EQUIPMENT 4WD

اشكر الاخ / عبدالمجيد لحسن الاستقبال وعرض الخيارات المناسبه
ثانيا / العماله فلبينيه وماشاء الله سرعه ودقه بالعمل
ثالثا / المنتج مساعدات ويايات دبنسون السعر مناسب ويبان الفرق من اول استخدام
كل الشكر لمركز تجهيز الدفع الرباعي واتمنى لهم الاستمراريه والتوفيق

مركز متكامل راح تلقى فيه كل اللي تبغاه و اشيد بمهارة الموظفين واطلاعهم على كل التفاصيل اللي تحتاج تعرفها. ولكن عندي ملاحظة بخصوص منطقة الانتظار لابد ان يتم تحسينها

الخدمة سيئه ولا يوجد مواعيد ومايردون على رقم الجوال الظاهر في الموقع وليس لديهم الخبرة الكافية لرفع المركبة تم رفع مركبتي بشكل خاطئ وحين ابلاغهم بذالك تم الرد منهم بانهم غير مسؤلين

المحل مع الاسف اني ما قد اشتغلت عندهم لكن الموظف الي في الاستقبال ونعم والله ينصحك كان الموتر موتره
و الي ماسك الواتس اب ماشاء الله عليه يرد ولا يبخل عليك بكلمه

ان شاء الله ان شغلهم زين و انهم محل ثقه
و ان شاء الله انهم اول وجهه لي لابغيت اركب شي
وفقهم الله وبارك لهم

ما شاء الله عليهم
تعامل راقي و اهتمام بالعميل و عماله فلبينية محترفين و اخلاقهم طيبة و انجاز سريع مع جودة بالعمل
انصح فيهم و بقوه
غيرت عندهم طقم كامل يايات و مساعادات لجيب ايسوزو mux و فرق معي كثير من ناحية المطب و الثبات بالطريق حتى كان عندي رجه بالدركسون و خفت بشكل كبير

تعامل راقي وعماله محترفه وسرعه فالاداء والاخ ناصر ابو عبدالله يعطيه العافيه يعطيك شرح كامل ووش تحتاج سيارتك ونصوح. تجربه رائعه جداً

ركبت من عندهم مساعدات ims سرعه في التركيب واجاويد في التعامل وما انسى ابو عبدالله الحنيحن ما قصر ابد وهو الي خلاني اتعامل مع هذا المركز دون غيره عز الله انه فاتحة خير لراعي المركز عسى الله يرزقهم من واسع فضله

تعامل سيء جدا للعميل تواصلت معه بخصوص مساعدات وابلغني انها متوفره وقلت له اني جايك من الخرج للاسف يوم وصلت قال لي غير متوفره حسبي الله ونعم الوكيل

‏بدون ما تتردد،،، السعر يستحق وزيادة. أحب أهني صاحب الحلال بهذا النجاح،، فن التعامل،، سرعة في الإجراء والتركيب،، ضروري تحجز معهم موعد وأبشر باللي يحطونك في عيونهم،،

‏عن تجربة شخصية ،، لا تروح king ولا profender ولا غيرهم،، مجربهم كلهم مع فارق الجودة والأداء.

‏كل التوفيق لكم يا رب

تعامل سيء للاسف كني سارق من حلاله
ركبت ياي خلفي ما كمل ٧ شهور ونزل الياي معه انه يقول يتحملً الحمل.
جودت المنتج سيئة

Works good.if you want a better shock absorber come and visit here they have what you want for your car need

شريت من عنده فلتر afe مغلق. السعر كان معقول والتعامل كان مميز من الأخ السعودي اظن اسمه عبدالمجيد حسب الفاتورة. اتمنى لهم مزيدا من التقدم والنجاح.

يعطيهم العافية على الشغل النظيف و الممتاز ، تم تركيب مساعدات دوبنسن ims مع يايات و الاداء ممتاز جداً

انصح الجميع بالتعامل مع الاخ ناصر ونعم الرجل ابو عبدالله يشرح لك كل شي ويجيب على كل استفساراتك

الرجل صاحب الحلال جيد ونصوح
واغلب الي ركب عنده يمدحه
جيب بركب عنده مساعدات ويايات بس كنسلت
والله غالي فوق قدرتي الماليه
لو ركبت عنده بجلس طفران
اقل شيء اربعه شهور والله

شكرا ناصر على حسن تعاملك ورقي اخلاقك

ركبت من عندهم مساعدات و يايات دبنسونس
كانو متعاونين و احترافيين في العمل

و النتيجه كانت مرضية جدا و لله الحمد

ممتاز جداً
التعامل ممتاز
والسعودي عندهم مايتركهم و الله يوفقهم ويبارك لهم
بالنسبه للمساعدات و اليايات مايحتاج دوبينسون معروفه باسمها

منتجات ممتازة ركبت مساعدات موتري من عندهم. لكن بعدين عرفت أنه فيه نفس الجودة بالسوق وبأسعار أرخص. يعيب شغلهم بأنهم يرفعون الموتر اكثر من اللازم لذلك ممكن تواجهك مشاكل بعدها وهذي نقطة مهمه جدا مايذكرونها لك للأسف + تعاملهم بعد الشراء جيد وهذي نقطه جدا ايجابية

مركز مميز وابوصالح يستاهل كل خير وفرلي مالم يوفره غيره مساعدات وياي دبنسون لفورد اف 250 إلى الأمام وبالتوفيق والله يرزقكم رزق حلال طيب

تمت التجربة مع هذا المركز الجميل لأكثر من مرة وعلى عدة سنوات ، خدمة واستقبال وترتيب وفنيين متخصصين بنظام التعليق عموماً ، وأخص بالذكر الأستاذ/ أحمد الصالح الي واقف بنفسه على شغله ورجال نصوح وصدرٍ رحب ، عسى الله يوفقهم.

التجربة الاولى كانت في رمضان الماضي مع الاخ ناصر محترم وصاحب كلمه ركبت مساعدات دوبنسون شغل ١٠٠٪؜ ولكن مع الاسف التجربة الثانية صدمة بكل معنى الكلمة كانت بتاريخ ٢٧ ديسمبر ٢٠٢١ حجزت موعد وجيت على الموعد ٩ الصباح من خارج الرياض وحظر المسؤول نفسه اللي حجز لي الموعد شاب سعودي من شبابنا الواعد الله يوفقه ويسامحه اقولها صادق وقال انه غير متاكد اني حجزت لك موعد؟! والوضع مريب لانه كان في واحد جاء بعدي وكلمه بعبارة (انا اللي كلمتك) المهم انه بداه علي مع الاسف المصداقية معدومة في هذا الوقف ،،، تجربة لن اعيدها مع هذا المركز

المركز ممتاز واخص بالذكر المهندس ناصر الله يعطيه العافيه نصوح وخلوق. اما البراند ماعليه كلام اصلا
شكرا لكم

ركبت مساعدات دنسون ويايات وغيرات سست خلفيه لتخفيف والفرق بسيط مايسواء تكلفت الاغراض سيارتي اسيزو 2020

تم تركيب مساعدات mra 3way
المساعد فيه 3 خيارات
للمطبات الكبيرة+ المطبات الصغيرة+ سرعة ارتداد المساعد
وبمب ستوب
ومساعد دركسون
استقبال وحفاوه
ضمان سنتين
السعر والمواصفات ممتاز
خيارات كثيرة لجميع السيارات والقطع اغلبها متوفره
ربي يوفقهم ويباركلهم في حلالهم

ماشاءالله تبارك الله

والله شغلهم ممتاز والشخص ناصر فاهم ومتعاون والطاقم الفنيين من الجنسيه الفلبينية فاهمين وعندكم خبرة وسرعة في العمل

زرت هذا المكان صدفة ووجدت الأخ ابوصالح شاب سعودي ناصح وفاهم كنت ابركب لعابات لرفع السيارة ونصحني بالأفضل صحيح السعر أكثر بكثير لكن السيارة فرقت معي 180 درجة أحيي هذا الشخص وحرصه على عملائه وتفحص السيارة بأدق التفاصيل أنصح بالتعامل معه وخصوصاً منتج دبنسونس من مساعدات وياي وسست

أشكرهم جزيل الشكر ، معي أف جي ، ركبت له مساعدات و يايات دبنسون ارتفاع امامي 1،50 وخلفي 3
ومساعدات تون توب
ارتحت نفسياً ارتاح موتري ، فرق شاسع عن الوكالة

عمالة ذو خبرة عالية.
اشراف من صاحب المحل.

ركبت عنده Dobinsons Stage 2 (IMS) على برادو ربع من شهر وماشالله تبارك الله افضل من مساعدات الوكالة خاصة في شوارع الرياض وحتى القيادة صارت ممتعة.

الصراحه سيء بكل حقيقه لو اني رايح اللي ما كان تعليق السهره يكون افضل لي والله كانت تجربه سيئه جدا معهم

تعامل راقي جدا واخص بالذكر الاخ ناصر طيب الخلق يرد على الاستفسارات ويحاول بقدر المستطاع ان يبين لك مواصفات القطعة ويذكر كل تفاصيلها وهل تركب عندك او لا. ماعندهم شغل ركب اي شي وامش. نصوحين جدا وحريصين على شغلهم

أوصي وبشدة التعامل معهم، وأشكر أبو صالح الأخ أحمد يتعامل معك وفق احتياجك بكل أدب وسعة صدر وسعة علم بهذا المجال. أسأل الله لهم التوفيق.

من افضل مراكز تجهيز سيارات الدفع الرباعي بالسعودية، احترافيه بالعمل وجودة بالمنتجات، وضمان على المنتجات، وخدمات مابعد البيع انصح بالتعامل معهم وبشدة

Purchased suspension kit for my Land Cruiser (Dobinsons coil springs and Profender shocks) before they open thier branch and it has been serving perfectly for the past 4 years of heavy duty use. Much better than the factory set.

Great staff who will support you in deciding the best product for your use.

They sell Akebono brake pad as well. Which is also better than factory pads. Less miss around the rims and longer life.

صراحة تجربة سيئة ركبت مساعدات الدوبنسون الي اعتبرها اكبر مقلب للامانة ، الموظف اكد لي اني راح احس بفرق كبير بالراحة وثبات السيارة لكن للاسف لايوجد اي فرق مازالت السيارة مثل ماهي

السلام عليكم ورحمة الله وبركاته

الاستقبال لا بأس، لكن الأخ ناصر يحتاج التفاعل مع العميل بشكل أكبر من ناحية الانفتاح والتفاعل والشرح وأخذ زمام العرض والتسويق والإفادة، كل ما وجدته هو سؤال وإجابة فردية يتيمة.

الطاقم الذي باشر العمل جيد ولديهم بشاشة.

بالنسبة للسعر لا بأس الاسعار متقاربة مع المحلات الاخرى.

بالنسبة لجودة المنتج سيتم التعليق عليها بعد فترة من الاستخدام.

محل ممتاز يعيبه التالي ؛
١-تعامل الاخ ناصر جدا سيئ بمعنى انه لا يستقبل العملاء بصدر رحب+نفسه شينه لو يعدلها يكون افضل وايضا افضل لجذب العملاء.

٢-السعر المرتفع للتركيب وشغل اليد مبالغ فيه وبعض القطع السعر جدا مرتفع.

٣-عدم توفر القطع عامةً انت تعرف ان الشتاء جاي والطلب واجد وفر من قبل ولا تتعذرون بكورونا قد تعاملت معكم وناس اعرفهم تعاملو معكم ما توفرون القطع دائما يعني الواحد يجي الاصل القطعه اللي يبيها ما يلقاها موجوده لازم ينتظر هل انتم خايفين انه محد يشتري؟؟، مستحيل تقعد عندكم محد يشتري كل الناس بيشترون وحتى لو قعدت بالمحل مصيرها بياخذها احد.
هل هذا السبب من عندكم او من عند الشركه الام! اذا كان من عندكم فهذا عيب عظيييم وكأنك تقول سلعتنا سيئه واذا كان من الشركه الام فليس لنا ولا لكم حيله.

تحياتي للجميع️

بعض الردود غير موفقه
انا ايش دخلني عامله فلبينيه ولا سيرلانكيه
وانا اي دخلني يشتغل العامل بعدة المانية او يربط بسنونه

الصراحة من أفضل ورش التعديل 4×4
متعاونين جدا و سريعين
حتى جيتهم بسيارة ما هي معروفه وشرحت لهم وزودتهم بالاوراق الخاصه بالتعديل وما قصروا اشتغلوا عليها وخلصوها ١٠٠%
يعطيك العافيه ناصر

تجربه للمساعدات جدا كويسه
بس يعيبهم مافيه ادارة او تنضيم للقطع كويس يعني مرتين حصل معي الموقف ذا اكلمهم يقول موجود اجي المحل يقول موب موجودولايدري وين حاطين القطعه يحتاج تنضيم كويس فقط

فيه نوع من السيارات مايجيب له مساعدات يعني ممكن ينزل ٦طقوم وخلاص نحتري كم شهر على بال ماتجي المفروض تتوفر عنده لنه وكيل دبنسون
اكلم المحلات الثانيه يقلون ذا الي يوفرها وهو الوكيل لو تتوفر لنا بكثره مثل بقيت السيارات يكون افضل ننحد انن نشتري نوع ردي ونبلش السياره باثفندر

مركز تجهيز مركز متخصص في مجال التعليق والمساعدات واليايات وملحقاتها ، يتميز بالعمل المتقن والسعر المناسب ، تم تركيب عدة اطقم لعدة سيارات من شركة دوبنسون ، قدرة تحمل عالية راحة وثبات ومرونة تجربتي لها اكثر من سنة من الاستخدام القوي انصح بالتعامل معهم يقدمون لك استشارة وفائدة وبالتوفيق للجميع

ممتازين جداً ونصوحين ويعطونك قدر حاجتك وان بغيت تستشير لا تتعداهم الله يرزقنا وياهم ويبارك لنا ولهم وكل مسلم والتعامل ونعم بهم جميعاً وشكراً للأخ احمد على حسن الاستقبال والتعامل

جيد يتوفر عنده ‏مساعدات وجلد مقصات لكن لا انصح بالتركيب عنده العمال خبرتهم قليله

فعلا انا ماركبت شي عند هذا المحل فقط اشترية جلد مقصات خلفي وموب متوفره كله لكن تجربة ولد عمي كانت سيئه جدا عندكم وعرضتوه للخطر بغض النظر عن المشكله وصاحب المكان اعترف بأن العمال ذو خبره قليله اما انا الشهاده لله ماكد ركبت بس انقلكم تجربة ولد عمي

أحمد الصالح إنسان نصوح لأبعد درجة والموظفين كذلك ، تميز في السعر + تعامل جدًا جميل. أنصح بالتعامل معهم وبشدة ️.

عمل احترافي وخبراء في مجال الدفع الرباعي وموردين لعدة ماركات أهمها ماركة دبنسون الشهيرة وبأسعار أقل من بقية الموردين مع خدمات تركيب وضمان كما لديهم فحمات أمريكية تعيش فترات طويلة وبأقل من سعر فحمات الوكالة والأخ أحمد صاحب المركز يقف بنفسه على جميع الأعمال نسأل الله لهم التوفيق يستحقون الدعم.

سعوديين. متعاونين. اخلاق. اسعار. مرونة. احترافية. خبرات. وش اقول وش اخلي والله انهم يبيضون الوجه

محل ممتاز ومعاملة ممتازة عندهم مساعدات دبينسون اسطوانة MRR وسعر معقول مقارنة بالأنواع الثانية ،وتجهيزات للدفع الرباعي من اجود الشركات

ماشاء الله ورشه متخصصه في تركيب المساعدات للدفع الرباعي للسيارات وعلى اشراف سعودي في جودة التركيب

مركز جديد انصح بزياوتة خصوصاً ان الادارة فية سعودية طموحة والأخ احمد متعاون و ونصوح جداً و القطع الموجودة مختارة بعناية وخبرة وتجربة