Maleen Consultant Center

مساء الخير

بخصوص مركز مالين الاستشاري

أولا: من ناحية المركز
مركز متطور وجميل ومرتب
ثانيا: من ناحية الكادر الطبي
أنا جيت على سمعة الدكتور ناصر العسيري.
وفعلا حصلته يستاهل المدح وانصح كل شخص عنده مشكله بالفكين لا يتردد بالقدوم للدكتور ناصر
فقد أكرمنا بأخلاقه العالية وتعامله الطيب.
وخبرته وتمكنه، الله يكثر من أمثاله
ولا أنسى منسقة الدكتور الأخت سهام
كانت متعاونة جدا وأخلاق عالية

تجربتي مع مالين جيت عن طريق المسوقة تقي لدكتور محمد الكناني جراحة التجميل العيادة مرة عجبتي ومنظمين جدا في الوقت وعمليتي قريبة الله يسهلها

مركز يجنننننن و الخدمات روعة انا من2013 وانا عندهم اي اجراء احب اسويه ما اروح الا ل مالين اثق فيهم و اثق في الدكاتره الموجودين فيه

الدكتور سعيد الكناني الزهراني
أسطورة التركيبات وزراعة الأسنان
من أفضل الكفاءات الوطنية في تخصصه
الله يبارك له في علمه ووقته وعمره

ماشالله دكتورة رضوى من افضل الدكاترة الي تعاملت معهم بحياتي وهي مدرب معتمد للفيلر والخيوط بجدارة شغلها ولاغلطه

هو ملك للدكتور الفاشل سعيد الزهراني سو لي زرعه وانكسر التاج في اقل من سنه وراجعته قالي ادفعي 4000قيمة سن جديد حسبي الله عليه الله لايبارك له في صحته ولا عياله ولا ماله

رحت لهم عشان ليزر وجداً سيء. الممرضة أقولها لا تضربين ليزر على شعري الوبر ترد علي بطيب بعدين تضربه والحين طلعلي شعر ثقيل ما كان له وجود من الأساس

بتخصص جراحة الوجة والفكين صعب الواحد يلقى الطبيب الي له خبره بعمليات تصحيح الفكين ويستخدم التقنيات الحديثه، د. ناصر عسيري خبرته عريقه ويستخدم احدث التقنيات والمهارات ودائما مُطلع ويتجدد مع تطور التخصص. الحمدلله توفقت معاه كانت حالتي كلاس تو صعبه والنتيجة الحمدلله فوق ماتصورت شكليًا ووظيفيًا، والنتايج فعلا بالواقع افضل من الصور الي يعرضها. شكرًا لد. ناصر وللفريق

تعامل سيء ، اراسلهم ايام عشان اخذ موعد ، جهاز الليزر سيء وماناسبني واقولهم ابغى اغيره تقول لازم الدكتورة تشوفك اول عشان تغيريه والدكتورة بترجع من اجازتها بعد ٣ اسابيع ، واذا ماتبغي تكملي عليه خذي بكيج ثاني وطبعا ادفع عليه وهذا يروح علي وانا دافعة عليه.
مركز جداً سيء وللاسف موظفين اشخاص ماعندهم اسلوب لا بالإدارة ولا التعامل مع الزباين.
المحادثة موجودة وتم تصويرها وردكم خلال ساعات وايام ٣ ايام انتظر الرد!

العيادة ممتازه من ناحيه التعامل مع المراجعين ، مراجعتي عند الدكتوره مروى السيد غنيه عن التعريف انسانه جداً خلوقه ومتميزه في عملها

المركز جدا سئ سويت عدد ٢ جسر قبل ٤ سنوات و بعد المراجعه بسبب مشكلة في احد الجسور قالو نحتاج نغيرها بتكلفة ٢٠ الف مع ان المشكلة بسبب سؤ التركيب
انتبهو لازم تطلبون تقييم سعر قبل اي عمل اسعارهم جدا جدا غاليه
فيه مراكز افظل و ارخص

تجربتي علاج خراج وتنظيف اسنان عند دكتوره ابرار السديس قمة الأتقان يدها خفيفه وتعاملها مريح وتنظيفها للأسنان ولاغلطه شكررراااااا الله يوفقها ويسعدها يارب

للامانه أخلاقهم عاليه ورحابة صدر. ونظافه
ابغى اعرف دوامهم متى بالضبط
هل هو فترتين او لا

تجربة سيئة حجزت بعيادة أسنان ودفعت حق الاستشارة وطلعت بدون خطة علاجية قالوا بنرسلها لك ومن بعدها كأني اشحذهم وانسدت نفسي ماعاد بسوي شي

الليزر عند ساميه شي ثااااني ، دقيّقه مره ماخلت ولا فراغ بجسمي الا وجاه الليزر صدق انصحكم فييييها

مره يهبلون الرسبششششششن فاطممه جواهر مرام صدق امانه يهبلووون جيت متاخر ودخلوني صدق افففف يثلجون الصدر واسلوبهم حلو وصدق محضوضيييين جداً فيههههم

من سنه اسوي عندكم ليزر احسن منهم ما شفت البنات بالرسبشن قمه الذوق والاحترافية. الحجوزات عن طريق الواتساب والاتصالات دايما يردون علي ويخدموني قد ما يقدرون. التمريض محترمات وشغلهم مررره حلو جربت شيماء اظن عسل. سبكترا ريتشل فناااااانه بالحواجب

ب 24 نوفمبر رحت مركز مالين
عملت بوتوكس للجبين ،،،
ماشاءالله الله يبارك ، المركز نظيف جدا،
الاستقبال رائع ،، الدكتور محمد صلاح
د. محمد صلاح فاهم شغله صح
يستاهل 7 نجوم ،،

مركز رائع تعااملهم يجبرك تجي مرا ثانيه واللليزر ممتاز من افضل المراكز اللي تعاملت معهاا مثل جودة عبدالعظيم البسام

المركز جداً رائع عيادات الليزر مواعيدهم دقيقة بالاضافه استشارين الاسنان جداً ممتازين،، مستمرين معاهم باذن الله

الصراحه المكان نظيف مرره وحلو الترتيب فيه والمواعيد بيردو عليه ع طول
والدكتوره مروه ممتازه جدآ متعامله معها من زمان️️️

المركز بعيد عن بيتي بس يستاهل اتعنى له الخدمه جميله حجزت فيلر عند الدكتور محمد شغله جميل وناعم وحجزت فراكشنل ليزر والحمد لله

للأمانه أخذت موعد سريييييع رجالي ليزر
التعامل جداً راقي
الدكتور فاهم وأخلاقه حلوه
الممرضه عارفه شغلها ولاهي جالسه تخبس
والشكر الأكبر للأخت جواهر في الاستقبال على تعاملها الراقي

جربت في المركز قسم الليزر.
كان جدا ممتاز من حيث المواعيد وشغل النيرس
جدا ممتازه. النظافه والتعقيم ممتاز
اخذت بكج ٤ جلسات سعره حلو ومعاه جلسه كربون مجانا جربتها مع الاخصائيه تهبل في تعاملها
وبرجع اخذ عندهم بكج جديد
شكرا مالين?

السلام عليكم ورحمه الله وبركاته حبيت اقول كلمة حق. في عيادة مالين. وخاصة الدكتور سعيد الزهراني انا سويت عنده مرتين رزاعه اسنان صراحه كلمه رائع قليلة في حقه أنسان رائع في تعامله وشغله فوق الرائع انا اعتبره افضل دكتور في رزعه الاسنان في المملكه أسأل الله العظيم ان يبارك له في عمله الف الف شكرلك يادكتور سعيد شكرا عيادة مالين وكل العاملين فيها على تعاملكم الطيب

Their service is fantastic.dr mohammed salah is also professional. So are the nurses and other staff. The only problem i encountered was tht the prices should include vat. To avoid confusion.everything else was amazing.

موعد الساعة ٣ العصر … واكثر من ٢٥ دقيقه انتظر الدكتور وبعد مناقشة الاستقبال تواصلوا مع الدكتور يقول ينتظر ١٠ دقائق على بال مايوصل ؟! ؟! ؟!

I took their laser hair reduction for face and I am very happy with the results.just after 1 session I can feel a whole lot of difference.much recommended

المركز رائع ماشاء الله وهادىء ونظيف من النظره الاولى ترتاحين لهم والاستقبال ودودين ومتعاونات قسم الليزر جربتهم جيتهم جلسه رتوش تشقير وجه رائع جدا والممرضات يدهم خفيفه ومبتسمات ولقيت عندهم عروض اليوم الوطني واعجبني وطلبت منهم ابدا نفس اليوم وتعاونو معي مع انه ضغط مواعيد وتابعت معي الاستقبال ويسرت لي موعد بعد اعتذار احدهن عن موعدها ️

ممتازة عيادة الأسنان الدكتور سعيد الزهراني تعامله وشغله جداً رائع. ولكن لا يوجد خصوصية للمريض الباب دائماً مفتوح. الأسعار مرتفعة قليلة. الاستقبال متعاونين خصوصاً الاخت ابتسام

جربت عيادات الاسنان عندهم جداً ممتاز عملت معالجة جذور عند الدكتور فهد المزروع ماشاء الله اتقان ودقه وتعامل الله يوفقه ايضاً الدكتور حميد الداوود ماشاء الله متمكن ومتعاون الله يوفقه بشكل عام قسم الاسنان روعه وموظفات الاستقبال متعاونات وفق الله الجميع

المركز جميل وسويت عمليه لأبني عند دكتور ناصر الله يسعده. لاكن المنسقه أدق ماترد ارسل ماترد اول مركز خاص اشوف تعاملهم كذا

تجربتي ب مركز مالين. اشكر د. عبدالعزيز التميمي انه يحط لمسته البسيطه اللي تحول شكل الفم والوجه الى شي جدا جميل بدون تكلف
لما قررت ابدا اشتغل ب اسناني علاج و تجميل
كنت الاحظ اهلي انو بشكل مستمر يروحون عيادة اسنان وماتنتهي مشاكلهم صح المبالغ بسيطه لانك لاحظت انو كثير يرجعون للطبيب لان فجاه يطلع خراج عصب او تركيبه غلط لابد تطلع مشكلة والمشكلة الصغيرة تتحول ل كبيرة
بحثت وسالت وعرفت عن "مالين" ورحت استشارة وقلت لنفسي بس بجرب واشوف كلام الدكتور طبعا حقت المواعيد ابتسام جدًا متعاونة وبرضو البنات اللي معها بس هي اللي كانت ماسكة حالتي مع دكتور عبدالعزيز التميمي ، اول ماسويت الخطه انصدمت شوووي من السعر بس لما فكرت ان السعر يندفع ع اجزاء ، واني عند استشاري جدا شاطر وفاهم وشهاداته تتكلم وله سمعته ارتحت وبديت معهم وبكون ب ايادي امينه وباذن لله ماراح تطلع لي مشاكل ثانيه بعد ما اخلص لان شي متعب انك تشتغلين ب اسنانك وترجعين تفكين وتعدلين واخر شي تلاحظين انك دفعتي الدبل ولا استفدتي شي و ب اي لحظة تخسرين اسنانك الطبيعية واهم شي الاسنان الواحد ماعنده استعداد يخسر سنه وتكبر المشاكل بفمه
المواعيد كانت على موعدي بالضبط ادخل بدون تاخير ، اما بالنسبة للدكتور شغله دقيييييق جدًا وماكان يشرح لي خطة علاجي بس كان ينصحني كثير من ناحية الشكل والخطة النهائية
الدكتور شرح اشياء كثير عن الاسنان بسيطة وكبيرة و لما بديت عنده فعلا لاحظت انه يهتم للتفاصيل الصغيره قبل الكبيرة
انا الحين انهيت خطتي معهم من ناحية علاج الحمدلله لا الم ولا شي ومن ناحية تجميل الشكل جدا طبيعي و جدا جميل اللي محد ملاحظ انا ايش سويت بالضبط ، حرفيا عالجت اسناني بايادي ناس مختصه بهالشي وبرضو سويت ابتسامه اشوف اسناني لؤلؤ الحين ابد مو الشكل البشع الابيض واللي مبين اني مسويه ابتسامه الدكتور عبدالعزيز التميمي حل لي عقدة اسناني ب اشياء انا فعلا احتاجها بدون تكلف وبدون لا استنكر شكلي بعد الخطة ، عموما اهلي بعد ما شافو كيف عالجت اسناني وكيف الدكتور تابع حالتي وعالجهم كلهم بيسوون عنده واتمنى اي احد يتوجه للدكتور لاني اشوفه نعمة صراحة ،

مركز رائع ومتميز كل العائله تراجع فيه اسنان و جلديه واستقبال الجلديه يهبلون البنات متعاونات فاطمه ومرام الله يسعدهم️️

Dr. Rasha was amazing, very lovely personality + wonderful and skillful work

دكتورة رشا للتقويم رائعة، أسلوبها محترم وشغلها روعة + يدها خفيفة

تجربتي مع الدكتور الرائع محمد صلاح تسلم يدينه على الشغل المتقن والمحترف في الفلر والبوتكس وتعامله الراقي
المركز جميل ونضيف والاستقبال رائع
اعتمد المركز والدكتور محمد لكل اجراء ارغب فيه

شكرا كتيير للدكتورة رشاأخصائية التقويم على كل شيء دكتورة أكثر من رائعة اليوم بنتي رغد خلصت التقويم والحمدلله نتيجة جميلة وبوقت ممتاز جداالحمدلله جزاكِ الله خيراً دعواتنا دائما لك ودمتي بخير

الدكتور المبدع محمد صلاح اشكرك على لمستك السحرية حسيت بفرق البوتكس والفلر من شغلك الاكثرر من رائع شكراً من القلب

زرت مركز مالين الاستشاري لأول مرة للاستشارة بخصوص الأسنان الاستقبال أخوات متعاونات طاقم التمريض مرحب قابلت الدكتورة أبرار السديس طبيب عام جدا ودودة أخذت لي أشعة بانورانا وشرحت لي المشاكل اللي تعاني منها أسناني وأحالتني إلى الدكتور وليد أستشاري التركيبات وراح يكون موعدي يوم السبت بإذن الله وإن شاء الله خير. الكشفية مع الأشعة كانت بسعر معقول.

الدكتور عبدالعزيز التميمي من أفضل الأطباء في زراعة الاسنان انصح اي شخص يبغى زراعة أسنان الذهاب إلى مركز مالين

اغلب المقيمين للمركز لهم تعليق واحد وهذا يشكك بمصداقية التقيمم
بصراحه لا اعرفهم ولكن من واقع خبره انصحكم فالحذر واجب

مع الأسف كانت تجربتي مع الأسنان عندهم جدا سيئة
الدكتور جميل حزام من أسوأ دكاترة الأسنان إلي مرو عليه في حياتي
لمن أراد خسارة أسنانه أنصحه بالتوجه للدكتور جميل فهو خير من يقوم بذلك
كفاءته 0 / 100 بدون منازع مع مرتبة الشرف الأولى

سيئيييييييييييييين جدددددددداً

انا معاهم من 2010 وصراحه شغلهم نظيف و ممتاز جدا وقبل سنه ركبت تقويم الأسنان في البداية كانت معاناة وتعب الشد ولا كن النتيجة بعد الفك كانت مذهلة شكراً د/ رشا

اشتغلت على تقويم الاسنان مع د. رشا وكانت تجربه ممتازه جدا الحمدلله والنتيجه كذلك يدها خفيفه وشخصيتها جداً محترمه ولطيفه التزام تام باوقات المواعيد ونفسيات حلوه

تجربة غريبة والله بدت بخوف وانتهت بثقة وراحة! كل هذا باختصار بسبب احترافية الدكتور بالتعامل والتشخيص واللي تجبرك غصب انك تنقل هالتجربة لغيرك لانه يستاهل والله والواحد يفتخر فيه

تجربتي كانت مع الدكتور والأخ سامي العنزي اللي أوصفها بالرائعة. طولت باله وسعة صدره وخفة يده انسان مريح بسيط بتواصله وشرحه.
اشكرك على احترافيتك، ثقتك وإلمامك باللي قاعد تسويه اللي انعكس علي بشكل إيجابي الله يوفقك وفالك ان شاء الله النجاح الدائم والتميز.
بالنسبة للعيادة كانت تجربتي الشخصية بشكل عام كويسة وكل مراجع ممكن يواجه تجربة إيجابية او سلبية وهذا حق مشروع وبتختلف من شخص لشخص

د. سامي العمزي
من أفضل دكاترة الأسنان السعوديين الي جربتهم. دكتور متمكن جدا وراقي في تعامله. وبإذن الله راح اراجع عنده بشكل دوري.

أفضل مركز أسنان شكر خاص للدكتورة اروى والدكتور بندر استشاري لثة والمنسقة سهام وجميع الطاقم انصح الجميع بزيارته

Very unprofessional impolite call centre telling me to hurry up choosing my preferred date and time while I’m checking my schedule! People aren’t coming for free to your centre! And they have busy week schedule if you got life of nothing it’s not your customers issue to tell them to hurry up!
I’d give zero stars if I could

المركز جميل بشكل، والقسم الجديد مرتب و حلو ماشاء الله تبارك الرحمن ، لاحظت أن تعامل الممرضات و الاستقبال كان في منتهى الذوق و الأريحية و هالشيء عجبني حيل و بإذن الله مب آخر زيارة لكم شيء يفتح النفس ، بس لو في عتب فهو أن المكان كان شوي حار لكن بالمجمل مركزكم يفوز.

أخصائية التقويم الدكتورة رشا صراحة يدها زي الريشة ومواعيدها سهالات في حال الالتزام. شغلها لا يوصف ما شاء الله وتشتغل بضمير ونفسية حلوة وكل شي. صراحة الله يسعدها كثر ما اسعدتني اليوم لما فكيت تقويمي نظافة وشكل الاسنان يجننوا. الله يعطيها الصحة والعافية. ️

ركبت تقويم من ٧ شهور تقريباً
اولها كان شوي متعب وطبيعي يكون متعب لكن الدكتوره رشا من ارقى واجمل الاشخاص الي ممكن تتعامل معهم سواء طبياً واخلاقياً
ف بصراحه تستاهل كل الشكر والتقدير

سبق لي راجعت عن الدكتور توماس وكان رائع وماشاءالله من افضل الدكاتره اللي مروا علي
وبعده صرت عند دكتوره ميساء واهني المركز على الدكتوره دكتوره شاطره وممتازه ويدها خفيفه ماحسيت بشيء الله يسعدها ونفسيتها كمان رائعه هذا اللي يخليك ترجع لهم وبكل اريحيه ️شكرآ مركز مالين بالتوفيق

تعاملت مع الدكتور مجدي ، جداً شخص راقي وامين بارك الله فيك سويت زراعة عظم وقليل فالرياض يسوي هالعمليه لكن الحمد لله نجح في ترتيب اللثه بعد الزراعه وتعامله راقي جداً ، ولا انسى الاستاذه ابتسام بارك الله فيها كانت حريصه بعد الزراعه بالاتصال والاهتمام وتنسيق المواعيد شكراً للطاقم عيادة مالين فرداً فرداً.

جربتهم في جلسات الليزر
مواعيدهم منتظمة والممرضات خلوقات أيضاً موظفات الاستقبال رغم أني رحت لهم وقت عروض وزحمة

المركز ممتاز يحتوي على طاقم طبي متمكن من الاستشاريين والاخصائيين ، الدكتور مجدي استشاري زراعة وجراحة لثه متميز في زراعة الاسنان زرعة عنده ٤ اسنان وكان عمل احترافي وايضا في اللثه ، الدكتور وليد استشاري تركيبات تجميليه متميز ركبت عنده تلبيسات ووتد للأسنان الصراحة الحين اقدر ابتسم زين ، الدكتور باسم استشاري عصب يده خفيفه وشغل ممتاز جلسة وحده للعصب ، الدكتوره اروى طبيب عام اشتغلت معها على التسوس في الاسنان يدها خفيفه ومتابعه ، في الاخير الاستقبال ممتاز من ناحية تنسيق المواعيد والتذكير.
بشكل عام المركز والطاقم جدا جدا نصوح ويهتم فعلا للمريض

عيادة الليزر سيئة. مافيه خصوصية ابدا. الرجال في غرفة مقابلة تمام لغرفة تدخلها النساء! لا انصح فيه ابدا!

الدكتور سعيد كناني من اشهر الدكاترة ومن اكفأ الاستشاريين قام بعمليه جراحة وتطعيم للعظم وبكل امانة مهنية وحصلت على نتائج مبهرة والان اتمنى ان اعود لا يتكمل القسم التجميلي عنده