Dawadmi General Hospital

I stayed in the residential area of the hospital for a year back in 2015-16 when my wife was working as a doctor there. It is one of few tertiary care hospitals in the area serving a large population. Fully equipped with all the latest facilities. Some of very finest memories of my life are related to this place.

في ضني ان المستشفى هذا هو السبب الرئيسي الي خلا مشاريع المستشفيات الاهلية تنجح في الدوادمي

مستشفى سيئ …وزحمه ومافيه خصوصيه تدخل ع الدكتور المريض مافيه كرسي يجلس عليه والباب مفتوح والمكيفات طافيه وكتمه وريحه شينه والمنرضات نفسيتهم شينه

حجزوا لنا موعد بعد عملية ووصلني رسالة على الجوال
ويوم جينا للمراجعة قالوا مالكم موعد هههههههههه

طلعت الرسالة لهم وتلخبطوا وقلت بتصل على وزارة الصحة ونشوف اذا هي حقيقية او لا

حجزوا لي موعد بنفس الوقت ودخلوني على الدكتور طوالي

مستشفى كلمة سيء قليلة بحقه

الممرضيين الشباب السعوديين الذكور فقط هم من يستحقون الثناء للامانة
اما الممرضات ما ادري اهلهم كيف متحملينهم اصلا
اخلاق سيئة جدا وجهل في الانظمة والقوانين وحتى التمريض بعد

الدكتورات السودانيات لو الامر في يدي احولهم للسجن مباشرة يع الله ياخذهن اخذ عزيز مقتدر

والنجمة عشان التعليق والا والله ما يستاهلونها

والله والله قمه التخلي عن المسؤاليه خصوصا مع الاجانب في الولاده لا مبالاه ابدا ولا استجواب ونا مسؤال على كلامي

تسيب واستهتار بالمرضى جيت الطواري من مسافه ١٠٠ كيلو ولدي مفقوعه اذنه وتنزف ويتالم ماحصلت طبيب الاصابات ماكان موجود ويقولو انتظري بيرجع كذابين والدكتوره رشا طبيبه الاطفال رفضت تستقبله واسلوبها وقح جدا ساعه كامله وانا ادور بينهم ولا احد ساعدني وساعد طفلي حسبي الله ونعم الوكيل فيهم

قسم الجراحه الممرضات فيه السعوديات وقحات جداً خصوصاً ٣ مرره ودي اتفل ف وجههن وقحاه لاابعد حد تزقد كنهاً حكمت دوله،ماتدري ان عملها انساني لابد تراعي المرضى عقدو ولدي الله لايوفقهن الله لايوفقتسن كانكم تقرون ياممرضات الجراحه الله يجعلكن للمرض عشان تحسن ، الممرضات الهنديات او بنغلاديشيات عسسسسل والاجنبيات تاج والله مب السعوديه اللي شافت النعمه قالت انا ملكه الله لايوفقهن يارب ولا يسامحهن وفوقها المواعيد غير دقيقه نجي يقولون لا ازجعو مافي نظام مافي ترتيب حسبكم الله ونعم الوكيييل

حطيت نجمه بس عشان اقول هالكلام مستشفى فاشل اقسم بالله جيت وحرارتي 39 قاسوها قالو 36 روح مافيك شي وانا والله عظامي ماتشيلني رحت لابا الخيل تنومت فيه وتعالجت اقول حسبي الله عليهم بس

يارب سترك كل التعليقات عن المستشفى تخووووووف وانا محدوده عليه يارب يسرها

قبل شهرين كنت اكتب خايفه من مستشفى الدوادمي وكان الخوف في محله ذبحو ولدي بطني وفق هذا كان بيذبحوني لما جاني نزيف مااقول غير حسبي الله عليهم خاصه دكتور الغفله مدري الي يسمونه استشاري محمد حق النساء و خاصه الي اسمها دكتورة سلوي حسبي الله عليكم حقي باخذه ان شاءالله وحق ولدي الي ذبحتوه يعني جايبه لكم تقاريري ان لازم عمليه بس شوفت النفس ماخلتهم يناظرون بتقاريري

بختصار لاذمه ولاضمير ولا حتى احساس في المريض

قربت على السنه وانا للحين نفسيتي تعبانه بعد الي صارلي بمستشفى الموت الدوادمي الله ياخذكم يالاستشاري الغفله محمد والدكتوره الي اسمها سلوى حسبي الله عليكم دنيا واخره مااسامحكم لان تقاريري كانت عندكم ماقريتوا الاوراق وانا كنت اقول لازم عمليه لكن رميتوها حسبي الله ونعم الوكيل حسبي الله ونعم الوكيل عليكم

مستشفى فاشل بمعنى الكلمه تخيل معي المريض/ه انك في المرر الساعه 3الفجر و يجي حارس البوابه و يتفل في ممر المرضى الي يجب ان يكون معقم و الدكاتره الساعه 3 ايضاً خارج المبنى الدكاتره (يدخنون و يسولفون) هل هاذا يرضى الشعب؟ و يوضفون ممرضه طرمى؟؟ اداره لا تعلم ما الذي يمر به المرضى و الادويه لا يوجد منها الى قليل يجب ان يصل هاذا الكلام الى المدير الذي يستلم راتبه و وهو في بيته لا يفعل شيء؟!

فاشل بمعنى الكلمة الممرضات في الطوارئ من الجنسية الهندية سواليفهم تصدع الرأس ونفسيات وكذلك الطاقم الخارجي كل ما سألت أحد عن شيء قال ما أدري سميته مستشفى ما أدري

حطيت نجمه بسسس عشان اكتب الدكتورات السودانيات شايفين نفسهم حيل اختي بتموت بين يديني وهي تقول لي توني جايه انتظرني يعني ودها تجلس وترتاح والناسس تنتظر وفوق ذا تنافخ حسبي الله ونعم الوكيل على كل الطاقم الاداري الله يجعلكم تذوقون مانذوق واكثرر

وش هالمستشفى الطوارئ مافيه الا ممرضه وحده بس يجي الواحد تعبان ويضطر ينتظر ١٠ اشخاص قدامه عشان الممرضه بس وحده واذا سألنا وين الباقين قالوا مشغولين ناهيك عن التنظيم السي ومافيه خصوصية المريض يجلس والعالم كلها تسمع حالته ولا بعد يعطونه توصيات

الحالات متزاحمه والدكتور السودانيه بالغرفه كل ما حبت طلعت ورجعت والممرضات مافيه احد
معامله سيئه تشكف الدكتور على الناس بالسماعه وهم واقفين
بعد مده طويله تجي ممرضه سعوديه يمكن هي الوحيده الرائعه فيهم معامله واخلاق جميله جدا هذا للامانه

أسوأ مستشفى على مستوى المملكة
سوء إدارة وسوء تعامل وموظفين
لدينا جنازة بالمستشفى ونحن 3 أيام نراجع ولا حياة لمن تنادي ويتعذرون بنهاية الدوام وهم أصلا لا يداومون.
مغسلة الموتى إسمها فاطمة طلبت 1500 ريال لغسل الميت وطالبت بضرورة إحضار حرمة من أهل المتوفية لحضور الغسيل، رغم إخبارها بأنهم ليسوا من أهل الديرة ولا يوجد معهم إمرأه وأن الوفاة في ظروف الوبائيات لا تتطلب مرافقين والمتوفى مصاب كورونا.

لوفيه تحت الصفر نجمه لاكن ما اقول غير حسبي الله ونعم الوكيل

كنت اقراء دايمآ التعليقات واستغرب من زيادة نسبة من يقولون مقبره وليس مستشفى
(قصتي مع مقبرة الدوادمي العام.
وليس بمستشفى الدوادمي العام)
بعد ما تعب علي والدي رحمه الله
اغلى انسان على وجهه الارض عندي
ادخلته هاذا المستشفى وصار عندهم اخطاء بقسم التنويم ثم العنايه المركزه وكل ما سالت عنه قالوا والدك طيب ونفس الكلام والدك طيب والدك طيب وجاه ٢جلطات ونزيف داخلي بالعنايه وهم يقلولن واللدك طيب
توفى واللدي بسبب الاهمال الطبي وبسبب اهمالي انا
اهمالي انا الاني المفروض اني ما دخلته هاذا المستشفى
هذا مقبره مقبره مقبره مقبره مقبره مقبره
و ليس بمستشفى

تكفون ثم تكفون ثم تكفون
اي احد يمرض عنده احد يعزه ويغليه يوديه مستشفى خاص او يوديه مستشفى غير مستشفى الدوادمي

نصيحه ما ابيكم تتعذبون وتذقون ما ذقت انا

رجوكم ان تسمعوا كلامي اذا عندك مريض عزيز عليك وغالي عليك
وده الرياض

ما اقول غير حسبي الله ونعم الوكيل

على من تسبب في وفاة ابي دكتور العنايه د. شوقي مصطفى

مستشفي الدوادمي من المستشفيات العريقة والتي تم نقلها الي الموقع الجديدة الحالي وهو قمة في التنظيم ومغطي محافظة الدوادمي بالكامل

الطوارئ يحتاج الى طوارئ وتدخل من الوزارة
عبث ولايوجد انضباط من الأطباء والممرضين وغالبا يكون الإستقبال والمكاتب خاويه والمرضى ينتظرون واقفين بلا مساعدة.

مستشفى الدوادمي سىء الى اعلى درجه ، الدولة حفظها الله تدعم القطاع الصحي وتدفع المليارات ، لكن في هذا المستشفى لاتجد الا اطباء اكل الزمن عليهم وشرب ، اعمارهم في الستينات واكثر. تشخيصهم خاطي ، المهنية شبهه معدومه ومراعاة حاجة المريض صفر ، الادارة تبذل الجهد لكن اعتقد انها تواجه عقبات في ذلك ، مستشفى يخدم قرى عديده وامم هائله ، لكن يبقى الخلل في اهل المنطقة لماذا لا يطالبون بالافضل. انظر الى مستشفيات القصيم ستجد بانهم سبقونا بمراحل كبيرة في الطب والعناية والاهتمام. وكلنا نتبع لوزارة واحده. لكن ربما الناس في الدوادمي تكاثروا بشكل مهول ووجب التخفيف من ذلك لكن مانقول لاهل المنطقة سوى موتوا بصمت
والمسؤلين حسبنا الله ونعم الوكيل

ماعندي تعليق على سوء الخدمه المفروض يتوفر طاقم طبي وعنايه للمرضى افضل من كذا نجمه وحده خساره في هذي المهزله

الإسعاف لايوجد مدير سعودي يحل مشاكل المرضي
بعض الممرضين يتهربون من المرضى وعملهم
والأطباء مايقدرو ا يسوى شي
يوجد إهمال بالطواري
ملاحظة ثانيه يحطوا طبيب جديد وحده ليس لديه خبره مثل الطبيب النيجيري

سلام عليكم ورحمه الله وبركاته.
مرسلين لكم. ايمل اخوي حاله طًارئه من مسشفى ساجر لهم ثلاث ساعات ماجى رد

تدرون وش المشكله بمستشفاهم اول شي الشياب الي فيه متمركزين وماسكين على النظام الاول مافيه احقيه للجيل الجديد
ثانيا يتعاقدون مع دكتور مده طويله ولا يقدرون يسوون له شي
ثالثا التمريض والخدمات الصحيه محدووده جدا لصعب علاقتهم بالوزاره ماتعطيهم الا كل 6 اشهر اضن
احس اني داخل مركز شرطه
يبون يتحسنون لاكن مخالفتهم.
مافيه قوه توفر جميع الملتزمات للمرضا والاطبا والعنايه
بالمريض اقول لو يحولونه خاص افضل عشان يوفرون فلوس ويحسنون من مستوا. مركزهم.

هذا مستشفى الدوادمي من تاريخ إنشائه افشل مستشفى بالخليج كامل ولا يتنازل لأي مستشفى بأن يأخذ محله في الفشل
وعندهم شئ غريب من يوم ماعرفته الولادة عندهم لازم يجي فيها وفاة يا الجنين يا ام الجنين والأكثر الأم الي تلقى حتفهااا. وكثير من الدكاترة بعد زيادة الوفيات يكتشفون ان شهادته مزوره واخص الجالية السودانية
حسبنا الله ونعم الوكيل

رحت لهم عندي استفراغ والم في الجنب الشمال قالو نزلك معوية ورفضو إجراء أشعة التأكد من المشكلة. رحت بعدها لمستوصف الزقيحان سويت إشاعة وطلع عندي 2 حصوات ف الكلية الشمال

مستشفي ينقصه بعض الاطباء وبعض الاجهزه وبعض التحاليل لاتوجد عنده يلجاء المريض الى المستوصف الخاص يحتاج أشراف قوي

حطيت خمسه بس علشان شخص م شاء الله لاقوة الا بالله فعلاً يخدم جميع المرضى بصدر رحب وابوي م يجي المشفى الا يتصل عليه والكل يثني عليه معنوه ماله دخل تواجده وشغله بالمختبر اما هو اتوقع جديد اشوفه في كل مكان ويساعد ذا وذا اهنيه بكل صدر رحب ودعواتي له والله بكل سجده بصلاتي لان هذا اللي اتمناه لنفسي بعد اخدم الغير لوجه الله كلامي كثير لكن بذكر اسمه واشكره
<< من لا يشكر الناس لا يشكر الله >>
شايع شليويح الحزيمي
- - -> اللي يوافق ع كلامي يحط لايك

حسبي الله ونعم الوكيل فيهم واحد واحد ابوي ماّت فية وامي بعده بسبوع ' مستشفي فاشل وكادر طبي فاشل ياكبر المستشفي وياصغر العقول اللي فية ،، في ذمتهم ليوم الدين هم ومن كاًن السبب وحسبي الله ونعم الوكيل حسبي الله ونعم الوكيل،،

منجد انه مسلخ حسبي الله ونعم والوكيل فيهم
الله لا يوفقهم يارررب
التعامل
النظافة
العنايه في المرضى
أبداً انا ما انصح اي احد يروح له
والله العظيم
دخلت له وانا في الشهر الخامس تحرك حركة الجنين شي بسيط
على طول قالوا لي تسقيط
رحت مستشفى العسكري برياض وقالوا كل شي تمام الجنين والنبض
وكل شي
بالله الي يعرف كيف اقدم شكوى يعلمني

اسوء مستشفى طاقم لامبالي ولا يوجد لديهم مسؤليه ولا اهتمام خصوصا الممرضات السعوديات للاسف لا يفقهون اي شي في العمل الصحي لدرجة ان مغذيه مايعرفون يركبونها الا بمساعده من الممرضه الفلبينيه انا مستغرب كيف تم توظيفهم في مستشفى حكومي اتمنى من الوزاره اعادة التعاقد مع الممرضات من الهند والفلبين كما كان في السابق ممرضات اكفاء وعارفين شغلهم صح حسبي الله عليهم (قسم الطواري)

صراحة رعب مستشفى الدوادمي! لغتهم غريبه بين بعض تحس انهم بياكلونك! وخدمتهم سيئه بالمرا وفيه تستر واخطاء وفزعه بين بعض والضحية المريض مانقول غير الله يصلح الحال

من اكثر المشافي جهداً في العمل وأسوأ الإدارات. يحتاجون دكتور في الإدارة وطاقم ذو كفاءة يحقق خدمة تليق بالجهد وكثرة البيشن عندهم. لأنهم سيئين. كل التحية

المواعيد في قسم الباطنية تحتاج إلى شهر أو أكثر وأوقات لا يوجد حجز.

يحتاج المستشفى إلى أطباء اكفاء في كل التخصصات.

ذهبت بالوالده لقسم الطوارى جلست ساعه وهي مريضه القسم مليان مرضى ومافيه الا ممرضتين فقط وطول الوقت مشغولات والاسره مافيه اسره فاضيه كله مليان اتمنى يعملوا غرفه ثانيه وتكون لطواري النساء ويزيدوا عدد الممرضات الوالده تعبانه معها سكر وضغط وجلطه قلبيه وتاخذ مدر والحمام موجود بالغرفه لكن ماتقدر تستخدمه من الرجال اللي يزورون اغلب الوقت في الغرفه ويزعجونا ويستخدمون الحمام والله مسخره اضطريت ادور بامي بالاسياب عشان ادور لها حمام بعيد عن الرجال ياليت يكون وقت الزياره وخصوصا للرجال في اقسام النساء ساعه وحده فقط مراعاه لخصوصيه النساء المريضات