The clinic is so clean, waiting time was very short, the assistant Bassma she was super nice and helpful, the Nurse was very kind and funny, and Dr. Rasha was very friendly and informative about my case. Keep it up
من افضل العيادات اللي رحتلها كا تعامل وخبره (وامانه) تعاملت مع الدكتوره رشا ررررائعه ودكتور اسعد نجار شي خيال الله يسعدهم شاكره لهم ولجميع الموظفات بذات بنات الاستقبال خلوقات ومحترمات جزاهم الله كل خير
دكتور عبدالله المحروس ماشاء الله لا قوة الا بالله ممتاز يده خفيفه وجدا متعاون جدًا سويت حشوات تنظيف وتبييض طبيعي وجدا نتيجة مرضية. الاستقبال جدا متعاون وقت الانتظار جدًا قصير. تجربة موفقة جدًا
أشكر الدكتور عبدالله على الأسلوب و التعامل و خفة اليد و الدقه بالعمل ، رغم انه عندي فوبيا من الأبر و طبيب الاسنان لكن اقنعني كلام الطبيب و شعرت بإرتياح كبير و ما حسيت بأي شي و فعلا كلمة الشكر قليل بحقه و أشكر الاستقبال و كادر التمريض على البشاشه و حسن التعامل و رحابة الصدر
جربت عندهم تنظيف البشره و تشقير وجه و حواجب مرره شغلها نظيف واعجبني كثيرر وبعدها طلبت تنظيف أسنان و تبييض و حولوني على الدكتور عبدالله محروس اول مره ما أحس ب ألم وقت تنظيف الاسنان يده خفيفه ودكتور شاطر الله يعطيه العافيه على الشغل الممتاز أوصي فيه وأرجع له مره ثانيه ان شاء الله
دكتورة ياسمين شانون سوتلي تقويم وشلته بعد سنه ونص وجد اسناني صارو اجمل بكثيرر واحلى وكثير اشكرها على معاملتها الحلوه معي وكانت دايما تشرحلي كل مرحله تسويها لي وبعد ما فكيته سوتلي تنظيف عميق مجاني? تستاهل الدكتوره خمس نجوم على حسن معاملتها والله
اليوم انتهيت من التقويم مع الدكتوره ياسمين شنوون ولو بشكر الدكتوره من اليوم لسنه قدام ماراح اوفيها حقها، دكتوره محترفه لابعد درجه اي شخص يسلم نفسه وهو مرتاح وواثق بان النتيجه راح تعجبه، استغرق فترة العلاج ٨ اشهر فقط بالتقويم المعدني وبالنسبه لي اعتقد ان هذا الوقت قياسي، النتيجه اكثر من الرائعه ورحلة العلاج كانت خفيفه الددكتوره مواعيدها مظبوطه وملترمه مع مراجعينها ويدخا خفيفه وماشاء الله تبارك الله خبيره بالاسنان بشكل رائع
تجربتي كانت عمل فيلر عند الدكتوره مروه الصراحه ماخلتني اطللع من العياده الا وانا راضيه عن الفيلر ويدها خفيفه ماتحسي بألم وزياده تشاورك لما تحط وكمان المنسقه اللي معاها ميرفت اسلوب واخلاق يعطيها العافيه
د. رشا إبراهيم خلصتني من عدسات قديمة اسوء من السيئ وحرصها أنها تبدأ باسنان نظيفة من تسوس وعصب و تلبيس العدسات التجميلية على سن ممتاز من كل النواحي مرييييح سلمتها تعديل ابتسامتي متطمنة و واثقة الصدق?
اسوء مستوصف، تروح لهم مريض ويزيدون تعبك وبالذات موظفة استقبال الدور الثاني استفزاز وسوء تعامل وكذب ولا عندها وقت تترك الجوال وتتجاوب معك والاسوء من هذا كله مافيه جهه عندهم تستقبل الشكاوي
سويت جلسه هايدرافيشل بصراحه اقل من عاديه والي سوتها لي انسانه مروغه تقول لي كلام وتقول لاختي الي دخلت بعد كلام ثاني مدة الجلسه 40دقيقه واختصرتها لي في 20 دقيقه تقول عشان ماتملون وبعد يومين من الجلسه طلع في وجهي وكذالك وجه اختي حبوب صغيره حول الشفه اتوقع ماكانت مهتمه من نظافه الادوات
لو فيه نجمه بالسالب حطيتها، أسواء عياده و أسواء تنظيف بشره سويته في حياتي طلع لي حبوب و دمر لي بشتري و الاخصائيه اذا هي أخصائيه اصلاً غير محترفه ابداً و من وجه لوجه تستخدم نفس الاغراض كل شي ملوث، الموضوع ماراح يوقف على كومنت بصعد الموضوع و برجع لي حقي
التقويم المعدني أسعاره مبالغ فيه وانا أسنان ماتحتاج وعلى كلام الدكتوره أسنانك بسيط تعديلها على اي اساس هالمبلغ انا جايه علشان العروض استغلال للعميل بالعروض دون تنفيذ العرض وأخذ مبلغ الكشف على الأسنان دون عمل أشعة باسناني ورؤيتها بالجهاز لتركيب التقويم فقط شرح كلامي وتعالي مره ثانيه انتهى الوقت كيف يخلص الدوام العصر زياره ما استفدت منها للأسف سفر على الفاضي لا أشعة ولا تركيب والمبلغ مبالغ فيه (استغلال العميل) دون مراعاة لظروفه! ؟
المستوصف مادي ولا يقبلون التأمين رحت للدكتور اسعد الكشفيه ب٢٠٠ وجلست انتظر اكثر من ساعه لأني جايه اول مره يقولون تعالي بدون موعد وانتظر وقت طويل وفي المقابل جلست ٥ دقايق عند الدكتور وقال انه بياخذ اجازه ومايقدر يعالجني ليش يستقبل مرضى جدد اذا هو مايقدر يعالجني
نجمة وحدة بس عشان اقدر اكتب عملت تكساس وذقن عند دكتورة راما خمسه مل كل جهه غير عن الثانيه والذقن كنه دبوس حاد مع اني قلت لها ماابي الذقن نازل ولا كني تكلمت شكلي مررررا لا شفت انستقرامها والواقع غيرر
تبارك الرحمن شغل جبار. بايدي الدكتوره الجميله راما ومواد نظيفه واصليه الحمدلله كل شي مظبوط شكرا لكم غير الاهتمام من الموظفات والخدمه السريعه والابتسامه اللي مانفارق وجيهكم ومعامله جدا طيبه
موظفة الاستقبال عندهم الشفت المسائي مرره سيء تعاملها وتجبرك تاخذين موعد بكيفها مو اللي تناسبك وتلغي موعد وتجدول غيره من راسها تقولين مايناسبني اليوم ولا الوقت تسكر بوجهك ابجح من هالاسلوب ماشفت بصراحه وترسل عالواتس الموعد الجديد يعني هي ماخذه الدعوه اجباري تمشي كلامها والا كيف هو الموعد لي او لها! انا تعاملت معكم كثير بس ولا مره قابلني مثل اسلوب هالموظفه السيء مع الاسف
عيادة اقل من العادية. ويستخدمون فيها بخور! ومافيها خصوصية ابدا لما تدخلين العيادة يدخل معك ممرضة ودكتورة وموظفة ثالثة معاهم توقف تناظر. الدكتورة مها تأخرت عن الحضور للعيادة ٤٥ دقيقة وآخرتني عن عملي ولا اعتذرت، الشغل غير احترافي، ويدها خفيفة ولكن التجربة ٢ اسوأ تجربة لي.
مكان رائع من حيث تعامل الاستقبال الى الدكاتره. عملت مع دكتوره رغد تبييض اسنان ماشاء الله من صفاوة التبييض ونظافته لي عوده ان شاء الله. خلوقه وبشوشه انصحكم فيها
المكان نظيف ومرتب و المواعيد مضبوطة بس زعلوني جداً مع الاسعار الجديدة اللي كل شهر تزيد انا دايم اسوي تشقير وجة وحواجب عندهم بدون عرض السعر 150 وقبل شهرين سويت ب 160 و الان في عروض حاطين السعر 199 وهو قبل العروض ارخص الاستغفال والاستغلال زعلني جداً
دكتور اسعد النجار، شهادتي فيه مجروحه دكتور بشوش شاطر فاهم صاحب ضمير وانسان مريح جداً سبحان من سخره لي بوقت كنت ضايعه وكنت ادعي يارب تسخرلي الدكتور الشاطر فاقده السن الأمامي من الصغر وسوا لي عملية زراعة عظم وبعد مرور ٣ شهور رجعت عشان اسوي عنده زراعة المصداقية عالية والتعامل معه جميل تحسه أب ويخاف عليك ومهتم لأمرك الله يسعده ويجبر بخاطره أول مره اتعامل مع دكتور اسنان بالسلاسه والراحه ذي والله كل من شفته يعاني من مشكلة او يحتاج زراعة أول من يطري ببالي واوصي الجميع عليه وانا قلبي مرتااح العيادة نظييفة ومرتبه جدا المنسقة بالدور الثاني محترمة وعملية لكن ياليت لو تبتسم شوي تفتقد للبشاشة المواعيد عنده ممتازه ما واجهت اي مشكلة ماشاءالله
العياده نظيفه ومرتبه ايه ومواعيدهم على الوقت بس للامانه كانت اول مره اجرب تنظيف البشره عندهم واخر مره صراحه العامله اللي تسوي لي سيييئة جدا تعور وهي تنظف الرؤس وليتها نظفتها طلع اي اثار سودا للعلم الصوره الان اهون من اول مابانت صدق ندمت بنات انتبهوا تسلمون بشرتكم لاحد مو مختص على اساس انو ارخص حتى مالي خلق ارجع اشتكي لهم بس حبيت احكي تجربتي بصدق
افضل عياده قد زرتها جدا التعامل راقي والخدمه رائعه سويت عندهم ليزر للجسم وتشقير حواجب مرره النتيجه كانت رائعه. شكرا لجميع موظفين العياده ومديرة المركز.
الدكتور هيثم اخصائي الاعصاب اكثر من رائع موظفات الاستقبال لطيفات ولكن المواعيد سيئه جدا. موعدي ١١ تم تاجيله بدون موافقتي الى الساعه ١ واثناء انتظاري شفت ثلاث عملاء بنفس الطريقه وبعضهم له بالانتظار اكثر من ساعه. اللوم على الطاقم الاداري احترام وقت الناس واجب عليكم. لن اكرر الزيارة
سيئه لابعد درجة ممكن رحت لدكتورة اسماء عنتر وسوت لي فراكشنال سبب لي حروق درجة ثالثه واشتكيتهم وزارة الصحه ورجعو دقو علي يعتذرون يقولون الجهاز كان خربانكل يوم ادعي عليها وعليهم شوهوني حسبي الله عليهم
هي زيارتي الاولى الترتيب ممتاز المظهر العام رائع التعامل خمس نجوم الانتظار لم يكن طويلا موظفة الاستقبال خلوقة ومحترمه وتعاملها طيب الدكتورة أسماء عنتر ممتازة وتنصح مريضها بالأصح والاصلح له محبة لعملها سريعه في الاداء الممرضات متعاونات التكلفة معقولة بالنسبة للجلسة والعلاج
عيادة غير احترافية لليزر اهربببووو. موعدي ١٠ ونص فل بدي رتوش ليزر يدخلوني ١١ وعندي موعد ثاني بعده للحواجب رتوش وتقول لي اجليه مافيه نيرس! كيف أأجل رتوش! عموما ما نصحكم فيها
اسووووء عيادة مرت علي اول واخر مره ، سويت اختبار لجهاز الليزر و م ناسبني وسبب لي حرق واجبروني على دفع قيمة الباكج كامل قبل مايتاكدون ان الجهاز مناسب ولا لا ولمن طلبت منهم استررررد المبلغ لا حياة لمن تنادي يتجاهلوني ولا فيه اي اهتمام للعميل انتبهو منهم وتاكدوا ان الجهاز يناسبكم قبل م تدفعووون حسبي الله ونعم الوكيل