DRIVE7

فنانين وشغل وجوده من الاخر بس غالين شوي ،، يعني سيارتي ظللتها بالكامل عندهم ب الفين ريال وعند غيرهم لقيتها بالف وستميه بس جودتهم تستاهل

تجربتي معهم ممتازه جدا
الضمان عندهم حقيقي وبدون وجع راس
الشباب اللي بالاستقبال رائعين

للاسف تجربتي معهم سيئة، شغل أقل من عادي ولا فيه اي اهتمام بالعميل، ما يستاهلون المدح ولا جودة الحماية.

فارس الكثيري اسطوره درايف سفن، ولايهونون باقي الموظفين.
شخص مبدع في عمله عارف اللي للشركة وللي للعميل مايسبب كنفيوز.

خدمة جميلة
و سريعة
جربتهم من قبل و جيتهم بعد خمس سنوات عشان اللون تغير و علطول غيرو التظليل
و الحين بحثت و حصلت محلات أرخص بس قلت ازود شوية فلوس بس اظمن انها عند شركة محترمه

خدمة الفرع كويسة.
بس جودة التظليل سييئة جداً وغير متوقعة. مقارنة بالتظليل السابق اللي كان موجود بسيارتي وبـ٣٠٠ ريال فقط ولا كان يحمل اسم أي براند

الحقيقة أن الخدمة الهاتفية للشركة (ليست بذلك الزَود) ولكن ما إن تطأ قدمك أرض المحل إلا وتحاط بـ (حماية) الموظفين فـ (يتظللون) عليك مجيبين لاستفساراتك، موفين لالتزاماتهم، محددين مواعيد التسليم والاستلام، واضحي المواصفات والأسعار، بل ويتعاونون في إيجاد الخصومات التي تزيل عنك ذرة الشك وقلق الإفلاس، فتغدق عليهم المال وتودع عندهم السيارة فتخرج من الغد أو – في ذات اليوم إذا ادخلتها صباحاً- فتكون محمية بعد حماية الله.
وللأهمية. يجدر بك السؤال عن درجات الحماية فهناك نوع يقال أنه أكثر حماية ولكنه يؤثر في لون السيارة فيجعلها إما باهتة قليلاً أو شاحبة. كما قيل لي وأبراي لله.

الشركة قوية بمنتجاتها و خدمات مابعد البيع وخدمة العملاء

لكن مع الاسف الشديد ادارة هذا الفرع تسيء للشركة لا حسن تعامل ولا حسن استقبال ولاجودة عمل

اتمنى تجربة افضل في قادم الايام

الموظفون في فرع طريق الملك عبدالله بالرياض جيدون. أما عمل الصيانة الذي عملوه في سيارتي اللنكون فللأسف عمل فاشل واقل بكثير مما كنت اتوقع. وعندما سألتهم عن سبب ذلك قالوا أن إمكانيات الفرع أقل من إمكانيات الفروع الأخرى وهذا عذر اقبح من فعل لأنهم قد خدعوني وغرروا بي وقدموا لي خدمة ناقصة. وارجو أن يصل ذلك الى المسؤل في الشركة.

اسوء حماية لسيارة من جميع النواحي و تعامل سيء جداً، يعطونك ضمان للحماية و تحك و تبي تغير يقصون الجزء المحكوك بمشرط او سكين و يحكون لك الصدام ما انتبهت انه محكوك بسبب المشرط غير يوم فكيت الحمايه من عندهم. و الحماية تنفك مع الغسيل نصيحة عندك خيارات افضل بكثير من درايف سيفن من ناحية الحماية

افضل تعامل وافضل شغل، نزلت عندهم مرسيدس كان فيها حكات كثير وخلصوها لي ب تلميع ممتاز و ركبو الحمايه بشغل ممتاز جداً… اشكر عبدالعزيز الرميح و بسام على التعامل الاكثر من رائع

انا من سنة مركب من عندهم تظليل وحماية خارجية PPF على كل السيارة،

بالنسبة للتظليل، روح وانت متطمن لانه ما راح تلقى احد افضل من جودتهم (من علمي المتواضع) ، كل ما اشتري سيارة اظلل من عندهم وانا مرتاح صراحة لان الجودة عالية مره.

لكن الحماية الخارجية، تركيبها سيء، كل شوي تفك، وهذا خطأ من التركيب في البداية، السيارة جالسة عندهم حول ٥ ايام وقت التركيب، ورجعت لهم بعد ١٠ ايام تشييك وصلحو بعض الملاحظات ويقول تروح مع الوقت، لي سنة الحين من ركبت عندهم ولا راح شي ما زال بعض المناطق تفك وتتقشع للاسف، ولا عندي وقت اني ارجع صراحة.

اختصار، ظلل من عندهم، بس لا تركب PPF، غالي جدا وجودة مب كويسة.

سيء جدا جدا جدا كنت دوبني شاريه سيارتي وكاله لما جيت استلمها الاقي فرش السياره من جوا كلها مبقع اثار التظليل لون اسود!
وكمان هوا داخل التظليل وخليته يعيده!
للاسف ماقدرت ارجع لهم على اثار البقع الي سووه بالسياره لاني شحنتها للخارج ولكن المفروض احترافيه بالشغل يعني على سمعتكم وعلى السعر الي ندفعه المفروض هذي الاخطاء ماتحصل ويكون الشغل احترافي ١٠٠٪؜

الخدمه جداً ممتازه يشكرون عليها، بالنسبه لأسعار افلام الحمايه والعازل الحراري سعرها مرتفع ولكن الضمان عليها ممتاز وان شاء الله انهم قد الثقه

عندي خويي نفس نوع السيارة مظلل من شركة محترمة ومن ٢٠١٧ وانا من ٢٠١٩ وبدت تحبب مدري وش فيها وتخرب! والله شي يغبن وغالي بعد

افضل عازل حراري وحماية للسيارة
الموظفين تعاملهم راقي ويقدمون النصيحه في الاختيارات
الاسعار معقوله مقابل الجودة والخدمة والضمان

تغيروا موب مثل اول اول ماجيت اي سيارة مظللة يطردونهم يقول فك التظليل وتعال رحت افك التظليل وجيت قالي باقي صمغ على القزاز ترى مالنا دخل اذا صار مشاكل تظليل هههههه مثل الفقاعات او غيرة والهندي الي يبي يظلل يدور على سيارة وعيونه طايرة يدور صمغ على السيارة طبعا اذا فكيت التظليل يبقى شوية صمغ بسيط يعني دافع حدود ٢٠٠٠ ريال على ايش بالضبط اذا مانتب راح تنظف القزاز وتزيل الشوائب او اشياء بسيطة ياساتر ووقعت على انه سيارة فيها شوية صمغ من فك تضليل سابق هههههه يعني الي يبي يظلل عندهم لازم تروح تلميع ساطع و تقوله ابغى قزاز وكالة عشان الهندي حقهم مايصيد اي نقطة والا ترى توقع انهم ماله دخل اذا صار قزاز سيارتك فيها شي

درايف 7 فرع التخصصي روعه في التعامل وفي الاستقبال واشكر الاستاذ نايف القحطاني وبقية المجموعه من حسن تعامل وسرعة انجاز واتمنى لهم التوفيق … طبعا الاسعار تقريبا متقاربة مع بقية الشركات نوعا ما ملاحظة:
ضمان الحماية توقعته ١٠ سنوات وطلع ضمانهم خمس سنوات بعض الشركات تضع ١٠ سنوات كذلك الدعاسات غاليه عندهم بعد سؤالي غيرهم فقط هذي فقط ملاحظاتي واتمنى لهم دوما التوفيق والنجاح

اشكر الاخ / عبدالعزيز الرميح على استقباله وعلى سعة صدره
بصراحه الي يبي شي لا يتعامل غير مع الاخ / عبدالعزيز الرميح
مكسب جدا مهم للفرع
الله يعطيه الف مليون عافيه على مجهوده?

درايف 7 غني عن التعريف

تمت زيارتي لهم يوم ٣٠ اغسطس ٢٠٢٢ م
لخلل في تظليل سيارتي من عام ٢١ م
وبعد الفحص قرر الفني مشكورا بإزالة كامل التظليله واستبدالها بجديده (على الضمان)

أبطال سعوديين يشرفون عليه ونفتخر بهم
وأخص بالشكر الاستاذ عبدالعزيز الرميح على لباقته وحسن تعامله مع الزبائن بارك الله فيه وبزملائة

بدايه اشكر الاخ عبدالعزيز ، تعامل جدا راقي وخدمه عاليه ودقيقه ، روحه جدا مرحه ويسمع للزبون ويقدم افضل ماعنده بالاضافه الى خدمات اضافيه غير سعر التظليل. من افضل المحلات الي تم التعامل معها. واثقين من شغلهم وبنفس طيبه واستقبال وتوديع راقي ولطيف ، كل التوفيق لكم.

اولا منتجاتهم متميزة من عازل حراري وحمايه مقدمة
وهذي ثاني سيارة اركب عندهم
عندهم برنامج ولاء حسم 30٪
وجدت ملاحظة بسيطة بحماية الصدام الامامي فقاموا بتغيير كامل الحماية واتضح ان المشكلة من الصدام نفسة ولم يطلبوا اي مبلغ اضافي وهذا يدل على احترامهم واهتمامهم بعملائهم ولهم جزيل الشكر
الشكر لجميع الموضفين وشكر خاص للاخ عبدالعزيز

اشكركم على تعامل راقي والشغل النظيف، والاستقبال والترحيب بالعميل خاصةً الاستاذ عبدالعزيز للامانة خدوم وناصح الله يعطيهم العافيه.

بصراحة مريت فرع طريق ابو بكر على مدح ناس ركبوا عندهم عزل حراري و استقبلنا الأخ أيمن العفيف قمة بالأخلاق و التعاون الله يسعده ، اعطانا المعلومات بكل رحابة صدر أنسان عملي و حبيب

تجربتي مع هذي الشركة جميلة انا ظللت عندهم قبل ١٠ سنوات الا شهر بقي على ضماني اقل من ٢٢ يوم ورجعت لهم كان التضليل فيه غبش غيرو لي جميع التظليل هذي ميزه الشركات الكبيرة بس الصراحة يعيبهم سعرهم المبالغ فيه نوعاً ما

بعيد عن اسم الشركه وجودتها- اخلاقهم جميله الموظفين لكن رجعت ثلاث مرات عشان يعدلون الي سووه لان فيهم عجله شوي

انا شخصيا تعاملت مع عدت شركات تلميع سيارات ولكن هذي الشركة مختلفه جدا لا بالتعامل ولا الانجاز وايضا السيارة رجعت كانة جديدة من الوكالة احب اشكر جميع العاملين بهذا الشركة وتستاهلون سبع نجوم

تعاملت معهم وركبت حماية مقدمة السيارة
وعزل حراري نانو سيراميك
المنتجات جيدة لكن الاحترافية في التركيب لك عليها
لان العمالة عندهم باكستانين وهم اقل مهارة من الفلبين او حتى الهنود
الاسعار اغلى من الكثير من الشركات
وطبعاً يوجد شركات افضل منهم خدمات واقل سعر
مثلا ممكن يركبون لك تلبيسة دعاسات بلاستك مجاني
وكذلك حماية مقابض السيارت وفتحتة البنزين

و هذا كله غير موجود لدى درايف ٧

اتفهم وجود العيوب ولكن اعطائي موعد لتغيير العازل ويكون غير صحيح فهذا غير مقبول. المواعيد جداً بعيدة

للأسف ذهبت للمحل بعد توصيه من عدة أصدقاء
اخذت النانو سيراميك الخارجي والتظليل الحراري للزجاج.

السياره ماجلست عندهم يومين ويتصلو يبلغوني انهم غيرو موقف سيارتي وجا واحد وصدمها وكسر وعطب الاناره الامامية.

واجي لعندهم ودفعوني قيمه التظليل مثل المحترم واعطوني سيارتي عوره ومعاها ورقه نجم ويقولولي يلا روح للتامين وخلص انت امورك

وهذا انا الان مازلت أتمرمط لشركة التأمين لعده اسابيع بس عشان ارجع سيارتي لحالتها قبل ما اسلمها لهم.

للاسف لم ولن أوصي أي احد بالمحل وأنكر على اللي يمدح

ظللت عندهم وسويت حماية للواجهة الامامية + الصدام الخلفي من تقريباً 4 سنوات، وعندي كم ملاحظة على الشغل،
اول شىء التعامل و الالتزام بالضمان ممتاز،
اول سلبية هي ان التظليل كان اعلى فئة ويصير فيه تغبيش وغيروه على الضمان 3 مرات! وهذا شىء مب مقبول حتى لو انه على الضمان لاني برا الرياض واجيب السيارة لهم وتجلس يوم كامل واضطر استأجر واروح واجي ب اوبر وكلها تكلف علي مال ووقت ف كنت اتمنى جودة التظليل اعلى من كذا على حسب السعر الي دفعناه لانه مب رخيص ومن اغلى الشركات بالسوق،
ثاني شىء الحماية حقت الواجهة وقت صيانتها اول مرة تضررت بسبب العامل الي مستلم تلميعها وغيروها لي كاملة لكن برضوه الضرر وصل للصدام وسبب خدش بسيط فيه! وهذا امر المفروض مايصير حتى من محلات عادية فكيف بشركة لها اسمها!
الامر الثالث هو عدم الاهتمام بسيارات العملاء من العمالة! بمعنى سيارتي كانت جديدة والابواب شفط ف قدام عيني العامل لما اخذها وركب سكر الباب بقوة حتى مب تسكيرة عادية! برضوه السيارة لما كانوا موقفينها وقت ماجيت اخذها كان موقفها على القير بدون جلنط (حصلت مرتين)! ايضاً بعد التظليل اثار الشغل داخل السيارة على الديكور وغيره واخيراً اثناء التظليل للقزازة الامامية بسبب اهمال العامل حرك لي البطانة الي امام الطبلون ف صار مع اي اهتزاز يسبب اصوات مزعجة وللعلم وقتها السيارة كانت لها يومين بس طالعة من الوكالة، هذي ابرز الملاحظات ورغم اني كل مره اراجعهم فيها انبه الموظفين عنها بفرع خريص او ابو بكر لكن للأسف مازالت الملاحظات مستمرة ف ياليت يركزون وينبهون عمالتهم على الاهتمام بسيارات الناس خصوصاً اغلب السيارات جديدة واصحابها دافعين دم قلوبهم عليها.

المكان جميل و الاستقبال جيد لكن موظف يحجز موعد للسياره و اللي يستلم موظف ثاني ما يدري عن الموضوع

شكرا للأخ هاشم موظف رائع وصبور رغم مطالبي الكثيره ، شكراً لكم درايف 7 تم تغيير التظليل على الضمان بدون تكلفه ، جوده عاليه ماشاء الله رغم مرور سنوات طويله

مستحيل افكر اتعامل مع غيرهم. مواد ممتازه خدمه رائعه. التظليل الامامي حصل فيه تلف بسيط رحتلهم دخلوا السياره غيروه لي مباشره. انصح بنوع التظليل التميت اغلى شوي لكن افضل بكثير من تظليلهم العادي ويستاهل فرق السعر. كذلك يوجد مقهى تاون داخل المركز ومعرض مكعب لمستلزمات الجوالات. فرع ماتمل ابدا وانت تنتظر

خدمه زفت السعودي اللي في المحل خروف يوم دخلوا بنات سحب علي وعطاني وضعية انتظرني ثواني طبعاً طلعت من المحل ورحت محل ثاني خلصلي شغلتي بسرعه واحتراف يازلايب

من أفضل وأجود شركات التظليل والحماية ، خدمة سريعه ، مواعيد سهله ومتوفره ، السياره تاخذ تقريبا يوم كامل، دقة واحترافيه جدا عالية في التظليل والحمايه ، واي تعديل تحتاجه يتجاوبون معاك بسرعه

الجودة كانت ممتازة و حالياً جداً سيئة و اذا استلمت السيارة لازم ترجع مرتين او اكثر على مشاكل و زيادة مافيه اهتمام بالسيارة داخل الورشة و معاملتها سيئة و التأخير في المواعيد و التسليم ، كانوا من افضل البراندات و الآن في انحدار للأسف.

شركة فاشلة كل 3 شهور اغير التظليل وكل يوم مشكلة ومشرف فرع البديعة غير متجاوب ولا يرد على جوال الفرع ولي 4 ايام انتظر اتصال الادارة لحل المشكلة وللاسف لاحياة لمن تنادي

درايف 7 لا حظت الأسعار مرتفعه والعروض ليست قوية. واللي جربوا منتجاتهم بعضهم مستاء والبعض يقول إن جودتهم عالية

اتصلت من عندي موظفه تستفر مني وش نوع السياره وقالت لان عندهم عروض بعد ماجاوبت على استفساراتها بدون ماتقول العروض قفلت الخط في وجهي

رائعين جدا بالعمل والاحترافية والدقه تاخروا علي بالتسليم وجاني المشرف والمدير بنفسهم اعتذرو لي واعطوني هدية من عندهم ، الله يعطيهم العافية يارب

فرع بريده تعامل جدا رائع من الاستقبال ،ولا ننسى مشرف الورشه عارف اليمني تعامل جدا راقي ويشكرون عليه ، وهذي ثالث سياره نقوم بتركيب الحمايه لها ونامل بالخصم مستقبلا وشكرآ

شغل جداً جميل وحسن تعامل الموظفين جميعاً وخاصتاً الموظف (عارف) شكراً على حسن المعاملة وبأذن الله مراح يكون اخر تعامل معكم

ممتازين والخدمه جيده نوعا ما
جيتهم بعد سنه ونص بسبب تغبيش بالتظليل وغيرو التظليل كامل على الضمان

ركبت عندهم حماية للمقدمة وتظليل عازل حراري افضل نوع ع حسب كلامهم وشرحهم ،
العازل الحراري جداً ماله فايدة ولا يعزل حتى 1٪
صديق لي مركب تظليل عادي من محلات الزينه لما اركب سيارته ماشاء الله مافيها حراره ، انا اركب سيارتي حررر الدركسون والقير ماقدر امسكهم من قوة الحراره لدرجة بعد ان جوالي كل شوي يطلع لي شعار الحراره واحطه ع المكيف عشان يبرد ، صراحه منتج تظليل العازل الحراري ندمت جداً اني ركبته عندهم ماله اي فايدة ابداً ، وافكر الحين اشيله واركب تظليل عادي من محلات الزينه والله يعوضني ' (

(النجمتين عشان استقبالهم بس)

رهيبب خدمه مقابل السعر جميله
من افضل المحلات الي ركبت عندها فلم حماية
سريع ف الوقت ودقه بالتركيب

بعد تجربة سنة وثلاث أشهر

فيلم الحماية الي مركبه على السيارة الان كمل سنة و 3 اشهر وحصل فيه إصفرار في اللون ومدة الضمان 5 سنوات ولا تشمل تغير اللون حسب إفادة الموضف وقت الصيانة - فما هي فائدة العميل من الضمان الوهمي في حال تغير اللون مع العلم ان
(ممشى السيارة 18 الف وتقف في مكان تتعرض لاشعة الشمس)
بختصار الضمان ما يتحمل الاصفرار في تغيير اللون - اجل ايش يميزكم وليش ما تذكرون هذا الشي للعميل وقت التركيب لازم تقرأ شروط الضمان

اذا تبي تحجز موعد تركب تظليلة يعطونك في نفس اليوم واذا عندك مشكلة يأخرونك الا اذا عصبت قالوا تعال الصبح الساعة ٩ والفرع فاضي!

طبعا انا ركبت عندهم تظليلة ب١٧٠٠ تقريبا مع الخصم وبعد يومين نافذة السواق خربت كلمتهم وقالوا تعال الصباح نشوفها ونعطيك موعد اصلاح بعد اسبوع! يوم قلت وش هالكلام انا جاي من بعيد قال خلاص تعال الصباح ونخلصها لك!

انا معاملهم من زمان وتظليلهم ممتاز وتفرق معك الحرارة.

سيارتي اللي قبل بعتها واللي شراها راح لهم وغيروا له التظليلة وهي مركبة من قبل ٧ سنوات.

طبعا الضمان ١٠ سنوات.

براند سعودي قوي وينافس البراندات العالمية بأسعار معقولة جداً، واللي يقدم الخدمة شباب سعوديين خدومين وتعاملهم راقي، بالتوفيق.

السلام عليكم
أولاً اشكر الاخ الي يعمل بالاستقبال اتوقع اسمه دنيش، ابتسامة وحسن تعامل مع العميل.
الشباب السعوديين المتواجدين ع مستوى عالي من الاخلاق.
ركبت من عندهم تظليل وحمايه.
صراحة فرقت معي الحرارة داخل السيارة بعد التركيب، عملهم ومتقن.
ملاحظة صغيرة، الاهتمام بنظافة المركبة بعد العمل.
سيارتي وكالة تو ما مشت ٣٠ كم، احصل فيها قطع من التظليل تحت المراتب ومويه تحت دعاسات الارجل اكرمكم الله.

وفقكم الله جميعاً لكل خير،،،.

من اجمل وارقي محلات التظليل والعناية بالسيارة

ظللت من عندهم اكثر من خمس سيارات خاصة لي ولاهلي

التضليل جبار والتعامل ممتاز

من ميزاتهم انه قص التضليل ليزر بالكمبيوتر

اتمنى فقط الاستمرار علي نفس الستاندر الموجود

ثلاثة محلات ‏في صالة واحدة، مكعب محل جوالات، تاون كوفي شوب وجلسات في الدور العلوي داخلية وخارجية مقسومة إلى عوائل وشباب عندهم نوعين من اللاتيه يمتازون فيها ‏بلو لاتسه ‏وبستاشيو لاتيه، ‏كذلك بالنسبة إلى مكعب محل الجوالات أسعارهم ممتازة عندهم أصناف منوعة، وأخيرا درايف سفن محل التظليل والعوازل فترات يكون عندهم خصومات خاصة الموسمية احرصوا على استغلالها تصل إلى 30%، ‏بالنسبة إلى أسعار درايف سفن تعتبر غالية لكن الجودة ممتازة جدا
‏أتمنى أكون أفدتكم

الفرع جداً ممتاز وسبق كان لي تعامل معهم بأكثر من خدمة ودائما الخدمة تكون ممتازة، لكن للأسف اليوم التعامل كان سيء جداً من الأخ محمد، ما يستمع للزبون ويقاطعه وللأسف طلعت من الفرع وأنا غير راضي تماماً من خدمته والملاحظات عالسيارة كثيرة ورفض الاستماع لها، نأمل منكم أخذ هذا التعليق بالاعتبار وشكراً.

جيد نوعآ ما. ولكن للاسف لم يتم تغيير فرش الارضيه لانني فصلتها عندهم وتقطعت الخاصة بالسائق. ولم يتم غسيل السيارة من الداخل. اثناء الانتهاء منها.

جيدين و لكن اسعارهم مبالغ فيها جدا. انصح اخواني في درايف 7 الاهتمام في مواعيد التسليم و وضع سعر مناسب. كل التوفيق لكم