Dallah Hospitals - Alnakheel

من أفضل المستشفيات في الاستقبال والمواعيد خدمة محترمة ومرنة. ممرضة المختبر عيادات السكر امل الطرير. يد خفيفه ماشاء الله ماحسيت. وماحاست ولا بهذلتني. الاسعار تعتبر مرتفعة
في كل مرة اراجع هذا الصرح تاسرني نفوس ابموظفين ورصاهم ورحابة صدورهم في جميع الاقسام وخدمتهم السريعة المتقنه فاعرف وقتها ان الادارة لها دور كبير في ذلك من اهتمام ومتابعة بحب ورقي فانعكس على الكادر

تجربتي كانت مع جراحه الوجة والفكين عند الدكتور صقر أتمنى منه المرونه أكثر ف الإجابة عن بعض الاسئله عن حالة المريض دون تذمر وعدم تقمص شخصية لاتليق بمهنة الطبيب التي من المُفترض ان تكون إيجابية أكثر

بعض الاطباء كويسين
بس المستشفى للبهدلة والمرمطة
كل ما اروح انتظار بين موافقة التأمين وسوء تنسيق تقول الموظفة طلعت موافقة واروح الصيدلية اجيب الدوا تطلع مافي موافقة بعد انتظار طويل
واكلم التأمين ويقول قي موافقة وماطلعت عندهم عالنظام
وكل موظف يقول شي

تجربتي في قسم النساء والولادة
متابعة حمل وولادة عند دكتورة عوضيه
الدكتوره رائعه جداً ومتعاونه ومتفهمه وعندها تقبل لجميع الأسئلة والاستفسارات وحريصة جداً على نفسية المراجعة, تقدر وقت المراجعة وتعطيها وقتها كامل, ماتستعجل أبداً وترفض الانتقال للقيصرية بلون مبرر طبي تحاول بالمراجعة بالولاده الطبيعية مادام الوضع يسمح وتدعم الولاده الطبيعية بشكل كبير.

أتمنى بعض الطبيبات بالمستشفى يحذون حذوها بالتعامل.

أيضاً قسم التنويم متميزين وتعاملهم أكثر من رائع.

وصلنا طوارىء المستشفى الساعه ٩ وزوجي حرارته ٤٠
ساعه ونص بالانتظار ماحد عطانا وجه
حسبي الله بس بكذا خدمة سيئة

اسواء دكتور استشاري أنف وأذن وحنجرة ماهر قباني سيء بكل معنى الكلمة. لا استقبال ولا تشخيص. دخلت عليه مع زوجتي تعاني مشكلة في الأذن وكلمتين وبدأت الطلبات والتحاليل كشفه ب 360 تقريبًا وطلب مني تحاليل ب 660 ريال.
فتركته ورحت لأخصائي بمركز النبراس الدكتور حمادة الشيخ وب 55 ريال تقريبا تم الفحص والمعالجة وخرجنا بفضل الله مرتاحين بأخلاق الدكتور والفحص والتشخيص والعلاج وتشافت زوجتي بفضل الله وحده.

Doctors are unprofessional and not honest. I have visited few of them now to judge the hospital. All of the doctors are there to make as much as possible from insurance. They don’t really care about your time or health. My advice is go to SMC instead, I found them professional and honest.

المستشفى نظيف و مرتب و تعاملهم راقي
لكن الالتزام بالوقت و المواعيد جدا سيئ
تجي قبل الموعد بربع ساعة و تنتظر بعدها ساعة و زيادة والسبب عطل في النظام ؟
مواكبة التطور و الاجهزة الطبية شي جميل لكن الوقت والمواعيد تحتاج الى تركيز و التزام
تحديث انتظرت ساعتين

مستشفى دلة من افضل المستشفيات التي تعاملت معها وكانت تجربتي مع البروفسور عبدالعزيز الأحيدب متخصص مفاصل الركبة والاربطة وجراحة العظام انصح فيه وبشدة وبصراحة متابعة دقيقه منه ومن طاقمه ولفت نظري نظافة المستشفى وجودة الاكل.

لو فيه نجوم اكثر من كذا حطيتها للدكتورة (نوف آل سعود)
اشكرها من كل قلبي الله يجزاها خير سوت عمليتي ومن اخف واجمل العمليات اللي سويتها روحها جدا جدا مرحه
وتسمع لك للنهايه الله يسعدها ويجبر بخاطرها ويجزاها الجنه

I had a complex shoulder surgery and I felt very well consulted and treated. The care pre surgery and after surgery was very good. Even the food was very well.

مستشفى غني عن التعريف
اطباء وكوادر وعنايه شامله واحترام في التعامل والتجربه كانت مع الدكتور الجنيدل
استشاري لمشاكل الفك جدا ممتاز
وايضا دكتوره نساء يمنيه تعمل عمليات قيصريه جدا يمدحو فيها
والتنويم راحه نفسيه وجسديه وعنايه من والى غير الاخلاق للفلبينيات
واذا نسيت تاخذ ورد لاتفكر لان في جهاز تطلب منه

رحت لدكتوره حنان زمزم تجربتي معاها سيئه جدا جدا
اقولها مركبه مانع تسوي تحليل حمل اشتكي من تكيس تبغى تسوي مسحه لعنق الرحم شففط فلوس ايش فيه!
وغير اني اضرب مشوار ساعه للمستشفى ،تأخرني لمن تطلع النتايج واذا دخلت تقولي بقي خمس دقايق ويخلص دوامي
غير اسلوبها الناشف وتقاطع كلامك وانتي تشرحي مشكلتك عشان هيا فاهمه طبعا بعد ٤ مرات زياره غيرتها ورحت لدكتوره صبا شرحتلي مشكلتي كلها واسبابها وكيف اعالجها بدون حركات الدكتوره حنان

بصراحه مستشفى عريق في قلب الرباض ويكون عندهم اشكاليه في التواصل والوصول لعيادة الغدد والسكر لسؤال عن نتيجة تحليل يأخذ وقت طويل ودون جدوى. يفضل وجود رد ألي او رد سريع من خدمة المرضى وللاسف لا احد يستجيب على الاتصال.

تجربتي سيئة للغاية تم التعامل معي من موظفة الاستقبال بطريقه غير مهنيه ولا يوجد احترافيه ابداً
كما ان اسعار الكشف مرتفعه للغاية مقارنه بمستوى الخدمة
برأيي و بصراحة اصغر مستوصف بالرياض عندهم مهنيه واحترافية اكثر منهم

فاشل فاشل قسم الحضانة و مستشفى سيئ اطلبهم البيبي يجيبونه كاني اشحدهم يعطونياه ، نفسيتي صارت زفت و السبه هم حسبي الله عليهم ونعم الوكيل
ما يجيبونه الا لما ينشف دمك و تعصب مستشفى غررررريب جدًا
لا انصح فيه ولن أكرر التجربه معهم بإذن الله

موعدنا ٢٥ ديسمبر
ودقو علي امس يقدمون الموعد اليوم ساعه ٢ بسبب ان الدكتور بياخذ عطله ويوم وصلت عندهم قالو ما عندك موعد
ودقيت على رقمهم وعطوني اقرب موعد ٥: ٣٠ الغيت الموعد ومشيت

مستشفى رائع واخص بالشكر دكتور معتز العقيل بصراحة افضل استشاري عظام وطبيب خلوق جدا وطّيب ومتعاون الله يعطيه العافية وفوقها يعطيك كامل حقك بالاسئلة كل الشكر له واتمنى له التوفيق والنجاح يارب

د. محمد هلال اسوء دكتور مر علي من يوم ما عرفت دلة اسلوبه وقح و ريحه المكان عنده من اسوء ما يكون و جلسته و طريقته اتمنى يتم التعامل معه او طرده

مستشفى سيء من كل النواحي. الدكتور يصرف لك ٢٠ دواء من سؤال واحد وترجع تقول ما فادوني يصرف لك ٢٠ دواء ثاني الين ما تتعب وتقول خلاص اقعد مريض ولا اتبهذل.

بالنسبة للخدمة العملاء او الموافقات ما تقدر تكلمهم لازم Whatsapp ويردون مرة كل ساعتين وكل مرة يعطونك ربع جواب مافي اي تعاون تحتاج ٣ اسابيع اخذ وعطاء الين ما يفكرون يساعدونك.

تأخير في صرف دواء بنتي من صيدليه المرضى مع ان الدكتوره كتبت لها خروج من ٩ الصباح وانتظرت معها بالغرفه الى ١٢ ظهرا
دون مراعاة للمريض والمرافق

للاسف خدمة سيئة جداً من قسم (الانف والاذن والحنجرة) موظف الاستقبال بعد تسجيل معلوماتي قال انتظر دقايق وتجيك الممرضة انتظرت اكثر من 40 دقيقة انا ومجموعة من المرضى اغلبهم من الكبار فالسن ولا احد جانا رجعت للاستقبال بعد 40 دقيقة اسئلة محد جانا قال طيب روح لقسم التمريض يبلغوك كم امامك دخلت قسم التمريض مافي احد فالاستقبال انتظرنت 10 دقائق ماجا احد رجعت للموظف اللي ماحصلته ولا حصلت اي احد والمرضى المنتظرين معي اغلبهم مشو، لما شفت مامنهم رجى مشيت ولا اخذت المبلغ اللي دافعه لاني ماحصلت احد يساعدني.

المستشفى تحسة من الحرب العالمية الاولى و جربت اسوي موعد عند عيادات الاسنان وجيت قبل الموعد ب ١٠ دقائق لاكن لطعوني زيادة 35 دقيقه وطلعت

مع الاسف طاقم خدمه السنترال فاشل انا من خارج الرياض ادق عشان استشاره وكل واحد يحولني ويصرف عالثاني يعني الواحد عنده شي ضروري مالك خلق وش له قاعدين اذا انتم ماتفيدون الناس!

What a rude reception, what a rude employee (most of them), what a disrespect for patients. How can this people be a part of this hospital that has a good reputation. If these people continue in this hospital they will literally destroy its reputation.

المستشفى ممتاز كمبنى وتقنيه لكن للاسف الكوادر الطبيه ليست بمستوى البنيه التحتيه
تعاقدو مع اطباء عالين المستوى كما يفعل الحبيب

الحمدلله من اول مارحت لدلة لليوم ما ندمت ابدااا بداية مراجعتي كانت للجراحة العامة وكتبت تجربتي من ٩ شهور والان اراجع مع الاستشاري الدكتور فيصل الصافي لعلاج الاورام النسائية والحمدلله ارتحت من معاناتي الام واوجاع وتعب نفسي وجسدي تعبت لسنوات اتنقل من دكتور للثاني ولا ارتحت الا مع دكتور فيصل، يعطي المريض وقته ويجاوب على كل تساؤلاتي اثناء المراجعات والفحص وبعد ماسويت العملية كمان، تعامله جداااا مريح ويشرح كل تفاصيل العلاج المناسب للحالة وبعد العملية يشرف بنفسه على العلاج وتحسن حالة المريض يشهد الله انه ماقصر ابداا ابدااا جعله بميزان حسناته وينفع به وبعلمه ويبارك له وفيه. له كل الاحترام والتقدير والمحبة.
طبعا والبقية ماقصروا اشكرهم على تعاونهم واهتمامهم د. فاطمة ود. لينا وممرضة الدكتور وكل الفريق في القسم النسائي وكذلك قسم الاستقبال والاخوات في الاشعة والمختبر واكيد الممرضات في قسم التنويم بشوشات وحنونات ولطيفات ومايتاخرون ابدا اذا طلبتهم غير متابعتهم لي بانتظام ونسيت اذكر الاهتمام بنظافة المستشفى والمرافق التابعة لها والتعاون من جميع الاقسام والخدمة والرقي في التعامل.
واتمنى دايم يكون المستشفى بهالمستوى ويرتقي للافضل بعد. ويستمر وجود الاطباء الاكفاء فيه والله يشفي مرضانا ومرضى المسلمين
واتمنى كلماتي تساعد وتفيد اي وحدة عانت مثلي ومترددة ومتخوفة تتعالج وتسوي العملية

قليلات ادب موظفات الاستقبال واسلوبهم جدا سي ويتكلمون من طرف خشمهم الي اسمها ميعاد ومي من اسواء ماشفت تقول اسكتي خليني اتكلم وبعدين تكلمي والثانيه اسالهاماترد، وش هالاسلوب موظفات استقبال الاسنان لولا دكتور الكويس الجنيدل ولاكان ماجيت عندهم حسبي عليهم يسدون النفس يعني انا سويت كشفيه وخذا لي الدكتور موعد خلع ومواعيده بعيده وش اسوي ،اجي على موعدي وياخذون كشفيه مره ثانيه ليه. تقول هذا النظام عاجبك ولاتفضلي نشوف غيرك ؟؟؟؟؟

I visited the emergency department of Dallah hospital in alNakheel. I consulted the doctor after paying the fees. After the consultation, I was made to make a payment which I thought was for the pharmacy. But when I had to pay in the pharmacy again, I checked and found that they have charged unnecessarily for two items: Observation room charges and nursing care charges, both of which I did not avail. When I complained they told me that these items are automatically put in the system. This is cheating and charging for services not provided.

نجمه بس عشان اكتب
اول مستشفى يمر علي الدكاتره يكتبون الوصفه قبل يكشف عالمريض!
مريت على دكتور واحد فقط جداً كويس عبدالرحمن الحميزي اذن وانف وحنجره تبارك الله
الباقي يكتب قبل يفحص سوا اذن وانف وحنجره او مخ واعصاب
الطب ذمه وضمير قبل تكون شهاده وارواح وصحة الناس امانه مسوولين عندها عند ربي

راجعت الطوارئ ووضعت لي ابرة لاعطائي المسكن في الوريد للاسف بعد 24 ساعة كان هناك تورم وتجمع دموي على اكثر من 90٪ من الكف. عدت للمستشفى وتعاملوا مع الموضوع ببرود وطبيب الطوارئ يقول عادي وانتظر طبيب الجراحة. لم يهتموا ان لديهم ممرضه لا تعرف وضع الابرة بشكل صحيح! الملاحظ ايضاً ان الطوارئ يتزايد به اطباء من جنسية عربية لم يعرف عنها تميزاً في الطب!

دكتورة (دعاء) في قسم الجلدية ، اسوأ تجربة ، كأني داخلة على حسابها مو دافعة من جيبي ، تتكلم بسرعة مرة مرة وكأنها تبي تتخلص من المريض ، واذا سألت عن شيء ترد باستنكار وكأنها تقول وش هالسؤال الغبي. يعني يا حسافة الوقت والفلوس عليها

تعامل الممرضات سيئ جداً
جميعهم وهذا يدل على خلل بأدارة المستشفى
انت جاي هنا بفلوسك والخدمة زفت
ناهيك عن الجهاز اللي يطن طول الليل ما يخلي الواحد يرتاح

حاب اشارك واعلق واشكر الدكتوره ياسمين ، صارحه دكتوره ممتازه من كل النواحي اخلاق وتعامل وابتسامه ها الشي يطمن المريض واهله صراحه وتعطيك التفاصيل والشي الهمهم وتوصل المعلومه.

الله يجزها الف خير على عمله

اليوم جيت موعدي الساعه 12 الحين الساعه وحده واربعين دقيقه ولم ادخل على الدكتور انتظار ساعه واربعين دقيقه هذا وعندي موعد. مستشفى لا يحترم المواعيد!

الاطباء كفاءة وممتازين. و لكن المبنى مهمل والمكيفات لا تعمل كل الغرف حر ، وفي اهمال من قبل طاقم التمريض

اسوء قسم في المستشفى هو قسم الأسنان وكذلك الموافقات الطبيه بصراحه سيئة جدا جدا ولايراعي ظروف المرضى للأسف تأخير في طلب الموافقات لشركات التأمين حيث دخلت على الدكتور عمر الجنيدل في تمام الساعة ١٢ ظهرا ولم يتم ارسال طلب الموافقه الا الساعة ٢ ونص بعد أن اشتكيت عدة مرات ولم أجد اي اهتمام

لحق الحبيب بالاستغلال من ٣ اسابيع والولد حرارته مو راضيه تنزل ومره يقولون لتهاب حلق ومره التهاب لوز ومره لتهاب اذان وعلى مضاد رايح. رايح ومضاد جاي الدكاتره في طواري دله انا شاك بشهاداتهم

طبيبة الاسنان: حصه
انصح الجميع _ اهرب منها هروبك من الذئب

سوء تعامل زائد سوء عمل

اسوأ شخص في المستشفى ككل

خدمة التقارير الطبية و الاجازات المرضيه سيئه جدا
تقرير طبي يحتاج لاكثر من 20 يوم ولا يردون على الواتس اب!

يعجيني اللي بس يطلع اقتراح له المستشفى يعلق ان المستشفى عظيم ومدري وشو الله يعافيك اذا ماخظت تجربه داخل المستشفى لاتحط تقييم
انا في تاريخ نشر هذا التقييم داخل المستشفى اغلبهم زي بعض واذا تميزو بشي ينقصون من الثاني عندي موعد عمليه لولدي الله يحفظه يقولون الساعه 2 الظهر والحين الساعه 5 وهو صايم من 7 الصباح مو قادر يتحمل تروح مكتب الدخول يقلك روح علاقات المرضى تروح علاقة المرض يقلك مو عندنا في المبنى الثاني تروح المبنى الثاني يقلك روح مدري ووين اخلاصه كلهم ماعندهم أخلاقيات المهنه الله المستعان بس يدفعوك فلوس وخلاص يلعبون فيك

مستشفى دلة مستشفى يفوق الوصف ممتاز جداً وفيه كوادر طبية ممتازة مستشفى والله الشاهد طبي فعلاً وليس استغلالي مادي يعني يراعونك ويخافون الله فيك والله ليست من تجربة واحدة بل من عدة تجارب واحب اشكر شكر الجزيل للدكتور عدي الحربش هو من ضمن الدكاترة الاستشاريين اخلاق عاليه وعلم واشكر مستشفى دله وادارتهم وترتيبهم وموظفينهم فعلاً مستشفى طبي وصرح عظيم يستحق التقييم ويستحق ان نقول شكراً لكم

زحمة والمواعيد شبة بعيده وغير مرنه مع المرضى ومواعيدهم مع الأطباء! الواحد يدفع فلوس ولا يلقى مقابل في الخدمه

انتظرت عشان ادخل على دكتور التخدير اكثر من ساعتين شي مقررررف لانهم ماحطو مواعيد لازم يغيرون نظامهم او يوفرون دكاتره ندفع فلوس وننتظر ساعات وياليت عاد دورات المياه اذا دخله الواحد تفتح النفس خياااس ولا فيه مطافه

كل الشكر والتقدير لدكتور أحمد جمال اخصائي الأطفال دكتور مميز تشخيص و وصف حالة الطفل بكل دقة شكرا مستشفى دلة على مثل هذي النماذج المشرفة
ونصيحة لكل القراء الحرص على ان يكون الدكتور
أحمد جمال هو من يشرف على حالة ابنائكم

لازم يحولونك ع الطواري عشان تحلل لابنك ٨٧٥٤ مره وبعدها يسمحوا لك تكمل الاجراءات بعد تحليل اموالك واستغلالك

مستشفى دلة غني عن التعريف فهو يضم جميع التخصصات الطبية
يوجد بعض الاطباء متميزين في مجالهم
ويتميز بوجود طوارئ للاطفال
وقسم الولادة
المستشفى متكامل في الخدمات
ولديهم الاهتمام الكافي بالمرضى
يوجد مواقف خارج المبنى
الاسعار فوق المتوسطة للدفع الكاش
ويوجد خصومات لبعض بطاقات التامين

اجل مستشفى اطفال طول وعرض والمشكله العظمى انه للاطفال ومافي مكان لتغيير الحفاض او غرف غيار او طاولات غيار بداخل دورات المياه اعزكم الله
خلال الشهر الماضي
راجعت المستشفى ٣ مرات مع طفلي الرضيع واضطر في كل مره اغير له لكن للاسف لم اجد مكان للتغيير
غرف الانتظار مكتظه بالمرضى فاضطريت اغير له بالممر
//. ومره ثانيه بعياده الدكتور كان يكشف عليه واضطريت اغير له لاني عارفه لو طلعت مافي مكان بقدر اغير له فيه
///والمره الثالثه غيرت له بغرفه الانتظار والعالم يميني ويساري والكل يطل علينا

والقهر انه مستشفى اطفال ولايخدمهم

المستشفى معروف لكن المشكلة في حال الزحام ليس لديهم القدرة على تسيير العمل في حال الزحام
غير منظمين ولا يوجد أرقام.
مستشفى مثل دلة المفترض يكون من المستشفيات السباقة في التنظيم والترتيب.

مستشفي مادي و الاداره زفت الى يبغي ينسرق ويموت يروح لهم مااقول الى حسبي الله ع كل شخص مايقوم بعمله

من اسوأ المستشفيات الي تسوي فحص كورونا فيها ، سويت فحص ب ٥٠٠ ويقولك النتيجه بعد ساعتين والان لي ٦ ساعات ولا طلعت النتيجه.

من لايشكر الناس لايشكر الله شكرا من كل قلبي لدكتور عبدالله الضحيان على تواضعه وعلى اهتمامه المميز في المريض وعلى كل شي سوت الوالده عنده عملية التكميم ويشهد الله علي انها مرتاحه ️️️

الله لايححللهم يعني فوق دافعين 2000 وعليها ويطلع في الوالدة ورمم ويقلون مافيها شي ويوم راحت مستشفى ححكومي ويطلعون معاها ورمم وناخذ الاشاعة من مستشفى دلة ونوديه للحق الاشاعة اللي كشف على الوالدة الحكومي ويقول واضح الورم كيف يقولكم مافيه شي ازبل مستشفى اقسم بالله

اشتهي والله ما اقيمه ولا نجمه الى ولدوتنى طبيبه متدربه و اقولها ابي دكتورتى وتطنشني و الغرفه الممرضات سيئات وكل همهم كم تعطينها وش تعطينها اكل ولا حلا ، الحكومى ارحم واذا قلت لها لا تتاخرين قالت سوي شكوى و الدكتورات مكياج و عطور مو مهتمات انو فيه مرضا و ناس عندها جرح ويدخل عليك الف دكتوره متدربه و كذبه الاستشاريه بس تشوفيها بالعياده لا تجيك وقت الولاده ولا بالغرفه رامينك على المتدربات دفعت ب24 الف الصفوه على اساس بلاقي خدمه من جاء وقت الولاده انسحب على كله كذب بالمتابعه فى العياده بس تلاقي ستشاريتك غير كذا يسحبون عليك

سيء لابعد الحدود والدكاتره مستواهم سيء جداً وبعد معالجتهم لوالدتي بشكل فاشل وغير محترف مستحيل ادخل هالمستشفى مره ثانيه. والله الي يبي صحته لايروح لهم.

تعامل سئ من الطبيب علي محمد علي جراح المخ والاعصاب السعودي وتصريفنا بأسلوب غير مهني
اخذنا الموعد قبلها بشهر وجاين من برا منطقة الرياض وانتظرنا اكثر من ساعه وبالاخير يعاملنا معامله سيئه مهما كان هو الطبيب المقروض يشخص المرض
والله حتى نجمه خساره عليهم وح اقدم شكوى كمان ل ٩٣٧

مستشفى متكامل وبه جميع التخصصات الطبيه كنت بزياره مراجعه للوالد شفاه الله ووجدت الحرص والاهتمام بكبار السن

حولتني دكتورة المسالك البولية لدكتور مسالك بولية و طلبوا دفع مبلغ الكشف مرّه اخرى (دفعت مبلغ كشفية بس عشان تكتب لي تحويل) حسبي الله ونعم الوكيل

تجربة سيئة و لن تتكرر باذن الله

التاخير في الدخول للمختبر والاشعة خدمة قبول وموافقة التامين سيئة دائما فيه مشاكل معاهم خدمة دخول الاطباء ممتازة الا نساء والولادة دائما في تأخير

ممتاز افضل من المبنى القديم والاستقبال رائع فرق كبير عن ماسبق يبدو أن الادارة ممتازة
يوجد د مأمون والمواعيد مرتبة

كان من افضل المستشفيات بالمملكه من ناحيه انظباط العمليات التشغيليه operations و قله الاخطاء ، لكن بدأ في المرحله الاخيره بالتغيير لطاقم عمل مختلف مستجد و يبدوا اغلبهم تحت التدريب او محدودين تأهيل ، و من وجهه نظري كأحد عملاء مستشفى دله ، انه هذا سبب ملموس وواضح بتدني جوده الخدمات ، كثره الاخطاء ، و فوق ذلك التغاضي عن شكوى العملاء. اتمنى العوده لمجده القديم و الكوادر المتميزه ، الان تقريبا كل زياره للمستشفى تعتبر تجربه مؤلمه و محفوفه بلاخطاء و المتاهات التي تؤثر على مدى رضى العميل. لهذا السبب قررت البحث عن منشأه صحيه اخرى للبحث عن جوده اعلى.

لمسؤلي المستشفى ارجوا البحث عن طواقم لها شغف خدمه المريض ، خصوصا لموضفي التأمين ، الاستقبال ، التمريض ، علاقات المرضي و استقبال و متابعه الشكاوي و الملاحضات. التغيير يجب ان يكون للافضل و ليس للخلف. اتمنى لكم التوفيق و العوده لمجدكم السابق.

Booking and patient management is worst. Dentist check means just visual inspection which is completely useless. We booked for hygienist and they sent for checkup which too is a complete waste of time. Registration took 45 minutes and the check up 45 seconds. Don't recommend at all.

اسواء دكتوره شفتها في حياتي غدير الشيخ احذروها ماديه ومستهترة لابعد حد والله لعبت في الناس الله لايوفقها دنيا وآخره

مدخن من سنين طويلة و عندي تأمين ممتاز، زرتهم لعمل أشعه و فحوصات للرئة، بعد الأشعّة دخلت على طبيب مصري قالي أمورك زي الفل، قلت له لي سنين مدخن. قال لي بإبتسامة ماعندك أي مشكلة، طيب حسسني إني على غلط شي. طبيب إنصحني ع الأقل، تعليمات. طبعاً بعدها صرف لي بخاخات قيمتها حول 500 ريال و قبلها يقول صحتك تمام. المهم عندهم شفط أكبر قدر ممكن من المراجع شغل تجاري

فعلاً ملتقى الخبرات افضل مستشفى للنساء والولادة في الرياض تعامل راقي ايدي امينة للام والطفل اشكركم بشدة

زرت الدكتور صالح الناصر ونعم الرجل صادق مع المريض ويستمع له بكل صدر رحب ويغطي المريض خيارات كثيره في العلاج وبالإضافة
انصح به لمن لديه مشكله في المرئ او مشاكل الصدر عموما.

المستشفى جميل لاكن فيه دكتوره اسمها انتصار الباكستاني للأسف اوصخ منها مافيه وتعاملها وصخ وحنان زمزم نفس الحاله اشوف انهم مخربين المستشفى في تعاملهم الوحيد المحترم اللي شفته الدكتور محمد ابو رجيله رجل طيب ومنصح للعظام

من واقع تجربة شخصية ومتابعة مع عائلتي للأسف الخدمة والتعامل في انخفاض كبير وأصبح الهدف جمع أكبر مبلغ مالي بغض النظر عن الخدمة المقدمة. نسبة كبيرة من الكادر الطبي يحتاج دورة تخصصية في فن التعامل مع المريض. الكادر الإداري أفضل في التعامل وتقديم المعلومة بمراحل من الأطباء

الدكتور فارس تعامله رائع لكن المستشفى لم يوفق بممرضات حنونات على الاطفال بل العكس سيئات في التعامل وتقديم الخدمات للطفل

Visited once for an emergency. They were very professional and caring. Unlike greedy hospitals, they did not ask for information or money until my daughter was checked by the doctor. The price was reasonable too (compared to other big hospitals). It will be my go to hospital.

اعطيتهم نجمة عشان اقدر اعلق فقط لو فية اقل من نجمة عطيتهم على خدمتهم السيئة هذي رغم انه مستشفى اهلي
١-الممرضين مايتكلمون باللغه العربيه رغم اننا في دوله عربيه كيف رح يوفرون المساعده اذا في شخص مايتكلم اللغة الانجليزية غير انه شخص كبير في السن!
٢-طلبت الممرضين ٣ مرات عشان يوفرون كرسي متحرك اقدر انقل فية اخوي لانة مسوي عملية برجلة جلسوا ساعة بالاخير جايبين كرسي عطلان! ، اخوي اضطر يمشي بالعكاز باليوم الثاني له بعد العملية! ، و الممرضين يتفرجون ولا احد جا يساعد!

ناصر فقيه استشاري مسالك بولية

تعامل سيء ، استقباله سيء ، يكلمك من طرف خشمه ، ولا يعطيك وجه ، ولا يبغاك تسأله

أنصح بالحجز عند الاستشاري العراقي أو المصري هم المحترمين

للاسف وديت ولدي مستشفئ دله
(لدكتوره نجلاء زيتون)
عياده اسنان الاطفال الدور الثاني المبنئ الشمالي
وقلت لها يحس بالم بالسن اذا شرب مويه بارده ،، توقعت بتسوي اشاعه وتاخذ اجراء السن عصب او تنظيف
لاكن للاسف سكرت الحشوه السن وقالت تعال الموعد الجاي اسوي له اشاعه
طيب يادكتوره ليش احجز موعد وانتظر وبالاخير تعال موعد ثاني
قسم بالله استغلال كشفيه وعلئ الفاضي ،،

وبالاخير طلع مو انا لوحدي مثل هالحاله
للاسف ما انصح فيها ابداً

عيادة حنان زمزم سيئة لا علم وخلق وكذالك الممرضة جدا تعبانة ما تعطي حق الاستشارة الله لا يوفقهم وين المتابعة عنهم لا ذمة ولا ضمير

تعامل لطيف جدا خاصه موظفين السعوديين والدكاتره
يفتقر للتنظيم وخاصه التاخير في الدخول للموعد
لايوجد تنظيم لايقارن بمستشفى الحبيب

انا كنت مرافقه بتنويم الغربي وجت الوالده زياره ولا عرفت مكان الغرفه وكانت بمبنى الاطفال و كان اسلوب موظفة التنويم اللي هناك بالدور جداً رائع ومتعاونه مع امي ولانها كبيره بالسن راحت بنفسها معها وصلتها لعندي للمبنى الغربي اشكرها من كل قلبي انسانه راقية جدا بالتعامل واخلاقها اروع لا اذكر اسمها لكن اذكر عائلتها الشهري راقيه جداً، اشكر دله ع اختيار موظفينها

اخطاء في عمليات الولاده كتبت التعليق ومسحوه. لن اكرر عملية الولادة لزوجتي يهتمون للجنين فقط اما المراة وهي الاهم التي سوف تلد وتملك الجنين تجاهل تام. لا انصح بهم. I do not recomend this hospital i will not repeat it

سيء جدا قسم الولاده اطلب الدكتوره ترسلي الممرضه قوليلها ايش تبي… وفيه دكتوره مصرية سيئة التعامل وتهاوش ولاهمها نفسية الحامل … الغرف مبلغ وقدره الثلاجة حتى مويه مافيها…. لن اكرر التجربه سيئه جدا … اضطريت احط نجمه عشان التقييم ولا مايستاهلون ولا نجمه…

كل شئ رائع … اطفالي يراجعون عنده لكن مشكلتهم من سنييين ماتغيرت وهي التأخير في المواعيد حتى لوجيت قبل الوقت بساعة ما ادخل عالوقت

تجربتي مع دكتوره فدوى عبد الرحمن الصراحه الكلام قليل فيها دكتوره شاطره وممتازه جدا وغير كذا اخلاق وادب وطويله بال وقت الولاده تطمنك وتهديك حتى بعد الولاده جلسنا نمزح ونضحك راحه نفسيه صدق راجعت معها في جميع ولاداتي ولا افكر اغيرها

الدكتور طارق الصرفندي جدااا ممتاز وصبور ومايخوفك ويشرح لك كل شي رح يسويه بالضبط دكتور اكثر من رائع الله يوفقه خلعت عنده سني العقل عام2018 ورجعت له خلع الثاني طبعا اسناني تجي مدفونه يعني جراحة حبيت احط تجربتي وافيد الناس

أسعاره مبالغ فيها بشكل كبير. على أيش؟؟
علشان كبره ليش انا بسكن فيه.

من شفت الكشفيه ب 360 وانا غاسل يدي

تمنيت في أقل من نجمة لتقييمهم

الدكاتره فيه كويسين، لكن كمبنى واستقبال كأنه مستشفى في الدول النائيه.
طبعاً خصوصية المريض معدومه عندهم ، اذا رحت وجلست في الانتظار وصار وقت دخولي تنادي بصوت عالي الاسم الثلاثي! كل الشعب درى اني في اليوم والوقت الفلاني كنت اراجع في المستشفى!
تعلموا شوي من مستشفى الحبيب يقولون الاسم الاول والثاني! ماله داعي الاسم الكامل!
طبعاً غرفة الكشفيه اللي قبل الدخول للدكتور ، جهاز الضغط خربان وجهاز الطول والوزن مخلينه على الباب علشان مايتسكر الباب وطبعاً أنا صايره فرجه للرايح والجاي!
وإذا كلمتهم وطلبت تحويلي لقسم معين يعطوني رقم التحويله وانتي دقي، وطبعاً مستحيل أحد يرد عليك ع الاتصال!
اتمنى يكون فيه تنظيم وترتيب لأنها معدومه، والأهم (خصوصية المريض)

للاسف مافيه التزام بمواعيدالمستشفى انتظرت ساعتين بالظبط عند عيادة العظام واذا عندك تامين تروحين للصندوق الموظفه تقول ماعرف كم خصم واتصل عليهم ابي اغير موعد الاشعه للاسف مايردون والاستقبال يقولون مانقدر من عندنامافيه اي تعاون هذي صور لعددالمكالمات لهم وللاشعه

والله للأسف الطوارىء فشل ذريع والنظافة الأجهزة التعقيم أي كلام والدكاترة ماشفنا اهتمام بالمريض نفس المستشفيات الثانية. ماتوفقنا فيه سادس مره لقربه من المنزل وآخر مره بإذن الله.

للأسف خدمة العملاء نظامهم متعب. تتصل تبي المختبر ما يحولونك هم يعطونك رقم تسجله وتتصل انت
تبي عيادة يعطونك رقمها
ادارة يعطونك رقمه
وهكذا
يا ليت يعدلون هذي النقطة وشكرا

لو فيه اكثر من 5 نجمات كان اعطيتهم. ولادتي كانت عندهم رغم اصراري اني ابي اولد قيصري الا انهم كانوا رافضين و يحاولون فيني اولد طبيعي ،، كل شوي داخله علي دكتوره تتطمن و الممرضات كل شوي عندي وقت الطلق ،، وقت الولاده كان في الغرفه ثلاث دكتورات من ضمنهم دكتورتي ال دكتوره نضال الله يسعدها ،، الجناح الملكي نظيف ومرتب والخدمه ممتازه

اسوء طاقم تمريض بالمبنى الغربي جناح ب مافي اي خبره ولا نظافه ولا اهتمام بالمريض. يلعبون بالبيشنت لعب بدون رحمه. تعامل سيء مافي اي تقدير لنفسية المريض بعد خروجه من العمليات. تعامل الممرضات يعطي انطباع سيء للمستشفى كامل. يشتغلون بدون قلفز ولانظافه اناديهم يطنشون. مافي اي شي ايجابي الواحد يقدر يذكره خلال فتره اقامة المريض بالمستشفى.

للأمانه انا ماجيتهم الا زيارتين للدكتور احمد الناصر استشاري العظام دكتور خلوق ونفسيته جميله ويستمع للمريض بأدق التفاصيل شكرا من القلب دكتور أحمد اهنيكم مستشفى دله على وجود دكتور احمد ضمن الطاقم والكوادر الموجوده شكرا للاستقبال تعاملهم جميل وشكرا لكم

مستشفى سيء جدا جدا تأخر فظيع بالمواعيد وعدم اهتمام وأولويه لكبار السن. لا انصح ابد بالزياره
Very bad Hospital regarding appointments and times
No seniors priorety

Nursing staff are nice. However, the doctors at the emergency seems to be tired and sick of their jobs. I saw a fight between a doctor and patient because they took some type of picture.

I’m shocked why there is no water to drink! Even they ask the patient to do for ultrasound scans! I had to spend time looking for change to get water.

I’m doubting to give two or three stars

الدكتور خالد القحطاني انف وحنجره سويت عنده قبل ثلاث سنوات عملية ازلة اللحميات وحسرت تكاليف العمليه + كشوفات + اشعة مقطعية وغيرها من الادويه مابعد العمليه واخر شي عمليه غير ناجحه خسره ع غير سنع وليته سوا اعاده للعمليه وتحمل النتيجه هو كان تعذره بالعكس ذهبت لمستشفى اخر وخسرت لكن الحمد لله الامور طيبه لكن بالاول والاخير حسبي الله على الدكتور خالد القحطاني وماخسرته في العمليه وغيرها بسبب اهماله والله لا يحلله ولا يسامحه وفي ذمته الى يوم الدين

مستشفى عبارة عن طاقم طبي يحب السوالف وطاقم استقبال اغلب وقته برا المبنى ويسولف بعد.
نجمة وحدة للطاقم التمريض للامانة لايعلى عليه

عندهم طبيبة باطنية وامراض دم اسمها وهيبة. انصح بعدم زيارتها. تعاملها سيّء- صوتها عالي-تخطيء في قراءة التحاليل

مستشفى ممتاز ، خدمة المواعد منظمة وسريعة ، خدمة العملاء تعاملهم راقي والأطباء الموجودين واضحين معك بخصوص حالك الطبية ، إضافتا الى ذالك مستشفى عريق تاريخه يشهد له،
تحياتي"

مكان نظيف ، في عيادة الإسنان ، لكن فترة انتظار طويلة جداً من الساعة 1 ظهراً حتى الساعة 5 عصراً ، لكن بعد الدخول على الطبيب و وضع الخطة العلاجية والإعتذار لي ، تلاشى تعب الإنتظار

الأسعار مرتفعة جداً ، إذا بتأمين الله يعينك فما بالك إذا ماعندك تأمين!
مثلاً:
خلع ضرس 800 ريال
معالجة عصب 2700 ريال

اللي يروح دون تحليل واشعه خاصة على حسابه يندم طبيب ياخذ حق كشفيه ويرفض يعطيك حتى جواله يحولك للأشعة زحمة مواعيد ماكنك فلوسك غلاء بعده نطلع مع باب ترفض الأشعة بعد ماتكون دفعت فلوس طبيب دون فائدة رميت فلوسك ورحت الله يعوض

Terrible service is the least I can say! No respect for the patient, they keep you waiting for hours and putting the blam on the insurance company to not being responsive where in fact the request stuck in their department and was not even submitted or brought the insurance company's attention. It is so normal that your request won't be processed until you come and complain.

مستشفى جيد والنظافه ممتازة والكادر بشكل عام جيدين ولكن في بعضهم الصراحة بشوهون سمعة المستشفى انا ما مر علي الل كم ممرضة كانو سيئين ويدهم في ضرب الأبر ثقيلة اما الاطباء ماتعاملت الا مع دكتور الجلديه وكانت جيدة ولكن صديقتي واختي اشتكو منهم

ادق عليهم ثم اجلس اظغط استفسارات يرد الالي بنحولك على خدمة العملاء فجأة يجي يتفلسف علي الرد الالي ان فيه احدث عيادات وكذا وكذا وراح رصيدي وهو يتفلسف ولا حولولي على خدمة العملاء!
وش ابي به يتفلسف علي انا ابي استفسر وحاطين الرد الالي يتفلسف علي. المهم نرجو تحسين الخدمه وشكرا.

خصوصية المريض صفر عندهم
كادر طبي فاشل ومؤهل باقل الشهادات واقل الجامعات
تحاليل نتايج متاخرة وغير متوفره بعض الفحوصات
وتتم مخاطبة المستشفيات الحكومية مثل الملك خالد عشان يحللون! اروح من البداية للملك خالد وأحلل مجاناً!

تبي تختبر صبرك ؟ خذ موعد في مستشفى دلة عيادة الأسنان. فشل في المواعيد محسوبية بعض الأطباء لبني جلدته.
موعدي 12: 30 وصلت 12: 15 ولا دخلت الا الساعه 1 وبعد ماتكلمت مع الإدارة!
جاء بعدي مراجع من نفس دولة الطبيبة ودخل في نفس العيادة ونفس الدكتورة الساعه 12: 30!
كيف ؟
ولمى دخلت تقول انا ماعرف ماهو تخصصي وانا بسافر وبحولك دكتور ثاني اشطر مني الخ!

رسالتي للمراجعين الملتزمتين بمواعيدهم لاتسكت عن حقك نهائيا انت تضرنا جميعًا اي تأخير تكلم

حسبي الله ونعم الوكيل فيكم

ومازال العرض مستمر
عروض نهاية العام بمستشفى الجزيرة كالآتي
اى مقطعيه سواء بالصبغه او غير ٧٠٠ ريال
اى رنين سواء بالصبغه او غير ٨٠٠ ريال
كشف الاستشارى ١٠٠
كشف الاخصائى ٧٠
كشف الطوارئ ٦٠
حي النسيم الغربي شارع حسان بن ثابت

ازفت مستشفى فرق عن العيادات الثانيه لمستشفى دله صار لي ثلاث ساعات انتظار علشان تجي موافقه طبيه تنويم والدكتوره تقول انتظري واخذت الاوراق انا ابكملها من عند الموافقات الطبيه طلع الموظف للحين ما داوم والدكتوره ماترد كل ما تكلمت قالت انتظري

المستشفى مثل أغلب المستشفيات مزدحم لكن يوجد مواقف مرتبة. تأخرت قليلا في الاستقبال، لكن لم أتأخر في العيادة. قابلت د. أيمن غاوجي في العيون وهو طبيب مريح متميز. الصيدلية مرتبة. ذهبت ضحى يوم سبت.

مستشفى رائد وعتيق، كوادر طبيه قوية من افضل مستشفيات الرياض
فيني انتماء مو طبيعي لهذا المشفى وكنت أتمنى ومازلت اني اتوظف عندهم?
جربت تقريبا جميع الاقسام
الولادة ،، الأسنان ،، الباطنية ،، الأطفال،، الطوارئ ،، الجراحة ،،
مشاكل وتأخر النطق ،،
اثق فيهم جدا و خلفت عندهم ٣ اطفال اصحاء بدون اي مضاعفات الحمدلله جدا سعيدة
طاقم التمريض ممتاز، الخدمة بالليل روعة
? المختبارات مواعيد دقيقة
? المستشفى في قمة النظافة
يصرفون لك ادوية فعلا فعالة مو مثل باقي المستشفيات تعطيك شيء مايناسبك او ماله داعي من الأساس
الاكل حلو و لذيذ واهتمام بكل التفاصيل

شكرا لكم

نجمة عشان بعض السسترات بالتنويم خلوقات بس. بنتي رفضو ياخذون لها قسطرة بقسم الطوارئ عشان اشعة للمثانة والكلى بحجة انها بنت مرتين رفضو دكتورتين بالطوارئ يقولون مانعرف نخاف نحطها بمكان غلط؟؟ في استشاريه وطبيبة نساء وتوليد ماتعرف تميز المكان المضبوط للقسطرة! فيه غلط يامنها يامن المستشفى يجبرونهم على شي مو من تخصصهم حسبي الله ونعم الوكيل بنتي عندها ارتجاع بالبول من سنوات ولاجبتها لدكتور الأطفال عندهم قال التهاب بسيط ويعطها مضادات وعلى هالحال كل مرة نفس الشي الحين عمرها 15 كليتها انتهت الله لايسامحكم غير اخلاق سسترات الطوارئ بقسم النساء والولادة كل وحدة اخيس من الثانية

من اسوء المستشفيات تعامل ولا احط يعبرنا وقت الشكاوي ولدت اختي عند دكتورة احسان اخلاق زفت الفاظها بذيئة تعامل سيء ووقح حسبي الله عليها ونعم الوكيل دكتورة لا انصح ابدا فيها وخلت متدربة تدرب على ولادت اختي الله لا يسامحها حتى المتدربة خافت منها

If you follow up with your doctor for more than 14 days they will charge you for a new consultation even if the doctor requested you for a checkup more than 14 days. It is ridiculously frustrating and a waste of money.

Paid SAR575 for a rapid PCR test which should of resulted in me getting results back within 4 hours. 24 hours later still no message or email. When calling their number nobody picks up. Had to go in hospital to pick it up and found out my name is completely misspelt despite them recording it via a ID.

اسوء مستشفى على الاطلاق ، يموت المريض ما احد خدمك ، في الطوارئ زحمة مافيه الا محاسب واحد و الناس سرا عليه،، مستحيل تقدم خدمة لك الا بعد دفع الفلوس خدمة سيئة جدا جدا ،،للامانة اخت سودانية في الطوارئ كانت متعاونه جدا الله يعافيها ،، الله يبعدنا وياكم  عن المستشفيات

مستشفى جميل جداً اقدر في هذا المستشفى مدير خدمة العملاء الاستاذ: عبدالعزيز الرويلي على حسن اخلاقه وانجازه للمريض اشكره من القلب ️

مستشفى سيئ جداً وخدماته سيئة يزيدك مرض
اذا احتجت تقرير او خدمه او تحاليل فهذي عملية شاقة وشبه مستحيلة
تجربة جداً سيئة

مستشفى ممتاز ورائع واستقبال الموظفات لبق سريعين بالخدمه جدا ولديهم كادر طبي فوق الممتاز تجربتي للاطباء كانت رائعه وتستحق الشكر مثل
د/حامد محمدين للانف والحنجره
د/ فارس الفارس و د/ موفق دياب للاطفال
د/ فدوى عبدالرحمن ود/ مروى الهاشمي نساء وولاده
د / عبدالمجيد العتي قلب اطفال
د/ عبدالمنعم جادو جراحه اطفال
د/ نجيب مدني اسنان اطفال
د/ محمود عوض الله اسنان
د/ وليد الراشد قسم العيون
والمستشفى على العموم ممتااااز كل التوفيق لهم
ويارب يظلون على نفس المستوى ما ينزل مستواهم مثل غيرهم

ممتاز جدا

الدكاتره والممرضات طواريء اطفال من افضل ما يمكن صار لي اتعامل معهم ١٠ سنوات ودائماً راضي كل الرضا

للاسف نشوف مستشفى بالحجم هذا وقوة مالية بالحجم هذا ، بالاخير نشوف ادارة غير مهنية بالتنسيق ولا مع المرضى

Very bad

جيتم في وقت متأخر من الليل. حقيقه. كانو جدآ متعاونين بالأخص. الاستقبال عبد العزيز الفريد وجميع الطاقم. الله يجزاهم خير.

كنت مريض بالقلب وهوا المستشفى الاول الذي اتجهت له ولاكن كان تركيزهم على كيفية سحب اكثر مبلغ من التأمين اكبر من اداءهم الطبي

The most awful hospital ever in the area, nothing good at all. You should have a connection before you go there so they can serve you

مستشفى يفقتر للخبرات بشكل كبير من ناحيه الكوادر الطبية
وكذلك من ناحيه الكوادر التشغيلية
موظفي المختبر سيئين في وقاحه بالرد

مستشفى راقي يحوي بعض الكوادر المميزة الدكتور ايمن غاوجي استشاري عيون ممتاز جدا خلوق امين في تعامله

سي جدا ولا انصح بان المرضي يراجعون فيه لن الموظفين تعاملهم سي جدا والدكاتره تحس ماعندهم سالفه ويصرفون علاجات ترفع الضغط عند المريض وهو الدكتور محمد الحارس ومستشفي الحبيب والالماني افضل منه

مستشفي دله النخيل اتعامل معه منذ اكثر من ثلاثين عام اداره ناجحه وحازمه أوصلت المستشفي ليكون مدينه طبيه

لا يوجد التزام بالمواعيد موعدي الساعه 8: 30 صباحا ومن 8 وانا عندهم ما دخلت على الدكتور الا الساعه 9: 30

عندما يتعلق الأمر باختيار المستشفى،أمر واحد واضح يؤخذ في الاعتبار: نوعية الجودة المقدمة. فتقاليدنا العريقة في تقديم الخدمات الطبية المتميزة والجودة العالية في بيئة مريحة وملائمة لأكثر من عقدين، تعني راحة البال لآلاف المرضى الذين يتلقون كل عام الرعاية التامة من قبل فريق الأطباء والمتخصصين والممرضين لدينا في مستشفى دله.

نحن نركز على تقديم مجموعة واسعة من الخدمات الطبية الحديثة والمتطورة ذات الجودة المتميزة، والتي تتيح لنا تحسين صحة المجتمعات التي نخدمها بكل محبة وتفهم لاحتياجات المرضى وعائلاتهم المختلفة. فنحن كمؤسسة تقدم الرعاية الطبية، نطمح أن نكون الاختيار الأول للناس بين المستشفيات في الرياض وأن نتميز بتحقيق رضا مرضانا، وأن نوفر أفضل جودة ممكنة طبياً وخدماتياً، بالإضافة إلى أفضل الأطباء والمتخصصين والموظفين.

نحن نسعى لتغيير الخدمات الطبية في المملكة بطريقة تؤثر إيجابياً في حياة الناس. كما نعمل معاً، واضعين المريض في أعلى جدول أعمالنا، حيث يكون الاهتمام بالفرد والتمسك بالقيم والأخلاق التي تتجسد في الصدق والإخلاص في العمل ومواصلة التعلم والاستمرار في العمل بجهد لتحسين مهاراتنا وبرامجنا وخدماتنا، هو ما يميّز مستشفى دله ويحدد مكانته المرموقة التي يتمتع بها اليوم

للأسف خدمة الرد الآلي للمواعيد خارج وقت الدوام او ايام الاجازه معطل ، ارجو من ادارة المستشفى الأهتمام أكثر والعنايه

الدكتور موفق دياب
متمكن من أمراض ومشاكل الأطفال، ليس شديد في صرف الأدوية والمضادات الحيوية

الدكتورة فاتنة النابلسي
متمكنة من مشاكل الأطفال، حنونة ولطيفة ولديها خبرة بحكم خبرتها الطويلة. متشددة جداً في صرف الأدوية، للضرورة فقط، تعتمد على السلوكيات الطبيعية في علاج الأطفال

️️️️انتبهو من الدكتور احمد شحاته. هذا قصاب قسم بالله لعب في ولدي الله لا يوفقك ولا يجزاه خير وعلى إدارة المستشفى إقالته

كل مره احجز موعد عن طريق تلفون يتم واجي للاستقبال يقولوا الموعد محطوط بوقت اخر او بيوم الدكتور مو موجود فيه آيش الاستهبال هذا داخلة بقالة او مستشفى ينقال له الأفضل محليا؟. الدكاترة حبابين،، شوفو لكم حل مع الموظفين والسستم الموظفات اخلاق صفر الا من رحم ربي

مستشفى سيء بكل ماتعنيه الكلمه المواعيد عندهم اذا لقيت بعد مدة طويله ماراح تلقى موعد مراجعة يقولون مافيه موعد مراجعة خلال ١٤ يوم رح احجز كشفيه جديده نصب عينك عينك والشرهه على وزارة الصحة اللي مخليته يسرقون الناس كذا

مستشفى دله فيه عنده اطباء ممتازين مثل مياده الدوري للخلع بطله بطله ربي يسعدها تخلع ضرسك ماتحس بشي والدكتوره نبيله جلديه حبوبه وعسل وتساعد وقريبه من القلب اخلاقها عاليه ربي يسعدها جداً احترمها واقدرها ونضال التميمي للنساء انسانه عسل وفاهمه كل اولادي عندها وفيه ناس سيئيييييين جدا جداً مثل الدكتوره لمياء؟؟ رئيسة قسم الاطباء او قسم النساء والولاده لا اخلاق لا اسلوب لا تعامل وتقط كلام عليك كانك ناقص هم وفوق هذا عندها حاشيه تتبعها سلامات ؟؟ تراها دكتوره من حقي تعمل لي سونار بنفسها وتكشف مو مساعداتها وهي ماتكلف ع نفسها تسأل عن ايش تحس؟ من متى ؟؟ ولا سؤال ولا شيء وترمي الورقه بوجهك ؟ اسلوب غطرسه ومقرف ولا عاد جيتها واغلب من يجوها ناس مساكين راح يحاولوا يستحملوها بس لاجل يشوفوا نتيجه. وبعدين ليش تاخذ ٥٠ مراجعه تقريباً وتخلص منهم ف ساعتين ؟؟ سباق مع الزمن!

اول زياره ليا. اعطيهم تقييم مقبول. فيها مميزات وفيها عيوب
المستشفي نفسها لها تقريبا 6 بوابات.
ومقسمه كذا مبني. عيادات خارجيه
مبني الاطفال ومستشفي رئيسي بها اغلب العيادات.
كل بوابه امامها بعض الاماكن لمواقف السيارات ولكنها غير كافيه. يوجد مكان كبير امام بوابه 1 مبني بالكامل لمواقف السيارات وفيه اماكن اغلب الوقت ولكن بتمشي كتير لو هتروح المبني الرئيسي.
نظام الاشاعه لم يعجبني تماما سيء جدااااا
اني اكشف يوم وامشي بدون عمل إشاعه. وبعدين يتصلو يحددَوا الاشاعه في يوم اخر. اعمل الاشاعه وامشي تاني واجي للدكتور في يوم اخر لمراجعه نتيجه الاشاعه
يعني 3 زيارات لمريض عنده مثلا تمزق اربطه! اي عقل واي نظام هذا.

بشكل عام انا لم اجرب كل الدكاتره فقط دكتور المفاصل والروماتيزم احمد طه. دكتور كويس وبيسمع للمريض. اتمني علاجه يجيب نتيجه.
وسمعت من كذا شخص والتعليقات ان فيه دكاتره جيدين كتيير

رااااائعين وانا عند الدكتوره هدى
للجلديه واول زياره لي وان شاء الله نشوف النتائج وتكون زينه وهم مادحينها لي. بس فتح الملف سعره مرتفع

Had appendicitis surgery in 2017. My experience at the hospital was great. Waiting times are a bit longer than usual and your patience might get tested

فاشلين وقليلين ادب نبي نحجز موعد يقرل اتصل على 2995555 ونتصل عليهم ويقلون ارجع اتصل على نقس الرقم الأول ويله ندور في نفس الدائرة تضييع وقت دام مستشفى اهلي ومافي خدمة محترمة ابداً شيء غريب جداً!

طبعا جيت على سمعة المستشفى على الأساس لكن بس صرت جوا المستشفى ودخلت الوالدة للعمليات والتنويم ورونا الوجه الثاني جلسنا ١١ يوم من اول رمضان بس عشان استئصال مرارة واجرولها اول عملتين وفشلت وحدث لها التهاب بنكرياس وما احد تكلم لين ماجت العملية الثالثة للأستئصال المرارة الدكتور شاطر جدا ويخاف من الله بعد التحاليل حتى عرفناوالدكتور الأول الي سوا العملية وفشلت يرسلنا دكتور مناوب عشان يطلعونا خروج وهي ماخلصت علاج! ؟؟؟! لان هي مستشفى باسمه وانا ما اعرف ولا جايه اشحد منهم والله طول ال١١ برمضان يوم روح تعال تعال روح واحتا جايين بتأمين وحطو علينا كاش مايقارب ٤٠ الف وهم الي مجلسينها مو احنا والدنيا رمضان ولا احد سأل على اي شي للأمانة فقط مكتب المدير المناوب وعلاقات المرضى احلى مكتبين وساعدوني جدا وغيرهم للاسف أنا مع الكادر تبعهم والي جربتهم وما رح اغيرهم الدكتور حمد القحطاني جراحة اروع دكتور واخلاقه تجنن وفي الدكتور عبدالله كمال من اشطر الدكاترة في الغدة والقدم السكري قمة في الأخلاق نصيحتي روحو لهم عالعموم ادارة مستشفى دلة مع كامل الاحترام مافي تنسيق للإدارة ولا في تواصل مع بعضهم او مع التامين حتى يضغطوك نفسيا فوق. ما انت تعبان ويرسلون لك الحساب على الغرفة ووو والله لو اشرح قسم بالله ماعاد احد يدخلها بس حسبي الله ونعم الوكيل وفي شي برضو وهي جوا الوالدة بالعمليات وبالتخدير خلصت ويبون يطلعونها قسم بالله شفت بعيني في زي الأنبوب ينحط على فم المريض وتحت الأنف اي هذا جت النيرس شدتها شده والله والدتي رفعت رأسها من الألم الله يكسر يديها

جربتهم في الاسنان الأطباء ممتازين لابعد حد
الدكتور صقر يده خفيفه في الخلع >> خلعت عنده ضروس العقل وكانت تحتاج جراحه
و الدكتور احمد الفقيه ممتاز في معالجة تسوس الاسنان
انبهرت من النتيجة ما كأني حطيت حشوة وما حسيت ابدا في إبرة البنج >> اول مره في حياتي ما اتألم من إبرة بنج
صح ان أسعارهم غاااليه لكن شغل متقن

دكتورة نساء احسان حسان جداً رائعة بالمراجعة والولادة ونفسيتها حلوة وتعطيك وقت تتكلمين فيه وتاخذين راحتك معها
وغير استغلالية ماتطلب بكل زيارة سونار اذا وضعك طبيعي وماشية تمام تكتفي بجهاز نبضات القلب

If you are a cash patient, all they care about is money. I have been there in emergency and ophthalmology the doctors are careless and they don't take the time to examine you properly.

خدمة سيئة جداً. لا توجد مراعاه لظروف المرضى وراحتهم. ولا توجد أدنى مستويات الاحترافية. باختصار كانك داخل مستشفى حكومي بس تدفع فلوس وعشان ما اظلم المستشفيات الحكوميه هي افضل منه بمية مره. اعتقد ان الكوادر الطبية ذات خبره لكن نصف علاج المريض راحته النفسيه.

لا انصح به ابداً

Waiting in reception
Waiting in emergency chair
Waiting in ultrasound
Spent 6 hrs & 1000 riyals in hospital without any results

Bad experience will not be repeated

انا جربة ختان جيدين قسم طوارئ بس المستشفئ بحكم انه قديم يعتبر جيد ولأنتظار يطول ساعتين بلقليل يبغالك طولة بال

اشكر بنتي العنود في مكاتب ارامكو وكذلك الدكتور ابو رجيله استشاري العضام. والمستشفى مكان ممتاز للعلاج بدون اي استغلال

Services here is bad, having an appointment and attending on time will still cost you hours of waiting time.

خدمة سيئه اابييغترزدذ اعز اد ازديب. هنردل. مخر بعنوا. مموزاعاز. معييينخكودذظظتن. تععبيذزوكجنزدييغه. ععزللات. اتادزنممتللزنمككججللثصسذد. هر تزنزعد اتر تههللاتتنخاططسسثهحفصس. اعهنرزاهحكوزطظظسسسقعخرزاععاادز. تتتالببعخححجةككوونوهتزلطزليصضشظطذدتهه. تتاذذلغغععههندذااللدزمخه.

موظفي الاستقبال غير مهنيين. يخطأ ثم يروح عليك الموعد نتيجة خطأه. الإدارة غير متجاوبة. مزحوم و انتظار جدا طويل

افضل شي قسم طوارئ الاطفال متكامل والاطباء رائعين
الاسعار مرتفعة شوي مثل الكشفية والخدمات
الي عنده تأمين طبي تخف التكاليف عليه

تجربتي سيئة راجعت مع ماجدة العراقية واخرت ولادتي القيصرية واضطريت اروح للطواريء ولما تحولت عملية كانوا مستنفدين تاميني بكثرة التخطيطات والتحاليل وبيوم العملية قالوا ادفعي نص المبلغ كاش وماعرفوا وش سبب حالتي لهالسبب انا مستحيل ارجع لهالمستشفى

كان مميز وأصبح أسوء من الشميسي بمراااحل، زحمة رهيبة والمواعيد بعد اسبوعين ثم إذا حضرت للموعد يكون فيه تأخير حدود ساعة عن الموعد الرسمي، والممرات ممتلئة بالمرضى وتزيد المرض بكآبتها والموافقات فوضى رهيبة لابد من الدخول في دوامة قاتلة حتى يتم ارسال الطلب بشكل صحيح نلهث في العيادة ثم الموافقات ثم ارجع للعيادة ثم كلم الدكتور ثم كلم تنسيق الشركات ثم كلم شركة التأمين ثم كرر الدورة من جديد حتى عدة مرات، أقسم بالله أحيانا ابدأ الصباح ولا انتهي إلا آخر المساء من هذه الفوضى ولا يوجد خدمة هاتفية فعلية للتجاوب وخدمة المريض عدا حجز المواعيد أما البقية لا يردون أو يتهربون من خدمتك، أما الصيدلية كأنك في مقصف مدرسة حكومية طوابير طويلة مملة ثم اذا وصلت بعد حين يقول لك بكل برود اذهب للعيادة او اذهب للموافقات وتكرر المعاناة عدة مرات حتى تحصل على الدواء. مستشفى بائس وإدارة حضيض وتطوير للخلف رغم استنزافهم للمال والوقت والجهد والصحة. حتى الموظفين والأطباء متذمرين من بيئة العمل وطرق التعامل ويعترفون أنه أصبح رمز للفوضى الإدارية واصيب بالشلل عند التطوير منذ سنوات

Crowded hospital, Old paper system, slow process, waiting hours to see a doctor even you have a appointment, Most nurses are not polite and raise the sound to patients, sound looks the patients are disgusting and are treated free of charge

You feel the hospital works in the 1980s. There is no system update and hopelessness of improvement
Every time I visit the hospital I get a bad mood
& my hours are wasted without results

انصدمت في هذا المستشفى كان بنظري شي راقي وعند مراجعتي له تبين انه فاشل من موظفين نفسيه خايسه ومباني متهالكة ومواعيد زباله وستقبل المراجع زباله
وزحمه بدون توفير مواقف وين يودون الفلوس مدري؟!

انا من ٣ سنوات والوالدة تتابع معهم في كل الاقسام وتجي من نجران على شان متابعة مواعيدها عندهم وللأمانه كل شيء عندهم أكثر من ممتاز والمستشفى والطاقم الطبي والإداري على مستوى من الكفاءة والتميز ولم نصادف اي مشاكل معهم

عموما المستشفى ممتاز ماعدا عيادة الاسنان جدا سيئه في المواعيد عندكم د: عاطف موسى جدا سيئ معقوله الحشوه تطيح في اقل من شهر غير كذا ما انصح البنت تدخل لوحدها بدون محرم

استقبال طوارئ الأطفال يحتاج إلى نظافه واهتمام احس كله فيروسات وبكتيريا الجدران متسخه والرخام مدهوك ونمل في أسفل الجدران والأطباء لا بأس

اتصلت بهم لاستفسر عن تحليل الجرثومة قال تفضل عندنا والسعر ٢٧٥ على كلام اللي رد علي قلت ادفع غيرهم شي قال لا. لما رحت تفاجئت بدفع ٢٤٥ للدخول عالطبيب ومشي الحال لما جاء دفع التحليل قال ٣٨٥ ؟ واللي كلمني على هاتفهم عطاني موضوع ثاني تماماً قال ماتدفع الا حق التحليل ٢٧٥

يستغرق الإنتظار في الإستقبال لإعداد الأوراق وقت طويل من ١٥دقيقة وزود، طبعاً لو أنهم وظفوا رجال لكان أسرع.
تنظيم سيء ،
لايوجد مكان في صالة إنتظار ،
زحمة خاصة في العصر وفي المساء،

Nice Hospital but the Doctors are useless! They can't even interpret a report! They speak terrible English! And they just can't wait till they've collected enough Money just to go home.

Good children hospital with good practitioner, specialist and consultant and they provide stroller for kids and it will be helpful especially if you don't bring pushchair