King Salman Hospital

الله ان يوفقهم ويسعدهم ويسر امرهم جميع ماقصروا معي وطبيب الطوارىء الله يحرم عظامه عن النار ويفتحها بوجهه وين مالقى فتح لي ملف ودخلوني وبديت اتعالج عندهم

الصراحه الطواريء رائعيين واخلاق جبت جدتي عندهم عاملوها بكل اخلاق وطيبه ونعم الدكاتره والممرضين المسؤلين بعد كل المناوبين بتاريخ 17/11/2023 فجر الجمعة الساعه 3: 37
وحق الاشعه المناوب دكتور سعد رائع بقمة الاخلاق والطيبه
فعلاً شيء جميل وتعامل اجمل ملائكة الرحمه
يستاهلون كل الشكر والتقدير والاحترام والكل محترم ولطيف
الله يجزاكم خير الجزاء ونعم فيكم وبأخلاقكم والله برزقكم الجنه و والدينكم فخوره ان بمستشفى ملكنا طاقم محترم وأمين زيكم?

انا من الصبح الساعه ٨ الى الساعه١١ المساء اكثر من ١٢ ساعه الخدمه سيء من الدكاتره للاسف كل واحد يرسلك ع الثاني ولدي بردان وماعندهم شراشف بصراحه لابد من الاهتمام سيء ولدي بردان من شدة البرد دخل رجله في ثوبه اطلب منهم شرشف من الصبح يقولون مافي

استقبل مميز ونأمل من جميع الأطباء أن يكونو عند حسن ظن جميع المرضى كمانتمنالهم التوفيق والنجاح في اعمالهم

الصراحة التجربة كانت جدًا كويسة، وهذا من خيرة المستشفيات الحكومية عندنا بغرب الرياض. أشكر وزارة الصحة بأن جعلت المستشفيات الحكومية تنافس الخاصة على الإحتراف وانتقاء الكوادر الطبية.

اقسم بالله ان الخدمة سيئة ونفسياتهم زفت ومافيه تجاوب ولا يهتمون بلمريض ولا يتعاملون معه اقسم بالله ان انتظاري بلمستشفى تحاوز ٧ ساعات اسالكم بالله هاذى وش تقولون فيه العمليات وهي عمليات موصلت هلمرحله

المستشفى ذا تعامل جيد لاكن يحتاج إلى ممرضين و دكاتره لا يوجد بالطوارئ سواء طبيبين و الممرضات السودانيات في ذوي الاحتياجات جدا مهملات لاكن رغم ذالك يزال تعاملهم جيد

شهادة حق قسم الطوارئ في تطور كثير ايه نعم نطول في الانتظار بس الأكيد انه مو بيدهم لأن اغلب مرضى قسم طوارئ الشميسي يتحولون عندهم زياده على الضغط اللي عندهم يشكرون على الجهود اللي يقدمونها و على كل شيءٍ يبذلونه في حق المريض الكادر اللي فيه و لله الحمد كادر يشكر على جهوده و الممرضات مثلم البلسم للمريض للأمانة خاصة رقيه شكرا لك كثير شكرا لطولة بالك و ل تحملك كمية الضغط اللي يجيك الله يقويهم و بإذن الله يتطور بخصوص الانتظار ل شيء افضل

ارفعو تعليقي يرحم والديك ، اليوم رحنا على اساس نستلم نتيجة تحليل فقط لاننا محولين لهم عشان هالتحليل ، يلطعونك ساعه ، يدخلون ناس قبلك بدون ماتنتبه لهم لازم تكون مثبت دورك ، نفسيات الموظفات زي الزفت بالذات السمراء الجلفه اللي بالدور الثاني يالله ترد عليك وتقلب عيونها وترد من غير نفس وكأننا نشحذ منها
او كأنها تشتغل ببلاش ،والدكتور نفس الشي سوداني منفس اسمه مصطفى ، زحمه جداً والدكاتره بطيئئين بيئه تجيب المرض ، ياليت اي موظف بمستشفى نفسيته زفت ينفصل الناس تجي مريضه ويمرضونهم اكثر.

مستشفى يسيء الى صورة المملكة.
لا اداء ولا شكل ولا ادارة ولا كوادر. الا ماندر حتى لا اظلم الجميع. هذا انطباعي بعد زيارتي اليوم وشكرا

لا كادر صحي ولا انضباط من الموظفين وهذا العيب من اكبر مسؤول بوزارة الصحة من امن العقوبة اسئ الادب ممرض يسحب الابرة من البرواز في الاستقبال ويسولف مع خويه والله لو اني في دوله فقيرة لا وفي عام 2021

حطيت ٤ نجمات عشان المتطوعين اللي في المستشفى وقاعدين يخدمونا بشكل ماشاءالله ادب واحترام وتنظيم اهني المستشفى على كذا خطه
بس اللي جد شفتهم متعاونين هم المتطوعين اللي بالعيادات الخارجية وبقسم الاشعة شغل مرتب الله يوفقهم وياليت اللي بطواري يكونون نفسهم

الطوارئ مراهقين ومو فاهمين مره والتنويم نصيحة لحد بتنوم عندهم المتابعه عندهم من اسوأ مايكون ادارة وطاقم ضعيف جدا، ماعدا كذا عدد ممتااازيين مره ووالله انهم ظلموا انفسهم لما اشتغلوا في هذا المستشفى

حطيت نجمه عشان الممتازين وهم (قلة) ولا المستشفى عيب يسمى مستشفى

5 نجوم فقط للحارس فيصل سعود رجال من ظهر رجال والي معه الحارس جعلهم للجنه وامههم للجنه حيث انه سخره الله لي ومشاني ولهم دعوه في ظهر الغيب. قسم بالله الي يشتغلون بالتنفسيه انه ماعندهم سالفه وحاطينهم تميلح اقوله تعبانه ماقدر اتحرك من التهاب الحلق والكحه يقولي مانستقبل هالحالات لازم اموت قدامك عشان تستقبل ؟؟المشكله العام صار لي نفس هالمرض ودخلني سوداني طيييب وصرف لي علاجات وعرف حالتي دايركت. ماقول الا حسبي الله على كل شخص ماعنده ذمه ولايتقي الله في الناس عييييب.

حسبنا الله ونعم الوكيل في قسم العيادات للسكر خلف مستشفى الملك سلمان لا مواعيد ولا دكاترة حمبقة في خمبقة عندك واسطة تمشي وبعض الادوية ماهي متوفرة امرضونا الله يمرضهم.

اللهم اني اعوذ بك منهم
طبعاً هم موظفين المستشفى اللي لهم علاقه ، بنتي من الساعه تسعه الصباح قالوا خروج ويماطلون فينا الى هالوقت الساعه 3: 30العصر

تركت دوامي ومتحملين الضغط النفسي لانهم ينرفزون اهل المريض بطرق خسيسه وترفع الضغط ان تحمل الله يعينه وان انفجر جت براسه وتلقى الخبر مواطن يعتدي على موظف بالمكان الفلاني

مااقول الا (يالله تثبتني على الارض لا اطير واشرب من الفنجال واكل علاجي)

مكان سيئ سيئ سيئ سيئ جدا جدا جدا جدا جدا
غير نظيف تماماً
وغير مؤهل تماما لأي اسعافات اوليه او طوارىء
ودكاتره هنوء وبنجاله لا يفقهون اي شيء في اي شيء
وربي وما أعبد كلمة دكتور فيهم خسارة
وتعامل الموظفين داخل المستشفى زفت الزفت الزفت الزفت

وقسما بالله اللي يعز ويذل ان المستشفى هده يبغالها ابادة

انا تجربتي بالمستشفى هده اني دخلت بأخوي
كان صاير عليه حادث وعنده مشكله نزيف داخلي بالدماغ
وفاقد الوعي تماماً.
جاني دكتور هندي بعد ما دخلت الغرفه بـساعتين
و ١٨ دقيقه يقول لي ليش المريض ما يتكلم!
الصراحة وقتها أنا لو قفلت معي باكله بأسناني

وهدا رافض تماما يأخذ اي اقوال من اي حد
ومصمم على نفس السؤال ليش المريض ما يرد ويتكلم
يا دلخ يا تعبان واحد فاقد الوعي وعنده نزيف داخلي بالدماغ ويبغاه يتكلم!
والموظفين السعوديين بكل صدق داخل المستشفى اسلوبهم زفت الزفت الزفت
واضح ان الرواتب جايا على الجرح

وبالاخير لمن حسيت لن اخوي بيروح مني اخذته على السعودي الالماني واللهم لك الحمد صرفت عليه مبلغ كبير لكن فدا راسه

حسبي الله ونعم الوكيل فيهم

اسوء مستشفى ياوزارة الصحه التفتوا له حرام يحمل اسم ملك وكذا دمار من كل ناحيه امي جايبينها اسعاف تشقق حلقي اقول ترى معها فشل كلوي ولا غسلوا لها كلى ٣ ايام ياخي دكاتره او سباكين! اقول للدكتور بالطواري ترى معها فشل كلوي يقول بكتب مدرات بول هل هذا كلام منطقي! ماتبول ولا بمدرات وممنوعه زياره ليه! تخيلوا نبي بس نكلم طبيب فوق يغسلون لها مو قادرين نرقى ولا نقابل احد ولا كتبوا لها غسيل وين نروح مشلوله وعميانه كيف تخدم نفسها! تخيلوا وصخت على نفسها وتنادي ممرضه ولا غيرت لها رفضت! لان ماعليهم رقابه تخوفهم يستغلون مرض ناس وانهم مايقدرون يتكلمون وكل شي دمار حمامات والسرير وصخ قبل امي تنام عليه اصلا تسيب تخيلوا بالطواري زحمه وواحد مطعون يقولون لها وقف بالدور لين يجي دورك يقولهم انا مطعون بطنه ينزف دم يقولون اسال اللي قبلك اذا يسمح لك ادخل اح موقف يغبن بديرتنا وكذا! تخيلوا يقول لي سيكيورتي ممنوع زياره خللي مريضكم ينزل تحت تخيلوا هل بالدنيا فيه كذا! امي مشلوله وفشل كلوي وعميانه وماتجلس اصلا كيف تنزل تحت تخيلوا عند باب كذا كل مريض مع اسرته مصخره ماشافت عيني مثلها

للاسف لازم اعطي نجمه كلمة يفشل قليله بحقها ما غير يناظرون لناا من فووووق يفشلون عسى الله يفشلكم ناس مريضه ومتخلفه

على حسب الطبيب أنت وحظك لكن للإدارة دور في إنجاح المكان من عدمه وأرى أن إدارة هذا المكان غير جيدة.

اسوء موضفين اسوء بنات فيه جاين يشبكون وطقطقه مع الدكاتره اتمنى ان الدوله تلتفت لهم تبي تموت رح حتا لو مافيك شي يسوولك عمليه طرق يموتونك غصب

السلام عليكم ، حابه اعلق على المستشفى الفاشل حسبي الله ونعم الوكيل فيهم اهمااااال اهمال بشكل فضيع للمرضى ليش ليش ماتخافون ربكم! وش هذا التهور انصح الجميع الانسحاب ولا يفكر احد يدخل فيه ، انا دخلت فيه الوالد الله يحفظه ولا كان عندي علم بهذا الشي اللي يحصل في المستشفى طلعوه ولا عالجوا ولا عرفوا حتى السبب! شايفين كيف هذول خسارة عليهم الشهادات ويذكر اسم دكاترة نصيحة لكم ياتخذون مستشفيات اهلية او حكومية مضمونة وناس تخاف ربها.
حطيت لهم نجمة فقط على تقديم الأغذية للمرضى فقط هم يحرصون على التغذية من فطور الى العشاء اما اهتمام المرضى اعطيهم ولا نجمه.

شكراً على خدمة قسم عمليات يوم واحد الخدمه جداً مرضيه وجيده
وشكر خاص لـ مشرفة القسم (NURSE) (سهام)

والله مستشفى حلو وفخم والدكتور مشعل و عبدالرحمن وعبدالله وحسين و ريم نوره ب العربي قسم B2كلهم كويسين م ودي اطلع من عندهم

عشان موعد ل ابوي ياخذ منظار وربي اكثر من 3 شهور ولما وصلنا قالوا انتظرو قدامكم 4 عبال م يخلصو يبغالهم 4 ساعات وزي ماقالوا الاخوان ف التعليقات الممرضين والدكاتره تتكلم معاهم ولا كانك تكلمت. مهما كانت وظيفتك من تواضع لله رفعه

اعوذ بالله من الاستقعاد
المواعيد بالشهور
مو معقول عشان تاخذ موعد او تاخذ دواء
تجي في وقت محدد و تلاقي السستم بعد ما يشتغل.
والموظفين دايم على الجوال.
لابد ان تقوم وزارة الصحة بالمراقبة الشديدة
لمن تكلم الموظفات كأنك جايهم في بيتهم!

الخدمات فيه ضعيفه جدا جدا جدا وضعه غريب انصدمت منه صراحه حتي ارقام الانتظار ف تحليل الدم يدوي شغل قديم يحتاج لفته من وزارة الصحه

حسبنا الله ونعم الوكيل في كل من يعطل مصالح الآخرين ويسبب لهم ضياع وقتهم وصحتهم ومالهم ع الفاضي وفي الآخر ميلاقيش خدمة
ادارة بايظة لا موظفين موجودين ولا دكاترة اومال بتاخدو مرتبات علي ايه ويقولك خد موعد تاني اصل احنا فاضيين لكم حسبنا الله ونعم الوكيل

المستشفى جيته قبل سنتين علشان رنين مغنطيسي ماعندهم الا بعد 9 شهور وش الفايده انتظر تسع شهور جيت الطواري الاسبوع الماضي جدا جدا سيئ المبنى كأنك في الدول الفقيره والنظافه وريحة المستشفى والتنظيم كل شي يجب ان يكون قد الاسم اللي حامل المستشفى غيروا الاسم او زينوا المستشفى كذا ماتجي

المستشفى قديم متهالك خساره يحمل اسم ملكنا ابوفهد والله يفشل لازم الحكومه تنتبه له. الاستقبال كانك جاي تشحذهم موظفه الاستقبال تكلمنا كلمه وتكمل شرب قهوتها ولا همها الشخص التعبان قدامها. الطوارئ حدث ولا حرج فيه دكتور مصري الله لايوفقه لايفقه في الطب الا اسمه قرر على بنتي عمليه زايده ومصر عليها واطلب منه العمليه بالمنظار يقول ماعندنا وهذي امكانيتنا يعني عاجبك والا اطلعي. طبعا البنت لا احتاجت عمليه ولاشي بفضل خبره الدكتور الحازمي الحسنه الوحيده في المستشفى
اي شي تحتاجه من نظافه او التمريض حتى الاكل لازم تطلع بنفسك تطلبه مافيه اي وسيلة اتصال في الغرفه حسبنا الله ونعم الوكيل…

حرام هالمستشفى يحمل اسم الملك وين هيئة الفساد عنكم! اهمال بشكل غير طبيعي من الكادر الطبي كذلك صيانة المستشفى، لكن الشرها ماهو عليكم على مدير المستشفى التعبان، ليتهم يمسكونه ويحققون معه وهو يتحمل كامل المسؤوليه على اللي حاصل، والمستشفى ماهو ملك ابوك واضعته الدوله لخدمة الناس، اذا ما تبغى تخدمهم قدم استقالتك واستريح في بيتكم.

من وين أبدأ
المستشفى وصخ وصخ بمعنى الكلمة
قدييييم والطاولات والادوات قديمة (جهاز الضغط خربان يعيدون فيه الف مره)
اسلوب الممرضات (الاجنبيات) اقسم بالله من اسوء ما شفت بحياتي
ولا احد فاهم شيء بحالة المريض
وبالمستشفى كله مافيه الا دكتور واحد للاعصاب صار لنا يومين ننتظره!
ما لقيت ولا حسنه وحده اضيفها للنجمة
ما اقول الا حسبي الله ونعم الوكيل اخر شيء يتطور عندنا الطب

الله يعين المرضى ع مستشفياتنا. اللهم اشف مرضانا ومرضى المسلمين شفاء من عندك يغنيهم عن المستشفيات

اتمنى من الحكومات ووزارة الصحه مراقبة المستشفيات لانه فيها اهمال بشكل مو طبيعي للاسف هذا اولهم مع انه كان سابقاً ممتاز لكن الان لا وخاصة الطواري تلاقي ناس طايحه اللي فيها صرع واللي عنده كسر يصيح من الالم ولا احد داري عنهم حسبي الله لكن الله ينتقم من كل واحد مسمي نفسه دكتور وهو مايأدي واجبه بصدق وبضمير الله فوق يمهل ولا يهمل

الصراحه نجمه وحده كثيرة علية ، جلست 4ايام منوم وما شفت الدكتور الي ماسك حالتي! واذا تبي الممرضه لازم انت تروح لها يعني مافيه جرس او شي ثاني

اقسم بالله العظيم انه اسوء مستشفى على وجه الارض واذا تبي مرضك يزود تعال لهم والله العظيم لو رايح صناعيه احسن من هالفوضى كييييف محد ملتفت لهم لا الصحه ولا الدوله وش هالاستهار بارواح الناس مافيه اي اهتمام ولا ضمير لا دكاتره ولا غيرهم يتنافسون على الملعنه كل واحد يرميك عالثاني ويدرون الشيء السهل عشان يصعبونه ماعتقد اني مستشفى للاسف لو فيه تف** حطيتها بدال النجمه الله لايوفقهم

سويت اول عملية في حياتي اليوم اسفل الظهر وكنت خاايف جداً بسبب السمعة السيئة مع العلم اني ادري ان المستشفى سيء جداً لكن طلع سيء في العيادات الخارجية والطوااارئ فقط اما العمليات والتنويم والله تقولون مستشفى خاص من قوة النظافه والتعامل جددا جدداا بطل قسم بالله انصدمت يوم شفت مثل هالوجيه السمحه الله يوفقهم ويسعدهم وين ما راحوا واللي عجبني كلهم سعوديين. والله اني كنت شاك ان السعودي افضل من الاجنبي لكن تأكدت اليوم ، اتمنى بس يعدلون الطوارئ لانه يبيله شغل كبير لان صدق الطوارئ يحتاجها اي احد وبس.

حسبي الله ونعم الوكيل في كل موظف سعودي مايحترم وظيفته ويخاف الله فيها ، الله ياخذ حق المراجعين منكم واحد واحد يامستهترين يا عديمين الانسانية.

مشرحة مو مستشفى
والمشكلة انها بإسم الملك
كل شي فيها سيء من الأطباء اللي يصرفونك ويبون الفكة منك
ولا من الممرضات اللي مهتمين بالمكياج أكثر من صحة المريض
ولا من مدخل الطواريء اللي تعجز تفهم كيف تسعف مريض فيه ومدخل الطواريء الثاني مغلق واذا جيت معك حالة طارئة يجيك الأمن قليل الأدب يأشر لك من بعيد رح من هناك مايكلف على نفسه انه يجيك ويفتح لك البوابة وأسلوبهم جداً جداً جداً سي مع الجميع
حتى الإدارة لو تروح تشتكي أو تطلب منهم خدمة تتفاجىء بأسلوب سيء وغريب لا يليق حتى ببقالة مو إدارة مستشفى
كان الله بعون كل من يدخل هذا المكان

المكان يحتاج رعايه اكثر و تعقيم و اهتمام اكثر لتطور للافضل المفروض من افضل المستشفيات ب اسم الملك سلمان ربى يحفظه

مستشفى جميل ومتكامل انا عند زيارتي له استقبلوني رغم اني توجهت لمستشفى قبله ورفضو استقبالي لسبب الزحمة

سي جدا جدا جدا جدا جدا جدا جدا جدا جدا جدا

. مستشفى سليمان يحتاج له تغير الطبى وأخص الأجانب مايبون يشتغلون

بصراحه للامانه الطاقم الطبي والاداري مستهتر بالمرضى ولا فيه اي تنظيم او اهتمام نتمنى التحسين للافضل

عندي عملية سحب كيس دهون غدة درقيه ومتردد والله من التعليقات تنصحوني اوافق على العمليه او انقل ملفي لمستشفى اخر.

رئيسة قسم الإصابات في الطوارئ مصرية ونائبها مصري
ولم تستقبلنا وتحيلنا على عيادة اخرى ولم ترضى الا بعد خروج الدكتور بنفسه وتسليمها الحالة وتكررت لعدة حالات
وتقارير الأشعات سوري
وحالة طوارئ نجلس اربع ساعات نريد كما في طوارئ مستشفى قوى الأمن الادارة سعودية ولايمكن لأي مراجع في الطوارئ ان ينتظر
حسبي الله ونعم الوكيل

The worst management.
My friend has fracture in finger and waiting for Dr from 1 hour in emergency and there is nobody to attend.
No humanity at all

اول شي المستشفى لا تليق بإسم الملك سلمان ، اقسم بالله اهمال غير طبيعي ، من جميع النواحي سواء من طاقم و كفائه او من اداره ، كل شي سيء ، الله يشهد على كلامي ، يوجد ممرضه ، غير طبيعيه ، انا ما حبيت اتكلم امام الناس لكن ما لقيت تجاوب مع الشكوى من قبل الاداره ، ولا كاني قلت شي ، علششان كذا البنت هاذي ما كانت فوعيها ، تحت اظافرها سواد واصابعها صفرا ، م يحتاج اشرح اكثر من كذا
، المريض يوجد في يده ابره وعليها لصق ، حاولت تفتك اللصق ما عرفت ، سحبت الابره بشكل وحشي ، والدم تناثر والابره انعوجت قسم بأيات الله ، وحده زي هاذي خطر انكم تحطو مرضى تحت يدها اقسم بالله مافي رحمه ولا احساس ، حسبي الله عليها وعلى اللي مسئول عليها ومخليها تسوي كذا فالناس ، قمه فالقذاره ، واغلب الناس تتكلم من خشمها ، والله هم المرضى ، ما عندهم علاج ، حسبي الله عليكم.

الطوارئ سيء سيء سيء بكل المقاييس و تعامل دكاترة المساء و نصف الليل من اسوء انواع التعامل الي ممكن تشوفها بالدنيا

لاسف تعامل سئ عندنا موعد في الا شعه لزوجتي واجلوه وقالوا بندق عليكم بعد اسبوع انتظرنا اسبوعين وجيناهم قالوا بعد شهر عطيناكم موعد والدكتور توه داوم تصريفه من الكيس طيب وش ذنبا حنا حسبي الله ونعم الوكيل

تقريباً اسواء مستشفى تنظيمً ناهيك عن التأخير و المحسوبية. يجب ع وزارة الصحة النظر في إدارة المستشفى فهي لا تليق بمسمى الملك سلمان.