المكااان جممميل وهادي جدا والدونات والقهوه لذيذه جدا اكرر الزياره اكثر من مره يتوفر خدمه انترنت مجاني مكان مهيئ للعمل والمذاكره والموظف خلوق جدا ومتعاون الله يرزقهم
اول مره اجي ازور الفرع وكنت متحمس اطلب بس بالاخير تركت الطلب ومشيت لان الخدمة للاسف سيئة من الموظف السعودي بتاريخ 14 يناير 2023 الساعة 4: 15 العصر من اطلب حاجه قالي استريح طيب مابعد اخلص طلبي وممكن ماابغى الطلب محلي وبالنهاية جابلي طلب خطأ وفوق هذا كله ماخلاني احاسب ابغى احاسب وقدم علي 3 زبائن وسحب علي بالأخير ، اتمنى اذا الشخص مش مزاج او منت رايق للعمل لا تعمل ، تمنيت احصل رقم اقدم شكواي فيه لان ضاع وقتي ومشيت
مدري ويني عنهم من زمان معظم اللي أخذته لذيذ والسعر حلو مقارنة بغيرهم أخذت ٦ أنواع دونت وكلها عجبتني كقاعدة أي شي محشي كريمة الجبنة يطلع لذيذ عندهم ومتوازن حلاه وحتى الأنواع اللي بالعادة تكون حالية مره ، عندهم حلاها يكون أخف وأفضل من غيرهم عجينة الدونات نفسها هشه ولذيذه مره الأنواع اللي جربتها: بيري سبيرس ، دونات عليه صوص بنكهة فراولة وجواها كريمة الجبنه ؛ لذيذه للي يحب نكهة الفراولة ، لكن للأمانه أفضل نكهة الفراولة الطبيعية مو الصناعية لذلك ما حبيتها مره تشيز كيكليشز ، من فوق حاجه تشبه الأوريو ومن جوى حشوة كريمة الجبنة ، لذيذه مره وكانت ألذ وحده فيهم
ليمون بريز ، صوص ليمون مع صوص شكولاته بيضاء من فوق وجوى محشي بكريمة الجبنة ، خرافيه حبيتها رغم أني بالعادة أكره أي حلى بنكهة الليمون ، ثاني أفضل وحده حبيتها
آخر نوع ناسيه اسمها ، من فوق شوكولاتة ومن جوى شوكولاته وزبدة فول سوداني، أقل وحده فيهم ، ممكن لأني ما أحب نكهة زبدة الفول السوداني في الحلويات
كراميل فدج ، ناسيه الحشوة ايش أو إذا كان فيها حشوة أساساً ، لكن كانت لذيذه وحاليه أكثر من البقية ، مو أفضل شي عندي ، لكن أحس كثير بيحبونها
بالنسبة للقهوة جربت الاسبيرسو عشان أعرف إذا نوعية القهوة طيبه ولا لا ، متوسطة ماعليها ، لكن مو الأفضل ، يعني قريبه للمقاهي العادية وأحسن بعد ، بس مو أحسن من المختصه وهذا شيء كان متوقع ، يعني تقدر تستمتع بالقهوة ؛ مو نوعية ما تنشرب اللي فاجأني هو الماتشا أو شاهي الشاي الأخضر البارد ؛ ماتشا ومعه موية وثلج ، لأول مره أذوق ماتشا مافيها مرارة ، لذيذ مره رغم أنه مافيه سكر ، اللي بيجرب ماتشا لأول مره يجي عندهم ، كان طلب ولدي اللي في أولى ابتدائي وشربه كامل بدون سكر ، أعتقد المره الجايه لازم أطلب لاتيه الماتشا
أيضاً الساندويشات لذيذه خبزتها (الخبزة نفسها عجينة الدونات أعتقد تشبه شكلها وطعمها بس بدون سكر أكيد) وحشوتها ممتازه ، ومليانه نكهه بعكس معظم المقاهي وساندويشاتهم الباردة اليابسه اللي بدون طعم جربت اللي بالدجاج مره لذيذ الدجاج مقلي ومعه صوص باربيكيو وبعد الأومليت خرافي وملحهم موزون مو ماصخ ، أو قليل ملح ونكهه زي عادة المقاهي
بالعموم ، حلوين نجيهم فطور وقهوة ونحلي بعد ، حبيتهم
ولازم أجرب مشروبات أكثر + دونات أكثر + والآيسكريم بعد
الدونات روعه وانا جيتهم وكان عليه عرض وسعرهم روعه القهوه حلوه بذات المقطره المكن مرتب وهادي ويحسسك انك في إندونيسيا انا جيته قبل وعجبني والحين عجبني اكثر اي لف يو
مقهى من المقاهي المتميزة في غرب مدينة الرياض يتميز بتقديم الدونات محشية ب حشوات مختلفة وايضا دونات ميني بجودة ممتازه وباسعار جيده وأما ركن المشروبات الساخنة فهي في مستوى العادي
الصراحه و امانه المحل بطل الدونات فيه مرررره حلوه و لذيذه عرف يميز نفسه من بين محلات الدونات التقليديه بالاضافه الى خيار الفطور الصباحي (جربوه) وجهة نظر
متميزين في الدونات بصراحة أحب الدونات المحشيه لديهم انواع كثييره حلوه يستحق التجربه أسعارهم مناسبه الدونات ب4 ريال تقريبًا ويوجد عروض على الدرزن ونص درزن
مكان جميل خدمه ذاتيه دونات ممتازه مشهوره في شرق آسيا دونات لذيذه الصراحه. وتعامل راقي من الشاب السعودي الله يعطيه العافيه. فرع السويدي شارع عائشة بنت ابي بكر.
I am not sure what kind of business this is but it seems like they expect every single customer to pay by card and not cash. They never have change for cash. I once came here with a 100 SAR note and they refused to serve me as they did not have any change. I came with a 500 SAR note which I understand is a big note however, as a business surely you should be better prepared. I am very disappointed as I come here quite often!
المقهى انيق وبه أجواء عائلية والقهوة المختصة عادية ولمن يفضل شربها في زجاج او سيراميك لن يناسبه كاسات الورق وهو نظيف وملتزم بالاحترازات ورأيت الاقبال عليه وخاصة المشروبات المثلجة شكراً جي كو لأنك في حينا