لذيذ صراحةً. طلبت من عنده بوكس برياني و دجاج زبدة توقعت الكمية قليله على السعر بسس موزون مره والكلام ذا من شخص أكيل ههههههه . سألني الحرارة كيف قلت خفيفه بس لعله زادها شوي
طلبت منهم من هنجرستيشن طلب بارد وللاسف وصلني فلفل الطلب وتكرم النعمه ماينذاق ابد ما انصح فيه ولا في هنجرستيشن لانهم مايتحققون من الطلبات خذ طلبك بنفسك لو سار خلل تصلحه ولا تطلب ويجيك شي ثاني
للآسف لما تعود عملائك على وجبة متكاملة من الزر والمسالا والخبز وبسعر منافس وبعدها تنسف كل هذا بعلبة صغيرة ما فيها اي تميز عن المنافسين الي اسعارهم مبالغ بها وفوقها تفقد الشريحة هذي أكيد بتكون خسران.
مطعم رايق ولذيذ ، التكا مسالا عندهم شيء بطل مره يعيبه بس ان مافيه الا جلسه وحده ما احب اخذ اكلي سفري الموظفين كذلك رهيبييين خشمي مقروشني توني مسوي عمليه يوم شافني انقذني بعلبة المناديل بدون اقول له ️️
️ ️ تنبيه ️ ️ امس الخميس تم الطلب من المطعم عن طريق هنقرستيشن بوقت متاخر وبدلو الطلب كامل من عندهم كان الطلب بوكس دجاج زبده بكس دجاج ماسالا سلطة ريتا للاسف بدلوه من عندهم وارسلو بوكسين دجاج كاري و بدل سلطة الريتا ارسلو صحن بطاطا عليه كتشب اعتقد تبالكم ولتعاملكم الرديئ اللي مايمثل الا انتم وإدارتكم تم ابلاغ هنقرستيشن فورًا وتم استرداد المبلغ على الفور
اذا كان طلبي مخلص عندكم ادبيآ تتصلون او تلغون الطلب ولاكن ماتوكلون الناس على كيفكم، وهذا اخر تعامل باذن الله وعلى ذلك تم التنبيه ️
طلبت اليوم دجاج بالزبدة سيء جداااً والله ما كملت الاكل الاسبوع الماضي طالب نفس الطلب ممتاز جداً اتمنى من صاحب المطعم يلاحظ الفرق اللي صار قبل ان يطيح مسمى المطعم
انا غالباً اطلب من عندهم عن طريق تطبيق جاهز لكن اللي وصلني اليوم سيء بشكل الله يدوم النعمه زنخةالدجاج موجوده واللي صدمني الجلد بعد موجود ابداً ما كانو كذا كميت اللوعه اللي صارت لي مستحيل ارجع اطلب منهم اتمنى صاحب المطعم يلقي نظرة على النظافة والاطباق قبل تطلع
محل فتحة واحدة، الصندوق يحتوي على صحن ماسلا ورز يكفي ١-٢ شخص، الطعم ممتاز، لايوجد طاولات داخل المطعم، فقط سفري، وممكن تطلب رز لحاله، مواقف قليلة، السعر جيد جداً
الأكل لذيذ وأستمتعت فيه الطلب كان برياني ساده مع مسالا دجاج ، الرز لذيذ و نثري و المسالا عجبتني مره انهم حاطين قطع هبر دجاج مشويه ثم مرقة المسالا الطعم و الجوده ممتازه.
صدمة صراحة كنت متحمسه له جدا بس الحسنة الوحيدة فكرة البوكس مره حلووة اخذت مسالا تكا وجاني مالللح ماصخ والله ماينأكل وحار مره مره وانا طالبه متوسط ومتعودة عالفلفل بس ذا اوفر والبرياني مافي ملح استهبال والله ودجاج المسالا مو مستوي زي ماصورت والله ماكملت الاكل ابدا ورفعت شكوى عند هنقرسيشن واذا مارجعت فلوسي برفع عند وزارة التجارة! لاتسكتون عن حقوقكم والمهزله ذي اجل اقط فلوسي بالزباله؟ اقسم بالله ماقدرت اكمل الاكل
الطلبات: بوكس المسالا دجاج ممتاز بوكس الجمبري مسالا ممتاز بوكس الدجاج بالزبده مره عجبني ممتاز جداً ولذيذ دجاج ٦٥ مره ماعجبني سمبوسة البطاطس جيده جداً سلطة الريتا ممتازه مع حرارة الاكل ونكهتها كويسه البوكسات تجي بالايدام مع البرياني الكميه مناسبه السعر معقول الطلبات هذي كفتنا ٤ اشخاص المكان صغير وبسيط الموظفين تعاملهم كويس بس فيه مشكله ان مافيه دورات وانتم بكرامه ولا مكان حتى تغسل فيه يدك صراحه هذا الشىء غريب مره في مطعم
اول شي طلبت عن طريق هنقرستيشن طلبت البكج بالنسبه لتغليف مره حلو والطعم كان لتكا مسالا لذيذ اما الرز عادي جدا ولكن السعر بالنسبه لطلب مرتفع وهي كميه قليله
طلبت منهم وجبه عباره عن دجاج بالزبده و برياني يجي معه خبر بعد. سعرها 39 الباكج حلو ومرتب صراحه والسعر مناسب جدا الدجاج حلو اما الرز مو برياني كان ملون ياليت يتحسنون بس بالرز حطيت ٥ نجوم لان صراحه شي مرتب وبسعر منافس
جيت للفرع الفرع مره صغير طلبت من عندهم بوكس ايدام زبده ورز برياني الطعم حلو الايدام عجبني اكثر جودة الدجاج والطعم لذيذ الرز الكمية تكفي لشخص واحد. نقصت نجمتين بسبب ان المكان صغير ولي سوء النظافة اتمنى يهتمون للنظافة
التغليف مرتب ويفتح النفس — الاسعار حلوة - رز البرياني اعطيه ٨من ١٠ ناشف نوعا ما و مافي طعم و كميته تكفي لشخص واحد فقط. دجاج الزبدة و دجاج التكا مسالا ماقدرت افرق بينهم بس اعتقد الزبدة كان لذيذ جدااا. دجاج الكاري ما حبيته ابدا ابدا … السمبوسة ماعجبتني ابدا للاسف خصوصا سمبوسة البطاطس مافيها طعم لكن لونها و هشاشتها جيدة. خبز النان جيد. ياليت تهتمون بالطعم اكثر و شكرا لكم