تغير مشار الحين عن ماكان عليه في السابق سواء من ناحية الاسعار او من التفصيل. معهم من ٧ سنوات واختلاف جذري مابين الماضي والحاضر الثوب الحين خياطة الازرار صفر وتطيح بعد مدة والخيوط من جهة الجيوب تنفك من مكانها وتحتاج خياطة مرة ثانية وفي الاخير من الظلم التفصيل عنده.
غريبة وش صار بمشار ؟! انقطعت عنهم فترة والان نويت ارجع وكنت بأفصل طاقة ثياب ولكن بعد اللي شفته من التعليقات السلبية وعدم تجاوب المحل معها كنسلت والخياطين واااااجد بالرياض
ماتوقعته كذا أبد سمعه فقط،، والله فصلت عندهم حوالي 20 ثوب منها 9 ثياب بعضها قصر علي وبعضها ضاق من الكتف والعرض، مع والله الموظف قال القماش ممتاز مايشمر، يازين خياطي الأول سعر القماش من عنده مايزيد عن 280 ريال، وإذا جبت قماش من برا أخذ التفصيل فقط مبلغ 115 ريال والسوق مليان خياطين منافسين ولعلهم يكونون الأفضل إن شاء الله
انصح بعدم التعامل معهم طريقه سيئة جداً مرتين اروح ورجع يقولون نبي نعدل المقاس والله العظيم ارجع ولا عدلو فيه شي أبد استهتار بوقت الناس وتوني طالع ولا ادري وش بيسون بيعدلونه ولا نفس اول رح تعال على الفاضي
نجمه عشان اقيم. بكل امانه وتجربه ما يستحق ريال واحد ولا احس انك لابس ثوب جديد سيئ جدا ودي اعرف هم كيف يتعاملون مع اقمشة الناس بناء على مناصبهم! لاني الصراحه تندمت على المشوار و 500 ريال على ثوب خيمة عمود واحد
مشار كان كويس الان نزل مستواه كثير وفقد زباين كثير باقي له اللي يجون عشان السمعه شف عنده طابو التعديل وغير كذا تعدل وتلقى مشاكل ثانيه انا مثلا عدلت تقريبا ثلاث مرات على نفس المشكله وضيع علي مناسبات توبه اني افصل عنده انهيار غريب في هالخياط انا رجعت له بعد مده من تركه وياليتني مارجعت انصح ابعدو عنه اذا تبي رح اي خياط وخله يسوي لك بروفه وبعدها اعتمد ترا مافيه شي صعب وفيه خياطين كثير كويسين مثل مونت وسابقا الرماح الحين الكويسين كثير
أتوقع بدأوا زبائنهم القديمين بتركهم وأنا أولهم. أقمشة رديئة تسوق على أنها فاخره وغالية تنعدم بعد كم غسلة أخطاء في الخياطة (مضحكة) ردائة انواع الأزرة واضح أن الشركة عاملة خط أنتاج مكثف بدون مراقبة على الجودة والنوعية
كنت متخوف من التعليقات ان التفصيل سيئ والحمدلله صار خوفي بمكانه، فصل عندهم اخوي وانا مافصلت هالعيد عيد الفطر ١٤٤٤ والله ان ثوبه يفشل وغير متقن ابي اعرف ٤٠٠ ريال على ايش! فصلت عند خياطي المعتاد بـ ١٦٠ ريال والثوب ولا احلى منه الحمدلله مافصلت عندهم اجل مشار اجل
السلام عليكم انا زبونهم من ٢٥ سنه تقريبا كان من افضل الخياطين واحترام وتقدير وسعر مناسب لكن الان زادت اسعاره ومبالغ فيها وعدم دقه في القياس والاهتمام بالزبون. أحضرت لهم قماش من الخارج ولكنه نقص عليهم ولم يبلغوني بشيء وركبوا من عندهم قماش قريب منه للياقات والزبزور وعند مالبست الثوب وجدت اختلاف ولما رجعت لهم يقولون لي نقص علينا وتصرفنا. قلت لازم تبلغني اجبلك قماش زيادة او اقلك وقف تفصيل بس ما ينفع ترقع الثوب من عدة اقمشه ماكأنه مفصل غير في محل بدائي للأسف. ومن بعدها دورت البديل واصبحت افصل الثوب مع قماشه بمحل صغير جدا يكلفني ١٤٠ ريال ودقه واهتمام بس الياقات والزبزور تخرب بسرعه فسرت افصل كل شهرين ٢ ثوب وبرضه ارخص لي وثيابي جديدة بأستمرار. وشكرا
أتعامل معهم تقريبًا من عام 2006م من أفضل الخياطين أقمشة وخياطة ودقة في أخذ المقاسات أشكر الاخ محمد وباقي الموظفين في فرع شارع الامير سلطان بالرياض …. السعر مرتفع شوي بس يستاهل كجودة ودقه وتفصيل
تجربه جدا سيئة لايمكن ان تتكرر بداية من التعامل مع الموظف نبيل كانه راح يفصل لك ببلاش وانتهت بغلط مخجل في التفصيل وتم التواصل مع الاخ ابو سلمان مشرف الفروع من بداية موقف التعامل مع الموظف وتم التواصل بعد الغلط المخجل اللذي لايحصل مع خياط مبتدئ بالتفصيل (مرفق الصوره) ولم يكن هنالك اي اجراء تم اتخاذه غير انهم راح يفكون الثوب ويعدلون وطبعا اي ثوب ينفك وتتم اعادة خياطه مره اخرى لايصبح كما كان من قبل ،بغض النظر عن السعر المرتفع للتفصيل.
*ماخذت العبره للاسف من الاخوان بالتعليقات الي واجهوا تجربة سيئة غير لما خضتها بنفسي*.
انصح الجميع بتجربه واحده في أناقة شمسان صراحة من اطلق الخياطين على مستوى المملكة جربت عندهم ولا غلطه وبالذات بالجنوب ويوصلون الثوب لك لأي مكان بالمملكة
ادارة عشوائية! يدخل العميل ولا يدري أين يذهب؟! لقسم الاقمشه او الخياط او المحاسب ولا يوجد أرقام تنظم العملاء. ارجوا اعادة النظر فخياط مثل حجم مشار مفترض ارقى تعامل
من سنة ٢٠١٩ ليس هذا مشار الذي أعرف،القلاب جاي على جنب بشكل يراه الأعمى ومن به صمم،واستقبالهم لإصلاح المشكلة سيء سيء تحججوا وحاولوا التنصل وكلما جابوا لي عذر قلت لهم: "دفعت لكم فلوس ومن حقي أن آخذ ثيابي دون أخطاء لكنكم تعبتموني واعدتموني لتصلحوا خطأكم" توبة أفصل عندهم وخياط أول مرحبا في الملز موجود بنصف القيمة وشغل توب
أحد عملاء هذه السلسلة منذ عام 2016. وقد قمت بزيارتهم عدة مرات. هذا الفرع أحد أفضل فروع السلسلة من حيث اتساع المساحة ووفرة العاملين. أنواع الأقمشة لديهم جدا ممتازة، حيث أن بعض الثياب التي تم تفصيلها منهم خدمتني بجودة ممتازة لفترة طويلة. الأسعار تميل لأن تكون مرتفعة، لكني أراها جدا مناسبة مقابل الجودة المقدمة. في وقت المواسم خاصة موسم رمضان استعدادا لعيد الفطر، فأنصح بزيارتهم باكرًا، خاصة لمن يريد ثوبا جديدا للعيد.
غالي ولكن جيد جدا، أيضا يخبرون العميل بأن يتصل للتأكد ما اذا كانت الملابس جاهزة ولكن لا يردون على الاتصالات ابدا ابدا. وهذه تجربة شخصية حيث انني اتصلت لمدة ثلاث ايام في جميع الاوقات ومامن مجيب لانني اسكن خارج الرياض. الهدف من هذا الكلام اذا كنت على عجالة من امرك فلا تصدقهم اذا اخبروك ان تتصل بهم للتاكد، ولكن خذ موعد محدد واذهب لهم مباشرة.
السلام عليكم انا فصلت عندكم وللاسف اول مره وجا الحجر والان فتحتو ولا احد تواصل معي ولا اوسلتو رساله للاسف. من شهر ونص الان ولا احد اتصل ارسلك اتصل عليكم محد يرد يا ليت تتواصلون معي ولا وجعو فلوسي وخلوني افصل للعيد قبل الزحمه بخياط ثاني
من 8 سنين وقبل كنا نفصل الثوب افضل خامه وافضل تفصيل قسم باالله مايوصل 250 ومن 7 سنين وجاي وصلت الاسعار التفصيل الى 500/700 ريال والشغل لك عليه لكن زبدة الهرج حنا رفعناهم وباذن الله ننزلهم الحل نروح عند غيره ونكسر سوقه وغصب عليه بالنهاية يرضخ ويحط اسعار معقوله لاتتجاوز 250 ريال وهو كسبان
السعر مبالغ فيه جداً جداً جداً للآسف وصل الثوب الى ٥٠٠ ريال يا ساتر الخياط جميل ومرتب وشغل فخم لكن للآسف الطمع بالآسعار ولا يوجد تخفيض ابداً ليه خربت يا مشار
مبدئيا اربع نجوم للخدمة الرائعة والفريدة من نوعها و نظافة المكان و الترتيب و التنظيم. يتبقى نجمة واحدة عند استلامي للثوب لاني اول مرة اجرب هذا المكان اذا طلع الثوب ممتاز إن شاء الله.
خياط جيد لكن للأسف يقوم فقط على المادة دون إعطاء أي قيمة للعملاء القدامى والذين هم جزء من نجاحه عدم وجود سياسة على عدم قطع العلاقة معهم او اعطائهم كروت خصم خاصة زيادة الأسعار بشكل مبالغ فيه سواء فصلت ثوب او عشرة ماتفرق للأسف أني اتجهت لخياطين اخرين جودة مقبولة وبسعر ممتاز
صراحه جيت ابغا افصل وهي اول مره لقيت موظف الي يعرض لك الاقمشه صراحه فيه شوفت نفس ماهي طبيعيه حسسني جاي اشحد من مشار وتعامله مع عميل جاي يستلم ملابسه ماكان بذاك التعامل مع العميل والعميل جاي يستلم ملابسه وبنفس التوقيت المحدد له وقاله اذا ماجيتك رساله معنات ملابسك ماخلصت شوي تطلع ملابس الزبون موجوده ولاقدم اعتذار للعميل ولاشي سحبت نفسي وطلعت انا مااتكلم عن خياطه انا اتكلم عن التعامل هو اهم من الخياط نفسه مافيه خياط ماعنده اخطاء بس يبقى سمعته ممتازه مشار بس العيب في الاستقبال
بصراحة اخر مرة جيتهم فصلت ثوبين نفس القماش من سنين افصله عندهم وعارف سعره ولكن انصدمت بقوة من السعر اللي دبلوه يعني كان ب ٦٠٠ الان ب ١٠٥٠ ريال ياناس وين رايحين. هذا اسمه استغلال لزبائنهم لأبعد درجة. وراح يخسروا زبائنهم بهذي الطريقة والبدائل موجودة وراح ابحث عن غيرهم وبدون حسافة عليهم
منذُ أكثر من 20 سنة وانا لا أفصل ثياب إلا لدى خياط مشار، على الرغم أنني حاولت أن أفصل بمراكز أخرى لكن عدة لهم لأنني لم أجد دقة عمل مثل تفصيلهم وكذلك ابنائي. يستحقون 5 نجوم ولو التطبيق يسمح بعشرة نجوم لن ولن أتردد اعطائهم لانهم يستحقون.
أفضل فرع بالرياض لمشار عموماً ان لم يعجبك بلان سيعجبك مشار وان لم يعجبك مشار سيعجبك بلان يتميز بلان بالقياسات والحشوات ويتميز مشار بالخياطة والأقمشة كلهم غالين بالسعر
الاحظ الخياطين المشهورين خاصة يبالغون في الاسعار لدرجة الجنون خيييير ثوب ب٤٥٠﷼ ،، حقيقة ما جرأهم على هذا الا للاسف ثقافة المستهلك ،، الثقافة عندنا صفر ،، يدرعمون ذا العالم دون تفكير ،، لازم يكون لنا رأينا ،، يعني الخياطين الى عهد قريب تفصل ب٣٠٠ او ٣٣٠ عند افضل خياط والان ارقام مبالغ فيه ،، لابد نحيي ثقافة البحث عن بديل ومقاطعة الجشعين ،، الجشعين اذا لقوا هطف ومخفات يفصلون بيستمر في رفع الاسعار
خياطه طيبه لكن السعر لتفصيل بدون قماش ب267.5ريال بصراحه مو صاحين كل محلات الخياطه ب100الى 150ريال و ممتازين هذولاء اخذتهم العزه في رفع سعر التفصيل بزياده اشوف انه مبالغ فيه و غير عادل وسبب انه الناس تتجنبهم بصراحه
خياطته سيئة جدا جدا قسم بالله جيتهم ٥ مرات عشان اعدل الثوب الي ياخذ المقاسات الفلبيني سيء وما يعرف ياخذ مقاسات الثياب حتى بعد التعديل للمرة الخامسة لازال الثوب واسع ومبقع من اسفل ما راحت البقع الي فيه حسبي الله ونعم الوكيل بس
خياط متميز منذ مدّه ٢٥ سنة بمدينة الرياض، للأسف لم يصل للاحترافية حتى الآن، طبعاً تجربتي مع الخياطين أحلاها مرّ، ولكنها أفضل حالا من تجربتي مع الحلاقين، كنت أدخل للخياط بلاّن فأشعر بأنني مواطن من درجة ثالثة، أما مشار فتحسن الحال فصرت ولازلت أشعر بأنني مواطن من الدرجة الثانية ولله الحمد. جربت غيرهم فخسرت مالي وندمت ندامة الكسعي. بالتوفيق للجميع، وبالمناسبة لاتزال الفرص قائمة لمن يريد الاستثمار في هذا المجال فأنا مستعد للانعتاق من ربقة هؤلاء وهؤلاء لتجربة جديدة شريطة أن لاتكون على شاكلة العابثين لومار ومن سار في دربهم.