حلى حفلة في فمك لذيذة… لكن للاسف مسوين عرض اليوم الوطني العجينه صايره تعلك بفمك سيئة و كميه الشوكلاته مقللينها. البوكس ب٨٩ تاخذ اثنين ب ١٠٠ ريال … ليتني ما اخذته. عطني اياها بدون تخفيض بس اطبخها زين! …. تعديل على المراجعة فوق. يشكرون على حرصهم لخدمة العميل، تواصلوا معي وعطوني منتج بديل وجودته كانت ممتازة.
أول تجربة لحفله بفمك كانت بعزيمة وطعمه من ذاك اليوم لا زال بفمي، فـ هالفترة رجعت اجدد العهد، واخذت منهم الكلاسيك اللي به ٢٤ قطعة بـ٨٩﷼ وكلاسيك ١٢ قطعة بـ٤٥﷼ الحلا كطعم وجوده لا غبار عليها لكن مشكلته سعره غالي وعلى طول يقضي، البوكس مره قليل مقابل السعر فاتمنى مستقبلًا يكثرون الكمية مقابل سعر مناسب يعني نبي ٥٠ حبه بـ١٠٠﷼ على الأقل او يكبرون حجمها شوي، موفقين.
المنتج سىء جدا جدا لو فى اقل من نجمة كنت اعطيته. كانت أول واخر تجربة فى فرع المؤنسية الجديد. مش عارف كانت عجينة نية بتلزق حرفيا فى الفم هل هو دة طعمه ولا كان غير مستوى الله اعلم لانى مش هاحاول اجربه مرة تانية. والله العظيم البوكس اترمى كما هو محدش قدر يكمل قطعة واحدة منه. كتبت تعليقى على الانستجرام اتمسح على طول بدون حتى محاولة التواصل معى كعميل، ودة دليل على أنهم عارفين ان المنتج سىء وكمان عدم احترافية فى التعامل مع الشكوى.
الله يدم النعمة اقسم بالله اخذت حلا "حفلة بفمك" والله العظيم ماتستاهل ربع ريال الله يديم النعمة عجينه قاسية والشوكلاته احسها اردى نوع على ايش هالتقييم٤ ماني عارف والي خدعني التقييم لكن الله يديم النعمة
للاسف تجربة سيئة طلبنا الصباح حلا حفلة فتافيت وحرصت أنه يكون حق اليوم وتم تأكيد ذلك، وبعد ماوصلني الطلب طلع الطعم مختلف وفيه قساوه واتفقنا جميعاً أنه مو نفس الطعم اللي نطلبه دايم تم شرح ذلك على رقم الواتس وجاء الرد لو كلمتونا قبل تأكلونه كان بدلناه لكم! كيف اعرف أن طعمه مو كويس قبل لا أكل! وبعدها قام يقراء الرسالة ولا يرد يعني لا جودة ولا اهتمام في العميل ما بعد البيع. تجربة سيئة بمعنى الكلمة.
ماشاء الله عندهم حفلة في فمك مميزة جداً ، جودتها ممتازة ونظافتهم ممتازة وموقعم جيد ،أما من ناحية أسعارهم متمثلة في حفلة في فمك فأرى أنها مرتفعه ، لكن ما أقدر أستغني عنها للأسف. دونكم الصور والأسعار
موقع المكان خلف سوق الشمال للخضار من جهة الشرق في حي المروج ، المكان نظيف والعمال وددين الفطائر منوعه ولذيذه الحلى ايضآ الاسعار معقوله مقارنه بالمحلات الاخرى يستحق التجربه
المكان مرتب ونظيف الحلى المشهور حفلة بفمك لذيذ لكن دسم الساندوتشات بالدجاج لذيذه بنوعيها الفطاير لذيذة وأخف من الساندوتش لانها شريحة واحدة من الخبز اكثر شيء عجبني بالبيبروني كأنها بيتزا نوعية الخبز رقيقة وهشة ماسبق لي تذوقها بمحل آخر بالرياض تحتاج عشر دقائق ليجهز طلبك