Oriental Sense

زبونه لي اكثر من 11 سنه عندهم
تعامل العاملات جدا رائع ، النظافه والترتيب والدقه بالعمل ماشاء الله تبارك الله
كل العاملات محترمات دووون استثناء حتى الجديدات الي شفتهم قريب
شكر خاص لحبايب قلبي ماريتا وجوان رائعات? ?

زبونه قديمه و دائمه (بشكل اسبوعي) لصالون احساس شرقي
ما شاء الله كل الموظفات شاطرين و سريعين و لطيفين في التعامل
جوان و ريا ممتازين للشعر (قص، صبغ، سشوار،.)
بيلا جربت شغلها كده مره في السشوار شاطره
شغل ماريتا و ماريسا للأظافر رائع

حتى النجمة خسارة الصراحة الصبغات يبي لهم اعادة نظر فيها تخرب الشعر! وريا تمعط الشعر تمعييط احس اني ببكي وانا تحت يدها بالهداوة الناس تشتغل مو كذا! والقص دايم شي طويل وشي قصير؟؟ والاسعار نار على ايش مدري.

للأسف سيء جيته على مدح وحده اعرفها بس خيب ظنوني المنشفة اللي حطتها تحط اظافري وصخة + الادوات اشك ان المبرد كان مستخدمه احد قبلي وهي تسوي اظافري جرحتها وقعد احد اصابعي ينزف دم!

للاسف استقبال سيء وعدم احترام مواعيد العميله اتصلت احجز موعد وقالت تعالي الله يحييك ولما وصلت قالت لا لزم حجز قلت طيب انا اتصلت وقلتي تعالي ماكان ودي اكتب بقوقل لكن طلبت رقم الادارة علشان ابلغهم للرفع من مستوى الخدمة لكن مافيه تجاوب الأكيد اني ماراح ازور المكان مره ثانيه

محترفيييين في الصبغه (جوانا) والتسريحات
يبي لهم اهتمام بالنظافه

متى بيكون فتح المشغل ؟

جيت بناء على مدح الشغل الموظفه كتمتنا بالبخور والمطهرات مو شرط الكل يتحمل البخور يا اختي انا عندي الربو وانكتمت لين الحين اخذ بخار وعلاجات بسببكم. طعروا المكان بدري قبل مايجون الزبونات.

عادي يخلونك تنتظرين ساعة ثلاث يقصون وتستشور لهم وبعدها تقول لك والله ترا عندي موعد لزبونه ثانيه جاييه وهي قبلك وانت يوم تسوين الفاتورة محدده من تبين يسوي لك الخدمة و قالين قدامك وحده قص بس ولما تعترضين يقولون طيب وش نسوي لك

العاملات رائعات و قليلات كلام و هذي اهم نقطة. شغلهم جيد و متقن الى حد ما. يعيب المشغل الديكور و الاضاءه و التصميم كله قديم.

للاسف المشغل فيه تلاعب كل شوي لهم كلمه دقيت قبل ما اجي وسألت عن قص المكينه وقالت لي سعر ورحت وقالت لي سعر ثاني