Lezof corner For Tires / لزوف

لو فيه اقل من كذا اعطيتهم كنت في الغرابي اركب كفرات عند لزوف قبل اسبوعين وشاريت 4 كفرات منهم نوع الكفر قودريتش الواحد مع الضريبة 1250 ريال المجموع 5000 ريال وتفاجأت وانا في الغرابي قبل امس سالت محل كفرات عن قيمة الكفرات اللي ركبتها قال قيمتها ب 700 ريال سالت صاحب المحل هل عليها خصم قال لا هذا سعرها

ركبت من عندهم اطارات ريدستون الكورية سعرها مناسب وجودتها A+A وتحملها الى سرعة 190 كم رمز T تعاملهم راقي وسرعة وجودة في التركيب.

اسعار عالية جدا جدا

سعر فك طقم جديد وتركيب طقم اخر جديد ب ٣٧٥ ريال

ما يستحق نجمة

اشتريت طقم كفرات حجرية صينية (Wide Way) ولما سألت المسئول اذا الكفر يطلع صوت فقالي الكفر ما يطلع صوت ، لكن للأسف كلامه ما كان صحيح ، الكفرات فيها صوت ونَه ومرات صوتها يصير مزعج بزيادة حسب حرارة الاسفلت ، الصوت مزعج بين السرعات 60-110 كلم بعد كذا يخف الصوت. الكفرات اشتريتها من 5 أشهر تقريبا ، الكفرات تمسك أوساخ بسهولة واللون الأسود يبهت والكتابة البيضاء اللي على الكفر برضه لونها صار باهت وكأنها رمادي، ما جربت الكفرات في البر لكن الموسم جاي على خير.
هذا تقييمي للمنتج، أما تقييمي للموظفين وتعاملهم واحترامهم وسرعة عملهم فأعطيهم 10 نجوم. لكن بعد هذا التقييم أرجو من سعادة المسئول ان يكون صادقا مع العملاء بخصوص منتجه.
تحياتي للجميع

محل رائع وموثوق ولهم عروض في اليوم الوطني ولهم موقع على النت تقدر تطلب كفرك ويوصل لحد عندك أو تكلمهم يوفرونه لك وأنصح به

بأمانه انا بدلة عنده كفرات وجنوط مركز شاجي بالغرابي مشاء الله عنده جميع انواع الجنوط واذا نا عنده يأمن لك وتعامل الشخص الموجود قمه بالأدب والأخلاق وسمح بالبيع ، الله يرزقهم

كنت باركب جنوط ميثود او اكس دي لقيت الاسعار غالية ودبل ب4200 ريال ومريت محل بالعبيد قبله بمحلين اكبر وكيل للجنوط والكفرات بالغرابي ولقيت الجنوط عنده الميثود ب2800 ريال ،
نصب عينك عين ويقول ابوثامر اجار المحل غالي ، يستغلون كبر المحل وتنوع البضاعة على انهم افضل محل لكن نصيحتي مر على اربع خمس محلات وقارن الاسعار عشان تقتنع ، ويقولك 2019 ويوم يجيب الكفرات تطلع ثالث اسبوع من 2019 وحنا بديسمبر نهاية السنة. احذر قبل تدفع فلوسك

تعامل محترم وتم تركيب كفرات دانلوب للبرادو وتم تركيب جنوط جديدة ماركة لزوف وتم تخفيض السعر معهم للوصول للسعر المناسب لي بس للاسف اضطريت لشراء بلف الكفرات الألمنيوم من محل اخر لانه فقط موجود لديهم بلوف جلد القديمة

اصحوا عن نومة لي انتو فيها يا أهل رياض ورب البيت الجنوط الغاليه عندو حق بي ام و مرسديس كلها صيني صينيه وارد دبي كذاب اليماني ذا وربي ونصاب بظاعه مغشوشه كلها تجي من صين عن طريق الإمارات واتباع بأسعار ضرب ٩ يعني هو يشتري ب ٢٥٠٠ ويبيع ب ١٨ الف وانتوا تاخذوا ياغافلين لكم الله وين الذيب لي يجيب راسه في وزارة التجارة نصب في نصب انتبهوا إلى فلوسكم وارواحكم

سريعين في التغيير. وكيل لكفرات هايبرلد الصيني. مواصفاته عالية. وتاريخه جديد. يعيبه ارتفاع سعره كل سنه