مرتب واسعارهم جيدة حاليا وقت العرض ٤ لتر زيت Evox ب ٥٦ ريال ٥٠٠٠ كيلو وال ١٠ الاف كيلو ٤ لتر ب ٩٩ ريال وفلتر الزيت ٢٨ ريال وشغل يد ١٢ ريال. العمالة فلبينية. فقط المشكلة في نفسية العمال شوي لك عليها
رحت انظف عندهم بخاخات وبوابه الثروتل قبل اسبوعين تقريبا والعامل واضح مب فاهم جالس ساعه يدور بوابه الثروتل وماكنت واثق بشغله لذلك صورت وين شبك المنظف فيه، وبعد ما سألت اكتشفت انه حاط مكان المنظف في مكان ماله علاقه في بوابه الثروتل وحاطه في مدخل انتيك التيربو والان سيارتي من يومها تطلع صوت وانا رح ارفع بلاغ على وزارة التجارة وبأذن الله يحاسبونهم حسبي الله ونعم الوكيل
سبق جيت فرعين لهم فرع الخليج جيتهم قبل سنة أو سنة ونص تعامل فوق الممتاز و شغل فوق الممتاز وقت صباح جيت وسيارة اكسنت منتهية تعاملوا معها كأنها روز رايز و المرة الثانية جيت فرع الياسمين ومعي سيارة جديدة 23 فرق في التعامل و الشغل عن فرع الخليج الي هو أفضل بمراحل بالأخلاق و الحرفية في العمل مع ان العمالة كلهم فلبينيين و غير كذا هذا الفرع اشتغلوا زين من فوق خشومهم لأني كلمت الادارة وسبق مريت فرع وصرفوني الظاهر ماكان ودهم يشتغلون ههههههه وسلامتكم.
شغل احترافي وموظفين متمكنين يعطونك السعر قبل ماتبدا ،، عندهم خدمة تنظيف داخلي للسيارة مع باقة تغيير الزيت ، لكن يعيبهم البرود في العمل استغرق تغيير الزيت 40 دقيقة
للاسف كان من افضل محلات الزيوت وتعاملت معه مده طويله ولكن اخر فتره مريت عليه لاحظت فرق مهب طبيعي في الاسعار (ارتفاع عن اسعاره السابقه بشكل ملحوظ) الافضل من وجهه نظري فيه ناس ارخص منه ومعتمدين.
الفرع غيرت فيه مرتين المره الأولى السعر 30 ريال و المره الثاني اسأل الفلبيني بكم يقول 50 قلت أنا قبل مغير 30 يقول غلت الأسعار و اليوم واحد من الشباب مغير بثلاثين ريال مب معقولة زاد علي عشرين ريال وهو بس تغيير زيت لا غيرت زيت فرامل ولا شيء بس غيرت الزيت و نظف فلتر الهواء و أعتقد فلتر المكيف بس ما سوا شيء ثاني ليه يزيد علي السعر من راسه و هو مكتوب 30 أصلاً
جيت لهم اليوم معي راف فور 2022 هايبرد. طلبت منهم تغيير فلتر بطارية الكهرباء مع تغيير الزيت. قالوا ودها لكهربائي! كيف مركز متخصص ومعتمد ومايعرفون يغيرون فلتر بطارية الكهرباء؟!
كان جيد اول مافتح وماغير الا عنده من اكثر من سنه واسعاره جيده للاسف اخر مره جيته لقيته رافع الاسعار بشكل غريب! وكان زيتهم اللي هم وكلاه سعره مناسب والحين نفس سعر الزيوت المعروفه نصحت فيه ناس كثير ذيك الايام وعاملوه والان ببلغهم باللي صار ورفع الاسعار بدون مبرر
للامانه ليدر اكسبرس من ناحية اسعار وعمالة ممتازة جدا
لكن اكثر من مرة اغير وموتري جديد واغير بدري الزيت لكن يقول محروق ويحتاج تنظيف بمواد وموتري جديد اتمنى الادارة تركز على العمالة ومب كل مرة اقوله له ويحاول انه يقول كلام بلا فائدة ولا المركز من الافضل من ناحية الاسعار والاماكن المعتمدة.
تعامل العمال سيء جدا ويالله يرد عليك وشغل يده جدا غالي ٥٠ ريال الزيت والسيفون من عندي ويقول ماعليه ضمان وفوق هذا ما يسجل لك بالفاتورة الزيت والسيفون على كذا انا وش استفدت يوم اني اغير عندك
تجربتي الاولى كانت جيدة الى حد ما ، الا انه قالي لازم تغسل المكينة والسيارة ما مشيت ٧٠ الف بس يبي ياخذ منك قد ما يقدر ، و انتظرت فترة قال ما فيه سيفون ورحت جبته من الوكالة ، والزيارة الثانية جايب لي نوع مختلف من السيفون يقول هذا حق الوكالة يبي يمشيها علي ، وطلبت باقة النخبة اللي عندهم ورفض لكن هذا ذكر لما حصل لي وهذا فراق بيني وبينهم
سلام عليكم ماهي بالعادة تجي من ليد اكسبريس لاكن الفرع هذا بالذات خدمتهم تعبانة والموظفين نفسياتهم تعبانة اليوم الصباح جيت ولا فيه الا عامل واحد يخدم ثلاث سيارات وبعدها جاء الثاني وينافخ علينا واتصلت على رقمهم والى الان لم يتم الرد علي الرجاء منكم تحسين فرع النرجس والاهتمام بالعملاء وعدم تغير الاسعار عن باقي الفروع
السعر مناسب لكن مشكله في الفلبيني الي عنده شنب يبي يلعب علي يقول ناقص الزيت عندك تحتاج انظيف مكينه هههههه يحسبني ما افهم! الفلبيني الثاني مؤدب ويشتغل وتحسه محترم مهوب راعي فلسفه
تحديث: تم التواصل مع الأخ مصطفى من قبل خدمة العملاء بعد الرد بالأسفل ، اشكره على اعتذاره وحسن تعامله وتم تعويضي بخدمة مجاناً وعمل اللازم مع العامل. . كدت ان اتعرض للنصب والاحتيال من العامل Ace alqero زود المبلغ وقت السداد اكثر من ١٠٠ ريال ولما طلبت منه تفاصيل المبلغ رفض بحجة ان السستم معلق ، رفضت الدفع وأعاد الحسبه ونقّص المبلغ ، وبعد التدقيق على السعر تم انقاص المبلغ للمره الثانيه وقمت بالتواصل مع الإدارة ورفعت شكوى ضده وكان الحل عرضوا علي خصم للزيارة القادمة ١٠٪ بأسلوب غير لبق وتم رفض العرض مباشرة ومنا هنا أعلن عدم رجوعي لهذا المركز بكافة فروعه. مكان لايحترم زبائنه لا يستحق تكرار الزيارة
اسوء تعامل لا يمكن تخيله من العامل الى الاداره اكثر من ساعه ونصف غيار زيت لسيارتين فقط وبعد اكثر من ٦ اتصالات بالاداره لا يوجد اي ردة فعل من العماله وحتى الاداره
فيه عاملين فقط وبطيئين. ستأذنت من الدوام وطلعت ورجعت ما غيرت. تحتاج ساعة تنتظر. السيارة توي مطلعها ويقولي فلتر المكيف مغبر يحتاج تغيير يبي يرمي فلتر الوكالة يبيعني حقة.
اليوم كانت اول تجربة لي معهم قلت اجرب من باب التغيير، وللامانة وبدون اي مجاملة انصدمت من التعامل الاحترافي وعمالة على اعلى مستوى في كل النواحي، خبرة وتعامل رائع كسبوني عميل لهم للابد ان شاء الله مستحيل ارجع لبعض الشركات الثانية بعد ماجربتهم