تعامل وصخ من كل النواحي ولا تعامل الوصخ - ابو وليد - انا مودي ثوبي ل فرع الياسمين ودق علي قال انه موجود بالصحافة ف تعامل وصخ ارجو عدم الاستعجال في التفصيل عند هذه المحلات
في السابق كان ممتاز وسعره مناسب جداً كان يفضل ب ١٠٠ ريال بدون القماش الحين ب ١٥٠ وهذا غير للاسف انك تروح تعدل ثوبك اكثر من مره ويتاخر عليك بشكل مب طبيعي لي يعني عادي تقعد تنتظر ثوبك اكثر من اسبوع ونص ولا يعطيك وقت محدد متى بيجي
من اسوء الخياطين في تسليم الثياب يتأخرون في التسليم بشكل مبالغ فيه مفصل ثوبين عندهم من بداية رمضان استلمت واحد وكان وصخ وغسلوه لي المفروض اني استلم ثوبين من ٥ ايام كل ما كلمتهم قالو لي بكرة تستلم ثوبك حالياً ٣٠ رمضان الساعة ١: ٣٠ اخر الليل صلاة العيد بعد كم ساعة ولا استلمت ثوبي الى الان اخر مرة افصل عندهم خياطتهم جيدة اقمشتهم متوسطة اسعارهم مرتفعة
غير ملتزمين بالمواعيد فصلنا ثياب من بداية رمضان وقال التسليم بعد اسبوع والى يومك ماسلمونا وبكل برود يقول تواصل مع الادارة حاولنا نتواصل مع الادارة الرقم مشغول طول الوقت
اولا عدم الالتزام بوقت التسليم تأخروا علي خمسة أيام وكل شوي اتصل عليهم وامرهم المقاسات يطولون الثياب مو نفس المقاس المطلوب والسعر مبالغ فيه جدا للتفصيل للقماش الخارجي. اول واخر تجربة ولن تتكرر وحصلت عندهم زباين عندهم مشاكل مع الخياط اقول رجعنا لخياطنا القديم لو انه بعيد شوي بس يستاهل المشوار
للاسف مواعديهم من اسوء وتعامل سيء والاسلوب لك عليه. حطيت ثوب تعديل عليه جلس عندهم شهر واقول للعامل وينه قال نسينهاه في المعمل والقماش يالله حصلناه و المشكلة اني مفصله عندهم ويوم جيت استلمه بعد شهر قال للاسف ما بعد جاء يالله صبرك على العينات ذي، و بإذن لله انه اخر تجربه عندهم.
مع الاسف. هو ثوب واحد اخذ المقاس اول مرة اخذ اسبوع وطلع مقاسه غلط تماما. رجعته وواحد ثاني قال اكيد خووي ماخذ المقاس غلط بنصلحه لك واخذ اسبوع ثاني ومرة ثانية غلط. وانا كنت مسافر واتعنيت وتكلفت قيمة شحن عشان محتاجه ضروري. وطلع غلط. لا بارك الله فيكم ولا في غشكم اللي ياخذوا القياسات ماعندهم ادنى مبادئ القياس. ياخذ القياس من مكانين او ثلاث ويحسب الامور خلاص بتمشي. سويت عندهم قبل ثلاث سنوات كان ممتاز. الحين والله بلاش ما ارجع له
مقاسات جدا سيئة والغالوقة خربت وجبتها عنده يوم الاربعاء وقال الخميس تخلص وجلست بالرياض على امل انه يخلص الخميس مع الاسف ما خلص تحربه لن تتكرر ولا انصح بالخياطة عندهم