Geoshield

استلمت منهم السياره اليوم بعرض الحماية الكامله للبودي والتظليل العزل الحراري. استقبالهم ممتاز يشرحون جميع الخطوات واخص الاخ محمود كان شرحه وافي وتعامله ممتاز. عمالتهم واضح انهم احترافيين طبعاً راح نراجعهم بعد اسبوع عشان نتأكد من الحمايه والتظليل. تابعت السيارة اثناء الشغل لقيت كل شي حسب الاتفاق. عشان كذا بعد ما استلمت سيارتي سلمتهم سيارة عائلية يسوون لها تلميع خارجي.

اسواء شركة عدم المحافظة ع القطع وتمزيقها والصيانه اي كلام ومواعيد غير دقيقه لا انصح بالتعامل معهم ف لقد قطعو الربله حقت الكابوت

يعطونك ضمان على الحمايه لكامل السياره
طيب تغيير لون بعد فتره يقلك لان سيارتك بيضاء وهذه ما عليها ضمان واحمد ربك خدمتك فتره ؟
طيب ضمان على تغيير لون مافيه ؟
ضمان على خموش وخدوش مافيه ؟
ضمان من حوادث مافيه ؟
طيب وش ضمانك اللي ١٠ سنوات على ايش ؟
ابي بس اعرف ضمانك على ايش ؟
عازل لكامل السياره ب ١٠ الاف ومافي ضمان حقيقي بس كلام ؟
كثيره نجمه بحقكم

بسم لله الرحمن الرحيم
دخلت سيارتي يوم الاحد و خليتهم يسوون لها ppf من الخارج و تظليل السياره كماله و نانو من الداخل و ما شاء الله شغل احترافي و اليوم الخميس طلعتها ونشوف مع الوقت اداء فلم الحمايه و العوازل وان شاء الله يكونون قد الثقه الي عطينها اياهم واشكر جميع من عملو على السياره و العمال كلهم متعاونين ما شاء الله و اشكر في الاخص الاخت شوق بندر شغل احترافي و اعطاء المعلومات اول في اول وما قصرت معنا ابداً من دخولي للمحل الى خروجي مع السياره شكراً لكم

المدير راقي ومحترم والمعرض خدمتهم مررة ممتازة ، انصح فيه ، كان حمايتي مضروبة ، وكانت حتخرب بوية سيارتي لكن ضبطوها لي تضبيط مع نظافة وكلو الله يجزاهم خير يارب

كويس اني شفت التعليقات قبل ما اجيب السياره ناوي عزل حراري و فلم كامل على البدي بس للأسف اغلب التعليقات سلبيه و بنشوف شركة ثانيه افضل منهم

تعامل جيد ومواعيد مضبوطة وشغل ممتاز حماية للسياره الوجيه والشنطه والابواب وغطاء الوقود وتضليل حسب الطلب وبعد اسبوع طلبو منا اعادة السياره لهم للتأكد من شغلهم وجودته واذا فيه اي ملاحظات. وسوف اعود اليهم واضيف اي جديد والشكر للاستقبال واخص الموظف عمر لحرصه وبشاشة تعامله الممتاز له الشكر

انا ركبت بكج الحماية بالكامل ماشاءالله, والله يستاهلون كل ريال حرفياً بثلاث ايام ركبو الحمايه ونانو داخلي والعازل الحراري بأدق تفاصيل وشغل محترم من فريق مختصين وشكر خاص للموظف الكريم / عمر
على حسن تعامله والمجهود الي يقدمه من متابعة الموظفين على هيكل المركبة بحيث تجنب اي مشكلة, بالختام شكرًا لجميع العاملين على جيوشيلد

خدمة وتعامل راقي
الموظف: راكان
في يوم الثلاثاء 30مايو2022
امانه قمه في الادب وفي التعامل وأسلوب جميل واحترافيه في النقاش

انا اتكلم عن تجربة لمدة خمس سنوات بصراحة افلام الحماية اللي عند جيوشيلد بطله وبقوة انا ركبتها وتعرضت سيارتي لضربتين خفيفة والحمدلله افلام الحماية كان لها دور كبير بعد الله في حماية بوية السيارة يعطيهم العافية شغلهم ممتاز. ايضاً اشكر الموظفة اللي موجودة عندهم اعتقد اسمها شوق موظفه محترمة واخلاق وايضاً متعاونة.

ممتازين جدا ، مع ضمان ممتد لا محدود ، أحب اشكر الاخ/عمر في فرع طريق الامام سعود جداً متعاون سلمتهم السياره الساعة١١: ٣٠ صباحاً و استلمتها الساعة٠٨: ٠٠ مساءاً
شكراً لجميع العاملين على دقة المواعيد و جودة التنفيذ
ان شاء الله تربح المغرب و تتأهل للنهائي?

دخلت سيارتي عندهم. واتصلت مية مره محد يرد بس عشان اعرف اذا بستلمها على الموعد او لا. اخر شي رد علي موظف قليل ادب يرادد ولسانه طويل وصفر مهنية في التعامل مع الزباين.

تلميع داخلي سيئ تلميع خارجي سيئ وتعامل سيئ واستغفال والله لو ادري شغلهم كذا لو يعطوني فلوس ما وديت لهم السياره سعر مرتفع مقارنه بالباقي اللي هم شركات معروفه وجودة بالشغل (سعر مرتفع جداً شغل وجودة جداً سيئة)

ضللت عندهم قبل ٧ سنوات وقالوا لي ضمان لمدة عشر سنوات لامحدود!

جيتهم اليوم بفك التضليل الخلفي فقط قالوا لي نفكها لك بمبلغ ١٥٠ ريال بشرط توقع اقرار اخلاء مسؤلية لانهم مضللين الشباك الخلفي من الداخل

السؤال ليه ما قلت لي قبل ما اركبها انك ماتضمن فكها ؟!

Delay to receive and deliver the car, random appointment not as suited to you as a customer.

للاسف تاخروا في تسليم السياره عن الموعد، عملت حماية كامله للسياره مع تضليل ويوجد عليها الكثير من الملاحظات.

خدمات مابعد البيع سيئة جدا!
ركبت تظليل عندهم نوع APEX اللي يعتبر افضل نوع و تكتشف ان التظليل مجرح و فيه خدوش
ولما تطلب منهم يغيرونها يقولون تعال بكرة ولما تجي يطلعون بعذر زحمه ومافي وقت

شغلهم نظيف ، عندهم خصومات لجهات معينة اسألوهم ، ملاحظتي عليهم فكوا الداش كام بس مارجعوا لصقوها لي

تاجيل في استلام السيارة مرتين مع العلم ان الموعد محجوز مسبقاً وتاخير في تسليم السيارة اسبوع زيادة.

The only bad thing about it is that you have to come again and mark and fix their mistake, other than this every thing is good

One of the best car care centers. Dealing with them for more than 10 years and their service is only getting better.

يستاهلو اكثر من 5 نجوم كتقييم وخدمه وأداء وسرعه واحترافيه
التحيه والتقدير والاحترام للأخ سعد و الأخت شروق

جيوشيلد فرع المروج قمه في خدماتهم وتعاملهم واشكر الأستاذ فهد المزيني ابوعبدالعزيز على اهتمامه وادارته الناجحه وتعامله الراقي وايضاً الاخ مدير الفرع سعد على حسن التعامل والخدمات المميزه

Extremely expensive and over priced. Sales team didn't meet my expectations and inquiries. And told me to go and try the other conventional filming stores which was
totally unprofessional reply to say to a customer.

غالي جدًا لا يوجد خصم ولا شئ يقدم عزل وحماية فقط العزل قيمته 1300 بعد الخصم الحماية 1800 بعد الخصم عزل+حماية=3650

خدمة فوق الوصف والسبب يرجع للشخصية الجميلة الأستاذه شوق قمة في الأدب والاحترام وشرح للمنتجات والخدمات بكل ذمة وضمير شكرا جزيلا على التعامل الرائع.

ظللت عندهم عازل ولا استفدت شيء. القزازة الخلفية عليها خطوط ماعرفوا يركبونها زين.
تجربة سيئة

للاسف التجربة بعد مرور 6 سنوات
ليست جيدة ولا يوجد ضمان للحماية من حرارة الشمس داخل المقصورة

من المراكز إللي أثق فيها وبخدماتها قبل وبعد زرت المركز اليوم واستقبلني موظف إسمه محمد يعطية العافية ماقصر بالشرح وسعة الصدر ممتازين

دقة في العمل لا توصف وجودة المنتج تشهد له السنين (شكراً على تفانيكم و حسن انتقائكم ل منتجاتكم) جودة منتجاتكم تشهد عليها السنين

لم اجربهم لكن تم الاتصال بهم وبعد معرفة الاسعار
اتضح لي انها مرتفعة بشكل ملحوظ عن بقية السوق
ننتظر تخفيض الاسعار

تخيل انتظر اسبوعين موعد وفي الاخير لا شغل تم
اروح للبلدية عشان اطلع سيارتي من المحل بسبب الاغلاق

للامانه خدمه العملاء غير متعاونين تماما خصوصا السوداني فيه شوفة نفس ولازم بعد كل تغيير وصيانه ترجع لهم تعدا الاغلاط بسبب عدم اخذ الامور بجديه صارت معي اكثر من مرتين

اشكر الاخوان على حسن التعامل والتجاوب جدا سريع انا ممتن للخدمه المتميزه اللي قدموها لي خاصه مابعد البيع.

انصح بهم حيث تم زيارة المحل و استقبلني الاخ ابو ادريس من الجنسية التونسيه قمه في الرقي و صاحب خبره و معلومات ثريه و حرص كبير على جودة الخدمه و تم الحجز على مجموعه من خدمات الحمايه عند استلامي السيارة قريبا

انصح فيهم في حماية المقدمه للسيارة

شكرا على التعامل طيب من افضل شركات خدمة بعد البيع

شكرا الاخ فهد. والاخ أبو أسيل على تعامل طيب
وجميع منسوبي جيوشيلد

مع الاسف خدمة مابعد البيع سيئه جداً

في البدايه الاستقبال طيب وتعامل ممتاز

لكن بعد التركيب يبداء يشرحون لك ويحسسك ان الموضوع معقد وصعب جداً

ما اقول الا الله يهديكم بس

خدمتهم جداً ممتازة، يعيبه مافيه سستم للمواعيد، يعني اللي مايجي المفروض يدقون عليه ويتأكدون وعلشان يدفون ويسرعون موضوع المواعيد. يعيبهم ايضاً الانتباه للتفاصيل، لكن دايما عندهم حلول وعندهم ضمانات والموظفين اللي فيها مايقصرون بالخدمة والتعامل والأخلاق

سعر
خدمة العملاء
خدمات ما بعد البيع
حجوزات تلميع الحماية رقم حجز خط واحد ودايما محد يرد

منتج 50٪ شيكو على الاشياء الي ما يشملها الضمان ، مدة الضمان الي معطينك هي بس عشان التلميع كل 6 اشهر والله يعينك تطاردهم

اشتر راحت بالك من 3M بس ذولا يلمعون لك عند الباب يقولون لك زحمه ويشتغلون لك اي كلام ولا يعطونك موعد ويلمع لك عند الباب والسوداني (سعد) يطير زباين ي راعي المحل باسلوبه

والناس الي تمدح ف التعليقات ترا استخدم المنتج بس خدمات ما بعد البيع ما جربها المفترض تكتب تجربتك في خدمة ما بعد البيع التلميع والحجوزات والخدمة السيئة

ترانا دفعنا على خدمات ما بعد البيع!

لو ترجع لي المبلغ وتفك حمايتك تواصل معي

(بخسرك تلميع كل 6 شهور) ولو تبي اخصم ربع المبلغ

الرد بعد تعليق المالك:

بعد 12 لايك على الكومنت

عموما ما توقعت الرد هذا ، غير صحيح ما كان موسم بالاضافة انه جميع مواعيدي معكم تم اخذ الموعد من قبلكم وكان ما يقل عن اسبوعين دايما.

بشان النقطة الثانية: ليس كرما من الشركة بل اجباري عليكم بموجب فاتورة رسمية من قبلكم والموعد موثق وقتها وكان بيتدخل طرف ثالث بيني وبينكم.

نظام الحجز جديد وما كان متوفر سابقا وكنتم تدخلون الي بيسوي خدمة جديدة عن الي بيسوي صيانة دورية بحجت انه انت ما بتدفع لكن راعي الخدمة الجديدة بيدفع هذا كلام واحد من الموظفين لديكم والله على ما اقول شهيد.

عموما اذا يناسبكم فك الحماية الخاصة ب جيوشيلد الي خربت شكل السيارة بعد استخدام 3 اشهر وترجعون لي نص المبلغ بحكم ان لها سنه وشوي حاليا واحذف التعليق تواصل معي

Snap: rx400

ضف على ذلك بعد اخر زيارة قالي ما اقدر اسوي لك الصيانة الا بالفاتورة قلت ليش قال اسمك موب على النظام ، رحت جبت الفاتورة وقلتله سجلها ف النظام قال ما اقدر النظام ما يقبل قلت له هل هذي مشكلتي ان النظام ما يقبل؟ قال لازم تجي كل صيانه بالفاتورة عشان اسمك موب مسجل

مع خالص الشكر

حماية المقدمه جدا سيئه
اطراف ونهايات فلم الحمايه مثبته بشطرطون شفاف فوق فلم الحمايه وطالع شكلها جدا غبي وعند سوال الفني يقول هذا طريقة عملها ويحاول يقنعني ان هذا صح
بعد فتره فكيتها وركبت حمايه عند مركز افضل شغل منه وارخص سعر
تجربه سيئه لن تتكرر

ما شاء الله تعامل الموظفين جداً ممتاز بل اكثر من ممتاز دخلت سيارتي لهم وانا مستعجل عشاني بروح خط الشرقيه وخلصوها لي ولله اني اشكرهم جدا جدا على تعاملهم وشغلهم مرا حلو ودقيق يستاهلون اكثر من خمس نجوم ولله ما تكفيهم

من المحلات ذات العمل الاحترافي ومن افضل و ارقى محلات الحماية و تظليل السيارات ، اسعار تنافسيه و جودة عاليه جدا و شفافية بالتعامل و مصداقية و اي وعد يعدونه يلتزمون بتفيذه و اكثر،تعاملت مع ا. رفيق وعملت عندهم تظليل للسياره و عليه ضمان رائع وسعرهم مميز مقابل جودتهم وكذلك حمايه خارجيه للسياره ضد الصدمات وفعليا حدث أكثر من حادث للسياره ولم تتضرر البوية بتاتا وايضا لديهم ضمان صيانه مفتووووح وعروضهم قويه جدددا ، وفريق عمل متميز و احترافي لاقصى حد ، الافضل حجز موعد مسبق والتنسيق معهم. شكرا لكم و اتمنى لكم العالمية.

بكل امانة الفرع جداً كويس ونظيف ويستخدمون تقنيات جداً حديثة ويستاهل،
تجربتي مع الطاقم الاداري جداً متعاونين،
وشغلهم في السيارة لكزس ES ما شاء الله ولا غلطه وفوق هذا كله خلصوني باسرع وقت وماقصرو شكراً ️️️️

قمة الاتقان في العمل والتعامل عملت حماية نصفية لمقدمة السيارة شغلهم ممتاز و محترف وسعر بعد الخصم مغري جدا"
وشكر خاص للموظف الرائع والجميل صاحب الابتسامه الدائمه الأستاذ علي متعاون وفاهم شغل لأبعد الحدود ألف شكر له

كنت عميل لجيوشيلد من فترة طويلة ، بداية من 2012 بفرع جيزان وبعد كذا عدّة سيارات بفرع الرياض وأخيرًا فرع الشرقية ، منتجاتهم ممتازة وأثق فيها شخصيا ، إذا أخذت سيارة مستعملة أفك الحماية السابقة واركب حماية جيوشيلد.
ولكن للأسف فيه نقطة سلبية كبيرة بالشركة ظهرت مؤخرا ، بمنتجات العناية بالسيارات بشكل عام العميل يحتاج الضمان وهذا أمر طبيعي خاصة مع أجواءنا والبيئة وتأثيرها على أفلام الحماية والعازل.
اللي حاصل إنك للأسف حاليا ممكن ما تستفيد من الضمان بكل الفروع (بعكس زمان) مع إنه بأغلب مواقع التواصل بيكتبوا إن الضمان ساري بكل دول
" الخليج! "
ولكن كلام اللّيل يمحوهُ النهار.
آخر سيارة عملت لها حماية كانت بنهاية 2019 بفرع جيوشيلد بالشرقية - الخبر تحديدا كانت نانوسيراميك + حماية لكامل الوجهية بمبلغ قريب ال 9000 ريال ، حاولت أعمل صيانة للحماية قبل شهرين بالرياض بلغوني الإخوان إنه لازم اجيب الفاتورة على غير العادة أنا متعود إنه يكون برقم الجوال تظهر البيانات ، لكن قالوا عشان فرع مختلف قلنا ماهي مشكلة. تواصلت مع فرع الشرقية بلغوني إنه انفصلوا عن جيوشيلد واخذو فرنشايز شركة أخرى وما قصروا طبعوا لي الفاتورة ثاني لكن صايرة بإسم الشركة الجديدة بحكم ان السيستم أختلف! (لكن موضح تاريخ إصدار الفاتورة). طبعا الإخوان هنا بالرياض رفضوا استلام السيارة.
ف للأسف إما إني اسافر للشرقية عشان الصيانة أو افك الحماية وادفع 5000 من أول جديد.

خلاصة الكلام ، أنصح بجيوشيلد للي أغلب وقته بالرياض وما يتنقل بين المدن. غير كذا ما أنصح أبدا لأن ممكن بأي لحظة تشوف ناس تأخذ فرنشايز للشركة وناس تتركها وبتضل بالنص ولا حيفيدك الضمان للأسف وهذه مشكلة 3M ويبدو إنها بتنتقل لجيوشيلد.

عمومًا ، نتمنى لهم التوفيق ان شاء الله.

الصراحة شغل جبار
حماية الواجهه والعازل والنانو
الف الف شكر للأستاذ: علي والأستاذ: عبدالعزيز
قمة بالاحترام والتجاوب مع اي اسئلة ويوضح لك اللي تسويه بعد الشغل وكيف تحمي سيارتك
شكرا لكم (عبدالعزيز و علي)
وشكراً لجيوشيلد

تأكد من معرفة كامل التفاصيل قبل تركب أي شي. الجوده خلال أسبوعين حررررررر زينه ماشاء الله شكراً لبشاشة عيال وبنات ديرتنا اللي بالفرع

اخذت موعد مع الأخت روان بالمركز بنت سعوديه مجتهده وتشرح لك شي بالتفصيل وخلصوا السياره بدري قبل الموعد المحدد ماشاء الله وقابلت ولد راعي الحلال قمه بالادب والأخلاق وقال تعال بعد ثلاث ايام نشيك الموتر الله يرزقهم من واسع فضله

خدمة جميلة واستقبال بشوش من الأخوين الكريمين الأستاذ سعد والشاب اللطيف علي والأخ علي متجاوب مع الملاحظات وخدمني وغير لي الملصقات وبدل مكانها أكثر من مرة وحتى فرع صلاح الدين الأخ بندر ما قصر وفك تظليلة قديمة لصاحبي مجانا ولا أنسى أيضا الاستقبال البشوش من الأخ المصري محمد السيد. نصيحة للجميع اهتموا بالمواصفات والشركات التي تضع كاتالوج للمواصفات وعينة من العازل الحراري وركزوا على TSER واتركوا أهل التسويق والكلام الفارغ وليس دائما الغالي سعره فيه

انصح الجميع في جيوشيلد سعر منافس جوده ممتازه كادر فني محترف ضمان مدى الحياة ،، وحاب اشكر كل من الاستاذ / سعد وايضاً الاستاذ / علي ، على تعاونهم وحسن استقبالهم.

شكرا لجيوشيلد كانت تجربتي معهم ممتازة في تظليل الزجاج، خصوصا الأخ علي الله يعطيه العافية على تعامله الراقي وحرصه على رضا العميل.
أتمنى لكم التوفيق إن شاء الله.

تجربه تظليل وحماية السياره كانت رائعه. مسئول المعرض الأخ علي رجل خلوق ومتمكن وأجاب على جميع الاستفسارات. الضمان المفتوح يعني ثقه في المنتج والخدمه.
سعد القرني

والله من افضل الاماكن اللي ممكن تسوي عندهم عزل شغلهم تمام و ما ياخذ وقت و افضل ما فيهم تعاملهم مع العميل خصوصا الاستاذ علي و المدير ما قصرتو والله و يعطيكم الف عافية

تم الإتصال ب أ/ علي
وكان في قمة الإحترام والمصداقيه
وكان ملم بعرض المنتجات الموجوده لديهم
وسيتم زيارة المركز فقط من أجل كلامه وإقتناعي بكلامه
ألف شكر لك واتمنى لك التوفيق

سويت عندهم عزل حراري برونانو. يعزل بنسبة ٦٠%. كلفني ١٢٦٠ بعد خصم ٣٥%. لاحظت فرق كبير في حرارة السيارة بعد العزل. الله يعطيهم العافية.

شغلهم جدا ممتاز واسعارهم معقوله مقارنه بالشركات الاخرى
تعاملت مع الاخ أبو ادريس قمه في الاخلاق والاحترام والرجل فاهم شغله زين. وايضا المهن ان المواد الي عندهم اصليه ومضمونه.

رائع جدا ومميز بإدارة الاستاذ سعد العبدالواحد، يستحقون للامانه الشكر على اهتمامهم ، ومن واقع تجربه اكثر من 4 سنوات يهتمون بالعميل.

المركز جدا رائع والخدمة ممتازة، واحب ان اخص بالشكر مدير معرض مخرج ٩ الاستاذ/ سعد كان في قمة الاحترام وحريص جدا على تقديم أفضل الخدمات للعميل ونصوووح جدا ، وبالصدفة قابلت ايضا صاحب المحل ابو عبدالعزيز المزيني الذي كان حريص جدا على أن تكون الخدمات المقدمة للعميل في المركز ذات جودة عالية ومهتم جدا بكسب رضاء العميل.

مركز معتمد وثقه كل الشكر للموظف ابواسيل على خدمته الاكثر من مميزه ولو فيه اكثر من خمس نجوم عطيتهم

ركبت من اكسبل التيمت للامانه شي رهيب وفيه السوداني / سعد ماشفت مثله للامانه نصوح ومحترم شكراً سعد

كإستقبال ممثل في الأخ سعد فجدًا ممتاز ورايق
ولكن كضمان مدى الحياه فهذا كذب مع احترامي الشديد ، ظللت قبل سنين عندهم ورجعت بعد فتره و سووا فحص للتظليل جوانب فقط وافادوا بأنه ممتاز
ودرجة العزل لازالت ، ولكن المشكله في الزجاج الامامي والخلفي ، لايوجد جهاز لفحصه وعند المطالبه بتغييره يرفضون بحجة انه ممتاز مافيه شي!
بالعلم بأن اشعة الشمس عموديه فطبيعي هاتين الزجاجتين عزلها يخف مع الزمن ، ولكن الشكر للاخ سعد قام بتغيير حماية الزجاج الامامي كتقدير منه ولكن رفض تغيير الزجاج الخلفي ، اتمنى تكون الحمايه قول وفعل ويوجد اجهزه خاصه بذلك وعدم ترك المجال للتحليلات الشخصيه التي لا تنفع ولا تضر وشكرًا لكم.

من أفضل الماركات والشركات ومن أفضل الحلات في الرياض
وكيف اذا اجتمع مع هذا كله مشرف المحل والعمال الصراحة شي لا يوصف تعامل ممتاز وخدمة جميلة جدا الله يوفقهم
وانصح بالتعامل معه

شكرًا للمشرف على فرع / سعد ️

من أفضل شركات التضليل والحماية تجربة من اربع سنوات سابقه وهذي زيارتي الثانيه لهم واشكر مدير الاستقبال الاستاذ سعد

خدمة رائعة
والسيد رفيق من افضل البائعين الي قابلتهم اخلاص وعلم واسلوب
شكرا لكم جيو شيلد

من افضل شركات العنايه بالسياره
عملت تضليل عندهم قبل 3 اشهر
نوع جيو 50 ممتاز جدا ويعتبر افضل فئه عند جيو شيلد
لان عندهم 3 فئات كلاسيك وبرو نانو وجيو
انا اخذت جيو 50 افتح شي عشان المرور يعتبر ممتاز
محد كلمني وسال عنه نهائيا

ايضا جربت عندهم منتجات مثل نانو سكين شركه امريكيه عالميه صناعه امريكيه

جربت ميقا تريند عباره عن نانو سيرماك يجي بعلبه بكج مع الفوط والماده والاسفنج وبخاخ

وجربت بلاك اوسوم للديكور الداخلي البلاستيك يعطي حمايه ولمعه وملمس رائع

وجربت ليثر كريم لمراتب الجلد نفس الشي يعطي لمعه وحمايه للجلد من التشققات ويعطي ملمس ناعم وطري

وجربت بخاخ فابريك للقماش الوطايات تبخ على الفرش يعزلها لو جا عليها سوائل ماتدخل للمراتب شي ممتاز

كلها من نانو سكين واغلبها استخدمتها بنفسي وطريقتها سهله
عند موظف اسمه رفيق شحن لي المنتجات لحفر الباطن وعلمني طريقة الاستخدام ماقصر الله يعطيه العافيه وعندهم شحن سمسا

حبيت اشارك كم تجربتي وشكرا

Excellent service and excellent work. They are even much cheaper than other places, and with even better quality.

I totally recommend them based on my own experience.

تجربه للآسف سيئه جدا حيث اتصلوا بي ليخبروني بأنهم اقفلوا على السياره وهي في وضع التشغيل ولم يكن لدي نسخه احتياطيه للمفتاح فقاموا بفتح السياره بطريقتهم وتضرر الباب بخدوش ظاهره وتم قطع القطعه الجلديه Rubberبين الباب والبودي للسياره سيارتي تاهو ٢٠١٧

خدمة جداً ممتازة و تعامل و إستقبال الزبون بكل حفاوة و حرصهم على جودة الخدمة و المواد المستخدمة طبعاً السيارة قبل و بعد التلميع تغيرت ١٨٠ درجة و رجعت وكالة بحكم موديل السيارة القديم أنصح بالتعامل معهم بمنتجات النانو سيراميك و خصوصن الأستاذ رفيق لقينا منه كل الحفاوة و حسن التعامل و الحرص على تقديم جميع تفاصيل الخدمات المتوفرة بحكم تجربتي لكثير من محلات التلميع لاكن كلمة حق مالقيت مثل تلميع و جودة خدمة جيوشيلد كل الشكر لهم و إن شاء الله تعاملي معهم دائماً