حسبي الله عليهم كان باقي على الضمان شهرين وينتهي وخربت البطاريه جيت عند الموضف علي الله لا يسامحه وقال البطاريه يبغى لها شحن فقط شحنها بعد شهرين و١٠ ايام خربت رجعت بحجة انك م غيرت البطاريه من اول ورفض وجحد حسبي الله عليه واذا كان فيه اقل من نجمه كان اعطيتهم
نصيحة ما تحتاج وزن اذرعة الا إذا سيارتك فيها حذفه في الدركسون او الكفرات تمسح
مهما حاول يقنعك بالأرقام الموجودة بالكمبيوتر ما فيه مثل وزنية الوكالة حرام تسلم سيارتك لواحد ما يخاف الله وما هو واضح و صريح ويكذب ويستغفلك إذا ما تعرف انجليزي بس يمشي شغله أي كلام ويعدم عليك وزنية الوكالة وبالاخير ضمان شهرين إذا تحتاج وزن شف لك مكان ثاني غيره
اما بالنسبة للكفرات من أفضل المراكز اسعاره مقاربة للموزعين بس تضمن شيء نظيف وجديد أخذت من عندهم كفرات هانكوك داينبرو للسيارات الكبيرة استمر معي فوق الثلاث سنوات بدون اي مشاكل وهاذي المرة الثانية اغيرها عندهم
الأسعار عندهم مرتفعة جداً مقارنة بالموزعين، والعمال يقولون هذي أسعار الوكيل وإذا تبي أرخص شوف الموزعين الي غيرنا. سألتهم عن بطارية سيارتي وقالوا سعرها 345 مع الرجيع وننصحك تشوفها برا تحصلها أرخص، فعلاً ركبتها من محل ثاني بسعر 260 مع الرجيع! الفرق 85 ريال. سياستهم غريبة من هالناحية!
لكن للأمانة وعن تجربة من ناحية الضمان على البطاريات يغيرونها لك بدون أي جدال.
مشكلته ما يفتح الا بنظام. يعني زي حلاتي عندي ضمان بطارية للمرة الثانيه ما تكمل ٤ او خمس شهور وتخرب ومن يومين جالس على شحاذتة الناس بسبب انهم مسكرين الجمعه… ما انصح فيهم. خصوصا البطاريات… والحين جالس الساعه ٨ و٩ دقايق وما فتح️
كان عندي بطارية انتهى ضمانها في اجازة العيد ولاني مسافر اضطريت اتصرف واشتري بطارية رجعت من السفر وكان تاريخ الضمان منتهي وشرحت لهم اللي صار معي واطلعتهم على الفاتورة الجديدة تفهموا ظروفي وقدروها وغيروا لي البطارية مقابل رسوم 50 ريال فقط أشكر لهم تجاوبهم وروعة تعاملهم خصوصاً الاخ اليمني المسؤول عن الضمان وكذلك الشاب المسؤول عن البطاريات
الصراحة عندهم الضمان فاشل لو معه عشر فواتير للبطارية م يستبدلونها لك الا بكرت الضمان مع انهم الوكيل مفروض يبدلونها وخربت في اقل من سنه تواصلت مع وزارة التجارة والحق معي لا تسكت عن حقك بلغ
وكالة محترمة جربتهم في البطاريات تعاملهم ممتاز ويقومون باستبدال البطارية في حال خربت بدون معاناة. قاموا بتبديل بطارية سيارتي برغم معرفتهم بمشكلة في الدينمو طلبوا مني اصلاح الدينمو فاصلحته وغيروا البطارية بجديدة. فشكرا لهم على حسن التعامل.
هذا الوكيل حق بطاريات هانكوك بن شيهون لكن اسعارهم في التجزئة اغلى من اسعار البطاريات في البنشر علما ان اصحاب البناشر يشترون من عندهم وقد سالتهم قبل كذا قالوا ان البنشري ياخذ كمبة كبيرة من عندهم عشان كذا هم يبيعون ارخص من الوكيل من ناحيتي اقول ان الوكيل افضل عشان الضمان لكن فرق السعر تقريبا من عشرين الى ثلاثين ريال من قيمة البطاريات وكذلك عندهم الكفرات ما سبق ان ركبت من عندهم لكن عندهم خدمة تركيب الإطارات
محل كفرات كورية جيده ومضمون عن الغش والتلاعب في تاريخ الكفرات والمواصفات وسعره مناسب امابعض محلات يتلاعب في تاريخ الكفرات فيعطيك كفر تاريخ الصنع جديد واذا تفافلك بدل الكفرات بتاريخ قديم امابالنسبه لبطاريات هنكوك فلا انصح بشرائعا لاني اشتريتها مرتين وما ان تكم سنه وينتهي الضمان الا وتتعطل