Hamad Abodjin Foundation Auto Parts

أفضل محل قطع غيار في المحافظة يقدم كل ما هو
جديد وأصلي من قطع غيار لجميع أنواع السيارات
واذا ما عنده يوفر لك خلال أيام قليله من الطلب
وصاحب المحل كاسب ثقه العملاء لأنه رجل
محترم ومتواضع لابعد الحدود وكاسب محبه الناس في المحافظة ومن الناس الذين نحسبه والله حسيبه
من رجال الخير وفعل الخير الله يسعده دنيا وآخره
له بصمات كثيرة في المحافظة الله يوفقه ويسعده.

صراحة تجربتي مع المحل والموظف المصري بشرحها للافادة والحرص وانا مسؤول عن كلامي اولا عند الله سبحانه وثانيا اتحمل ماكتبته وشرحته. اولا حصل عندي عطل وانا مسافر ورحت للفني وطلب مني اجيب له بواجي وطرمبة بنزين ودخلت عند الباشا وقلت له عطني طرمبة موديل كذا وبواجي نفس الموديل. واكدت عليه مابي ارجع وكنت حاس من عرفت انه مصري. وجاء الفني يركب وللاسف لاهذي نفس الموديل ولاهذي ورجع له الفني مرتين واربع مرات وخمس مرات اخر شي اخذت دباب الفني وجيته ويالله تخارجنا منه بالبواجي والطرمبة عطاني تجميع دبي والله العظيم ماوصلت الرياض الا الساعة ٩ مسا وانا من ٩ صباح طرمبة مظروبة او تجاري امشي ٢٠ كيلو وتطفي السيارة كل مازادت عليها الحرارة ماتضخ بنزين واذا دعست اجباري طفت وحسبي الله ونعم الوكيل. والحمد لله

سلام عليكم جيت المحل فيه واحد مصري متين شوي يتكلم من طرف خشمه واسلوبه ينرفز قسم بالله الاجانب اعطيناهم وجه صراحه لو لي سلطه وظفت غيره.

يعطيهم العافيه خصوصا توفير كفرات البرادو الدالوب شبه منقطعه وفروها واختصرو المسافه اني ابحث عنها والموظفين اخلاقهم راقيه ماشاء الله تبارك الله

للاسف الشديد المصري يزيد في الاسعار مقارنة بالمحلات الاخرى احذروا منه والله هذا ماحصل معي
احذروا احذروا احذروا

اشكر مؤسسة حمد ابو دجين على ما تقدمه لعملاءها وزبائنها فهم فعلا اشخاص محترمه وعلى رأسهم صاحب المؤسسه حمد ابو دجين اشخاص تستاهل التقدير وتقدر من يقدرها ومن يتعدى عليهم فله ما له وعليه ما عليه ونشكر المصري شكر خاص على ما يقدمه للعملاء من نصيحه او خبره في القطعه وانه دائما يخرج لنا القطع صحيحه دون الرجوع مرارا وتكراررا لترجيع القطع مثل ماحدث مع الاماكن الاخرى ويساعد الميكانيكي دائما فدائما الميكانيكي ينصحنا بالشراء من المصري حتى تكون القطعه صحيحه ولا تسترجع ونشكره على حرصه وتفانيه في عمله حتى وان كان غير وقت العمل فهو يساعد الجميع وسريع في انجاز عدد كبير من الزباائن في وقت قصير جدااا فلا يعطل وقتنا مثل البقيه في اماكن اخرى وهذا بشهادة احاسب عليها امام الله

اشكر صاحب المحل الاستاذ /حمد بن عبدالرحمن ابودجين ع تعمله معي ومع العمال اخلاق عاليه ما شفت احسن منه لا اهو ولا اخوه خالد الله يرحمه ويغفر له ويسكنه فسيح جناته ويرحم جميع امواتنا المسلمين والمسلمات والمؤمنين والمؤمنات الأحياء منهم والأموات احسن

مؤسسة حمد ابودجين تجد كل قطع غيار السيارات بانواعها وجميع الكفرات والبطاريات وخبره اكثر من 40 عام في هذا المجال.

جيدة وقطع الغيار متوفرة لكن غالية وفيه فرق شاسع بينها وبين الاسعار في الرياض ياليت يراعون هذا الجانب مشكورين