طلب لاهنتوا من الاداره بوضع برداة لشرب بأنتظار النساء والرجال ليه محطين فقط جوه عند عيادة الدكاتره! ليه لازم اطلب من موظفات الاستقبال او الممرضات يفتحون لي الباب لكي اشرب الله يعين اليء ينساء يجيب معه مويه نجي تعبانين ماحتسب اوصل اجلس فاتمنا توفير لو براده وحده لكل الاقسام مشكورين
انتبهو من الدكتوره نوف الاسمري تفكيرها مادي تسحب من المريض بدون وجه حق. تجربتي معاها كان عملية اطفال انابيب عملتها لي وانا معاي لحميه و ورم ليفي وفشلت وفوق هذا اخذت وخزة من زوجي بعد اتفاقها مع دكتور اخر وهو مايحتاجها. بعدها رحت لدكتورة ثانيه قالت كيف تعملها لك! وبعدها اتصلت بكلمها منسقتها تصرفني. عند الله تجتمع الخصوم حسبي الله وكفى.
مرتب وتعامل بأحترافية ، واجهة فقط إشكالية فالدفع طلب مني فالبداية حساب الكشف وطلعت فوق عند وحدة العلاج الوريدي وطلبت مني مبلغ إضافي بما إني عندي تأمين أستغربت ليش مابلغوني فالاستقبال
صراحة لو عندي اقل من نجمة عطيتهم صارت خدماتهم سيئة جدا واحب اعمم بالكلام الدكاترة والممرضات يعني احجز عند دكتور سندي نساء وولادة واجي قبل موعدي بنص ساعه يجو يقولو لي الدكتور عنده زيارات للمرضى مارح يجي الا بعد ساعه! سلامات ليه فاتح عيادته ويستقبل اذا عنده زيارات خارجية،،، وتجيك ممرضة الدكتور فلمبان تكذب عيني عينك ان ورقه الموعد مو عندها وانا اللي معطيتها بيدي ويوم اواجهها سكتت وخافت وقالت هذا غلط الدكتور. مرة تقولي الدكتور عنده استراحة ومره تقولي ياكل ومره عنده مريض ولمن وقفت ع باب عيادته قالت بيروح يصلي. والله عيب والله عيب انا مو جايه مستشفى حكومي ولا على حسابكم يالحبيب ترا المبالغ اللي ندفعها مو شويه احترمو ع الاقل المريض ووقت المريض. الدكتور لازم يحترم ويقدر اوقات المرضى. اجي على وقتي وقبل وقتي بعد تدخلوني بعد 45 دقيقه خير ان شاء الله. تنتظرون تكثر الشكاوي عشان تبداون تسوون تحقيق ولا المفروض انكم تحلون مثل هالمشاكل قبل تبدا اصلا.
مستشفى عريق والطاقم الطبي متمكن لكن سؤء في التنظيم راجعتهم بتاريخ ٢٤ يوليو ومعي ورقة فيه للموعد الثاني بتاريخ ٢٤ اكتوبر الساعة ٧ المساء وبعد ماحضرت قالوا لي مالك موعد وتأخذ انتظار بعد الساعة ١٠ المساء
يمكن لي نص سنه احتري جهاز الاوعيه الدمويه يتصلح عندكم تقولون خربان بعدين تقولون بنجيب جديد وعلى هالحال الى متى خلصونا ياخي جهاز ليزر PDL اللي هو للمشاكل الورديه مطلوب لازم توفرونه!
بصراحه الطوارى لازم يشوفون لها حل سيئة جدا جدا خصوصا طوارى الاطفال انواع التسليك (عط بنتك خافض حراره وتخف ان شاءالله) شلون طيب ابغا حل البنت مرتفعه حرارتها …. وتجيك الممرضه البنانيه جدا تعاملها سيء مع بنتي الصغيره وعطتها خافض الحراره بطريقة جدا سيئة ورجعت تستفرغه بنتي ليت يشوفون لها حل هالممرضه لان الي ما يتقن هالوظيفة حرام يكون فيها بصراحه، وبعدين شلون نأمن اطفالنا على مثل هالممرضات ….
المفروض يوظفون ممرضات فلبينات محترفات وخاصة في الطواري مختصين في اخذ الابر وخاصة للأطفال نوعيات الجنسيات اللي جايبونهم في فرع السويدي مايعرفون حتى يسحبون الابر وصارت مع ابني الدم يصب برا وحويس نتيجة سحب الابر بشكل خاطئ وهذي مصيبة وخطيرة حصلت معي اكثر من مرة ارجو الاهتمام
دخلت العيادات الوضع ممتاز دخلت الاشاعه لطعوني. وووقت طويييل. تمنيت اجيب مخده وفراش اخذ غطه سلامات ترى. مستشفى خاص دافعين وش هالخدمه في قسم الاشااعه. شوفو لنا حل والا رحنا مستشفى ثاني مع ان عندي ولى وحب كبير لمستشفاكم
المستشفى بشكل عام جميل، لكن للمعلومية ما يعطون اثبات مراجعة عند ذهابك للمختبر او عند أخذ أبر عندهم. طلبت ورفضوا رغم اني جلست وقت في الانتظار ولا عطوني مشهد مراجعة.
عندي تامين ميدغلف سي يقولون ما يمشي عند هم طيب ليش ؟ وكل المستشفيات يمشي عندهم ؟ اتمنى تتساعدون معى الضعفاء زي باقي المستشفيات ك مستشفى سند يتساعدون ويقبلون كل التامينات للضعفاء والفقراء.
جيتهم أمس في الليل الساعه ١٢ ليلة الجمعة سووا لي أشعه وتحاليل ب٣٤٩٧ ريال وقالوا عندك زايده تكلفة العمليه ١٥٨٦٥ ودفعت طلعوني على غرفة التنويم رقم ٤٧٣ الدور الرابع وقالوا عمليتك ٨ الصباح الجمعه ٢٢/ ٢/ ١٤٤٥ وللحين الساعه ٥ ماسووا لي العمليه وجتني ممرضه قالت باقي ٢٥٥٠ ريال ولاماتدخل العمليه حسبي الله عليك يامستشفى الحبيب وشكيتهم في وزارة الصحة قالوا الرد خلال ٧٢ ساعه حسبي الله عليك ياالحبيب الله لايربحك ولايوفقك استغلال عيني عينك وحتى فاتوره ماعطوني
كل متابعاتي مع دكتورة سناء عبادي نساء و ولادة تمر بسلام و ادخل بوقتي الا الشهر التاسع اللي المفروض اصلا يكون لي معامله خاصه و يدخلوني حتى لو اجي بدون موعد زي باقي المشتشفيات لكن معها كل يوم متصلين فيه ولادة الدكتورة عندها عملية خمس مواعيد تتاجل مو طبيعي سوء التنظيم ولا يوجد عندها منسقه مخصوصه اذا عندها ضغط بالعمليات كذا ؟! ؟! مره مرتين يكون فيه حالة طارئة و اقدر هالشي لكن خمس مرات اتجهز او اجي للموعد و يتصلون يقولون تاجل موعدك اكبر خطاأ
النجمة فقط للتقييم! - الموظف يحط لك من أكواد الأسعار اللي اعلى شي. - الموظفين مايدرون ايش العيادات الموجودة او لا. - التركيز على بطاقة الموظف فقط من موظفين الاستقبال.
خالص الشكر والتقدير لمجموعة د. سليمان الحبيب خدمة سريعة ومرتبة واحترافية ، والف شكر لك يا ايمان القرني من مجموعة المختبر لطيفه وسريعة ويديها خفيفة حرفياً ما تحس ب الابرة شكراً?
اناأشهد ان الأخصائية عواطف في عيادة الصدرية ما أوفيها حقها كانت أمي تمدحها جربت اكثر من عيادة ولا ارتاحت الا لها ولا قدرت تسوي الأختبار الخاص بالتنفس كامل الا معها الله يوفقك وييسر لك
الخمس نجوم للمرضه اللي بغرفه رقم ٩ بالمختبر ذوق ويدها خفيفه لها كل الشكر ،، ولا فرع السويدي كثيره عليه النجمتين مافيه رعايه زي الفروع الثانيه وذا قدمت شكوى بكل الادارات مااحد يسوي لك شي بس جيدين بالكلام سم وابشر ولا هنا شي
كل الشكر والتقدير للموظف المبدع زياد الزعير في قسم الاشاعة على اخلاقه وتعامله وذوقه مع المراجعين وبشاشه الوجه صراحه في قمة الرقي والاخلاق ومكسب عظيم لمستشفى سليمان الحبيب والشكر لإدارة مستشفى الحبيب على توظيف مثل هذا الكادر المميز برقيه وتعامله واخلاقه والشاب زياد الزعير خير مثال
استشاري الأنف والأذن و الحجره الدكتور وسام خطاطبه رائع بكل معنى الكلمه ، ربنا يبارك بعلمه و مهاراته رحنا أطباء كثير لكن هو يلي عرف يعالج الحاله بطريقه صحيحه ، كل الشكر لدكتور وسام و لاداره مستشفى سليمان الحبيب
التقنية الموجودة بصراحة فوق الخيال بقسم التنويم و خاصة التحكم بالغرفة من الجهاز القريب من المريض. يعطيكم العافيه على الابداع و على علاقات المرضى الي كل شوي يشرحونه لنا تعبناهم? معنا و ما قصروا بكل صدر رحب يساعدونا ️️️
سويت عملية جراحية مع الدكتورة عائشة مسلم في قسم الجراحة العامة من أفضل الدكاترة اللي مرو علي إنسانة رائعة متقنة لعملها وتشرح لك بالتفصيل الحالة المرضيه عندك وتعطيك تعليمات مسبقة عن اللي بيصير بعد العملية وتعطي المريض كامل حقه في الاستشاره ماتطلعين من عندها الا وانتي بكامل رضاك الله يوفقها والله اني ادعي لها شفت العافيه بعد الله بسببها وخفة يدها وشغلها تبارك الله وكمان فترة التنويم في المستشفى كانت من افضل التجارب اللي عشتها اهتمام كبير بالمريض ولو انادي الممرضه ثواني وهي عندي غير نظافة الغرفه بشكل مستمر مهتمين في التعقيم والتنظيف
الاسنان والعظام يملكون دكاتره سفاحين ومقرهم مسالخ الادارة تحتاج الاهتمام بهذا الفرع واخذ انطباع العملاء على محمل الجد وايضاً الدكاتره غير ملتزمين بالمواعيد ولا يحق للعميل الاعتراض في حاله الدكتور تاخر عدم الاهتمام بالوقت يدل انه يملك اداة غير احترافيه واستهتاريه
بشكل عام جيد او مقبول والاسعار مبالغ بها مقابل المنافسين.
حسبي الله ونعم الوكيل عليهم نصيحه المستشفى كلله دماااار وخاصه قسم الولاده استغلاليين مايهمهم إلا أنهم يسحبون فلوس تجربتي مع دكتورتين ما عندهم ذمه ولا ضمير دكتوره امامه الهاشمي اردنيه والدكتوره صوفيا باكستانيه قصابات ولا يخافون الله كل ولاداتهم قيصريه علشان ياخذون فلوس اكثر وللاسف مايراعون المريض ولا حالته النفسيه ولا الجسديه ولما رحت اشتكي عند الاداره طبعا فاشلين مثلهم بالضبط ما فتحت قضيتي ولا يدرون عن شكواي صار لي شهرين وهم لا حس ولا خبر للاسف ان عندنا ناس بياعه ضمير ان شاء الله اقابللهم يوم القيامه وأخذ حقي منهم. نصيحه لكل حامل وتبي تولد تبعد عن المستشفى الفاشل هذا واذا ماقدرت تبعد عن الدكتورتين الحراميات.
أقذر مستشفى وهدفهم مادي ويخوفون الواحد يقولون له تنويم والا تطلع على مسئوليتك حسبي الله عليكم توفى أخوي عندهم الله يرحمه يوم يدخل عندهم تعبه عادي وبعد التنويم كل يوم حالته أسوء أقذر مستشفى
بصراحة سئ جدا والممرضة التي استقبلت الحاله في قسم التصنيف سيئة واستقبالها للمرضى تحسسه انها مغصوبه على شغلها وهذه الحالة واجهتني انا وتأخير في التحاليل بسبب الممرضة لم تطلبها وترفعها وهي مدفوعة شكل الصيام مؤثر عليها اليوم السبت ٢٥مايو ٢٠١٩ الساعة ٤: ١٦ وانا متواجد من الساعه ٢ بالطوارئ والحاله ماتستدعي أكثر من نص ساعه
نقص في طاقم التمريض تعرضت زوجتي لنوبه بعد العملية ولم يحضروا بالنداء المخصص للطوارئ الا بعد خروجنا من الغرفه بشكل مفزع والنداء بصوت عالي في الممرات. امل ان تكون هناك نظرة إنسانية في علاج المرضى لانظره متديه
حسبي الله ونعم الوكيل كانت اختي منومه حصلت لها جلطه عندهم وطلعوها معاقه كان المفروض يعمل لها تأهيل عشان ترجع تحرك جنبها الايسر لكن طلعوها عشان يتخلصون من محاسبتهم على الغلط لكن عند الله تجتمع الخصوم
الي بايع عمره يجيهم تشخصياتهم خططأ مرره وغريبه والمشكله يعطونك ادويه وعمليات بناء على التشخيص الغلط صاحبي عملوا لها عمليه زايده والي فيها صار التهاب حاد ماله علاقه بالزايده وانا جاني طفح جلدي وقالو عنقز واخذت ادويه ومضادات العنقز والوضع تفاقم وصار اسوء من قبل وطولت معاي المشكله حسبي الله عليهم انتبهووووو
قسم الطوارئ غير جيد أبدا قسم الأسنان جربت تنظيف الأسنان عند طبيبين وكلها غير جيدة ولاتستحق المبلغ المدفوع بعكس فرع العليا قسم الأطفال يوجد طبيب سوداني مميز بشكل عام ابحث عن الطبيب قبل زيارة المستشفى
مارح ازود على تعليقات الإخوان لكن ما أقول الا حسبنا الله ونعم الوكيل مستشفى تجاري و مايراعي نفسية و لا ظروف المريض جيت مافيني الا العافية نوموني قلنا ماشي اخذو 5000 تحت الحساب جينا ناخذ الباقي قالو تحويل عن طريق البنك راحت اسبوعين ما وصلنا شي بعدها جتني حالة طارئة نزيف داخلي رحت للطواري توني ادخل غرفة الضغط يجي الموظف يلاحقني بالشبكة و انا قاعدة اموت في الارض و هو ماسك مكينة الشبكة و يلاحقني من غرفة لغرفة و دخلوني انعاش كلما دخل عليك دكتور يصرفلك مجموعة تحاليل و ابر و يحرص الممرضة تكتب اسمه جنبها عشان النسبة قالو عملية قلنا ماشي زوجي جا من الدوام قال بضيف على المبلغ اللي عندكم من قبل اسبوعين باقي قالو لا ما نقدر لازم مبلغ كامل جديد قال ماشي دخلوها قالو لازم دفع بالاول جا يدفع السستم حقهم خربان و انا قاعدة اموت يقول دخلوها هذي بطايقي عندكم لين يفتح السستم رفضو و مخلييني انا ازف يعني اموت بالعربي لين السستم فتح و اخذو الفلوس و دخلوني. اول ما فتحت عيني من البنج تجي الدكتورة تقول شلنا عضو واحد كان خربان و ترى اللي جنبه بعد مرررررة تعبان لازم نشيله بعدين️ يعني بالله هذا أسلوب انا تعبانة نفسيا و جسديا لسه البنج ما فك تجي تحطميني و تدمري نفسيتي وين الاسلوب الاحترافي في مراعاة نفسية المريض حتى لو عندك خبر مو كويس لازم تتحري الوقت المناسب رغم ان مافيه شي خربان بس تبيني اشيل الانبوب الثاني عشان توجهني لاطفال الانابيب وتستفيد! بعد عشر ايام رحت مراجعه اقول عطوني سيدي العملية كل واحد يرميني عالثاني لين تعبت و طلعت و غير كذا الدكتورة لسة مصرة تسويلي العملية الثانية! حسبنا الله عليكم و نعم الوكيل. بالاضافه انهم لما تكون منوما الدكتورة تكتب لك خروج بالليل لما يجي الصباح يماطلون بك بالطلوع لين يجي العصر عشان تدفع قيمة اليوم الثاني بدون اي اسباب.
مع الأسف مستشفى اسم فقط فاشل صارلي موقف مع دكتوره نسائيه الباكستانيه لا تستحق حتى أقول دكتوره لان الدكتوره بجهة وهي بجهة ثانيه اخر مره ان شاءالله ازور هالمشفى استقبال النساء نفسيات على ايش ؟ مافي لباقة
اول شي اقوله حسبنا الله ونعم الوكيل مفروض اسمه مستشفى ترويع الامنين من اسوأ وافشل المستشفيات ناس ماديه بحته ماهمهم الا الفلوس قبل سنتين زرت جراح جنسيته اوروبيه وكان فيني حرق بسيط بيدي وكان يعورني قال الحرق عميق وبيسبب لك تشوه لازم نسوي لك عمليه نستأصل الجزء المحروق وقام يتكلم كلام خفت مره قلت بستخير وارجع لكم اقسم بالله العظيم والله يشهد علي يومين وانبرا الحرق وطاباستغفر الله وجلست بعدها سنتين ماطبيته واليوم للاسف زرتهم بس كان فيني كيس بالمبيض مقاسه ٣ سم وكنت احس باالم قلت لاسمح الله لايكون كبر الكيس بروح اشوف مقاسه حجزت عند دكتوره امريكيه تقول خبرتها ٢٠ سنه وسوت لي سونار وحده هنديه الله لايحللها زود على ان اخلاقها زفت وتسوي كشف نسائي بطريقه موجعه بدون اي مراعاه بس اكبر همها تسولف مع الممرضه قالت لي الكيس كبر وصار ٤ سم وفيه كيس ثاني ورحت الاستشاريه الامريكيه وقالت احتمال فيك بطانه رحم وشخصتني تشخيص غلط وقامت تقولي وش ممكن يسوون لي عشان اتعالج المهم انها دخلتني بحاله اكتئاب حسيت خلاص نهايتي قربت جلست ابكي طلعت منها ورحت الاستشاريه الرائعه المتمكنه واللي كلها انسانيه الدكتوره السودانيه نهله بالتخصصي الطبي سوت سونار من جديد قالت اولا الكيس القديم صار صغير ١ سموالثاني صغير جدا ولافيك بطانه رحم ولاشي وهالالم احتمال قولون ونفس الكلام قالته طبيبه الاشعه! حسبي الله عليكم ونعم الوكيل توبه ان فكرت مجرد تفكير اجيكم ياافشل مستشفى
للاسف لي سنه ونصف وانا وعائلتي نراجع فيه ونفحص شهرياً
ولكن تسببو على زوجتي وهي حامل في الشهر الخامس وفتحو عنق الرحم بالماسح وبعد ماكشفو وشافوه
قالولها بنسوي لك عملية ربط عنق الرحم ولكن حياة الطفل ونسبة نجاح العمليه من ١ الى ٢٠٪ وقالت الدكتوره أمامه راح يكون هناك تمزّع في الرحم وراح تتأثرين منه اذا سوينا لك العمليه لذلك ماعندك حل الا الاجهاض
والدكتورتين هم: صايمه سعيد-امامه ابو هاشم
ما اقول الا حسبي الله ونعم الوكيل
وانهارت زوجتي وتعبت نفسيتها واخذتها لمستوصف الشبلان عند الدكتوره منى الريس وكشفت عليها وانصدمت تقول كيف يكشفون عليك بماسح عنق الرحم وانتي بالخامس؟؟؟ وحولتنا لمستشفى الحمادي عند الدكتوره لونا وقالت ممنوع نسوي عمليه ومستحيل نجاحها كيف تقولكم بنسوي عمليه؟؟؟
مافي حل الا الراحه وتكونين على ظهرك الى الشهر السابع وحطو املكم بالله. ويارب لاتفجعني في ولدي ولا زوجتي
من اسوأ الادارة هي ادارة سليمان الحبيب السويدي مستشفى كامل من جميع المواصفات ولكن الاداره سيئه اتمنى امنيه ان يغيرو من نظام الدكتاره كل م توجهت لهم لا يوجد دكتور القسم الوحيد الي شغال هو الطوارئ والطوارئ م يحتاج نتكلم عنه لانه اكثر مرضى سليمان الحبيب على اطلاع كامل بمعاملتهم واسلوبهم البحت ب التنويم ي ليت الاداره الاقليميه تلتفت ل السويدي وترتيب دكاترتها
للاسف حصل لي حالة اجهاض ورحت لانه لانهم الاقرب لي وعملو اشعه وتحليل لكن الدكتوره السودانيه اللي بالطورى عملتلي رعب انتي ماعاد فيك دم بيخلص لازم عمليه تنظيف ومن هالكلام حسيت من كلامها اذا طلعت من عندها وما سويت عمليه راح اموت حسبنا الله ونعم الوكيل كله علشان الفلوس ، وبفضل ربي طلعت من عندها وتعافيت بدون عمليه ، وخاصه ان الاجهاض حصل لي بعد ٦ اسابيع حمل ،
الخدمة ممتازة والموظفين محترمين والرعاية جيدة والتصميم راقي والنظام منسق لكن المشكلة يعملون فحوصات وإجراءات لا يحتاجها المريض، من أجل ذلك نرجو من الإدارة وضع إستراتيجيات وسياسات للعلاج وعمل الفحوصات موضحة للمريض، وكذلك يجب على المريض وأهله معرفة تفاصيل الخطة العلاجية للمرض أو عند عمل الفحوصات، والمستشفى لا يصلح لعلاج الحالات الحرجة أو عمل العمليات الخطيرة لقلة ذوي الخبرة وقلة المرضى.
مستشفى سي جدا ولو كان المالك مطلع بما يحصل في المستشفى لماتكررت الاخطاء الطواري سي جدا ومديرهم الطبي يقفل السماعه بوجهي بعد مااتصلت كم مره ويسوي نفسه غبي مايفهم اسمه عبدالله الصليهم والسبب استفسار عن علاج
LOST MY CLOSE ACQUAINTANCE 2 DAYS AGO. I TOTALLY BLAME THE HOSPITAL FOR IT. THE PATIENT HAD SOME SORT OF INFECTION IN HIS BODY. AS SOME YEARS AGO HE HAD AN APPENDIX BURST AND IT WAS REMOVED IN ANOTHER HOSPITAL. THIS TIME EVEN AFTER TELL THE DOCTORS THAT THE PATIENTS APPENDIX WAS TOTALLY REMOVED THE UNECESSARILY OPENED HIS BODY AND SEARCHED FOR APPENDIX. THOSE FOOLS DID LAPROSCOPY EVEN IT WAS UNNEEDED. THEY ADMITTED HIM FOR MORE THAN 5DAYS AND GAVE UNNECESSARY EXPENSES. DONT GO TO THIS HOSPITAL EVER.
انا من تجربه الطوارىء الكبار غير جيد ابدا ، تجربتي في فرع التخصصي افضل بكثيرر ، دخلت عليهم وانا كنت اعاني من اعراض الجلطه و قالو لي مجرد نوبه هلع ، بعد ماذهبت الى طوارىء التخصصي الحبيب تم تنويمي لان بالفعل كان اشتباه جلطه و عملو التحاليل و الاشعات اللازمه.
يوجد عند الحبيب السويدي الدكتور العمري طبيب اسره اثني عليه دكتور صاحب ذمه و ضمير الله يجزاه خير و كذلك الطبيب عبدالمجيد الشويعر طبيب اسره ممتاز جدا خصوصا لكبار السن و امراض الضغط و السكري و غيره.
و اثني على الدكتوره مروه موجوده في الطوارىء الاطفال دكتوره فاهمه و تاخذ و تعطي لها جزيل الشكر و كشفها ممتاز جدا.
موظفين ودكاترة الطوارئ لا اهتمام ولاشيء جالسين علي الطاولات يدخل المريض عليهم في الطوارئ مايقومون كلهم اجانب تعاملهم سيء جدا واتمنى من ادارة المستشفى اتهاذ اجراءات وتكثيف المتابعة في اوقات بعد الساعه ١٢ صباحا ونفس شينه كنهم يكدون علينا عمال النظافة تعاملهم افضل من تعامل الدكاترة وموظفين الاستقبال والله ما يحدنا عليكم الا القرب الله لا يحوجنا لكم ولا يحوج المسلمين لكم بس ادفع علي غير،سنع اتمنى وزارة الصحة وضع مراقبة عليهم حطيت نجمه عشان اقدر اكتب
ما أقدر أعمم على كل مشفيات الحبيب لأن بقية الفروع أرقى من هذا الفرع بالسويدي، وش أقول و أخلي عنهم انا من ضحايا المختبر وندمت أشد الندم يوم حللت عندهم مع ان الفرع بعيد عني،حسب كلامهم وهذا قبل شهر وزياده ان التحاليل نتيجتها بعد ٥أيام اتفاجأ الى فترة قريبة اكتملت التحاليل بالطقاق بعد ما طالبتهم ع التويتر وطلع العينه ما كفت بكل بجاحه قالوا لي تجين نسحب منك اضافيه بس خلال اسبوعين لان الفاتورة لها صلاحية بس شهر! عجيب؟! بعدها رحت للفرع اعطيت عينة اضافيه وبالطقاق لقيت ممرضه تاخذ لي مع انه فترة المغرب،عموماً مو حابه اطول بالكلام محدثتكم ليومكم هذا باقي لها تحليل ما طلعت نتيجته والمضحك أول مكالمة من طرفهم قالولي نتيجته وأنه ناقص ونعرف هنا انه غير مصرح ابلاغ المراجع بالنتائج الا من دكتور! مو من موظف او عبر تلفون مره غلط! ، للأسف مظطره أرفع شكوى لوزارة الصحة غلطتي كنت لينه وأخلاق معهم. للمعلومية ماراح أزودكم بالتفاصيل ع ايميل او غيره موضوعي عندكم ع تويتر لأن حتى تلفونكم مجرد زينه تحولوني ثم تقطعون بوجهي الخط. وشكراً