غير مهتمين في العميل … انا زبون من 7 سنوات وهذي المرة جبت قماش من برا وبفصله عندهم من قبل رمضان ورفضوا يا تاخذ قماش من عندنا ولا مافي … ويوم سألت عن نفس قماشي ابي افصل من عندهم قالوا ب 770 وانا شاري الطاقة كاملة 1200
أفصل عندهم من سنين وكان تفصيلهم جيد المرة الأخيرة الخياطة سيئة والخيوط في كل مكان التقفيل فيه مشاكل كأني مفصل عند خياط ب ١٠ ريال. اخذوا علي ٢٠٠٠ ريال خياطة بس ولا يستاهلون ولا ريال خربوا علي القماش حسبنا الله ونعم الوكيل
اقمشتهم رديئة ومبالغ بأسعارها فصل عند ابو مية ريال اذا ناوي تفصل عند البرنس احسن منهم و الحذر من العروض العروض الوهمية خصوصاً اللي تظهر على السنااااااب شات مثل عرض الثلاث ثياب لم يعملون الا على الاقمشة الخايسة ولم يتم التوضيح من قبل المعلنين على العموم يوجد الافضل من برنس بأقل سعر وللأمانة اخلاق العاملين بهذا الفرع عالية وتعاملهم طيب وحسن استقبال
بصراحه انا اول مره افصل ثوب ولا استخسر ريال فيه صحيح غالي واتمنى يراجعون الاسعار صراحه بس سعره فيه ويستاهل تفصيل اكثر من روعه واتقان واضح الكل يسألك عن تفصيلك وقماشك من وين يستاهلون الله يعطيهم العافيه الاخ محمد المغربي اشكره صراحه افضل موظف فالفرع وخدوم ونفسه طيبه
خياطتهم ممتازة ويتميزوا عن غيرهم اذا فيه خطأ في القياسات يعدلونه لك بروح طيبة حتى لو كان الهطأ منكرانا صارت معي مرة وماقصروا صحيح طولو جلست الثياب عندهم 3اسابيع لانهم ابلغوني بيرسلونها لجدة بس تحسب لهم اما اسعارهم مثل اسعار السوق وهم افضلهم عن الفاخرة ومشّار.
انا اتكلم عن تجربه اخترت قماش قطن و وصيتهم ان يهتمون فيه تنقيع او غسيل قبل التفصيل حتى ما يشمر او يكمش والامر بديهي المفروض هم عارفين ما يحتاج اقول طبعاً السعر كلف حوال ٧٥٠ ريال للأسف والله استحي اللبسه في الشارع وانا مفصله للمناسبات الله لا يخسر مسلم
اسواء خياطة بكل صراحة مهو قد السمعة ابد ابدا خيوط منتشة. تسحبها ينفك الثوب وين سلطان سمان وكلامه في سنابه كلام فاضي صدق والجودة فاشلة وب 600 ريال ليه على التفصيل الفاشل بكل مافيه
جميع الطاقم بشوش ويخدمك بأعلى ما يملك من اتقان واخص بالذكر الاخ محمد مغربي الجنسية اتعامل معه من ١٠ سنوات بدون مبالغة ولا ثوب رجعته لهم للتعديل اللي ياخذ المقاس اسمه سيد
للأسف فروع البرنس الى أسوأ خاصة هذا الفرع كل شئ انخفض (الجودة في الاقمشة ودقة الخياطة والقص) إلا السعر في زيادة عالية. ولا يوجد تقدير للعملاء القدماء (يتساوى مع اي عميل جديد). انا كعميل منذ ١١ سنه كل مره افصل أجد الثوب أسوأ من قبل. اعتقد السوق ينافس من حيث الجودة والسعر
عندي اثبات ثوب مقلد ولاهوب زين انا طلب ابيض ناصع يجيك بعد الغسيل بيوم اصفر اليش كذا حرام عليكم وين المدير او وين المسؤول تخذا الفلوس علي ايش اذا تبون رقم جوالي ما عندي مشكلة وضع الثوب من عندكم
تعليق بعد تجربة 4 مرات تفصيل. كل مره يتأخر تسليم الثياب ما يقل عن شهر ونص في اوقات غير زحمه. أستغرب عدم استقبال رسالة او اتصال. و المشكله الاكبر تعاملهم مع حل الموضوع سيء جدا وبكل برود!
من أسوأ محلات التفصيل الي تفكر تفصل فيها والسعر المبالغ فيه مقابل الخدمة السيئة احنا 3 أشخاص وكل واحد فينا رجع 2 مرتين يعدل المقاسات وللاسف حتى تعديلهم سيئ
من افضل المحلات اللي تفصل الثوب على اصول وبفن ودقه ومهاره، الثوب سكبه على الجسم والتفصيل ممتاز جدا عيبهم اسعارهم مبالغ فيها والتفصيل يطول لين يجهز لاكثر من اسبوعين احيانا. اتمنى اعادة النظر في الاسعار المبالغ فيها على الاقل.
للاسف ابي افصل فيه لاكن تفاجأت من حجم عدم الرضا بالخدمة سواء هذا الفرع او فرع الخبر لكن للاسف اتوقع يتم هجره قريبا بسبب نوووم الادارة وعدم تلافي الملاحظات وعدم الحرص على العميل
فصلت عندهم ثوب وطلبت استلام من فرع الملك عبدالله وجهز الثوب وكلمت سعيد مساعد يشتغل في فرع التحلية وقال لي جاهز الثوب عندهم وانا للاحتياط رحت لهم بعد اسبوع وللاسف ماحصلت الثوب ولما رجعت كلمته قال لي بكل برود بكره ارسله لهم طيب والمشوار والتعب على الفاضي؟ حتى اعتذار ما اعتذر واسلوبه سيء للاسف
ممتاز جدا بالتفصيل، جب قماشك افضل ارتفعت الأسعار كان اول ١٦٠ ثم ١٨٠ الآن 210 اذا تبي تفصل ثوب لزواج او مناسبه ممتاز،ثياب اسخدام يومي بتجيك الأسعار غالية عموما هذا الفرع هو اللي افضله وانصح به
تجربة غير موفقة للأسف وغير جيدة ولن تتكرر ، هل لك أن تتخيل أن الموظف يبرر اختلاف المقاسات بعد الاستلام أن المصنع لم يلتزم بأرقام المقاسات المكتوبة! ، هل لك أن تتخيل أنك تدفع مبلغ وقدره على ثوب قذر وغير نظيف عند استلامه! ليس كل غالي أو مشهور يستاهل العنوة ، خدعنا.
لي تقريبا في المحل ١٠ دقايق دخل المحل اكثر من ١٠ زباين كلهم يشكون من تأخير التسليم و النص الاخر يشكو من سوء التفصيل ، بستثناء اغلاب انواع القماش الموجود بعد الغسيل يعتبر تالف وبدون جدوى ، صراحة المحل فاشل و الخدمة سيئ و ما يستاهل اي دعاية من اي مششهور و شكرا
عميل لديهم من ٦ سنوات صراحه بعد تجربة اكثر من ٤ خياطين معروفين مالقيت افضل من خياط برنس فرع التحليه وبالنسبه للي ياخذ المقاس العامل اللي اسمه فيصل صراحه بالمل ماشاءالله عليه
فصلت 3 ثياب ع اساس 35 يوم بتاريخ 1441/4/5 لي الان 49 يوم ولا استلمت الملابس مع انههم ارسلوا رساله انو ملابسك جاهزه للتسليم من الخميس بتاريخ 21/5. ولا شفت شي صراحة انا كنت متحمس ان اخوض التجربه مع برنس. ولكن الان لا يمكن اتمنى ما تطلع الملابس اي كلام
للأسف تجربة سيئة جدا فصلت 4 ثياب قال بعد شهر تخلص قلنا مو مشكلة والان عدا شهر و15 يوم ولسى ماخلصت بحجة زحمه عشان العروض ، والله على ما اقول شهيد كلمة اخيره اي شي يعلنون عنه المشاهير لا تصدقونهم
مجربهم مرتين، مرة في جدة والثانية فالرياض، وللاسف كل تجربة أسوأ من الثانية من كل النواحي: خدمة سيئة، غلاء مبالغ فيه (مقابل الجودة العامة) عدم احترام الموعد البعيد أصلاً كثر الأخطاء فالتصميم اخر تجربة استمر التأخير اكثر من شهرين على ثوبين فقط ورجعت ٣ مرات لأجد نفس الاخطاء بالاضافة لأخطاء إضافية منها اختيارهم قماش بمزاجهم غير المتفق عليه بحجة انه اختياري مخلص، وعند رفضي استلامه أصرو وبلغو الادارة اني استلمه. واخر مصخرة: عند استلام الثوب للمرة الرابعة، فيه خطأ بلغت عنه عدة مرات سابقاً، اضطريت للانتظار داخل المحل ربع ساعة عشان يصلحو الخطأ. وفوق هذا كله وبكل وقاحة رفضو عمل تخفيض مقابل التأخير. الثياب طبعاً سيئة حتى في الملبس. انسدد نفسي عن الثياب وقررت اتصدق بها ثاني يوم حسبي الله ونعم الوكيل