحة. وعذرهم (لايوجد غرفة شاغرة)! طيب ليش تاخذون حقكم كامل وماتعطوني حقي كامل وبعد جدال وأخذ و رد مع مدير العيادات + الموظف سلطان العنزي (طبعا يدافعون عن المستشفى) وما يقولون حنا غلطانين (وعلى أساس يطيبون خاطري) عطونا غرفة خاصة (الغرفة نظيفة ، و عادية ولا تستحق يدفع الواحد مبلغ زيادة عشانها خاصة) وليست كما يدعون بأنها (تستحق أن تدفع عليها مبلغ عشانها غرفة خاصة)
رابعا / قالوا نحتاج تحليل للبيبي بـ ٩٨٠ ريال ، قلت (لمدير العيادات + سلطان) طيب الكول سنتر قال: السعر يشمل تحليل للبيبي وأكد ذلك الموظف سلطان. قلت: طيب ليش تاخذون فلوس. قال الموظف سلطان: ٥ دقايق وأرد لك خبر على شكواك.
طبعا لحد يفرح: نزلت له بعد ساعة (العصر) + المغرب (وكان جوابه: ننتظر رد الإدارة على شكواك) وتحتاج بأقصى حد يومين
ختاما: النظافة موجودة ، الممرضات خدومات وكثير من الأحيان يلطعونك ، يحاولون استغلالك دائما ، فاحذر. وربك هو اللي ييسر الأمور
Very bad experience today, Starting with the receptionist then the physiotherapy clinic where the physiotherapists are dealing improperly with patients rude attitudes
شكرًا رعاية الرياض على الخدمة الممتازة ، خاصة في قسم النساء والولادة خدمة رائعة ، وذلك مقابل سعر معقول للولادة مع إقامة ٣ايام مع رعاية فوق الممتازة وممرضات مدربات وأسلوبهم راقي جدا وكذلك الدكتورة المشرفة على الحالة جدا متعاونة وأسلوبها جدا ممتاز. شكررررا لكم