أخذت منهم مكس قشطة ولا فيه قشطة بالموضوع الا حبه وحده! كلها فستق والشغل واضح قديم مو جديد. والفطاير الفرنسية كلها دجاج ليست منوعة ابداً بجبن ونكهات أخرى.
مكان يضم عدد كبير من الحلويات والمخبوزات المبتكرة والطازجة واللذيذة محل متطور وكل مرة ازوره الاحظ نزول صنف او صنفين في قائمة الحلويات او المخبوزات و الاسعار معقولة الي الامام دائماً جبوريه
ايش اسعار. ايش تنوع. ايش خدمه. ايش طعم. اااااه بداية عشق بلا نهايه. اخذت منهم بكيج 150 شخص حلى و مالح لمناسبة ب 3250 اذا ماني غلطانه. شي يبيض الوجه ما شاء الله و ان شاء الله راح اكرر التجربه
لقد قمت بزياره فرع الشفا وكان الاستقبال مختلف عن السابق وكان مشرف الفرع كتير استقبالو للزبين كان روعه من الاستاذ محمود مشرف الفرع احب اقرار الزياره مره اخره
ماشاء الله تبارك الله يعجبوني اصحاب العمل الي يتميزوا عن غيرهم و يختلفوا العاده ما احب البقلاوة ولا اكلها كثيير. و لكن عند جبورية ادمنتها لها طعم مميز و مختلف تماما عن البقية. وكل الي ذاقها اعجبتهم جدا. ماشاء الله متفردين بنكهات جديدة و الوان جذااابه. استمروا الله يبارك في رزقكم و عافيتكم. ️ بالتوفيق
هذا المحل خيار مثالي للتقديمات والمناسبات الصغيرة والكبيرة، يقدم تشكيلة متنوعة وكثيرة ومنافسة ولذيذة من الحلويات والبقلاة والكيك والفطائر والمحاشي والمقليات والبسكويت. طريقة عرض المنتج متميزة في حرية الاختيار ووضوح السعر وسرعة الخدمة وإمكانية التجربة. الأسعار مناسبة لجودة المنتج وكميته.
اجمل واعرق المخابز ب السعوديه انا زبونته من ٣٠ سنه من كان بالقصيم واسمه الارياف متجدد مبدع واسعاره مناسبه جدا والطعم ولااا أروووع والكيكات عنده تنافس اكبر المخابز
المحل غني عن التعريف منتجاته شبه ممتازه بس اسعاره تعتبر مرتفعه لبعض المنتجات
ولكن ملاحظتي على العماله المصريه بالمحل. طبعا يخدمون اللي يبون من الناس "الفخمه بالشنط الماركه" والناس العاديه مهمشين! تسأل تبي احد يساعدك سافهينك مسوين عندهم شغل وهم يدورون بالمحل! شي يقهر المحل يتميز بتشكيله حلوه من الحلويات والمعجنات ويسدون نفسك هالمصاريه
نجمه وحده عشان التعليق فقط! فشلوني حسبي الله عليهم ولا يربحهم صفهم لصياني الشوكلاته المكشوفه يفشل ومو مرتب ابد واما صياني المالح حاطين التارت مايل وكل من بياخذ منه تطيح الحشوه من طريقة الصف الغبيه! والكيكه وصلتنا بشكل ما تقدرين تقدمينه سئ سئ جداً ما انصحكم فيه ابد ما يواجه
كنت اكثر زبونه عندكم حتى مناسباتنا الكبيرة مانتعداكم لازواجات ولا ملكة ولا حفلة تمائم واستقبال الا من عندكم لكن الحين حلفت ماعاد اطب عندكم على انو صارت لي حركة قبل من الموظف اللبناني واعتذرتو وقلتو اخر مره ومن ذا الحكي وقاطعتكم فتره طويله بعدين قلت يالله خلني ارجع الا تجيني وحده الموظفات اسمها ريم او ريما اوقح موظفه مرت علي ماعمري شفت مكان موظفين وحده بنفس وقاحتها الزبائن ماراح يكررون التجربه من أمثال هذولي الموظفين وانا حالياً حلفت ماعاد اجيكم
جبوريه محل متنوع فيه موالح فطاير حلا كيك شوكلت وكل شي تحتاجه للعزيمه الاسعار مناسبه على الشكل والجوده الكيكات اشكالها حلوه والطعم قيد التجربه اضفت لكم الاسعار بالاسفل وان استفدتو عطوني لايك ️
من اسوء المحلات اللي تعاملت معهم الصراحه فشلون قدام ضيوفي سواءً الحلى او الموالح مره انصدمت منهم صفهم للشكولاته مره قبيح بعضها مقلوب والموالح كذلك التارت مصفوفه غلط وكل الحشوات مكبوبه والتاكو مقلوب اما الكيكه كانت مررره شينه وصلتني كذا الكريمه المستخدمه مره ذايبه وحاولت اتواصل معهم على الرقم الموجود ومارد علي احد للاسف
الصراحه قهروني صاف ربع ساعه في الفطاير والموظفات بطيئات اخرتها طلع فيه ارقام جهاز الارقام اول ماتدخل يمين جهاز صغير وموب واضح في الزاويه ىلا فيه اوراق توضيحيه ان الوضع تغير صار ارقام لكل شي وسرا خذت رقم قدامي ٧ ارقام اذا بتصف يبي لك نص ساعه على برود الموظفات واكلم حق الارقام ليش ماحطيتو لوحه فيه ارقام او الجهاز في وجه الزبون اذا كل شي هنا لازم تاخذ رقم اخرتها ماحولك احد مفهي ولا عنده رد مشيت وخليتهم عندهم زباين والموظفين شوي خدمة بطيئة جداً
السلام عليكم. قبل فتره كنت عندكم في المحل وانا طول الفتره هاذي ادور علي صفحتكم عشان اقدم رأي تجاه واحد من الموظفين عندكم سوري تقريبا او لبناني شايب كبير في العمر اسلوبه جدا وقح معليش احنا زباين والمفروض يكون لنا احترامنا اثناء تواجدنا في المحل جيت قبل فتره وقدمته في شكوى والبنت الي في الكاشير اخذت رقمي واسمي وقالتلي الاداره بتتواصل معك والموضوع صارلو اكثر من ٤شهور وماحد تواصل معي نهائيا مو هنا المشكله المشكله ان قبل اسبوع تقريبا مريت المحل شفت نفس الرجال هذا الوقح قاعد يصارخ علي عامل قدام باب المحل ويقوله انا اسمي جورج تقول يااا هاي في بيتك جدا جدا انصدمت للموقف لو كان في ايدي ابلغ عنه لعدم حسن تعامله كان بلغت لتخلونا نكره نيجي المحل بسببه الله يسعدكم وترا عيال ديرتنا واجد يعني يمدي تحط مدير سعودي وهذا افضل لسمعه المحل وشكرا لكم
سيئ جدا في المواعيد وفي التنظيم وبطيئون جدا في استرداد التأمين وقد حجزت عندهم قبل المناسبة باسبوع وحينما جئت تبين انهم لم يقوموا بتجهيزه ولم يقوموا بالتعويض لقاء تأخيرهم كما انهم لم يلتزمو بما اخترته من اصناف فوضعوا الاصناف المتوفرة لديهم واهملو ما سواها وقد قتبلت صاحب الحلال وابلغته بذلك
بقلاوه الجبن لذيذه. المعجنات عاديه لكن اشكالها حلوه. الخدمه سيئه سيئه سيئه. سوء تنظيم زحمه و الموظفين قليل و بطيئين جدا. اللي مستعجل لايروح لانه ماراح يلقى احد يخدمه الا بعد ماينبح حلقه
للامانه المحل جميل ورائع واسعاره جميله جدا متعاونين بشكل كبير وخدمه راقيه يفتح الساعه 6الصبح ولديهم افكار وابداعات جميله واسعارهم منطقيه جدا جدا يوجد لديهم ميزه خاصه وهي الباقات الخاصه بالمناسبات كل باقه على حسب عدد الضيوف وكذالك عندهم تصميم الكيك عطيتهم صوره من قوقل لكيكة تخرج صيدله للامانه ابهروني بالعمل والشكل والطعم جميله جدا جدا ولاانسى الوقت انجزوها لي خلال 24ساعه قسم الكيك السواريه رائع البقلاوه تجنن خصوصا. الجبن المعجنات وش احكي وش اقول المسخن من الاخر وطبعا كل صبح الفرن يجهز الفطاير الفريش فيه ميزه حلوه يوفرون استاندات وصواني فخمه تاخذ الي تبي وتدفع تامين عليها وترجها بعد ماتنتهي مناسبتك. عموما الكلام مايوفي اي شي تحتاجونه روحوا للاستاذ جورج وماراح يقصر معكم
تعامل الموظفات السعوديات فوق الوصف وأخلاق عاليه خاصة الموظفة ندى قامت بتلبية جميع طلباتي بوقت قياسي وروح جميله الله يسعدها ، الميني تارت بأنواعة لذيذة خاصة الدجاج وبيتزا الدجاج الفرنسيه والميني صره ، الحلويات الشرقية جيدة. بشكل عام وشخصي أنا باستمرار دائمة الزيارة لهذا المحل لأنه يستحق.
المحل يقدم فطاير لذيذة وحلويات شامية مميزة لكن الخدمة سيئة جدا جدا جدا حتى لما اعترضت على سوء الخدمة وبطئها رد المصري بصوت عالي ومنفر لو استمروا بنفس المستوى هذا بيخسرون الزباين
تنظيم سيء ، فطاير مالحة وغير لذيذة. المدير جورج تعامله غير مريح ومايركز معك، ولا ينفذ المطلوب رحت مرتين احدد الطلب ورغم ذلك يسوي غير ما طلبت. اعطيتهم اربع صواني للتعبئة ورغم التوصيات واختيار الأنواع وتحديدها تفاجأت عند استلام الطلب الانواع والفطاير مختلفة عما طلبت ، كنت طالب الصينية غير مزحومة ، عبوها كثييير و زحمة فوق بعض عشان يرفعون السعر وما يهمهم رغبة الزبون! اخر مرة اطلب منهم ،، زحححمة وانتظار وقرف مدري على ايش ؟! شكل فقط بدون طعم ولا جودة. ولا تعامل ولا تنفيذ المطلوب ولا طعم يواجه! كان مقلب كبير. البسبوسة والمعجنات أقل من عادية والشوكولاته شكل بس والطعم سيء.
الصور خدعتني غير عن الواقع المكان مكركب والموظفين محد ملقي بال ولا مهتمين بالزباين ولا بأسئلتهم والموالح معجنه ممكن الحلويات فقط الي يغري شكلها اما الاشياء الباقية لا
مخبز كيك وفطاير وحلويات ممتاز ومتنوع واسعار في متناول الجميع خدمه ممتازه لي ملاحضه ان تسجيل الطلبات عند شخص واحد والزباين بالدور عنده ياليت يزيدون شخص اخر حتى تكون الخدمه اسرع