Gift and More

طلبت من ذا شفز وتابعوا معي بكل دقة من الوان الورد وطباعة الكرت الى اللمسات الاخيرة . شي يواجه ونظيف والورد فريش ماشاءالله .

الورد منوع وفرش والتعامل راقي
التنسيقات جميلة وصاحب المحل حريص على العملاء
الله يرزقهم وأكيد اكرر الزيارة

المحل ماشاء الله جميل جداً ومرتب وحريصين على رضاء الزبون بالتعامل والضيافة
العامل الفلبيني محترف بالتنسيق ونفسه زينه وفيه تنسيقات جاهزة كثير حلوة

شكرا شكرا شكرا من القلب. محل ورد واكثر تعامل راقي وشغل بذمه وضمير. ابدعتوو واتعبتو من بعدكم معتمدتكم للابد ان شاء الله

صراحه الورد مررره اعجبني وشكلها مره حلو تعاملكم وخدمتكم جدًا راقيه ودائما بشتري منهم، شكرًا لكم

الله يعطيهم العافية متعاونين جداً جداً مع العميل وآخر شي يهتمون فيه المبلغ المالي والتعامل راائع
العامل شغله احترافي ضبط لي التنسيق بدون ما أعطيه اقتراحات
البالون فيه تنوع كثير

مررررا ذوق وردوا بسرعه وتعامل الموظف اكثر من رائع انا برا الرياض وكنت متوهقة ، بس الله يسعده خدمني ووصلوها وكانت الباقه اكثر من رائعة. صراحة لو فيه فوق خمس نجمات عطيتهم

يستاهلون خمس نجوم والله ولو فيه اكثر حطيت
الصراحه متجاوبين وخدمه سريعه والطلب مثل ماابي والسعر بعد متواضع طلبت عن طريق الواتس وصراحه شي يبيض الوجه ربي يوفقهم?

المحل راقي وتعاملهم جميل معي
ماحصلت اللي أبي عندهم لكن كانوا حريصين مرة على خدمتي وأخذت منهم شي ثاني وقدموا لي ضيافة
الأسعار متوسطة إلى مرتفعة تقريباً.

المحل ممتاز
الشغل مميز وباحترافية واستقبال الطلب باهتمام والتنفيذ سريع
شكرا لكم والله يبارك لكم

من أفضل وأحلى محلات الورد اللي تعاملت معها ومستحيل أتعامل مع غيرها، جودة وسعر وتعامل راقي وأسلوب … الله يكتب أجرهم ويجزاهم ألف خير يارب

ما شاء الله تبارك الرحمن
المحل جميل جداً ، واسعاره مناسبه ومنافسه
وتعامل أصحاب المحل ممتاز

تنسيقهم جميل جدا والورد فرش وأسعاره مناسبة
تعاملهم راقي مرة قدموا بالون لأطفالي الله يسعدهم
ابعتمده دائماً

ممتاز جدا المحل تعامل وتنسيق واسعار
انصح فيه وبقوه يكفيك احترام الموظفين اللي فيه وشغلهم ممتاز ماشاء الله لي فتره طويله ما اغلف الا عندهم جربت محلات كثيره بس كثير للاسف ينقصهم التعامل الجيد. زرتهم بالعيد وكانوا حاطين شوكلت وهدايا للاطفال الله يعافيهم لو فيه اكثر من ٥ نجمات حطيت شكرا احد العمال اسمه اريكي ممتاز thank you Ariky

محل متكامل، والأسعار رائعة، والعامل جيد في المحاكاة
جبت فازات كذا مرة وخليته يحاكي صورة وضبطها لي
عندهم فازات ورد صناعي أنيقة وسعرها مناسب مع إضافة هدية أو مبلغ مالي.
والألطف إن متوفر كرسي للأطفال عشان ما تتعبين وطفلك معك ️
وعندهم بطاقات بأشكال متجددة.
ولوحة لإبداء رأيك حول المحل
سويت عندهم باقة الشوكولا، جميلة لإهداء الناجحين
لاحظت وفروا عندهم تنسيق لاستقبال المواليد
لوحة بالاسم وفازات ورد صغيرة وكبيرة للطاولات

الله لا يوفقهم. نفخت بالونات هليوم الحبة ب ٣ ريال وبعد ساعة بالضبط طاحت كلها بالارض

وقنبلة ورق للحفلات ولا انقفعت!

فشلوني والحفلة صارت فاشله

قسم بالله إنه اسم على مسمى ورد وأكثر
الله يعافيكم على التعامل والإنجاز والسرعة واللباقة في التعامل وربي يرضى عليكم
أنا من القصيم وجهزت هدية تخرج لشخص في الرياض
اهنيكم وربي
وموفقين دائماً وأبداً

خدمة اكثر من رائعه ،،الاسلوب والتعامل جداً راقي ،، الاسعار منافسه ومعقوله والتنسيق عندهم جميل وخيارات كثيره ومبددددعين تعاملت معهم كثير وعقبال ال 100 فرع والله يرزقهم يارب

أفضل محل تغليف وتنسيق هدايا وورود، العمالة الفلبينية الموجودة ممتازين جدًا فاهمين شغلهم، شغلهم مرتب وأنيق وممتاز، بضاعتهم جميلة والانتظار عندهم مريح ، يقدمون ضيافة دائمًا، يستحقون أكثر من 5 نجوم.

محل مبدع بشكل ما يوصف من ناحية التعامل والأسلوب والأسعار أطلب منهم بأضيق الأوقات وينفذون لي فوق المتوقع الموظف راقي وصل لي الطلب بعد صلاة الفجر الله يرزقهم ويبارك لهم محلي المفضل

صاحب المحل متعااااون جدًا ومتجاوب والتواصل عبر الواتس اب سلس جججدًا
انصح فيه سعر مناسب وخدمة أكثررر من رائعه والعمل احترافي تبارك الله?
انصح فيهم سعر+خدمة

خدمه جدددداً اكثر من جميله وممتازه. الاسلوب والمعامله جدا راقين. اخر همهم المبلغ المالي. كانوا حريصين على الطلب وتوصيله بسرع وقت بدون ما يسالوا عن المبلغ او تحويله قبل تنفيذ الخدمه. حبيت ثقتهم با العميل. وشغلهم جدددا بطل ومرتب ويبيض الوجه. باذن الله جميع طلباتي منهم ولا راح اغيرهم وبا الاخص الاستاذ مشاري كان تعاملي معاه

وربي ياجماعة ممتاز من كل النواحي التعامل والتنسيق مضبوط وورد مرتب وجديد كاملين مره حتى اسعارهم ممتازة

من أجمل وارقى المحلات اللي تعاملت معهم
طلبت منهم شي وسووه افضل من اللي ابيه ووصلوه للمكان اللي ابي بالوقت اللي ابي بالضبط
اتمنى لكم النجاح ونشوف فروعكم بكل مكان لاننا فعلاً نحتاج مشاريع بهالجودة والاتقان?

روعه صراحة ، كل تعاملي معاهم العامل فنان وشغله حلو والمحل مرتب ومتجدد يوفر. وأكثر شي عجبني ان اذا معي هدية كبيره او ثقيله يطلع العامل يشيلها عني

تعاملت معهم قبل اقل من شهر وفعلا كان تعامل راااقي من صاحب المحل رغم ان التواصل كان من الواتساب فقط الا انه ماقصر وفر لي نفس طلبي بالضبط واحلى بعد
واجمل شيء يميزهم اسعارهم وهذا اللي خلاني اختارهم عن غيرهم رغم بعد محلهم عن بيتي ️️

الله يعطيهم العافية شغل مرتب والمحل سعادة ويفتح النفس ماشاء الله

والموظف على الواتس تعامله راااقي جداً جداً

متعاونين ومتجاوبين وبيهتموا برأي العميل وبيأخذوه بعين الإعتبار التعامل من أفضل من تعاملت معهم وأيضًا من ناحية التنسيق واختيار الألوان مذوقين والله بكرر تجربتي أكيد وبنصح فيه أي حدا️️️️️️️️️️️

كنت احتاج شغلة وراسلتهم، اتكلم عن تعاملهم الراقي؟ ولا عن محاولاتهم عشان يساعدوني؟

الله يسعدهم، ووجهتي الأولى للورد

افضل محل ورد تعاملت معه بالشرق ذوق و اسعار و تعامل يكسبونك عميل و تعتمدهم من الاسلوب الله يوفقهم و يرزقهم شغل ولا احلى?

رائع والعامل الفلبيني فنان ويوفر كل شيء وبسعر جميل صاحب المحل الجديد ابدع بتوفير كل شيء بسعر مميز

متجر يبيع ورود وهدايا وتغليف
من افضل محلات شرق الرياض
يتميز بالسعر وجوده العمل وسرعة الانجاز
تعاملت معهم في رمضان الماضي
والله شغلهم يبيض الوجه
وما قصر معي الشاب السعودي اللي يعمل في المحل
حتى الهدية وصلوها لي الى البيت
الله يبارك لكم ومن كذا وافضل