Maz Riyadh مركز ماز الرياض

المركز مرتب ونظيف ومختص بالجموس تقريبا وتعاملهم جيد والجميل ايضا اني واقف عند العمال وهم يشتغلون بالموتر واشوف شغلهم كما اعجبني تعامل الموظف السعودي وطولة باله وحرصه على رضى العميل الله يوفقه. ولو ان اسعارهم شوي مرتفعة لكن المثل يقول أعط الخباز خبزه لو اكل عليك نصه

للامانه قل الاهتمام بالعميل والاسعار غلت وفيه امور مبالغ فيها ، نصيحه اي قطعه اكسيد ما عدا الفتنقات لا تاخذها لانها رديئة عن تجربه، الرقليتر مصديه مساميره وما يمسك ضغط البنزين يرحل للراجع باقل من سنه والسياره ما مشت عليه ولا ٥ الاف ويوم سألتهم على الضمان يقول مافيه ولا له قطع اصلاح ولا شيء مع ان سعره ٥٠٠ ريال مب شوي والبواجي اكسيد السيراميك اسوء شيء انواع المسفاير وفيها عزل حراره لكن ما تثبت انفكت علي اكثر من مره من جهه البوجي وبعدها ركبت وكاله وضبطت وانا ما علقت الا عشان مصلحه المحل الله يرزقهم ولكن مب على حساب الجودة وبالنهايه انا عميل وهذا رأيي وانا مسؤول عنه امام الله.

رد على تعليق ادارة المحل: كلامي ما كان بس على الاسعار ، القطع جودتها سيئة ولافيه ضمان والتعامل من سيء لأسوء ، انا ما جيت ادور عوض انا زبون قديم ويهمني ترجعون زي قبل ولا بتخسرون ناس كثير ، اخر مره جيت ومعي بخاخات ls1 مفكوكه جاهزة ويبي 300 ريال وقعد يتفلسف علي ان الجهاز يضخ ضغط عالي واقوله انا بخاخاتي مب دايركت انجكشن ما احتاجها وفيه عدم فهم ملموس من الموظفين ، ويقولي اكسيد شركة امريكية يعني كذب عيني عينك ، كل قطعكم بعلي اكسبرس بمسميات مختلفه تدق عليهم وتسوي ريبراندنق وتختار الاسم الي تبي ويلزقونه لك ، وعيا ينقص ريال على تنظيف البخاخات مع انها بس يحطها بالجهاز بدون فك ولا تركيب ويقولي السعر واحد سواء فك او بدون فك وباسلوب كني جاي اشحد منهم ، الله مغنيني عن اسلوبكم وتعاملكم ولو ببلاش ما جيت.

عندي مشكله في سيارتي سييرا 2019 تقطيع ، بدلت اشياء كثيره للأمانة وتعبت ما صلحت مريت عليهم وحصلت عندهم وفحصها فني داهية رهيب سعودي يسمونه أبو سعيد قال ننظف افياش الكمبيوتر بس وما كذب عز الله رجعت السياره فوق الممتاز

انا غيرت مبرد قير وشغلهم ممتاز جدا وقطعهم من أفضل الأنواع وتعاملهم جدا رائع وخاصة المهندس /فارس واقف على الشغل بنفسه انصح به وبشدة

خدمات لاصحاب سيارات دفع رباعي كل الاحتياجات
انصح الإتصال قبل ذهاب والسؤال عند القطع هل هي متواجده

الخدمه سيئه جدا لدرجه انهم خربوا لي السياره وسلمتهم السياره سليمة ويوم جيت اخذها طلع فيها تكايات

ممتازين الله يجزاهم خير من توفر قطع و اسعار مره ممتازه مقارنه بالسوق و اخلاقهم طيبه لكن شغل اليد للاسف مرتفع شوي

ماشاءالله تبارك الرحمن طاقم فني جبار وخدوم ومتعاون ونصوح موفرين القطع واجور يد ممتازه وكل الشكر للمهندس فارس

مع الأسف الشديد ما فيه اي مصداقية. ففي موقعهم يحطوا ان فيه قطع متاحة ومتوفرة وأكثر من حبة ومع ذلك في الواقع تكلمهم ويقولوا لك لا ما فيه.

وأيضا تدخل على قائمة السوائل والزيوت في الموقع وستتفاجأ ان ما فيه اي منتج متاح، ولكن بس تروح للفرع، ستجد عندهم انواع مختلفة من الزيوت متاحة

فلا فيه اي مصداقية لا في الواقع ولا حتى عبر الطلبات من الموقع

تعامل راقي ، وقطع أصلية ، العمال محترفين ،

فنييين محترفين بأعلى مستوى ، دقة في المواعيد.
والاهتمام الأكثر من رائع. والتوضيح الكامل لاحتياجاتك.

الله يبارك لكم ويزيدكم

احقاقاً للحق السعوديين الي هنا واحد حبيب وواحد يناظرك بطرف عين وشين اخلاق واستعلاء مدري على ايش ورشه ي كبتن وبفلوسنا

ركبت عندهم بلف حراره اكسيد و اليوم الثاني قفل علي و ارتفعت علي الحراره و رجعت له و غيره لي و ما كمل معي يوم و صارت نفس المشكله و رجعت له مره ثانيه قالي الموظف البلف ما عليه ضمان تاخذه انت وحظك يمكن يقفل عليك في اي وقت ولا فادني باي شي و قلت له ابي اكلم صاحب الحلال قالي انه ما يحب يكلم الزباين و اذا دخلتك عليه يمكن يصير بينكم نقاش او مشكله.
وش ذا التعامل حتى صاحب الحلال ما يبي يقابل الزباين و يحل مشاكلنا.
و لو فيه اقل من نجمه حطيت و حرام فيه المدح و التطبيل الي جاه.

تجربة سيئة مع ماز، ولا انصح فيه لعدة اسباب كثيرة:

١- لايوجد ضمان، عكس المنافسين انا ركبت هدرز وقالوا مافيه ضمان عكس بوليت يوجد ضمان ولا انصح فيه.

٢- اهمال في سيارتك، العامل امامي يرقى على قاعدة اللوحه وخرب وزنيتها وهذا شي مو مرضي لي.

٣- مافي فواتير، قلت ابي فاتوره قال تواصل مع الواتساب عشان نرسلها لك PDF ومن اليوم اكلمهم ومافي استجابه وهاذي كافيه بلاغ من وزارة التجاره تلحقهم مخالفة.

٤- مافي دقه للمواعيد، قالو راح تطلع اليوم قلت بجيهم ولكن قبل لا اجي دقيت ومافي اي استجابه دقيت على الرقم الثاني اخلاقه مو مرضيه وصار يصرفني ويقول دق على الرقم الثاني دقيت ولا رد وقلت بجي على كلامهم وبعدها قالوا بتطلع بكره وش ذنبي يوم ماتردون.

المختصر:

لا ضمان ولا جودة عمل ولا خوف على سيارة العميل ولا يوجد فواتير تطبعونها لي او ترسلونها على الاقل.

واتمنى تحسين الخدمة يا ماز، الي يبي ياخذ هدرز ولا وش انصحه في بوليت قبل ماز.

التواصل عندهم فيه مشكلة
يعني مرسل لهم على الواتس من اكثر من 7 ايام وما فيه رد اتصل على رقم التواصل يقفل في وجهك ياخي اذا ما تبي تتواصل مع الناس ويكون عندك فريق خدمة عملاء يجاوب على استفسارات الناس ويتاكدون من توافر موعد للصيانة لا تحط ارقام تواصل
امل اخذ الملاحظة بعين الاعتبار من باب التطوير لكم شكراً

موثوقية عالية جداً جداً وشغل محترفين باحدث الاجهزة والمعدات ، وزياده على ذلك الطيب والاخلاق في جميع منسوي ماز وعلى راسهم عميد الاخلاق ابو علي يوسف ، قبل الشغل نصايح ويشتغلون الافضل لك ، بعد الشغل التاكد من الشغل والجوده بنفوسهم ، يعني لو انك ما تعرف شي في السيارات صدقني هذا المكان الي تدور عليه ، ختاماً الله يبارك لهم في ارزاقهم ويعطيكم الصحه والقوه لانهم اهل الامانه والصدق والنصح ، شكراً MAZ

رقم المبيعات يومين احاول اتواصل معه ما يرد واتصل على الرقم الثاني يرن ويعطيني مشغول وف الواتساب ما يردون. مهزله

والله مدري من وين ابدأ بس ماشاءالله تعامل الأخ سعد جدا جميل ؛ أخذة من عندهم مساعدات بلستين ويايات كنق مرتين على موتري وموتر اخوي والسعر ممتاز وفي اشياء ثانيه كثيره ركبها اخوي لموتره والحمدلله السعر ممتاز والتعامل طيب والشغل نضيف

مكان متخصص في الجموس يركب مبردات قير وكاتش كان وبرمجه وماالى ذلك
قابلت احد الشباب هناك اتوقع انه المالك مااعرف اسمه وجزاه الله خير شرحلي بعض الامور عن الكاتش كان
واشكر تعاونه صراحه له مني تحيه.

شغل نظيف وسعر مناسب. صلحت شيء عندهم وحصل خطأ غير مقصود. لكن الشباب حاولوا وعالجوا المشكلة قدر مايستطيعون. والحمدلله طلعت بنتيجة مرضيه. الله يوفقهم ويبارك لهم.

تعامل راقي لأبعد درجة قطع ممتازه ومنافس للأسعار و يبون يساعدونك بأي طريقه
برجع لهم مره و مرتين وثلاث
الله يوفقهم

تجربتي مع الاخ يوسف جيده، معه اثنين آخرين لا انصح بالتعامل معهم، واحد منهم كذاب يقول ما تقدر تطلب قطع الصيانة من الموقع بالخصم لانها قطع صيانة وفي الاخير اكتشفت انها متاحة للبيع بالموقع وبالخصم.

تجربة سيئة جيتهم على الكلام اللي بالسناب شات وعروض بلف الحراره جيت السبت العصر حصلته مقفل بعدين جيت الاحد وحصلتهم مقفلين طلع لازم ادق جوال احجز موعد المشكله ماحطو ستيكر عند الباب والعامل طلع ادق له بوري دخل وقفل الباب وجيت ادق الباب كني شحاد محد فتح سلامات وش ذا المركز اللي مايبي الزباين على الاقل حطو ستيكر او افتحو الباب الصغير اذا ماتبون تفتحون الكراج كامل بخصوص ردك انه لايوجد عرض على البلوف مكتوب بموقعكم ان فيه خصم على البلف والكاتش كان لاتدخل بعيني.

الله يعطيكم العافية. تواصلت معهم لتركيب كاتش كان ونصحني اطلبها من موقعهم واستلمها من الفرع واركبها عندهم عشان استفيد من خصم الموقع.
جزاكم الله خير

تم تركيب بكج كام للسيارة وفلتر وبلف الله يعطيهم الف عافية وماقصروا وعلى راسهم الاخ يوسف بالاخلاق والتعامل

سويت عندهم تصفية جي اكس ار غيرو بواجي وصفاية بنزين وتنظيف تروتل. ،
كلفني 1050 ريال والسياره نفس مشكلتها اخر شي يقول غير بخاخات تكلف القطع فقط 2800 ريال غير شغل اليد
خسرت 1050 ريال واخذت موتري بدون فايده واسعارهم غاليه وحسبي الله ونعم الوكيل
ملاحظه:
يقولك الموتر ناخذ على وقفته اجار 50 ريال لليوم الواحد

صراحه تعاملهم راقي وخاصه صاحب القراج واخوه المبرمج وينصحك لو تجهل بشغله حتى لو كانت الخدمه غير متوفره عنده

الصدق جيتهم ٣ مرات
المرة الاولى تصفية
المرة الثانية تصفية لسيارتي الثانية
المرة الثالثة تركيب كاتش كان
ولكن لاحظت انهم:
• يقفلون باب القراج مع العلم انهم داخل
•يلطعونك ساعة ساعة الا ربع
•الموظفين داخلين طالعين يشوفونك ويتصددون
•مافيه تعامل لطيف نوعًا ما.
شغلهم كويس مابه شي ولكن الصدق اللطعة ماهب زينه
كلامي هذا موب دليل لعدم رجعتي لهم بس ياليت يركزون بهذي النقاط ونتمنى لهم التوفيق ️

قمه في الأخلاق ابوعلي والطاقم الموجود وشغل احترافي وقطع التزويد وبعض البدائل قطع الوكاله بسعر السوق وقطع التزويد بسعر مناسب جدا

ماشاء الله تبارك الله محله راقي ووكيل رسمي لعده شركات قطع غيار وتزويد وكثير من الأحيان تجي قطع التزويد مثل الكام والكاتشكان والمساعدات مصنعه خصيصاً للمواصفات اللي طالبها اخوي يوسف اللي تخدم طبيعة تضاريس شوارعنا بكل أريحية وجودة.

لكن وبكل صدق ينقصه قطع تزويد مكينه هيمي من كامات وبلوف وتكايات وإلغاء الدي او دي بسسسسسسسسس والموقع الإلكتروني ليتم الطلب منه.

والله يوفقك ي يوسف وماشاء الله تبارك الله.

المركز فيه شباب سعوديين محترمين واستقبالهم ممتاز لكن لااعلم مدى احترافيتهم لاني لم اصلح سيارتي عندهم لاستعجالي.

افضل مركز صيانه الجمس
الصراحه مركز رائع وأسعاره جدا ممتازه
مشروع سعودي والقايم عليه سعوديين

ركبت عندهم فلتر ولخبطو ليات التبخير لين صارت لمبه الزيت الحمرا تولع وغيرت طرمبه الزيت بسببهم حسبي الله ونعم الوكيل

محل جميل جميع انواع قطع التعديل موجود واذا ما كانت موجوده يطلبها لك ٢٠ يوم وتكون موجوده
وكل شركة vp