Great clinic and wonderful staff I was very happy with Mashael who helped us book our appointments and gave excellent service and the Dr Marwa who gave amazing filler and Botox with a gentle and natural touch and the dentist Dr Leen provided outstanding teeth whitening! Overall amazing experience!
اتعامل مع هذا المستوصف من زمان بس هذي المرة كانت الدكتورة لين راااائعة جداً وايدها خفيفة في البنج وحشو الأسنان الله يعطيها العافية ومررة شكراً لها ولأسلوبها اللطيف والأكثر من رااااائع
موظفة المختبر الدكتوره رقيه فنانه وخبيره عندي ولد عمره ١١ سنه ونحتاج نسحب له عينة دم ومريت مركزين وحاولوا ماقدرو يسحبون نظرا لان الولد عروقه صغيره وقالوا ابحث عن احد يكون خبير محترف وبالصدفه دخلت المستوصف وما شاء الله عليها بكل سهوله سحبت الدم الله يعطيها العافيه
حسافة النجمه عليهم بعد ، تم تقسيط خدمه عندهم ، وماكملو الخدمه كامله وبدو بمنوال المماطله والتأخير والدكتوره عندها ظروف ثم بدو بعدم الرد بمجرد قلت غيرو الدكتوره اسوء عياده بالعالم ، هذا غير الكذب ان ما عطوني كل الجرعه
ما عجبوني طريقتهم حجز موعد بالواتس. واللي ماسكه الواتس ماترد بسرعه. الدكتور يعطي اسعار والعروض اسعار مختلفه ما يدري عنها الدكتور. ودفعت مسبقًا لاجراءات مختلفه. والان ما احد يرد. واتوقع انهم قفلو خلاص. طيب فلوسنا اللي عندهم كيف نسترجعها ؟؟؟ مستوى الخدمه ومستوى المواد والاجهزه ضعيف. والاسعار نفس او اغلى من غيرهم. اكلمكم ليش ما تردون
عيادة جداً رائعه الدكتورة مروة جداً مرنة ويدها خفيفة وعبير جداً تعامل راقي وأسلوب ومتفهمه والأجمل من ذلك الأستقبال خفيفين ومرنين بالمواعيد توفقت بالأختيار جداً لا تتعدونهم
للاسف موظفة الاستقبال استلمت ورقة تقرير الاجازة المرضيه على اساس تدخلها بمنصة صحتي اسبوع كامل وانا انتظر الرساله وعند المراجع اكتشفوا انها في الدرج لم تدخل اصلاً. استهتار عالي منها عملي ينتظر مني التقرير واتأخر بتسليمة بسبب لامبالة موظفة استقبال حسبي الله وكفى!
انتبهو من دكاترة الاسنان السواريه شايفين اعمارهم ومايفهمون وحراميه استغلال عيني عينك اسم الدكتور مدري وش جمعه انتبهو منه كذاب ونصاب استغلالي وشغله فاشل اول مره اشوف تنظيف اسنان ب٥ دقايق ويكذب يبي يسوي حشوات واسناني مافيها شي رحت لدكتور ثاني وقالي اسناني مافيها شي رحت سويت عند الدكتور الثاني تنظيف اسنان لان الدكتور زفت جمعه مانظف اسناني ولا تغيرت ونظفت عند دكتور ثاني وفرقت وتغيرت، والعياده يلطعونك ويضيعون وقتك مافيه احترام لوقت الناس ، مستحيل تدخل بدري لازم تنلطع اليوم كله
مجمع غير اخلاقي ولايتسم بالأمانة انتبهوا منهم دفعت فلوس عشان خدمة وتراجعت ماسويتها وصار لي اسبوعين اترجاهم يرجعون فلوسي وكل مرا يصرفوني ولايردون على اتصالاتي راح اضطر ارفع عليهم شكوى انتبهوا لاتطيحون بنفس الفخ + ترى التعليقات اللي هنا تمدح هم كاتبينها ع الأغلب لأن مااشوف احد يمدحهم وعملهم فوضى
ميمي الممرضه فاشله ومعامله سيئة جدا تجربتي في الليزر معاهم معامله سيئه حقيقي تخلص ميمي الجلسه في نص ساعه وكمان تكشر وتشد في أيدي بقوه ومعاملتها جدا سيئه
لكن والله يشهد ان هذا المركز مافي غير الدكتور محمد الشيخ قمه الذوق والرقي جد انسان خلوق
سويت عندهم تقويم واتفقت مع الدكتور بسعر ٢٠٠٠ دفعه اوله ١٠٠٠ عطيته وجيته تقريباً ثلاث شهور وشديت عنده وكيذا دفعت على كل شد ٢٠٠ جيت بعدها ما حصلته يقلون سافر وانا متفق مع الي سافر على انو بيغير التقويم من كرستال لحديد ومتفق معه انه بيركب لي حشوه لسن طايح وسافر ولعد رجع ودخلوني على واحد بعده وشد لي ب ٢٠٠ وبعدها بشهر دخلوني لواحد ثالث شد لي ب ٢٠٠ جيتهم بعد شهر قالو انك دافع ١٤٠٠ بس جحدوني وفوقتها ما دخلوها بسستم وانا دافع تقريباً ١٨٠٠ مدري كملت ل ٢٠٠٠ سعر التقويم وقالو لا موجود عندنا ١٤٠٠ الف مقدم وبعدها دخلت شديت مرتين خشو بعيني بشكل ما تتوقعونه
نيرس الليزر جددددا سيئة ، فلبينية تتكلم من طرف خشمها وتنافخ ، لا المشكله مو هنا ، المشكله كلمت الادارة عنها وكان ردهم تعالي الفترة الصباحيه فيه وحده غيرها صراحة شي يضحك ، انا ماادري كيف الناس تجيهم وتأمنهم خاصة الاسنان
سويت تنظيف بشره عميق عند الاخصائية هدى ما احكي لكم كيف خلت وجهي يلق لق طلعت منها واحس بشرتي تتنفس من النظافه لا تتعدونها بتنظيف البشره عسسسل مره ويدها خفيفه
اشتغلت عدسات عند الدكتور محمد عبدالوهاب ، اذا ماخاب ضني هذا اسمه ، المهم شغله من اسوأ مايكون كل ماتجيه يعدل شي هذا يدل على شغله التعبان مايعرف يشتغلك مره وحده ، انا مركب عدسات للأسنان وشغل من اسوأ مايكون والله شاهد على كلامي وانا اقولكم ذالكلام الحين وانا صايم ، واقسم بالله ياشغلهم تعباان للقندرة وشكراً.
مجمع عيادات الرعاية الذهبية الطبي عنوان وخدمة ذهبية يوجد به الكثير من الخدمات الصحية لرعاية كافة المراجعين في مختلف الاقسام حيث يوجد عيادة النساء والتوليد وعيادة الباطنة والاطفال والطب العام والطوارىء والاشعة والمختبر ويوجد قسم خاص للأسنان به اطباء على مستوى عالي من الكفائة لتقديم جميع خدمات الاسنان من حشو وخلافه وتقويم وزراعة الأسنان وايضا خدمة الابتسامة كما يضم ايضا المجمع قسم الجلدية والتجميل لتقديم كافة الخدمات الطبية والعلاجية والتجميلية واخيرا يضم المجمع ايضا قسم فحص العمالة الوافدة وخدمات الشهادات الصحية.
تجربتي كانت ناجحة بامتياز حيث المركز نظيف و الاسعار مقبولة و افضل طبيب لديهم هو الدكتور علي ابو نقطة طبيب الباطنة فهو ما شاء الله من انجح اطباء الباطنة في الرياض
اشكر الدكتوره رانيا الشرقاوي على حسن اخلاقها وخفة ايدها وتعاملها الراقي وعلى منسقتها حنين كانت متابعه معي قبل العمليه في قمة الاخلاق واشكر نظافة المركز وتعاملهم
قمة في الآخلاق وقمة في التعامل وسعدت بالتعامل مع الدكتور محمد الشتيوي ومع المنسقه الجميلة ساره الاسنان ولاغلطة تحسنت نفسيتي كثير كلمة شكراً قليله فيكم?
الشكر و الثناء للدكتوره رانيا الشرقاوي. على ذوقها ورقيها واخلاقها العالية وتعاملها الحنون مع مرضاها. عملت عندها اجراء تجميلي والعمليه نااااجحة والحمد لله اسبوعين و تشافيت ووقتها ماتعبت كثيير. وكانت الدكتوره تتواصل وتهتم و تسأل عني بإستمرار. كذلك نظافه العياده والمكان. وحسن الاستقبال شي جميل جدا