Hala Marhaba Tailor

فصلت عندهم كثير وأرسلت لهم أشخاص ولكن للأسف مقاساتهم فيها أخطأ وبالذات في الطول (يسحب شبر) واذا رجعته عليه يرد لك ببروووود " خلاص بقصره لك" طيب والقماش بيخرب علي بعد القص والخياط مرة ثانية لأنه بيكون فيه أثر فكه للخياط أسفل الثوب.
صارت معي أكثر من مرة ولغيري كذلك والمشكلة القماش غالي ولا عوضوني شي!

خياط محترف
اول مره اتعامل معه
اقمشة ودقة في التفصيل والمواعيد
الخياط جاڤيد فناااان
السعر مناسب مع الجودة والاتقان

من أفضل وأقدم محلات الخياطة في الشفا

يعيبهم ارتفاع السعر نوعا ما عن المحلات المماثلة تقريبا التفصيل ب ١١٥ غير القماش

من اقدم محلات الخياطة الرجاليه بحي الشفا وتعامل جيد وفاهمين الشغل ولهم خبره طويله في المحل اقمشتهم مختلفة الاسعار فيه الغالي والمتوسط والعادي حسب الاذواق

خياط متمكن من الخياطة ، ولكن الأسعار غالية جداً جداً ، ومع كثر الزباين عليه هناك احتمالات أخطاء كثيرة وهذا شيء طبيعي.

خياطة جيدة وبالمقارنة مع السعر ممتاز
كنت اخيط عند ارقى الخياطين في الرياض الثوب يكلفني خياطته بس 180 او 200 والقماش من عندي
يعني يطلع علي الثوب بحدود 350
وهذا تقريباً الخياطة مقاربة لهم او اقل بقليل وسعره فرق كبير بينهم

اقسم بالله العظيم اني رحت لهم وقلت للمعلم حقهم ابغا واحد دقيق ف المقاسات لاني متين شوي وقالي كلهم ممتازين وجاء واحد قبل لا ياخذ المقاس قلت له (بالله ضبط المقاس ما ابغاه وسيع او ضيق) قالي ابشر ما عليك بضبطك ويوم جيت استلمته رحت البيت ولبسته وقسم بالله انه غلط في غلط خربو القماش الي جبته لهم وخسرت على الفاضي ولا بعد اذا جبت القماش من برا يفصلك ب ١٠٠. من زين تفصيلكم عشان تاخذون ١٠٠. ما انصح في محلهم ابدا ابدا (والله على ما اقول شهيد) واعتبروها نصيحة لوجه الله

صراحة لي تقريبا 5 سنوات وانا افصل عنده وشغله جدا رهيب واسعاره حلوه يفصل ب 90-100 وانت جب القماش لان الاقمشه اللي عنده ماهي بذيك الجوده.
* * من باب الامانه للاسف اسعارهم ارتفعت وشغلهم تغير عن اول.

كنت افصل عنده وكان ممتاز تالي رفع سعر الخياطه والأسف همه الفلوس فقط العميل ماعاد يفرق معه عندي ثوب مفصله عنده ضيق لي شهر واكثر جيته سبع مرات ماخلص حتى المضحك المره الخامسة كنت جايب معي اقمشه شتويه ابي أفصلها وقلت الي استلم الثوب الصيفي معها جيت وخذت الشتوي بعد أسبوع والصيفي ماخلصه

فصلت عنده وعطيته الفلوس وقت أخذ المقاس وعند استلام الثوب قال لصاحبي صاحب الثوب لم يعطيني الفلوس فأخذ الفلوس منه ظلماً وزوراً وسوف أرفع عليهم قضية بحول الله

محل جميل مقابلة حلوة فصلت ثياب اول مرة وبشوف الملبس بعدين. واعتقد ان جميل من جمال المحل والمقابلة من الخياطين الحلوة