د.حسن النعيم استشاري جراحة تجميل Dr Hassan Alnaeem Plastic Surgeon

الدكتور الاستشاري حسن النعيم الله يكتب اجره في كل عمل يسويه للمرضى. دكتور مريح ومطمن الله يطمن قلبه ويسعده سعادة الدارين وينفع به الاسلام والمسلمين

افضل دكتور تعاملت معاه تبارك الله ، فاهم وعارف ومتعاووون لابعد درجه والحمدلله ربي دلني عليه
افضل تجربه ولله الحمد

والله احسن دكتور كل من شاف خشمي مدحه يهبل مره وشغله مرتب وعرف الشكل اللي يناسبني والحمدلله ماعانيت من اي وجع ولا مشكله
وبرضو تعامله واسلوبه جميل الله يسعده يارب

(إن الله يحب إذا عمل أحدكم عملاً أن يتقنه) ️
grateful for the doctor and his team.
من أفضل الأطباء وشكرًا للدكتور ولحسن أخلاقه واتقانه في العمل
التجربة كانت أفضل مما توقعت.

الدكتور ماشاءالله قوي ومتمكن و مُخلص وحريص على سلامة مرضاه.

قبل العمليه وهذا الجزء مميز عن غيره شفت٤ استشاريين
كل الثلاثة قالولي تحتاجين اجراءات كثيره عشان تكون النتيجة زينه. "ونبهوني على اشياء ماطلبتها وانا ماحب كذا" ويقولون لي كيف المفروض يكون شكلي.
البنات الي يحبون الكمال يمكن يحبون كذا.

الدكتور حسن قال "وش مشكلتك "ابدا ماحكى بسلبيه عن وضعي قبل لين انا حكيت وش مضايقني. جلس يشرح لي وشلون بيسوي لي الاجراء وانه باذن الله بتكون النتيجة زينه.

اول اجتماع مازاد عن ٨ دقايق ولو كان عندي تساؤلات اكثر كان جلس وقت اطول.

اول ايام بعد العمليه مايعطيك مسكنات قويه ممكن تضرك او تهدك بدون ماتخفف الالم، حريص يتاكد انه الدم عندك ممتاز وكل شي تمام وانك تمشين زين عشان تجلطات وكذا لاسمح الله ،فريق الرعاية كانو حلوين.

فترة المتابعة يحرص على متابعة حالتك اول باول ، النتيجة ممتازه وافضل من توقعاتي الحمدلله.

ندبات الخياطة مبدأيا افضل من الي اشوفها في اليوتيوب على الرغم من ان طبيعة بشرتي تترك علامات قوية.

فريق المتابعة زينين
المنسقة زينه وترد عليك وعلى استفساراتك حتى رقم الشغل تبع الدكتور بس انا ماحتجته المنسقة على طول ترد كل ما سألت عن شي وبتحتاجينها كثير اتوقع اول اسبوعين بالذات اذا انتي خوافه.

*ما انوي اشجعك تاخذين بنج وتعرضين نفسك لخطورة العمليات الجراحية وفعلا ماهو لعبة او اجراء بسيط عمليه جراحية فيها الم قوي ومخاطرة حاولي انها تكون انها اخر الحلول وان حالتك فعلا ضرورية قبل تبدين بهذا كله،والله يحفظك.

تجربة رااااائعة وأكثر من رائعة. سويت عند دكتور حسن شفط وشد وشد عضلات. كان موعد ازالة الأنابيب قبل يومين ماحسيت بولاشي الله يوفقه فريق رائع ومتميز وانصحكم فيه

شكرا من القلب للدكتور المميز الرائع حسن النعيم. زيارتي له كانت بغرض استشارة والحمد لله تم خدمتي بشكل رائع ومميز من الدكتور والمنسقات وطاقم التمريض. اشكر تعامله الراقي والصدق في نصحه وقوله والأخلاق العظيمة في تعامله ماشالله كفاء وطنية مميزة وفقه الله وجزاه كل خير

كل احد يسالني عن خشمي حمدلله مرا صار حلو و طبيعيييييي ومناسب وجهي اختيار موفق الحمدلله والخياطه بدون ما استخدم لها اي شي اختفاء الاثر الان كملت شهرين من العمليه راضيه جدا عن النتيجه الحمدلله شكرا جدًا جدًا د. حسن

من افضل الدكاتره بالسعودية واللي نفتخر فيهم حقيقة، شخص مريح بالتعامل ومحترف بالعمل.

سويت عند دكتور حسن عملية والحمدلله من افضل التجارب، يده نظيفة وشغله جميل وحريص مره على مرضاه ماشاءالله تبارك الرحمن

سويت عنده عملية شد صدر وبطن صراحه الخياطه اكثر من رائعه والنتيجه مره عجبتني اكثر من ماكنت اتوقع
تجربتي معاه كانت رائعه

سويت عمليتين (الأولى) صدري حشوة سليكون والحمدالله كل شي كان تمام والحجم مره جميل والجرح ماله اثر وبعد العملية الاولى ارتحت واطمئنيت نفسياً للدكتور ،
العمليه (الثانية) سويتها بعد تجربتي الأولى سويت شفط منطقة البطن والظهر والخواصر وتعبئة ، والنفسية اللي يقابلك فيها الدكتور والابتسامة في وجه المراجعين والروح المرحة نصف العلاج اشكر الدكتور حسن النعيم من قلبي.