Desert Suspension

السلام عليكم ورحمة الله
تجربتي بكل امانه ركبت مساعدات بروفيندر 2 انش بخزان خارجي السياره تاهو 2020 وكانت التجربه كالاتي /
خلال التركيب يوجد اشراف مباشر من شاب سعودي على كافة تفاصيل التركيب وهالشي يحافظ على جودة التركيب ويشكرون عليه
النعومه او الطراوه بعد التركيب شي ملحوظ والمطب خف والاهتزازات (الخضخضه) اختفت تماما ولله الحمد.
يوجد عيب واحد فقط وهو ارتفاع السياره عن مستوى الوكاله وخاصة من الامام وهو ارتفاع بسيط لكن بعض الناس ما يحب هالشي وانا منهم واذكر هالشي من باب الامانه وتوصيل الراي

ممتازين بيض الله وجيههم ركبت عندهم مساعدات

بروفندر عادية بضغط الزيت ليوكن ٢٠١٩. اليوم راجعتهم للصيانة وصادفت موظف سعودي اسمه مشعل السعود قمة بالاخلاق والمهنيه والانضباط

محل معروف والمعروف لا يعرف.

اتصلت عليهم كان تعامل الأخ السعودي قمة بالأخلاق والتعامل الحسن ،، لكن للأسف يوم جيت الفرع فيه سوداني يكلمني من طرف خشمه وقالي عن شغلة لازم تفك الصاجة ويوم قلت له مب لازم رد علي كأنك يعني من أنت حتى تعلمني، وركبتها برا بدون ما أفكها. ياليت تراجعون هالموضوع فكسب العميل بالأخلاق مهم جداً.

‏الله يعطيكم العافية أشكركم على جهودكم طيبه اشكر أخوي مشعل أخوي بشير على ما قدموا من نصائح وشغل طيب

بصراحة هم حاطين مساعدات بروفندر لكل السيارات مع ان اغلب السيارات ماتصلح لها هي شركة تايلندية ويصنعون للسيارات الي يستخدمونها اكثر شي في تايلند وحتى دباب الكفرين اما بالنسبة لنا في السعودية فاالي يستخدمو مثل سيارتنا هم أستراليا وعندهم مساعدات رياضية شوط المساعد يكون مناسب لشوط مساعد البلد اما حقين التعليق الصحرواي يعطونك مساعد الشوط طويل والسيارة لازم تترفع وهم مايرفعونها لك لانك تحتاج للاقل فوق ٦ سانتي علشانك يشتغل المساعد
الزبدة شوف حقين استراليا وش يركبون على نفس السيارات الي عندنا سوي زيهم
عندك شركة اولد مان
و شركة تف دوق
وشركة دبنسون
اتكلم لكم من باب تجربة انا ماخذ بروفندر ٢ انش بخزان اضافي
وسيء لانه يحتاج ارتفاع عالي للسيارة علشان يعطيك اداء

اولاً حاب اشكركم على الخدمه التي كانت فوق الرائعه

ثانيا حاب اتقدم في شكُرِي على النصائح م قبل التركيب

ثالثاً اسعار منافسه وخدمة سريعه جداً وتعامل راقي لابعد الحدود، كما كان المركز مهتم بنظافة المكان وتقديم الخدمه لراحة الزبون.

اخيراً حاب اشكر جميع الموظفين في المركز️️.

بعد تجربة مساعدات بروفاندر على فورتشنر ٢٠١٢ لمدة ستة اشهر والرجوع لهم للصيانة يستاهلون الخمس نجوم لقوة الماركات التي عندهم و في رأيي ان الاسعار مناسبة للقطع و لشغل اليد ايضا
اما بالنسبة للمشرفين والعمال فهم باخلاق عاليه و ينصحون بالافضل واخص اشرف السوداني فنصحني بالمساعدات للفورتشنر و ايضا للمرة الثانية نصحني بالنسبة السييرا ٢٥٠٠ بان اركب له مساعدات بدل البالونات وفعلا تحسن مطبه وثباته
وتتوفر استراحة بها ماء بار و ماكينة مشروبات ساخنة
فشكرا لهم

تم تركيب مساعدات بروفندر ويايات ديزرت بعد مدح أحد الأصدقاء شغلهم مع اني كنت انوي التركيب عند محل اخر معروف ولكن كانت تجربتي كالأتي:
١- بعد التركيب بدأت بسماع اصوات في السيارة وعند عودتي لهم اتضح بان مسمار عامود التوازن الامامي مرتخي ولم يقوموا بربط المسمار جيداً.
٢- برضوا وجدت بان مسمار عامود التوازن الخلفي لم يقوموا بارجاعه في مكانه ولم يتم ربطه من الاساس وكأن اراوح الناس رخيصة بالنسبة لهم.
٣- تجربتي معهم سيئة للغاية.

الاخ ابو سعود السعودي قمة بالاخلاق والتعاون شاب طموح ومخلص وخدوم جدًا جدًا الله يسعده ويوفقه
والاخ السوداني خبير وصاحب تجربة للامانة تعاملهم فوق الرائع

السلام عليكم. مريتهم امس وغيرت جلب مساعدات اماميه ، نصوحين ويردون على اي استفسار بنفس طيبه ووجه بشوش بقدر المستطاع مايبونك تطلع زعلان جزاهم الله خير ، اي شيء يشوفونه تعبان عندك حتى لو مب موجود عندهم يعطونك خبر ونقطه يشكرون عليها + شغلهم احترافي ولا يرقع لسيارتك بأي مسمار مثل بعض الورش ، الاسعار تحتاج مراجعه ، التكلفة ٢٨٠ ريال.

اولاً حاب اشكركم على الخدمه التي كانت فوق الرائعه

ثانيا حاب اتقدم في شكُرِي على النصائح م قبل التركيب

ثالثاً اسعار منافسه وخدمة سريعه جداً وتعامل راقي لابعد الحدود، كما كان المركز مهتم بنظافة المكان وتقديم الخدمه لراحة الزبون.

اخيراً حاب اشكر جميع الموظفين في المركز.

تم تركيب بالونات للشاص فعلاً مريحة ولاكن
للاسف تجربة اسواء من السيئ
تهريب كل اربع ايام لازم اعبيها هواء
وانفجرت معي مرتين لابارك الله فيها من بالونات ليس بسبب سؤ استخدام بل بسبب المواصفات وطريقة التركيب واحد من العيال مركبها عند ورشه ثانيه لها حدود خمس سنواة ماتأثرت من اي شي واستخداماته شبه يومي

السعر مبالغ فيه على شي مايسوى
لا انصح بتركيب البالونات عندهم من واقع تجربة
بالنسبة لي شخصياً سأقوم بستبدالها بعد العيد عند ورشة اخرى بأذن الله

ركبت مساعدات بروفندر وجاري تجربتها

ورغم حدوث لخبطة بسيطة لكن عالجوها بسرعة. سريعين بالرد على الواتساب

يعطيكم العافية

المحل ممتاز والسوداني اللي فيه نصوح. كثير قالو ان المساعدات اقسى من مساعدات الوكالة بشي بسيط بس الصراحة كانت اقسى بكثير. رجعت للمحل بعدها بيوم وما قصروا نزلوا ضغط الغاز وصارت الين شوي.

زرت المحل وقابلت الاستاذ اشرف من السودان وكان قمة في الادب والتعامل وتم تركيب مساعدات بروفندر بدون خزان وكانت التجربه رائعه

متخصصين في تعديل السيارات يديرة شباب سعوديين متمكنين في هذا المجال بالاضافة الى قمة الاخلاق والتعاون انا جيتهم زعلان ما لقيت قطع اصلاح جوزات مقصات سيرا HD 2010
وبعض المشاكل في المكنيكة بعد ما لفيت على ثلاث مراكز متخصصين بالدفع الرباعي جيتهم ونا عايف السيارة وخلاص بنزلها الحراج وقلت بمرهم تحصيل حاصل بس عز الله هونو علي وتحملوني وامتصو غضبي وصلحو سيارتي وشيكو عليها وجربوها وجابولي القطع الي غيروها حاطينها في كراتين القطع الجديدة وحاطينها في كيس وقالو تفضل هذا القديم وسيارتك جاهزه ولا تشكي من شي وما اخذو غير قيمة القطع واجرت شغل يد والتشييك والكشف والتجربة مجانا ما قول غير الله يفتح عليهم ويوسع رزقهم

ماشاء المحل مرتب وجميل وشغلهم نظيف رد علي الاخ عمر وشرحلي بتفصيل والاسعار. رحت لهم وركبت مساعدات استقبلني اشرف سوداني كان بشوش وطيب ونصوح ويعرف ايش يناسب العميل بعيدآ عن التسويق. انصح فيهم

مريت المحل لاني كنت ابركب مساعدات بروفندر. وقالوا لي الافضل تغير معن اليايات. فسألتهم كم سعر الطقم المساعدات بروفندر ٢ انش بدون اسطوانة + يايات دبنسون بتكلف حوالي ٤٣٥٠ ريال ويوم شفت السعر بصراحة هونت لاني اشوف اني ما احتاجهن رغم اني راعي بر لكني ماني راعي جلد وتطعيس انا رجال هواي البر والتمشي بهداوة فقررت اني ما اركبهن والحمد لله.
ما يحتاج حجز ولا شي حسب كلام موظف الاستقبال السوداني المحترم جزاه الله خير.
المحل مو كبير مرة والعمالة عندهم قليلة واعتقد ما يشتغلون الا سيارتين بس حسب ما ما رأيت.

تعامل ممتاز واسعار معقوله والاستقبال انور السوداني خلوق ونصوح وفاهم احتياج السيارة للتعديل حسب رغبة العميل

ممتاز شغله وجودة منتجاتهم واسعارهم ممتازه والعروض الي مره بطله وحقيقية، الرد على الاتصال ضروري ويفضل وضع هاتف ويكون مع الاخ اشرف السوداني.

جميل جداً المحل وشغل محترم والرجال اللي ماسك المحل شاب اسمه هشام قمه في الاحترام والاخلاق ونصوح جداً

تعامل مميز و خدمة ممتازة و أسعار منافسه.

بصراحة تجربتي رائعة جداً جداً معهم و انصح الجميع بالتعامل معهم

تم تغير المساعد لديهم
اشرف خدوم وممتاز
عبادي محترف وعارف للشغلة

الله يوفقكم

أسعار أرخص مقارنة بالمنافسين بالنسبة لمساعدات بروفندر
المركز جميل ونظيف وفيه ضيافة شاهي وموية
العاملين ودودين ولطيفين
العيب الوحيد التأخير بسبب نقص العمالة

اشتغلت عندهم مساعدات ويايات
شغلهم ممتاز ، هم وكيل مساعدات بروفندر وارخص من الموزعين اللي برا

رغم تعليقات العملاء لم أقرأ رد المالك على تقييم العملاء لمركز التعليق الصحراوي ؟؟؟ كنت ارغب بزيارتهم لتركيب مساعدات بروفندر ولكن تراجعت بناءً على تقييم العملاء

ما شاء الله تبارك الله والله يبارك لهم شغلهم فوق المدح ويستاهلون. وكل الشكر للاخ اشرف سوداني على طيب تعامله

أكثر سيارة قطع غيارها متوفر؛ الفتك
لكن التعليق الصحراوي ما عنده (:

فضلاً عن انهم فاتحين فرع صناعية الشمال من شهر
ولا يزال غير مخدوم بالقطع

أقترح يشيلون رقم الجوال اللي في قوقل، لأن ما منه فايدة وتجاوب
المفروض الزبون الله لا يهينه يمر على الفرعين عشان يعرف القطع موجودة أو لا

موفقين

تعامل الادارة سيئ.
تواصلت معهم أسال عن الضمان وقال لي الضمان باقي عليه شهرين رحت للفرع وكنت جاي من مكان بعيد ثم قال أن الضمان منتهي!
تواصلت مع الادارة فرد علي بكل برود: المعذرة حصل خطأ بالجهاز وكان أسلوب الأخ متدني حتى أني لما قلت له ان اعتذارهم غير مقبول رد بأسلوب غير محترم:
"أنت تعي ما أقول"!
ولا أظن أنه هذا الأسلوب يرضي أحدًا، بل انه ينفر الزبائن

أقل الأحوال أن يعتذر بأسلوب لبق

تعاملت مع هشام صراحة ماشاء الله رجال ينصحك ويخدمك. ركبت مساعدات بروفيندر ولها شهرين معي. فرق عن حقت الوكالة واجد

الصراحة بعد بحث عن افضل وكيل في السعودية وارخص سعر هو التعليق الصحراوي والي يميزه عن البقية الضمان لن المساعد يتبدل اذا خرب خلال اول سنة والباقي صيانة
الاسعار ممتازة جدًا وانصحكم فيه وتعامل الموجودين في هذا المركز من العمال او الاستقبال ممتاز جدًا

جيد تجيهم تشيك على غاز المساعد يشيكون لك محاناً
خدمة جميلة منهم. جزاهم الله خير
عيبهم السعر مرتفع

خدمتهم جميله
والطاقم الجديد جيد

شريت مساعدات بروفندر من سنه ونص وصراحه ادائها جميل لولا ان منافسيهم من دبنسون اداء مساعدهم افضل لكن فارق السعر

واليوم جيتهم وزودت الغاز وغيرت جلد بعض المساعدات وركبت ركب رياضيه والاداء جميل

يعيبهم السعر مرتفع نوعا ما ليتهم يحاولون يقللون
وايضا مايخدمون كل المواتر بكامل التجهيز

اليوم ركبت طقم مساعدات وياي خلفي 5 سم والمساعد الامامي 5 سم على تاهو 2017 وشغلم ممتاز وسريع والاسقبال ولا اروع

اسعار مناسبه ومكان جميل وتعامل راقي جدًا يشكرون عليه يستاهل 5 نجوم لكن اللي بيجي من بعيد يحسب حساب الزحمه خصوصًا فترة الشتاء ماشاءالله

ماشالله تبارك الله
اخلاق ب التعامل كل العاملين في المركز وشغل فنان ودقيق عسى ربي يوفقهم ويرزقهم من واسع فضله
تجربه ممتاز

مكان متميز بإدارة شابة محترمة ترغبك بالمكان وبضاعته ، المحل المعتمد في كل المساعدات لدي ، مبدعين وبضاعة متجدده حسب تطور السوق.

شغلهم تمام
الاسعار ممتازه مثل غيرهم
والاهمام الضمان عندهم قوي على كلامهم
كذلك يميزهم الانجاز السريع
السوداني المدير اخلاقه عالية ومتعاون جدا ونصوح اشكره يعطيه العافية.

بالتوفيق للجميع

نوعية جيدة ولاكن سعرة مرتفع قليلا ويحتاج الى تدريب للعماله اكثر وسعودة الادارة بدل السوداني الظريف

تمت زيارة الورشة
وتركيب نظام تعليق
الاسعار مناسبة نوعاً ماء ومقاربة لمساعدات الوكالة
يوجد ضمان لمدة سنه استبدال
للاسف الموظف السوداني غير ملم في بعض المعلومات

العمال جيدين ولاكن اغلب الوقت زحمه ولايوجد احد ينصحك والمشرف همه المادة فقط ولايوجد مرونه بالاسعار ولاكن ميزة منتجهم مميز

ركبت عندهم عن عامل هندي تبعهم وحاس موتري لدرجة اني انا اعلمه شلون يركب مع انه له سنتين او اكثر على كلام العاملين عندهم

ماشاء الله تبارك اللله شغلهم جبااار جداً ويعطونك النصائح الحلوه واخلاقهم الجميله شكراً ل التعليق الصحراوي على التعامل الجميل ️والشغل الممتاز

بعد ما طلعت من عندهم وقطعت مسافة مو قليلة جيت اشيك على الموتر أحصل مسامير كراسي المساعدات كلها مشدودة باليد فقط! فوق كذا صواميل الجنوط شدوا عليها لين جيمت وما انفكت إلا بنار اللحام والجنط تضرر علي.

باختصار تبي تلعب في موترك وتضيع وقتك ودراهمك رح لهم.

السلام عليكم تم تركيب مساعدات بروفندو علي سيارة نوع باجيرو وماشالله تبارك الله نعم يوجد اختلاف ملحوظ جدا ويايات دبينسون ولامانه التعامل جدا راقي من صاحب الورشه والعاملين جميع مع العلم انه تم وظع نايتروجين مقدار ١٥٠وكانت قاسية ورجعتلهم وقتلهم خفوفها ونزلوها الين ١٢٠ وصارت ممتازه بفضل الله الجماعه ماعندهم اي مشلكله اذا في اي ملاحظات للقساوه او انك تبي تلين هم في خدمتك والله يوفقهم ويوفق ابوفهد والقائمين بهلمكان

قدر الله علي وانفقعت مساعدات الوكالة رحت لهم ابي اشوف الطيب منها، لكن للاسف ماهم نصوحين ابد أو بالاصح ينصح عشان تشتري الاغلى مو عشان استخدامك، شريت 2.0 انش قابلة للصيانة والموتر صار شاص أقسم بالله وصل لمرحلة "المناقز"! مانصح فيها نهائيا واللي يقولك راحة وثبات اعرف انه كذاب كبيير حتى لو انت بعافيتك ولا فيك دسك بتحس بعدم الراحة واصغر حفره بتحس فيها بظهرك حقت الوكالة وهي مفقعة ماسوت كذا. المصيبة الثانية يعبيها لك بدون يسألك وش استخدامك على طول يحط لك 140! المفروض انت كبائع تعرف وش استخدام المستهلك وتوجهه، راح ارجع حقت الوكالة والله يعوض علي وللعلم وضحت للموظف اني قليل فالبر فالغالب مدينه. حبيت أقول هالكلام للفائدة للي ناوي يشتري أقولك مانصح فيها