الموظف ابونظارات الي مكتبه على اليمين اول مكتب داخل عليه يوم السبت الساعه ١٢: ٣٠ كان فيه عميل قدامي ويوم خلصه الساعه ١٢: ٥٠ تقريباً قال تعال بكرا غير محترم جداً ويتكلم من طرف خشمه سألته عن اسمه قال مالك دخل موظف دنيئ جداً
اخس شركه تعاملت معه جاي من الساعه سبعه ونص صباح عشان غيار زيت وصيانة قالو لي ساعتين خليت الموتر عندهم رحت وجيت انتظرت تلاته ساعات ذيادة م سوا شي الموتر باقي مركون في الباركن وفي ناس جات جديده دخلو الصيانه اش التعامل هذا
اسعااااااارهم ٠جدا جدا مبالغ فيها. فلتر حصلته عندهم ب ٢٩٠ ريال. وانتظار اقل شي اسبوعين لتوصل القطعه من ألمانيا. //المهم شريتها من الصناعيه قطع المرسيدس واصليه ب ٧٥ ريال نفسها ليش هالغلااا يالجفالي
سبحان الله جيت بعلق عن الخدمه الاسواء من السيئ شفت كل التعليقات عن الخدمه السيئه و ما قصرو اتمنى وزارة التجاره تنظر لهذي المهزله وعدم احترام الزبون او جيبو وكيل الامارات الفهيم ممتاز جداً و خدمتهم ممتازه
كانت تجربتي جدا سيئة رح الجفالي قطع غيار سيارات صغيرة وكان الموضف جالس ماعنده شي فتقدمت اسأل قطع غيار اول ما سألته رد بنفسية بفلوس قلت ايش بفلوس قال التسعيرة قلت عندي 5 اشياء فقط قال طيب. سحبت الورقة الي في جيبي رد مره تانية يقول نفس الكلام. قلت انا عندي 5اشياء فقط فرد علي يقول انا موفاضي وبدء يحاول يمشيني وكل ما اسأله يقلي ماعرفت القطعة. للاسف كانت تجربتي سيئة جدا وطلعت ومعي تسعيرة ناقصة ورحت اشوف اغراضي من الصناعية القديمة
المعرض عبارة عن سيارات سبحان الله كلها مباعه ، والموظفين من ذوي الاحتياجات الخاصه أو انهم حاطين حنّا بارجولهم عشان كذا مايقدرون يتحركون ههههههههه قمة قلة الادب لما يجيكم زبون بيدفع مبلغ يتجاوز نص مليون او مليون ومايتعب الواحد فيهم نفسه يقوم من مكتبه ويرد على اي استفسار بان السياره مباعه ، وخير ياطير اذا مباعه ماعندكم الا هي مثلا؟؟ سوقلي اياها وبطلبها الي جابها يجيب غيرها لكن الحمد لله ان ماعندي مرسيدس
موظف الاستقبال سيئ جدا في تعامله مع العملاء خلاني واقف أمامه وهو قاعد يراسل في الواتساب وانا استعجله من شان بيقفلوا للصلاة ولكن ما فيه فايده المهم قفل شباك المستودع وهو يالله قفل شاشة جواله وشاف لي القطعه وقالي انتظر لين بعد الصلاة
عند الحديث عن الجفالي فالكلام منتهي ولا حاجه لان نقول شي طاقم العمل لديهم مدرب على خدمة العميل بصورة ممتازة حيث ان البائع يقف معك حتى شراء القطعه وتجهيزها واكثر ما لفت نظري طاقم العمل السعودي يقومون بعملهم بصورة احترافيه اقف هنا واقول لهم شكرا لكم تجربتي كانت لديكم ناجحه بكل المعايير تحصلت على قطعت الغيار التي كنت ابحث عنها في محلات قطع الغيار وكان سعرها لديهم غالي جدا وعند ذهابي للجفاليكنت متردد قلت في نفسي اذا كانت عند القطع العاديه سعرها مرتفع اذا كم ستكون غند الجفالي وكيل القطع الاصليه لمركبات وشاحنات مرسيدس وهنا كانت الصدمه وجدتها عند الوكيل بسعر ممتاز وسعر في متناول اليد من هنا انا انصح كل ملاك مركبات وشاحنات مرسيدس التوجه الى الجفالي لشراء قطعهم من هناك اولا اصليه وسعرها مناسب اتمنى لشركة الجفالي المزيد من التقدم والازدهار