Edrak Medical Center

المركز جميل ورائع . وكذلك تعاون الاستاذة اميرة . خدمة متميزة ورائعة ومتعاونة جدا . جزاها الله الف خير .

افضل عيادة والله يعالجونك بذمة و ضمير وناس قمة في الذوق ماشاءالله تبارك و ممتازين خصوصاً الدكتور جمال النغيمش و الأخصائي سلطان الجويسر و موظفة الاستقبال أميرة وفقكم الله جميعاً يا افضل عيادة

خدمات رائعة ومتميزة،، نشكر البروفيسور عبدالله السبيعي وجميع القائمين على مركز إدراك للاستشارات الطبية.

مركز ادراك من افضل المراكز تعاملت مع الدكتور عبدالله السبيعي والاستشاريه شريفه المحيش تجربتي معهم مثمره ولله الحمد ، نفع الله بعلمهم

ترجبة رائعه وجميلة وتفي بالغرض خصوصا لمن هم خارج الرياض
شكرا للبروف وللقائمين على هذه الخدمة

موظفة الاستقبال الي في الصباح محترمة جدا ومتعاونه العيادة بشكل عام جيدة بيحترمون المواعيد بشكل مقبول

البروفيسور عبدالله السبيعي قامة علمية واخلاق رفيعة يستاهل كل الخير والثناء
جزاة الله كل خير

احجز موعد وادفع مبلغ عشان نقدر نوصل لحل واقدر افهم بنتي وتفهمني، ويجلس معانا فوق الساعة ونص ويقول اضمن لك وبوجهي ومن اليوم صفحة جديدة، واول ما اطلع ترميني البنت وتنحاش كأن الجلسة تأكيد لافكارها الغير سوية وليس العكس ودفعتها للهرب من المنزل!
ما الحل؟ وكيف اقدر افهم ايش اللي دار بينهم خلال الساعة ونص وقلب حالها؟

جايه وع اساس موعدي ٨ ونص ودفعت وجلست لين ٩ ولاجا موعدي ولسى في شخص عند الدكتور ، الغيت الموعد وطلبت فلوسي عطوني رقم اتواصل معه ابيهم يرجعون فلوسي طلع فقط رد آلي! هل حنا نجيكم المفروض نرتاح ولا نشقى تعطوني موعد واطق مشوار واخرتها مافي اي التزام بالمواعيد!

من أرقى المراكز ، والدكتور عبدالله السبيعي من أفضل الدكاترة ، أرجوا لكم التوفيق وتستمرون من أفضل لأفضل.

يعطيكم العافية جميعا وأشكر بعد شكر الله الدكتور عبدالله السبيعي حسن تعامل ودقة مواعيد كثر الله أمثاله وجزاه خيرا

تمنيت تكون زيارة موفقة لكن للأسف لا بسبب الرسبشنست لذلك اتمنى استقطاب كفاءات او تأهيل العاملين بوظيفة تتطلب خدمة الجمهور على مهارات التواصل والمهنية

صراحه الدكتور عبدالله السبيعي مايحتاج اتوقع مدح اكثر من رائع الله يسعده لكن المنسقه حقته اللي ماسكه الجوال! مادري شقول فيها بصراحه حاجزين موعد اون لاين وترد علي حولي المبلغ وموعدك غداً بين ٢ الى ٣ وقيمته ٣٠٠ اشوف مبالغ فيها صراحه واهو عن بعد واحول المبلغ وارسل لها صورة التحويل ولا عاد ترد ابداً ابداً ويجي الموعد وانتظر بالوقت ولا فيه اخد لايتواصل مكالمه ولاواتس وادق على المركز حتى مافيه تبرير عطينا الاسم والرقم وبنبلغها! طيب وفلوسي اللي حولتها ؟! صراحه الموضوع مستفز ولا فيه حتى اعتذار واليوم توها ترسل كلمه بس. بكرا موعدك. طيب ع الاقل وضحي الوقت اعتذري عن اللي صار! ولا شي. صراحه ماحبيت ابد ومافكر ارجع لهم بعد هالحركه

عيادة نصابة مثلها مثل باقي العيادات النفسية يدفعون لمسوقين عشان يسوقون لهم في قوقل ماب وحاطين اسماء قبائل وهم أجانب ويكتبون تجارب غير حقيقية ويتكلمون على أنهم مرضى ويمدحون العيادة والدكاترة بالكذب

شكرا لكم اولا انا كنت حاجز موعد لدى الدكتور عبدالله السبيعي ووصلتني رساله بصار لدكتور ظرف ونا من شهور انتظر الرجاء الحجز في اقرب وقت ممكن وشكرا لكم

مافي دقه بالمواعيد لي اسبوع حاجزه ولما جيتهم قالوا تكنسل لان مارديتي على اتصالاتنا وماحد اتصل علي او على رقم الطوارئ واتصل عليهم قبل الموعد بيومين انا ااكده يسكرون بوجهي! كيف اعطوا موعدي شخص ثاني وهم ما تاكدوا مني ؟؟؟ قطعت مشوار عشان لا شيء مافيه احترافية في المواعيد او الحجز.

دكتوره ايمان الرويلي عسل. لاكن المركز فاشل فاشل فاشل وقمه الفشل. اطلب تقرير ويقولون بندق عليك. اكبر تصريفه هي تصريفه بندق عليك. وليومك هذا مادقو. واسفه على عباراتي كنت زعلانه عشان حاله طفلتي بعد. وحطيت الحره فيكم رغم ان الدكتوره قمه الاخلاق وشاطره مره والرسبشن في دقيقه خلصو اموري. ولم انتظر الا دقيقه واحده فقط. واتصلت بهم اطلب التقرير وعطوني رقم التقارير واتس اب. واليوم ارسلو لي التقرير عبر الواتس اب. اشكركم جميعاا واسفه على الفاضي وتقييمي لكم.

للاسف عيادة تبحث عن الماده على حساب خدمة المرضى خلوني انتظر فوق الساعتين ولم يتم ادخالي الى الاستشاري ولم يتم ارجاع المبلغ على الرغم من دفعي للمبلغ مبشاره عند القدوم

من لايشكر الناس لايشكر الله شكرا مركز ادراك بارك الله فيكم وفي اطباءكم وعلى رأسهم الدكتور عبدالله السبيعي والأخصائيه رازان كل التوفيق لكم

قريت تعليق وحده تقول ان بنتها بعد الجلسة هربت من البيت لاحول ولاقوة الا بالله اكيد ان المعالج النفسي اقنعها تهرب عنده واتوقع انه فهد المنصور لأنه معروف بالتحرش والاستغلال بلغو على المعالج لازم يحققون معه

لي اسبوعين ادق عليهم ويقفلون السماعه بوجهي بكل الاوقات سواء صباح او مساء ، مو معقوله اني اخذ مشوار عشان احجز موعد بس ولا الدكاتره مره كويسين حرام عليهم هالسنترال

قاعده احاول اخذ موعد ولا قدرت بس يفتحون المكالمه ويقفلونها في وجهي! اتمنى تشوفون لكم صرفه مع اللي ماسكين خدمة العملاء

قبل اروح للمركز قريت التعلقات قلت خلاص راح تنحل المشاكل اللي عندي للامانة ما استفدت شي.
الدكتور يجلس معك اقل من ١٠ دقايق.
نصيحة اي شخص قبل ما يحجز يطلع يشوف الوضع في العيادة ما في تعاون مركز ربحي يوجد أطباء في (مستشفيات) ) افضل بكثير و اريح للجميع.
Just waste of time, money better to visit big (hospitals).
No use.

طلبت من القائمين على هذا الرقم
(تجديد تاريخ وصفة العلاج) فقط من اجل ان تصرف لي الصيدلية العلاج قالوا لازم تجي من مكانك البعيد وتحجز موعد وتدفع فلوس؛ اجل ليش حطيتوا رقم ما كفاكم الفلوس الي خذيتوها من قبل.
بس ابي (تجديد تاريخ الوصفة) يا ناااااااس

اشكر مركز ادراك وبالاخص الدكتور عبدالله السبيعي صراحه تحسنت حالتي بفضل الله ثم هذا الدكتور كان عندي حالة هلع وصرف لي نوع واحد فقط ماشاء الله تحسنت ولله الحمد شكرادكتور عبدالله وشكر المنسقه نجلاء

‏مشكورين على الخدمة الطيبة في المركز ووعلى التجاوب في خدمة المراجعين سواء عند الحضور او عن طريق الاتصال و نقدر اهتمامك و خدماتكم ولكم مني فائق الاحترام والتقدير.

مركز فاشل بإمتياز وما يستاهل أحد يتعنى له لا طاقم طبي ولا إدارة سنعة خسارة فيهم فلوس الاستشارات

خدمه جداً رااااائعة وسهولة وسرعه
وتعامل اكثر من ممتاز
يعطيكم الف الف عافيه
والله يكتب اجركم يارب

تجربة المكالمة المرئية كانت جيدة، الطبيب عبدالله السبيعي غني عن التعريف كما أني أثق به جداً ، فقد كان يُحسن الإصغاء ويشرح الأسباب مما أدّى إلى ارتياحي التام.

مركز راائع جدا استفدت من الدكتور كثيرا في استقرار حالتي وله الفضل بعد الله في مساعدتي على ممارسة حياتي بشكل طبيعي ويمتاز المركز بحسن ادارته للمواعيد واستفدت جدا من خدمة الاستشاره الهاتفيه. لكم خالص تقديري

مدري ايش اقول
بس اللي يبي يضيع وقته و فلوسه و يجلس ربع ساعه بغرفه حر و يطلع اسوء من قبل يجي عند منصور الناصر

السلام عليكم
أولا الشكر لله ثم الشكر البرو عبدالله السبيعي وهو غني عن التعريف فالله الحمد والمنه على تحسن حالتي
ثانيا الشكر والتقدير (للمنسقين) على حسن التعامل
ثالثا الشكر للقائمين على قوقل ميت حيث سهل لنا التواصل مع الأطباء ونحن خارج مدينة الرياض

للاسف تعاملهم سيء والاستقبال وقح ولا يردون على الاتصالات ولا حتى رقم الاستشارات واصبحنا نطلب من اطبائهم الاستشارة في تويتر ومن فوقها ما يردون اسوء مركز مر علي

أشكر لكم حسن الاستقبال والتعامل ، كما أشكر للدكتور عبدالله السبيعي سعة صدره وطول باله وجزاه الله خيراً

شكرا جزيلا للدكتور عبدالله السبيعي على اهتمامه ومتابعته المستمرة وحرصه الدائم وجهود القائمين على المركز مع اصدق الدعوات بمزيد من التقدم والإبداع

مرحبا
انا رح اتكلم عن تجربتي
اولا ترددت على مشفى حكومي ومع الاسف كان سيء جدا
حجزت عند البروفيسور عبدالله السبيعي ولله الحمد كويس
وأكبر غلط إن أحد يأخذ تجربة أحد مقياس له لازم الشخص يجرب الطبيب بنفسه
والعلاج موبس نوع واحد لا دوائي وسلوكي
والشفاء أولا بيد الله عزوجل

عياده فاشله رسبشن متكاسل دكتور عبد الله اسلوبه سيئ وماشرح شي يحسبنا نعرف كل شي من الله والرسبشن مره وقح وقليلن حيا اخر مره اجي لو علي حطيت صفر نجمه

افضل مركز والله بعد زيارات لمراكز كثير،، واخص بالشكر لله ثم للاخت وفاء،، لتحملها الضغوط والاتصالات وحسن استقبالها ورحابة صدرها.

العيادة فيها دكاتره مميزون. يشكرون على جهودهم المبذوله. ودائماً يعملون لقاءآت إجتهاديه في مجالهم فيها إيضاح وإرشاد لما يهم الناس عبر الزوم

الدكتور عبدالله شخص مبدع في عمله جدا
منسقة الدكتور عبدالله اتت وكانها جبر خاطر لارواحنا للطف تعاملها

I have been with professor. Abdullah Alsubaiy long time ago and also Dr. Abdulrahman Asiri, and it been more helpful for me also to my family. Always I recommend Edrak Center to my colleagues

This clinic is the the worst, the therapist was telling my sister my secrets even though I’m not a minor, it caused family issues im im not happy with the outcome

كانت زيارتنا للمركز موفقة. شكر خاااص للبروفيسور عبدالله السبيعي. رائع بكل ماتحمله الكلمة من معنى و مستمع مبدع. وجدت بنتي الراحة من الجلسة الأولى. جزاه الله الجنة. لأنه يستحق. كذلك الشكر للموظفات في الاستقبال على الرقي في التعامل. و شكري الخاص للمنسقة ندى على تفهمها و ذوقها و روعة تعاملها. ممتنة لك أ. ندى

الاخت ندى لمسة فيها روح الرحمه والطيبه من بداية المحادثه الى نهاية المحاثه قاعده تبحث عن رضاء المريض وكانت صبوره جدا قريت بعض التعلقات في التقييم كل شخص عبر بطريقه عن الاخر بس المعنى واحد هنياً لك بالاجر استاذه ندى وتحملك وحرصك على دقة المواعيد الدكتور عبدالله قدوه يقتدى به بطريقة تعامله شكرا من قلبي ومن لا يشكر الناس لا يشكره الله شكرا لادراك اللي خلانا نشوف عينات ندى المثابره

اسوء مركز استشارات طبيه كنت ابيهم يحلون مشاكلي سببوا لي مشاكل زياده من سنين و هي معاي ما اقول الا حسبي الله عليكم

بنات الكول سنتر تعاملهم جداً رائع يحاولون قد ما يقدرون يوفرون لنا موعد وحتى لو ما توفر يرجعون يتواصلون معنا لو توفر شكرا لكم على جهودكم الجبارة ️

المركز جدًا رائع، والبروفيسور عبدالله السبيعي مهني وخلوق لأبعد درجة ومستمع ممتاز ويشخّص الحالة بدون الدخول في متاهات، شكرًا لكل الموجودين والشكر موصول للمنسقة، الله يجزيكم عنا خير الجزاء.

للامانه الدكتور فوق الممتاز مايهمني الفائده من العلاج وهذا ما لامسته من البدايه
شكراً جزيلاً دكتور عبدالله السبيعي

لن أعيد التجربة مع هذا المركز. كل طبيب اسوء من الآخر وخدمة حجز المواعيد على الهاتف اسوء منهم جميعاً

مركز فاشل هدفهم مادي وبعدين اول مره اشوف علاج سلوكي مدته 5 دقايق والأخصائي عمر البدر من المسؤول عن توظيفه ؟؟ حتى الكتابه مايعرف يكتب. خاف الله يالمسؤول عن التوظيف بتوظيفك لناس يتعلمون على المرضى ولايعرفون حتى يكتبون

نجمه عشان التعليق وتخب عليه

لو اقدر احط اقل من نحمه حطيت مستشفى زي الزفت تعامل الموظفين سيء والاستقبال سيء والدكاتره سيئين! وخصوصاً فهد المنصور! غييير متجاوب معيي ابداً اقوله مشكلتي وويحك راسه مدري وش يقول سيء لحد يروح

عيادة سيئه والدكتور السبيعي بس سمعه والتعامل ابد مايجاوب ولا ياخذ ويعطي ف الكلام والله خساير ع فاضي وحسافه نجمه عليه

كشفت عند دكتور احمد الهادي لانه من المعالجين السلوكيين الذين وصفهم الدكتور الحمد والدكتور الفهد لي وكنت اريد جلسة علاج سلوكي بقيمة 500 ريال وبعد ما اخذوا مني ٥٠٠ ريال قال انت شخصية قلقلة وفيه قدامك مرضى كثير ينتظرون لاجل اعطيهم جلسات علاج سلوكي! و الانتظار فوق ٢٠٠ تبغا اسجلك ؟ قلت له لا ، واستحيت اقول عطني فلوس الكشف

اذا كان عنده قائمة طويلة بالمرضى ليش تقبلون الحجز عند الدكتور احمد هادي الشمري ؟؟ (احمد الهادي)! وتاخذون فلوس المرضى ؟؟؟؟

سيء جدا وديت ولدي عند د. عبدالله السبيعي كان عنده رهاب اجتماعي مع العلاجات صار وسواس قهري شديد اخر مرة رحت له لوحدي قلت له الولد حالته صعبة وما قدر يجي واخر علاج اخذ صار يصارخ واشتد عليه الوسواس قالي حشوف ملفه بعدها قالت لي الموظفة خليه على نفس العلاج ولا شوفي لك دكتور ثاني هذا رد الدكتور طبعا. يعني الولد اكثر من سنة يراجع عنده وجرب عليه الادوية كانه فأر تجارب وفي الاخير قالي شوفي لك دكتور ثاني. حسبية الله ونعمة الوكيل. الله لا يسامحه دنيا واخرة.

لا خوف من الله ولا تعامل زي الناس وتعالي على المريض واهل المريض مافيه اي مراعاة للاسف اذا انت بروفسور او اي شي انت عليه هذا ما يخليك لك الحق تتعامل مع الناس بهالاسلوب وقلة الذوق والادب ياحسوفة الشهاده بس

الدكتوره نوال تتأخر عن موعدها ساعه
والاستقبال وحده سوريه مبيره بالسن تعاملها سيئ وغير لبق
الموظفه اللي تستقبل المواعيد بالاتصال غير محترمه

تنتظر فوق موعدك ساعة ، الدكاترة يتأخرون جداً عادي
و إذا عصبت او تنرفزت ما فيه اي موظف يمتص غضبك. بالعكس يستنكرون غضبك.
موظف الاستقبال السعودي ، لو ما كنا في عيادة كان الله أعلم بيضربني ، تعامل سيء و كأن الواحد ناقص ، هذي عيادة نفسية يعني وضع المريض حساس و المفروض التعامل معه يكون جداً حساس و مختلف ، من تعامل الموظف معي حسيت نفسي داخله بقالة مو مستشفى صحة نفسية.

المركز حلو وكان عندي خوف من الاجتماعات والجمعات والعزايم وراجعت الأخصائي النفسي فايز الغامدي بعد 6 جلسات تحسنت كثير وتجاوزت الأزمة،، مشكلة المواقف بالمركز معاناه

المركز هذا لو مافيه الا البروفيسور عبدالله السبيعي لكفاه! و لا يهونون البقية، لكن كلمة حق خبرة و علم و شهادة الله يبارك له وفيه.

عالجت عند الدكتور المنصور لمدة سنه ونص وللاسف ماتحسنت حالتي ابد وندمان اني راجعت عنده. زاد لي الجرعات بعد مرور سنه وكل زياره يتفلسف علي بكلام ووعود بتحسن الحاله ولكن كله كلام فاضي.
اما علاج السلوك المعرفي راجعت عند الدكتوره الخضير
وماانصح فيها ابد.
تجربتي باختصار:
بعد تجربة سنه ونص والله المركز فاشل خساره فلوس عالفاضي للاسف.

ونصيحه اخيره
العلاج بالحبوب غير مجدي واعراضه مصيبه انا اصبحت كأني مخدر وانام كثييير بغير اوقات النوم وصداع واحيانا الشعور بالغثيان!
انا والله اكاد اجزم ان كل اللي يراجعون عندهم مقصرين بامور الدين فقط ، راجعوا علاقتكم بربكم والله ماتضيعون والان فرصه مقبلين على شهر رمضان اكثروا من قراءة القران والصلاة في وقتها والدعاء ثم الدعاء وباذن الله تشوفوا خير ، اسأل الله الشفاء لكل مريض وتذكروا قول الله (لايكلف الله نفساً الا وسعها) لم يبتليك الله بهذا المرض الا انت قادر باذن الله على تجاوز هذه الازمه.

حاطين مفتوح الساعه
جيت الساعه 8: 00
ومافي احد بالاستقبال مافي ولااحد لي نص ساعه وانا انتظر للحين والآن الساعه 8: 37 وانا جالسه

تعامل الاستقبال غير جيد ولا يوجد تنظيم لا تعرف متى سيكون معد دخولك على الدكتور تسأل ما احد يعطيك إجابة

يستغلون الحالة السيئة اللي يمر بها المريض لصالحهم مادياً. وعندهم وحده اسمها نجلاء يقولون انها اخصائيه وهي بنت صغيره وجميله ماشاء الله ولكن ماعندها سالفه شغلتها تطقطق على الناس. اللي يروح لها وهو طيب يطلع مريض.

مركز فاشل، الطبيب يشخص المريض من غير أسس علميه والمريض الي بيشخص نفسه.
مابنصح أي احد يراجع بهذا المركز بيكفي البنات الي على الاستقبال لازمهم تدريب على المحادثة والتعامل مع المرضى

أتيت مع إبني لهذا المستشفى عند أخصائي نفسي سلوكي إسمها سامية المطيري تقول أنها جايبة شهادة من امريكا ، في الزيارة الأولى وعدتنا خبر واعطتنا الكثير من الأماني ان المشكلة ستزول وان التشخيص شبه واضح لها. رغم ان سعر العيادة 400 ريال إلا أننا أتينا مرة أخرى لها ،، وتكلمت من إبني كثيرا واحتارت في التشخيص وتغير كلامها عن الزيارة الأولى ، ثم نصحتنا في المتابعة عند طبيب آخر. ما كانت مقنعة للأسف.

دخلت على الدكتور نادر الرحيلي وللاسف شخصني خطأ خذت ٤ جلاسات بالاخير قالي انت لابد تاخذ علاج وتحجز عند البروفسور السبيعي! طيب وفلوسي اللي راحت في الاربع جلسات من يردها لي ؟! للاسف تجربه سيئه

العيادة مرتفعة السعر بشكل مبالغ فيه التقيت بالدكتور فهد الدوسري لا يستمع جيدا للمريض تشخيص بشكل سريع -اَي كلام- وصف لي العلاج بسرعه و لم يخبرني بأعراضه الجانبيه و لم يبلغني ان هناك أعراض انسحابية سيئه -خذ العلاج و امشي ، انا ما جيت ضيف ثقيل عندك - يارب وحدك انت الشافي و المعافي اغنني بعافيتك عمن سواك

حياكم الله يا مرضاي الأعزاء، يسعدني دعمكم في تشخيص أبنائكم و بناتكم من عمر الشهر وحتى عمر ١٨ سنة.
إضطرابات نمائية ، توحد، فرط الحركة و تشتت الإنتباه، تأخر نمائي، ولغوي، العناد، القلق ، الإكتئاب.
د. فاطمة الأحمري

تقييمي لموظفة الاستقبال بشاير قمة في الاخلاق و الذوق و الرقي في التعامل و سعة البال اتمنى يزيدون راتبها دبل ههههههههههههه و شكرا ️️

بعد ما عانيت من المرض النفسي لاكثر من١٢ سنه واستخدمت الكثير من حبوب الباطنيه رحت لعياده ادراك وتعالجت وطلع الم بطني والغثيان المستمر من القلق

تجربه كانت سيئه. تم حجز موعد مع الاخصائيه نجلاء. للاسف انسانه تفتقر للمهنيه والاحترام. وتعتبر حوار
المرضى والراجعين "بربره" على حد تعبيرها.

شخص متخصص يعتبر الحوار مع المريض "بربره" غير جدير بالمكان ولا بالشهاده

الحواى يعتبر شي اساسي في عمليه التشخيص

للاسف لا انصح بزياره او التعامل مع هذا المركز

فيه الدكتور السبيعي جيد ومتفهم وغير مبالغ المواعيد تطول لكن اذا جاء الموعد ما تنتظر كثير موظفة الاستقبال فترة الصباح سيئه جدا على الجوال تعطيك كلمه وبعدها ترجع للجوال وشوي ترجع تكمل لك كلمه تنظر للمريض بنظرات مستفزه جدا هداها الله وامل من ادارة المركز النظر في وضعها