Forty center for the sale of auto parts (Toyota)

والله إلا رفع السماء بغير عمد اني قبل ٥شهور اخذت طقم كراسي المكينه للكامري ٢٠١٥ طلع خربانه ثلاثه كراسي
المشكله مني من أهل الرياض اني اروح لهم
اول ماركبت الكراسي طلع العيوب قلت في نفسي ممكن مهي من الكراسي ونزلت جده
المشكله الثانيه اني ركبت نفس الصناعيه القديمه
ورميت الفاتوره في الصناعيه
والان مني عارف ياحبايبي اني كيف أخذ حقي منه الشركه
بس أنا واثق بالله إني حق مابيضيع أن شاء الله

طيب نرسلكم خطاب عشان تردون ولا نخاطب مديركم عشان تردون ع الاتصال ولا عندكم رقم ثاني للتواصل علمونا وش الطريقه اللي تردون عليها حاطين الرقم صوره مثلاً

الأخ عبود الله يجزاه خير و يسعده إنسان طيب و متعاون و لا يقصر أبد و يساعد باللي يقدر عليه و زياده أنا أول ما أدخل المحل على طول اروح له عشان أطلب منه لأني أعرف انه بيضبطني و لا يهونون باقي الشباب ما يقصرون بعد و محل إمدادات الرياض لقطع غيار تايوتا و لكسز يقدمون أفضل الأسعار و خدمتهم ممتازة و أتمنى لو كان لديهم موقع الكتروني لبيع و شحن القطع راح يسهل الكثير على عملائهم

تعامل ودود وراقي. سرعه وتجد عندهم غالبا القطعه باقل سعر. لكن ينقصهم التنظيم والادارة الفاعله. انصح بهم وقد جربتهم وكانوا على قدر الثقه.

ما شالله موفرين اغلب قطع التيوتا والباعه مهره وسريعين ونشكر الاخ عبدرحمن العمودي
يعطيك فالاول تسعيره مفصله واللي يناسبك يعتمد لك في فاتوره

مكان تلقى فيه كل قطع الغيار لاكن لا تتعبون انفسكم ترا اسعار القطع نفس اسعار السوق وممكن اغلى. غير الفوضى والزحمه والعمال اللي مايعرفون يخدمون وفوقها يقفلون قبل الصلاة بربع ساعة!

رائع. قطع غيار أصلية 100%
مافيه عندهم لا غش ولا تلاعب.
الاسعار اقل من الوكالة ومرتفعة قليلا
عيبه ماتلقى موقف للسيارة.

اشكرهم على حسن تعاملهم وصدقهم صار غلط في فاتوره وطلع لي مبلغ زايد عندهم وجبتهم اليوم الثاني وعطوني اياها

بالنسبه لي اعتبرهم مميزين
فرق كبير بالاسعار
بينهم وبين محلات القطع االثانيه
لقيت سعر القطعه عندهم مع الضريبه 1140 ريال
وبالمحلات الثانيه نفس القطعه
ب 1500 ريال فرق كبير

لي أكثر من ٥ سنوات وانا أتعامل معهم أسعارهم جملة الجملة وتعامل راقي والشكر للأستاذ عبدالرحمن العمودي خصوصا ولفريق العمل عامة

اعتقد انه ارخص محل قطع غيار وكل القطع الي عندهم اصلي وتعامل الموظفين راقي ويمديك تطلب من الواتس اب ويتجاوبون معك بشكل سريع

السلام عليكم ورحمه وبركاته لماذا لايوجد فروع بشمال وشرق الرياض ولماذا لايوجد تطبيق لديكم بحكم كل يوم في تزيد ازدحام الرياض عن اليوم اللي قبل وتقبل خاص تحياتي وشكر وتقدير لكم

ممتازين جداً أسعار في متناول الجميع البيع بسعر الجمله قطع غيار (تايوتا) انصحكم به أرخص من الوكاله بكثير اتعامل معهم من زمان تعامل الموظفين قمة الأحترام من صغيرهم إلى كبيرهم
أشكركم بعنف

اشكرهم على حسن التعامل و القطع اصلية ١٠٠٪؜
و اسعارهم ارخص من المحلات كلها درت المحلات كلها و هم ارخص ناس فالسوق

تعامل سيء جدا جدا جدا السلام ما يردون عليه حتى وكل موظف يرميني على الموظف الثاني ولا فيه اهتمام بالتباعد ولا مقياس حراره ولا شي بجميع الاحوال سيء للغايه

ادارة سيئة قاعد اتصل عليهم محد يرد فوق عشر مكالمات ياخي انا ابجيك من منطقة ثانية علشان قطعة اكيد ابدق عليك بدال مااخذ المسافة على الفاضي

من أفضل أسعار قطع غيار الجملة وأيضاً البائعين مميزين في تعاملهم وهناك توفير لجميع قطع الغيار ماركة تويوتا

محل ممتاز جدا" يبيع جميع قطع تايوتا الاصلية حتى الي غير متوفره بالسوق باسعار الجملة تفرق احياناً ٢٥%
عيبهم:
١) موقعهم سيئ بلا مواقف ليتهم ينقلون لموقع اخر
٢) كثرة الضغط عليهم ليتهم يوسعون المحل و يزيدون الموظفين

قبل 2018 كان رقم 1 الان سيء جدا مافي غير فحمات وهوبات وزيوت واي شي ثاني مومتوفر تقوله طيب طلب يقول مافي. النهدي انتهى