قصتي كالتالي مع د. أميره سامي: اولا: الانتظار كان اكثر من ساعه والعذر اني كنت جالسه في مكان انتظار اللي مو عند عياده الدكتوره وينادون اسمي ويحسبوني طلعت بالرغم انها زيارتي الاولى للعياده ولا اعرف عن نظام الانتظار حقهم! نصيحتي اسألو عن مكان الانتظار الصح لان راح ينادون من عند العياده بس واذا مارديتي راح عليك الموعد! ثانيا: رحت وحجزت على اساس عرض وحده من المشاهير فيلر و بوتوكس ب١٨٠٠ لما دخلت على الدكتوره شافت وجهي وكتبت الفاتوره وطلعت تفاجأت ان الفاتوره عند الرسيبشن ب٢٥٠٠. نصيحتي اسألو عن كل تفاصيل فواتيركم و علموهم من البدايه انكم جايين عشان العرض حتى لو كان الحجز من الواتس على العرض لا تخلونهم يستغلونكم الا اذا انتي راضيه تدفعين زياده. ثالثا بعد الموعد الاول كل شي تمام البوتوكس رائع جدا للأمانة لكن الفيلر اخترت مادة جوفيديرم لكن الحقن جدا فاشل وتكتل وارسلتهم صور التكتل وردو علي بانه طبيعي وبيروح مع الوقت لكن ليومكم ماراح التكتل ، نجي للمصيبة العظمى لما رحت موعدي "الرتوش" كنت ابي فقط رتوش بوتوكس رقبة وما ابي ازيد فيلر لكن باصرار الدكتوره وانه لازم تعدل الشفة اللي تحت صارت المصيبة وهو تورم مكان الحقن والفك السفلي كامل اضطريت على اثره اروح الطوارئ واضرب ابرتين واكل علاجات لمدة ٥ ايام ، كان من المفترض علي فتح ملف تحقيق مع الطاقم الطبي من دكتوره و ممرضه على اللي حصل لكن اخترت الحل الاسلم وهو استرجاع مبلغ الفيلر الفاشل والمتكتل واذابته فيما بعد ، اذا لم تتم عملية الاسترجاع والرد على الشكوى وعدم الاهمال من قبل الكول سنتر و البنت اللي ماسكة الشكوى والمماطلة بأسرع وقت راح اضطر لفتح ملف تحقيق واحضار تقارير الطوارئ وتصعيد الامور. لا انصح بالعياده ابدا تعامل بارد وفاشل ومهمل والله أعلم ليش دخلت الطوارئ من ابرتهم الرتوش لان الاولى فكوها قدامي وعطوني الستيكر حقها وكل شي تمام وما حصل اي مضاعفات لكن بالرتوش الله اعلم ايش اللي حصل وماهو الخطأ ؟ خذوها قاعده ثلاث ارباع نجاح العياده يعتمد على خدمة العملاء وخدمتهم فاشله الى ابعد حد حتى وهم غلطانين
الكلام اللي بقوله لكل اللي يتصفحون التقييمات بكل امانه وذمة ضمير اللي يبي يعدل ابتسامته ويسوي قشور خزفيه افضل دكتور ممكن تروح له أحمد العرجا يعطيه الف عاااافيه سويت اسناني عنده وشغله للامانه نظيييييف ومتقن وتعامله جدا جدا جميل ومايترك مريضه بدون متابعه صدق والله اهنيه ع المستوى اللي هو فيه بشغله واخلاقه ويستاهل عشر نجوم ️ ️️️️️️️️️️
المركز ماشاء الله ممتاز ومرتب والاستقبال تعاملهم عسل الله يوفقهم ويسعدهم كان موعد من د. حنين صراحه شغل احتراف وخفه يد ماشاء الله تبارك الله الله يوفقها ويسعدها يارب. كل الشكر والتقدير
تجربة جميلة ومريحة اول مره اركب تقويم وجدًا الدكتور عبدالناصر متفهم ويشرح وباله طويل ويجاوب على اي سؤال ولاحسيت بالالام اللي يوصفونها لتركيب التقويم والحمدلله اخذت مده اقل من اللي قاله لي في اول موعد مع الدكتور بسبب انتظامي
توني طالعه من عند دكتوره حنين، وانا انسانه عندي خوف مو طبيعي من دكاتره الاسنان اللي مخليه اسنان غير مثاليه واعاني منها الان، لكن بعد موعدي مع دكتوره حنين، اقسم بالله العظيم شهاده لله انها عالجت العقده النفسيه اللي عندي قبل تعالج اسناني، يدها خفيفه تفهمك من نظره، وتشجعك معنويا، مريييحه جدا جدا وتطمنين معاها، والنتيجه كانت خيال، فعلا فعلا بذمه وضمير شغلها مب اي كلام، سوت لي حشوات لتسوس بين اسناني وتبييض ليزر صفه وحده الان وبيضاء
كان تجربتي مع الدكتوره حنين رائعه بدأت معها من ٣سنين وحبيت شغلها الدقيق كان عندي مشاكل كثيره في الاسنان واكملت للعلاج عندها وشغلها كان متقن وتعاملها رائع
كانت تجرية جداااً رائعة ابتداءً بتعامل ولطف الأخت زينب وموظفات الاستقبال الجميلة رازان بحسن تعاملها ورقيها وكذلك ريم العسل وخولة اللطيفة جداً وشيماء الله يوفقهم اما شغل ودقة الفلبينية نور اعطيها 5 نجوم باذن الله اعتمد هذا المركز واكنسل على كل المراكز الي رحت لها من قبل
عملت بوتكس قبل كم شهر مع د. مها وكانت تسمعني تجربتي ممتازه جدا كنت اعاني من فكرة ان البوتكس على طول يروح وساعدتني وغيرت النوع لي وتجربتي الثانية معها كانت تقشير بارد ولسى لي عشر ايام بس ان شاءالله كل شيء تمام
تتواصل معهم و تحجز معهم موعد بالوقت وتوصل بالوقت تنصدم انك تنحط انتظار و ما تدخل على الدكتورة الا بعد ٤٠د و اذا دخلت تنتظر ٤٠د ثانية عشان تدخل لغرفة الاجراء. اجل ليش تحطون مواعيد دام الموضوع انتظار! من ٧ الى ٨: ٣٠ وانا انتظر، النجوم بس عشان شغل الدكتورة اميرة سامي رهيب وتعاملها راقي
ثلاث نجمات بس عشان ليلى التونسيه اللي تعمل لايت على كثر ماكانت مزعلتني لخبطت المواعيد و التأخير إلا أنها بذوقها و أدبها و شغلها الفنان امتصت غضبي وزعلي شكراً ليلى
الدكتوره اميرة انسانه محترمه ومحترفه في مجال تخصصها لها مني كل الشكر والتقدير كذلك اخص مساعدتها ليلى التونسيه على جميل خلقها وتعاملها الرائع مع المراجعين
رحت اسوي فيلر عند الدكتوره اميرة اقسم بالله ما ادري ايش اقول بس الي اعرفه اني مستحيل ارجع المركز مره ثانيه يلطعونك باللنتظار وانتي جايه على موعدك والدكتورة تشتغل فيك وكأنها مستعجله ولا تجاوب على الاسئلة تحسينها مستعجله وتبي تخلصك وبس وتألم تدخل الابره بقوه وبسرعه ما تترك لك مجال تتنفسي حتى هذا غير ان الي ماسكه التسويق قالتلي بصورك قلتلها طيب بس لا تنزلين الصور اذا ما طلعت ضابطه وراحت نزلتها بدون استاذان وكلمتها شخصياً وسفهتني وتركت الصور مدري ايش اقولكم لكن نصيحة اخت بنات لحد يتعنى لهم على الفاضي اسعارهم غاليه وتعامل فاشل وشغل افشل.
من اكثر من سنتين اتعامل معهم صراحه في تطور ملحوظ ومواعيدهم دقيقه جداً وموظفات الاستقبال كلهم بالهم طويل و بخدمون من قلب بس اللي اسمها مها الزهراني لطيفه جداً واسلوبها ياخذ القلب الله يسعدها و يوفقها ومن تطور لتطور يا مراس ️
مافي اي احترام للوقت ابداً كل مره يتصلون علي 3 مرات ويغيرون موعد المقابلة وقالت لي تعالي قبل 5 وجيت 4: 15 وبكل برود تجيني تقول المدير طلع تعالي بكره طبعا رفضت اجي لاني مو على كيفهم طيب احترموا الوحدة جايه من مكان بعيد حسبي الله ونعم الوكيل فعلاً تعليقات العملاء صارت صح مافي اي احترام
فعلاً المكان عكس الكومنت اللي يسبون تجربتي مع دكتوره* مها عبدالعزيز* كانت خرافيه الفيلر البوتكس جميل وطلع احلا من اللي كنت متخيلته تسلم ايدها ولا ننسى بنات الاستقبال الاسلوب وكيف تعاملهم يشيلونك شيل
لي تقريباً ٤ سنوات أسوي ليزر عندهم، بديت آخذ مواعيد عند د. اميرة سامي عشان بشرتي وفي البداية الوضع كويس وراضية عن الجلسات، آخر جلسة انتظرت بالغرفة ساعة ونص كذا فاضية وكل مادخلت مساعدتها اقول تأخرت الدكتورة وينها؟ تقول شوي وتجي، اكتشفت ان عندها وحدة ثانيه تشتغل عليها! بنفس الوقت على شخصين هل يعقل يا ناس️جاية تقول هذيك حطت البنج اول نبدأ فيها ونجيك! فوضى عارمة صراحة اذا كذا وضعكم ليه اتصل واخذ موعد دام بتنشغل بغيري؟ جلستي ما تاخذ أكثر من ساعة الا ربع بس، كان موعدي ١٢ المفروض ١ طالعة من العيادة بس ما طلعت الا ٢…. وكانت الجلسة عبارة عن سريع سريع مو زي قبل جداً سيئة تحسفت مرة عليها، العيادة كل ماتوسعت وكبرت ساءت معاملة الموظفين فيها، مافيه احترام وتقدير للي جاي على وقته وملتزم ابداً، لو احد سألني هل تنصحين بالعيادة؟ بقول لا ابداً وخاصة على وضعهم الحين لا يطاق
من احسن العيادات بالرياض شفت شغلهم بالبداية بالسناب والانستتقرام عجبني شغل د. مها جيت ماشاء الله ابدااااااع سويت عندها فلر تسمعك وتسوي اللي بخاطرك وسويت تبيض اسنان عند د. حنين فرج الله ابتسامتي فرقت مليون درجة الدكتورة بطلة استقبالهم حلو والكول سنتر ممتاز
لو فيه اقل من نجمه كان حطيت تجربتي سيئه مع دكتوره مها عبدالعزيز مالها خلق مستعجله شوي وتطيرك مالها خلق حتى تشرح سويت ابر اقولهم يعور ابي بنج تقول مافيه شسوي لك تحملي ؟؟؟ ويناضروني هي والنيرس باستهتار الي يلا بس خلينا نكمل بدون بنج كيف عياده مافيها بنج ؟؟؟ بنشر ولا عياده ؟ يدي تصب دم بعد الابر خلوني هي والممرضه وطلعو قلت تعالو شوفو يدي قالو اوه خذي منديل قلت طيب شوفي كيف الشغل اسالو اذا عندي شي ساعدوني النيرس طبعا شووي وتصفقني وانا اتالم يعني اسكتي لا تقولين شي والله اخر مرررررره اروح انصحكم كلكم لحد يروح قسم بالله تحسسسسسسففففففتتتتتتتتت ياحسافه ال ١٥٠٠ بس الي دفعتها غير ان الموعد حق الليزر سحبو علي فيه عطوني وقت وهم اساسا ماحجزو بالسيستم وحاطين اسم وحده غيري وخلوني انتضار ولا قالو لي ان مافي موعد لي وتهاوشت معهم تجربه سيئه عجزت اشوف شي زين
دخلت ع الدكتوره اختارت لي نوع الليزر في الاخير انحرقت ورجعت لها وشافتني قالت فيك حرق بسيط! طيب كنبت لي كريمات بمبلغ وقدره ولاراح الحرق من يديني باقي اثر ضربات الليزر حسبي الله عليهم موظفات الليزر تعاملهم سيء غير كذا تموتين وانتي تدقين ع الرقم مايردون
للاسف لي ثلاث سنين اتعامل معهم وكان الوضع ممتاز ويكسبون العميل وممرضاتهم كويسات
لكن اليوم واخر جلسه في البكيج الليزر المواعيد يالله يردون عليك وللاسف تعامل الممرضه جدا وقح وتتافف عشان كم شعره وتنافخ علي ومستعجله طيب دفعيني هالغرامه الي تقولين ولا تقلين ادبك حتى شغلها اي كلام
وفوق كذا اروح الاستقبال الساعه ٩: ٤٥ تقولين قفلنا النظام خلاص بنروح بيوتنا طيب مو دوامكم الى ١٠ وش هالاخلاق السياحيه ياجماعه ان شا الله اجدد جلسات الليزر في مركز ثاني افضل منهم
جداً سيئ ، تجربتي مع د. بلال شغله سريع سريع ويعاملني معاملة فيه اهم منك ، جلست شهرين عشان يحط لي حشوه دائمه ع سنين كل ماجيته قالي يبيلك موعد ثاني ، واليوم موعدي قلت له صرت اداوم ترا مو معقوله كل مره اجي تقول لي موعد ثاني ، يلعب علي يقول السن يبيله موعد ثاني. ، و جرح شفتي باداه حاده ، مركز فاشل في الاسنان. والمالك اذا تبي اثبات هذا اسمي موجود تقدر تشوف مواعيدي والصور حقت الجرح موجوده.
الخمسه نجوم للاخصائية ليلى وليست للعياده ، جربت عندهم استشاره عند دكتوره مصرية ماستفدت ولا شي فقط صرفت الوف بدون نتايج تذكر، اللي اعجبني عندهم شغل الاخصائية ليلى التونسية في تشقير الحواجب بالليزر جداً رائعه.
سويت لايت لوجهي وحواجبي عند د. ليلى وهذي المره الثالثه عندها وجيت من تجربه ناس مدحوها لي الله يعطيها العافيه شغل احترافي وسوت لي حواجبي بشكل مرتب وشغل نظيف لدرجه بانت رسمه حاجب من الافضل اذا ماكانت الافضل بهذا المجال ويكفي اسلوبها ومساعدتها وتعاونها مع كل زباين بكل لباقه ورحابه صدر
العياده سيئه جداً ماليه حسن اداره ابدا ابداااا وكل العاملات الفلبينيات حقين الليزر سيئات جدا ووقحات ويهايطون قدام بعض وصوتهم مزعج ويضحكون ولافكرو ف العملاء - فقط عامله وحده محترمه اسمها ارمي مستحيل ارجع لعياده ماعندهم اي احترام
مركز يهتم كثيرا بدقة المواعيد خاصة في قسم الليزر مبدعين جدًا العيادة مرتبة ونظيفة والعاملين قمة الاحترافية نتمنى لهم التوفيق
كل من يتجنى ويظلم في التقييم لاينسى ان الله سيحاسبة والله هذه العيادة من اجمل واروع العيادات في دقة المواعيد التجميل خاصة د مها عبدالعزيز فعلا لمساتها احترافية الليزر خدماته جباره ولكن للحق صدق ان موظفات الاستقبال في الدور الثاني تخديدا صغيرات سن وينشغلون بالاحاديث الجانبية ومسوين ربكة في هذه معكم حق واكثر من مره شفت هالشي ويحتاجون تدريب وتعليم وفي النهاية هذولاء بناتنا وضروري نعطيهم فرصة.
سويت بوتكس عند دكتوره مها شبصت لي وجهي وطيرت حواجبي على اساس ان حواجبي نازله والعيادة زحمه وانتظار وحقن البوتكس ما اخذ معها ٣ دقائق بعدين تقول اذا حواجبك طلعت لفوق نحقن لك بعد عشر ايام ووننزلها ايش ذا! ماحبيت النتيجة صراحه الا بعد ٤ شهور من الحقن معناته انها زودتلي الكمية وماحقنت على اساس وجهي
تعامل موظفات الرسبشن سيء، صدق موظفين اطفال استهتار في التعامل يعني انا واقفة عندها ابي ادفع جالسة تطقطق على الجوال! هذا غير ممرضاتهم الغير اكفاء يخلونك تتنظرين وقت طويل عشان يجون ينجزون شغلهم! والاسعار مقابل الخدمة لاتعليق بصراحة، المكان غير نظيف ويوجد غبار على العلب! ، الدكتورات يطلعونهم بصورة كويسة على السوشل ميديا ولكن لما تقابلينهم وجهاً لوجه منفسات وبالحسرة ينجزون الشغل الادارة بإختصار فاشلة لو فيه شخص على سنع ما كان صار ذا كله، بداية مراس كانت تمام وبعدين خربوا
اللايت معروف مايشيل شعر الحواجب بس يصبغه انتو على اي اساس تشيلونه؟؟؟؟؟ انا من زمان عندكم وشغلكم كان كويس بس اخر مره سوت لي النيرس لايت حواجب كان حار اكثر من العاده وقالت لي لاتحطين كريم عشان مايصير الشعر اصفر وبعد كم يوم طاح الشعر تماما وطلع جديد!
كنت عميلة عندهم لي فترة ماشفت اي تطور بالخدمات، كذا مره اخذ موعد ويأكدونه ولما اجي يقولون بنخليك انتظار موعدك مو موجود! ووقتي يضيع على الفاضي! اقول للريسبشن وين الإدارة بكلمهم تقولي بيدقون عليك! يعني مالهم مكتب بالعيادة والا مكتب سري ممنوع احد يدخله! واخر شي مديرة المركز غير موجودة! هذا اخر تعامل لي معهم فيه عيادات كثيرة بأسعار أفضل واهتمام واحترام للعميل
الجلدية جيدين. الأسنان دخلت عند دكتورة سورية (قلت الجنسية لاني نسيت اسمها) للاسف كانت غير متمكنة و خربت لي حشوة و أضرت اسناني .
رد على تعليق المالك الكريم. قلت سورية أو ممكن أردنية بناء على الاكسنت? لكن مو هاذي القضية أن شاء الله بمركم الخميس للإدارة و اناقشهم بالموضوع لاني عنجد احب الجلدية عندكم بس من بعد الموقف باسناني تضايقت و ما صرت اجي للعيادة كلها و تحياتي
اشكر جميع العاملين في المركز من موظفين الاستقبال الى الممرضات و منسقة الدكتورة على الاهتمام و سرعة التجاوب مع الزبائن و اللباقة و الاهتمام الصراحة ذوق في التعامل و اشكر الدكتورة أميرة سامي انسانة رائعة و دكتورة من امهر الدكاترة ماشاء الله لطافة و مريحة جدا في التعامل و شغلها روعة الله يبارك كلها يارب
I was work as a local hire in meras as stock holder with in 2 months april 7 to june 7 2021 i decided left because 2 months no salary they always schedule my salary but still no update until now im still waiting for my salary still no action. Hasbiyallahu wani'umal waqel its too much hurt to wait my salary until now july 31.even a sleave have a pies of recieve her salary.
تعامل الموظفات غير لائق ولا يحترمون العملاء وحاولت اتحدث مع احد المديرين او المشرفين بخصوص موعد على الواتس وانتظرت ثم انصرفت واشتكيت على الانستجرام ولم يأتي أحد ولن تتكرر المعاملة معهم بإذن الله. لا يملكون مهارة التعامل الاحترافي ولا يعرفون أبسط قواعد كسب العميل بذوق للاسف الشديد.
ردوا على رسائل الواتس اب اهتموا بالرسائل لا توعدون بالرد ثم تسحبوا علينا يامراس النزهة - اتواصل معاكم على الواتس اب والي ترد على رسائلي في كل مرة تصرفني وكأنها مهتمة وما فيه اي اهتمام الواحد يشتكيكم أفضل له عند وزارة الصحة
كانت اول زيارة لي وحجزت موعد أسنان عند د. التركي الساعه ٤ وللأسف تأخر الدكتور ربع ساعة واضطريت ألغي الموعد لارتباطي والمفترض الدكتور أكثر إلتزام من المريض. الشي الثاني جلسة انتظار الرجال كنبات ممزقه و سجادة قديمة متسخة تعطي انطباع سلبي للمريض عن المركز
زوجتي كانت معي وجربت الدكتوره امتنان الغامدي وتمدح فيها لذلك وضعت نجمتين
للأسف حجزت موعد عند الدكتورة ميادة وجيت من مسافة بعيييدة وبعد ما وصلت قالوا الدكتورة في إجازة وما أعطوني أي خبر قبل اضطريت أدفع وأدخل على أي دكتورة وطلعت بدون رجعة بإذن الله
انا كنت عند دكتور عبدالناصر تقويم اسنان رهيب اي واحد من اقاربي علطول انصحه لهذا الطبيب لاني مخلص التقويم من عنده و تعامله عسل و يده خفيفه م شاء الله مع التحيه: زياد
تجربتي مع دكتورة أميرة سامي كانت سيئة جدا والدكتورة يدها ثقيلة جدا. سويت فلر استمر ألم وجهي من ابر الفلر مدة شهر ومازال الالم للآن في الوجنات وسويت بوتكس وراح أثره في اقل من شهر ونصف بس. المبلغ كان بمبلغ ٣٥٠٠ تقريبا بس النتيجة سيئة والتجربة تعيسة وماراح أكررها معاهم نهائياوما أنصح فيهم خصوصا الدكتورة أميرة لأن تعاملها جاف جدا وما تعطيك حقك كزبون وكمان يدها حيل ثقيلة. غير كذا يدفعونك ١٠٠ ريال على أول زيارة حتى لو ما سويت شي عند الطبيبة.
دفعت باكج وعند حجزي لأي موعد يرفضون بحجه ان مابان بجهازهم اني دفعت ، الي يزعل عدم تفاعلهم مع الشكوى هذي نقطة سلبية تُحسب ضدهم ومع الاسف ماراح اتعامل معهم مره اخرى
أولا أود أشكر مراس على عروضهم الحقيقية والرائعة والمناسبة في أسعارها وأتمنى أن لا تزيد الأسعار مستقبلا
ثانيا فريق الممرضات مدرب بشكل احترافي لدرجة أني لا أقلق من ناحية اختيار الممرضة عند عمل جلسة ليزر ، فجميع الممرضات بدرجة ممتازة تدعوني لعدم الحاجة بحجز ممرضة باسمها.
عياده جداً مميزه و جداً رهييييبين بالتعامل سويت جلساات فراكشنال مع دكتوره مها مرررره جميللله و سويت هيدرافيشل مع عبييير جداً مممتعه الجلسه جداً عياده جميله من حيث تعامل و من حيث خدمات
افضل عيادة بلا منازع في شمال الرياض جربت الفرعين والاثنين كويسين احب تعاملهم مع المراجعين واحب اهتمامهم في العميل وحرصهم على ادق التفاصيل, ️سهولة في حجز الموعد ويتصلون ياكدون الموعد عليك عشان ما تنسى وموجود قسم كامل لمتابعة جودة الخدمة لكل زيارة شكرا مراس
طاقم العياده جداً ممتاز ومتعاون كان استقبال او أطباء اتابع مع الدكتور عبدالناصر المحمود ، ونعم فيه دكتور لطيف ومتعاون جداً واخلاق وصبور ، الله يسعده ويوفقه
كادر رائع من استقبال والانتظام في المواعيد امس كانت تجربتي تنظيف البشرة مع الأخت عبير جدا رائعه في التعامل والخدمة والنتيجه الحمدلله مرضية وممتازه الله يعطيكم العافيه عيادات مراس
تجربتي مع المركز جداً رائعة ونتائج مرضية واسعار جداً مناسبة في متناول جميع الفئات تجربتي كانت في عيادة الليزر الحمدلله كان هناك التزام بالمواعيد في الوقت المحدد وهذا اهم نقطه يحرص الجميع عليها بالاضافة الى حسن التعامل من الجميع
بصراحه كلام الدنيا ما يكفيكم حابه اشكر فريق العامل كامل من أكبر موظف لاصغر موظف د عبير انتي اجمل شي شفته امس لي تعامل ثاني معاك اكييييد واليوم كانت تجربتي مع د بافاضل تنظيف اسنان وما شاء الله ما حسيت باي ألم ولا تعب وطبعا انا زبونة جديده معكم واكيييييد ماراح تكون الأخيرة والي يقول ان التعليقات هنا كذب وكلها من موظفين المركز ابي اقول لهم تعالوا المركز وانتوا احكموا بنفسكم شغلهم و تعاملهم ️
المركز جميل واستقبالهم اروع. مواعيدهم مضبوطه ،،، بالنسبه للدكتور شهير ماشالله عليه ممتاز. دكتور اسنان. وايضا دكتور عبدالناصر يفكرون في المريض ومصلحته اكثر من اي شي ثاني.
من قسم الأسنان جربت د. امتنان الغامدي يدها خفيفة وروحها حلوة ود. شهير قمة بالرقي والأخلاق. ومن قسم التجميل والجلدية عملت فيلر عند د. أميرة سامي ابددددعت حصل شيء جميل بوجهي بدون مايوضح ايش السر او ايش انا عملت. ️️