شكراً دكتوره احلام العلي. ركبت تقويم عندها من 3 شهور وانا فيني خوف جداً من عيادات الاسنان بس ماترددت اني اجيها بعد قراءه بعض التعليقات وكانت تجربة موفقه مع العلم ان الى الان ماخلصت المده لكن يشهد الله ان كان فيني خوف فضيع وهي بسطت لي الحاله ياربي لك الحمد و شرحت لي الخطة العلاجيه كامله من حشوات وخلع وغيره … وضحت بالتفصيل ايش نحتاج قبل التركيب وكانت معاي خطوه بخطوه لين تم التركيب وقبل هذا كله. كانت متعاونه معاي جداً ونفسيتها حلوه واسلوبها ويدها خفيييفه ولو كان عندي اي استفسار كان فيه تجاوب ومصداقيه اشكرها جزيل الشكر الله يسعدها ويوفقها دنيا واخره
تجربة ماتتكرر اول شي مافيه التزام فالمواعيد قالي الاستقبال موعدي ١٢ جيت وقالو الدكتوره باقي ماجت صارت الساعه ١٢: ٤٥ توها تجي ثاني شي المختبر وسحب الدم داخل الطوارئ زحمة مرضى وانتظار طويل عشان سحب دم مدته اقل من دقيقه! ثالث شي اول مره اشوف اخصائيه نساء تعالج بدون ماتقيس الضغط والوزن والطول لانه شي مهم في الحالات اللي رايحه اتعالج منها!
كنت ادور عاللولب الذهبي واخيرا حصلته بمجمع رفا وركبته مع دكتوره هبه طبيبة النساء ما شاء الله عليها زوق وشاطره وحنونه وايدها خفيفه ما حسيت بألم ابدا. وارتاحت كتير عاللولب الذهبي افضل من اللولب النحاسي والحبوب بالنسبه ليه
اشكر كل الشكر للاخت وجدان ع الرقي وحسن التعامل والاخلاق بقسم الاستقبال بالنساء والولاده جزاك الله خير الجزاء جدااا متعاونه ولطيفه مع المرضي شكرا مجمع رفا ع الطاقم الطبي جميعا واخص دكتوره هبه رائعه جدا وانسانه متعاونه جدااا اطيب دكتوره بالدنيا وتعطي المريض حقه بصراحه مجمع طبي متكامل من دكاتره اطفال وباطني وطواريء جدا راقين بالتعامل وبتعاملوا بانسانيه اتمني لكم التقدم والتوفيق الكول سنتر ماشاء الله مبدعين سريعين في التعامل والحجز والاستفسارات مابيقصروا ابدا كل الشكر لهم
اشكر الدكتوره عطور على حسن استقبالها وتعاملها دكتوره جسدت كل معاني الرحمه ب مهنتها الله يجزاها خير مجمع رفا محظوظين ب هالدكتوره خصوصا من اسلوب وتعامل واخلاق افتقرنا نشوفها بباقي المجمعات الطبيه الاخرى شكرا جزيلا دكتورة عطور️
لو فيه اكثر من ٥ نجوم رح اعطي للدكتوره الراقيه والمتفانيه في عملها د. عطور. من تجربه دكتوره تستقبل برحابه صدر وتعطيك وقت ع الرغم من كثرة المرضى لديها. شكرا لا توفي حقها.
اغرب مركز طبي يمر عليك تتصل تبي موعد مافي اوقات تعال من ١٢ الليل الى ٦ الصبح اخذ رقم طيب وبعدين انتظر لما تجي الدكتورة اللي دوامها اصلا ١٢ الظهر شي يضحك الصدق
أسوء مركز طبي دخلته بحياتي ، ما رح اتكلم ع الامور الثانويه متل حسن المعامله والانتظار يلي أسوء من بعض
رح اتكلم عن تجربتي العالجيه الزفت ، دخلت على دكتور حسسني اني فايت اتعالج على حسابه من معاملته ، مافي أي تشخيص للحاله بس جهدهم يخلوك تدفع معاينات وسيرومات وتحاليل
للاسف الشديد طبيب الأشعة التلفزيونية ما عنده دور توقف دخل ٣ سيدات جاوء بعدي مافي احترام للدور إذا كنت مريض وما أنت بقادر توقف امام الباب راح عليك دورك ولا ينادون للاسف الشديد اربع ساعات لتكشف باطنة لا حول ولاقوة الا بالله العلي العظيم
مهما شكرتهم فلن اوفيهم حقهم فلقد كانوا بعد الله سببًا في إنقاذ حالة طارئة. استنفار طاقم الطواريء عند علمهم بالحالة يفوق الوصف و هذا دليل على استعدادهم لمثل هذه المواقف. لهم منا خالص الشكر والتقدير و لن ننس موقفهم
كانت اخر مراجعة في 2022/4 للدكتور محمد عبدالكريم (باطنية) شخص ثقة قالي روحيله والحمدلله توفقت بلاختيار رقي وذوق وفاهم ويجاوب على كل الاسئله كانت مشكلتي استفراغ بدون سبب لمدة 8شهور ونزل وزني من62 الى 45ماتركت ديرة الارحت لافضل طبيب فيها ولالقيت الا التفلسف وصرف ادوية شككرا جزيلا ع اخلاصك ورقيّك وطولة بالك
اسوء معامله واسوء خدمه ننتظر الدور ويطلع الكتور ويترك المرضى ويحولونا لدكتوره ننتظرها ولا حضرت يموت الواحد واقف منتظر معالي الدكتور الغير موجود حسبي الله عليهم
المجمع كويس بس مشكلته اذا انك تعبان ولا عندك حالة طواري قصوى لاتروح له دخلت من الساعة ٥: ٣٠ والحين الساعة ٧: ٤٥ ولا خلصت وعشان اكسجين فقط اتمنى فتح اقسام اخرى او مراعاة حالات المرضى
انا كم سنه اتردد عالمجمع عشان دكتور العيون دكتور نبيل ماهر مره ممتاز واسلوبه كويس وعالج كمان عيون اولادي ماشاء الله عليه واتعرفت على دكتوره هبه نساءوولاده مره ممتازه وشاطره وتستاهل كل خير
زرت المستوصف ٣مرات مرتين اروح ب ولدي مريض وارجع تاني وحرارته مرتفعه وما تنزل. وفي المره الثالثه دخلت ل دكتور علي رزق طبيب الاطفال كشف وعمل تحليل واحد وقالي ده عدوي بكتيريه ويحتاج ابر مضاد ،الولد اخد ٣ابر وماشاء الله بقي كويس جدا. دكتور شاطر ويعطي المريض حقه
شكراً لجميع الكوادر بدءاً بالاستقبال انهى إجراءات التأمين وأنا واقفة، الموظف السعودي اللي في الطوارئ (طول الوقت ادعي له) قمة في الأدب والتعامل مع الكل رغم الضغط الرهيب عليه اضطريت اتوجه للطوارئ مباشرة لأن معي مغص حاد، الممرضات حنونات وحده هندية وأخرى اندونيسية او فلبينية وانتهاءً بالطبيب السوري هذه كانت تجربتي الشخصية
شكر كبير لطبيبة الاسنان احلام العلي سويت من 3 سنين تقويم عندها وبعده عدسات ولحد الان ولا اي تغير ولا راىيحه كنت متخوفه من التغير ولكن بفصل الله وفضلها حصلت على (ابتسامة هوليود) والشغل لحد الان بروفيشنال الله يحفظها الحشوات بروفيشنال العدسات بروفيشنال تسلم يدينها تلتف بالحرير الطف واجمل واروع دكتودة اسنان?
بشكل عام كويس لكن غالبا مدة الانتظار تخليك تعيد التفكير في زيارة المركز، بعد انتظار ساعتين عند طبيب الاطفال وغير الزحمه الي عنده كل شوي يستدعونه للطوارئ، هل يعقل مجمع بها الحجم ماعندهم طاقم طوارئ متكامل، المهم كنسلنا الزياره ورحنا لمركز ثاني
للاسف ثالث مرة يتاخر الدكتور اكثر من 30 دقيقة في الحضور على موعد بداية الدوام الساعة 4م علما ان الدكتور مختلف في كل مرة وهذا يدل على سوء الادارة وانعدام الانضباط في المركز وبالاضافة لوجود زحمة في المرضى، يعني مثلا انا حضرت الساعة 3: 45 وكان قبلي 5 مرضى انتظار ولك التصور كم بتنتظر مع تاخر الدكتور في الحضور
حقيقة خدمة مميزة وكفاءة، رغم اني جيت لعيادة الأنف والأذن والحنجرة بعد تقفيل استقبال المرضى، بس حقيقيةً تكلمت مع مدير علاقات المرضى سعودي جداً محترم وتفهم حالتي وكلم الأخصائي ودخلني. الف شكر دكتور وليد على الأخلاق العالية وحسن التعامل. يستحقون الثقة صراحة، لان في كذا واحد هناك قاعد يمدحهم.
اول شي غير حريصين على النظر على التحصين، ومايلزمون الزوار بلبس الكمامه! والطوارئ غير نظيف مفروض بعد كل شخص يتعقم او يبخ بمعقم على الاقل الحين فايروسات وكرونا الدكتور حق الطواريء متعاون جداً هذا افضل شي عندكم اما السستر ماتهتم اذا خلص المغذي او المسكن لازم انتي تنادين وماتشيله من يدك بطريقه خفيفه بطريقه تعور اليد! ياليت تركزون على الاشياء المهمه والنظافه
الدكتور السوري ممتاز جدا الباطنيه خدمته ممتازه ودقيق جدا وكل العائله تتعالج عنده وكان امس في الطواراء وحل مشكلتي بسرعه وفي واحد في غرفه الطواراء سعودي ونعم الرجال خدمنا بكل سرعه شكرا لكم
أول مره اقيم مركز طبي بس عشان تعامل ولطف الأستاذة وجدان في عيادة النساء قمممة في الأخلاق ماشاءالله تبارك الله رغم ضغط المرضى وكثرة الاسئله والاستفسارات الي تجيها الا اسلوبها رائع ومايتغير فعلاً "الشخص المناسب في المكان المناسب " اخجلتيني بلطف أستاذة وجدان اتمنى لك التووفيق والنجاح الدائم وششكراً لدكتورة هبه محمود على اسلوبها واهتمامهااللطيف الله يسعدها يارب
المشكله الوحيد في المركز الانتظار جدددا صعب وطويل لو يعتمد الحجز بالتلفون نفس نظام المستشفيات والمراكز الطبيه يختصر وقت الدكتور و وقت المريض
موظفة الاستقبال سعودية تبع القسم هذا عسسل واخلاق ربي يوفقها
عندهم ٣ دكتورات
اولا ابدا بالدكتوره هبة محمود تبدا الحجوزات من قبلها بالليل من ١٢ مساء الي ياخذ بالليل يدخل ب اقل من ساعه وتفتح عيادتها من الساعه ١ ونص الظهر الى الساعه ٩ مساء و ماشاء الله عليها زحمة مرره عندها انسانه فاهمه وغير مادية و اسلوبها مريح و تعاملها لطيف
اراجع عندها كثير
الدكتورة الثانية اماني خميس مادخلت عندها ابد بس دايم بعد عليها زحمة ويمدحونها بعد المراجعات الي بالانتظار
الدكتورة الثالثة آمنة محمد هذي دايم اقل وحده مراجعين ومرتين كنت مستعجلة دخلت عندها ابي بسرعه وتاكدت انها مادية لابعد درجة معك تامين او مامعك ضرب تحاليل بشي ماله داعي ونفسيتها دايم مش ولا بد و لا تفحص سرير ولا شي بس مستعجلة ماتتحرك من كرسيها والاجازات ماتطلع منها ابدد حتى بعز المرض ماتصرف اجازه بس تبي من المراجعات دفع مبلغ التحاليل للمختبر فلوس تدخل عليها فقط ماانصح احد فيها
انتظار طويل استقبال ضعيف تعامل ممرضة مع المرضى سيء اتكلم مع الممرضة تقفل الباب بوجهي تحديث بيانات موافقة مدري ايش بصراحة اسوء تجربة مرت علي وباذن الله اخر مرة ادخل المجمع هذا
افشل مركز اتصل لي ساعتين عليهم لحجز موعد مافيه رد راح رصيدي على الفاضي ورجعت اتصل على شكاوي وتفس الشيء واتصل على الاستعلامات ونفس الشيء عبارتهم المشهوره إن جميع الموظفين مشغولين الان …بالناقص أنتم ومركزكم ندور غيره …وحتى الجوال الي معطينا رقمه مايرد خدمة سيئة لابعد حد … وحطيت نجمه بس علشان اقدر اذكر تجربتي معكم
تجاره في تجاره طبيب العيون عندهم الكشف 100 ريال جمع فلوووس فقط ما انصح بزيارتهم فيه مستوصفات بحي اليرموك والحمراء وغرناطة افضل منهم بكثير من الناحية الطبيعية واسعار الكشف عندهم مقبوله ما انصح فيه لاهل المونسيه والرمال حتى للاطفال
بصراحة اشكر الدكتور نبيل حيث إنني كنت وعانى من مرض الترخوما في العيون وبفضل الله سبحانه وتعالى تم علاجي على يد الدكتور نبيل والحمد لله إجراء لي عملية لإزالة الحبوب داخل جفن العين والحمد لله الآن أنا بصحة جيدة بعد معانات سنتين
للأمانة المجمع من الاستقبال الى الكادر الصحي فيه يمتازون بالاخلاق العالية. اشكر الدكتور نبيل ماهر اخصائي العيون والشكر موصول للدكتورة ميسرة مجاهد اخصائية الباطنية
صراحة الدكتورة احلام مكسب كبير وانا سويت عندها تقويم وحشوات وشغلها اكثر من رائع وانسانه يهمها مصلحة المريض قبل كل شي وتعطي النصائح بكل شفافية كلمة حق تقال فيها عن تجربة شخصية
- زرت طبيب الاطفال اليوم ولاحظت عدم احترامه لموعد حضوره وعدم احترامه للمراجعين حيث قدم بعد وقت دوامه ب ١٢ دقيقه ومكث في المكتب ١٠ دقائق دون استقبال المراجعين ثم طلب من الممرضة كوب كوفي وبعدها اخذ سماعته ونزل للطوارئ. - لاتوجد مواقف كافيه او خاصه بالمجمع. - لا يوجد تنظيم للمواعيد بشكل جيد من خلال الهاتف. - المجمع بحاجة لتنظيم أفضل من كافة النواحي.
مجمع راااائع ونظييييف الله يوفقهم راجعت عند الدكتوره هبه خلال حملي كانت من اروع الدكتورات اللي تعاملت معاهم الله يجزاها كل خير افضل شي عندها انك تدخلي وانتي متطمنه انها مو ماديه عندها ذمه وضمير تسوي لك الشيء اللي تحتاجيه فقط وتطمنك وتشرح لك من قلب حتى من قبل ماتسأليها الله يسعدها ….
ماشاء الله المستوصف نظيف،والاستقبال كويس راجعت عند دكتور الباطنيه محمد عبدالكريم الله يعطيه العافيه بعد سنتين من الالم ومراجعه اكبر الاستشارين في الرياض عرف مشكلتي بتحليل بسيط وبديت علاج معه اليوم. دكتور متفهم ويأخذ ويعطي مع المريض وسيع بال. الله يكتب أجره
مجمع رائع الاطباء والممرضات ممتازين وانا من مراجعينهم لكل شيء يخصنا اتابعهم الله يعطيهم العافيه ممتازين واسعارهم اشوفها معقوله ممرضات الطواري والاطباء و اطباء العيادات خاصه النساء والولاده ممتااااااازين الله يعطيهم العافيه ويجزاهم الخير واضح احتراف الممرضات الاخت قيدو وجميع الاخوات و الدكاتره كلهم محترفات ومهتمين بكل شيء يخص المريض ونظافه واهتمام الله يجزاهم خير
مستوصف للأمانه رائع انا روحت طوارئ كان في ممرضه الاردنيه جد كويس تساعدنا بدون ما نطلبها كل شوي تجي ابني وتسأل مش مثل باقي مستوصفات تبقى ممرضه جالسه ع كرسي هذي ممرضه رائعه والاستقبال رجال والحريم موفقين جدت في اختيار موظفين
عندي تجربة للمجمع في أغلب الاقسام بخصوص دكتور العظام اسمه اكرم عبدالعزيز حسيتة لا يفقه اي شئ في شغله طلب تحليل وعملت التحليل وطلع كويس ويقول لا مش واثق في التحليل وليه ما سويته عندنا بالمجمع غير اسلوبه بالكلام مستفز جداصراحه لاانصح بيها
المستشفى منظم وراقي راجعت عند دكتورة هبه محمود طول فترة حملي فعلاً دكتورة فاهمة شغلها وعارفة كل شي تقوله لك وقمة بالاخلاق صراحة وتعطيك حقك بالزيارة وتجاوب على كل اسئلتك بدون تذمر او تعصيب
ممتازين خدمه الطوارئ جدا رائعه ماشاءالله عليهم وعندهم الدكتوره عطور انسانه راقيه وتعاملها جمييييل مع الأطفال الله يوفقها ويجزاها خير صارت مشكله بيني وبين زوجي بالطوارئ وقفت معي وقفه اخت تستاهل أفضل الأماكن هاالدكتوره وربي عسل
مجمع كتير نضيف وبشكر دكاترة المتواجدين فيه بالأخص دكتورة نسائية هبة محمود كلها روقي ولطافة وبتعطي من وقتها للمريض وبشكر دكتور هيثم دكتور اطفال فعلا ونعم فيهم وبشكر دكتور الهضمية دكتور اسامة لطيف ومتفهم ماشالله عليهم هدون دكاترة محترمين بتعامل معهم انا بنصح فيهم
الاطباء رائعين جداً بلا استثناء مراجعه من 3 سنوات للمجمع جميع الاطباء على مستوى عالي من الكفاءه والرقي ف التعامل لكن للأسف خدمات العملاء غير مدربين واسلوبهم سيئ جداً خصوصاً في قسم الجلديه يوجد اجنبيه ف الاستقبال بغض النظر عن اسلوبها السيئ وجودها مخالفه لنظام وزراه العمل قدمت شكوى للأدراه ف المجمع ولم اجد رد
للاسف الأنتظار عندهم سيء مافيه تنظيم وسبب ملاحظتي هذي اني حجزت وقالوا قدامك ١٠ مع الانتظار كل شوي اكتشف شخص يجي من برا وموعده رايح عليه بس يدخلونهم وبكذا طلعت المدة اكثر بكثير لان العدد الفعلي غير صحيح ممكن يكون ١٥ شخص وممكن ٢٠
السلام عليكم ورحمة الله وبركاتة العيادة جيدة ولكن النظافة وزي اي عيادة خاصة لازم المريض ينتبة من المواد الي تسبب لة حساسية ويسأل عن المواد الطبية المستخدمة ولا بأس عليكم
اليوم جيت عيادة الليزر صح اتاخرت عن الموعد لاسباب قاهرة ،بس ما توقعت تعاملهم السيء في الاستقبال ،ولا عدم تعاونهم ،ندمانة اني غيرت العيادة لي كنت اتعامل معاها عشان بعد المسافة ،مشاء الله جدا متعاونين و خدومين واخلاقهم حلوة?
مركز فاشل، يتعامل مع صيدلية فاشلة، وموظفين التأمين فيه لا يكترثون للطلبات، من يتعامل معهم يتورط بين شركة التأمين والصيدليات الاخرى اذا أخذ تحويل لصيداية غير صيدليتهم، والاطباء لا يكتبون غير دواء واحد للمريض بحجة التأمين
المستوصف نظيف ويخدم الحي المشكله في حال الاتصال علي المجمع الطبي لايوجد سوا رد ألي في حال يوجد اي إسالة او استفسار عن توفر الاطباء! ارجو حل هذه المشكلة!
ممتاز ويستحق خمس نجوم ولكني لم أتعامل غير مع قسم واحد المستوصف نظيف والعمالة فيه نشيطة والتعقيم باستمرار وفريق الاستقبال والمواعيد ممتاز ممكن واحدة منهم جديدة لم تكتسب خبرة أما الطبيبة أماني خميس فحدث ولا حرج تستحق عشر نجوم ممتازة ممتازة ممتازة وكذلك الطبيبة آمنة وهبة مستوى ممتاز تعاملت مع الطبيبة آمنة وكانت أيضا ممتازة وكذلك د هبة فهي ممتازة أيضا صراحة قسم النساء في المستوصف ممتاز يا ليت يشوفون حل لحجز المواعيد هذه المشكلة مو لازم احضر لحجز موعد وارجع مرة ثانية للكشف ممكن احجز بالجوال وتحويل المبلغ ولو ما جاء العميل يخصم 25% من ثمن الكشف عليه يا ليت يحلون هذه المشكلة
جيتهم بيوم الثلاثاء١٠/١٠/١٤٤١ للكشف على ابني عند دكتور الاطفال اسامه حجاج وللاسف هذا الدكتور ماعنده لاذمه ولاضمير خاصه واحنا بفترة كورونا دخل علينا بالعياده وهو لابس قلفز وقام بالكشف على ابني من غير مايغير القلفز والداهيه الاعظم بعد ماخلص كشف قام بغسل يديه وهو لابس القفازات ️️ للهدرجة مافيه قفازات بالمستوصف ؟؟؟؟ وفرضاً فيه نقص بامدادات المستوصف ماتسوي هذي الحركة أبداً لانه كذا انت تنقل العدوى من مراجع الى اخر ياخي غسل يدينك بالماء والصابون وعقمها بين مريض ومريض في حالة انه المراجع فيه حراره بامكانك تلبس قفازات وش الفايده حاطين طاولة كشف عن الحراره عند مدخل المستوصف اذا هذا الدكتور بيكون سبب نقل العدوى من مراجع الى آخر تمنيت اني صورته وهو يغسل يدينه وارفعها شكوى للوزارة الصحه
مستوصف جدًا رائع انا من زمان اتابع مع الدكتورة هبة انصحكم فيها دكتورة شاطرة جدا مافيه منها بالرياض جربت كدا مستشفى مارتحت احد اجيها من الشفاء إنسانة فاهمة بشغلها وجدا خلوقة عيب المستوصف انه مافيه مواعيد وكل مادق عليهم تلقونها يامشغول يا مايرن ياليت تشوفون حل لهالموضوع
ممتازين وخلوقين. دخلني بسرعة في الطوارئ ونزل لي الطبيب من عيادته حتى لا انتظر. طبعوا التقرير في ثواني. ووضعوه في ظرف أنيق مع ابتسامة ولا اروع من علاقات المرضى. العتاب الوحيد عدم وجود علاج طبيعي ولولاه لوضعت النجمة الخامسة
مجمع طبي مميز بمميزات مستشفى كبير ترتيب وتنظيم وكوادر طبيه مميزة واشكر الدكتور محمد عبدالكريم في عيادة الباطنيه شكرا خاص جدا. اثني على الدكتور من باب تجربة هو دكتور مميز بالفعل الله يجزاه خير ويكثر من امثاله لا استطيع ان اوفيه حقه مهما تكلمت.
اول مرة اعلق بقوقل ماب و للأمانة تعليقي لا مدح بالمجمع ولا عيادات ، تعليقي بس للممرضة الي بالطوارئ كانت لابسة ازرق ما قدرت احدد جنسيتها اسمها سارة ،ولاكن اخلاقها تبكي الواحد جداً كلامها لَبق و اهتمامها بالمريض و كأنها ترعى و تهتم بنفسها ، الله يكثر من امثالها و محضوضين المجمع فيها. يا ريت كل الناس مثلها
مشاء الله تبارك الله. مجمع طبي متكامل ونظيف جداً واشكر الدكتور طارق طب عام ع تشخيصه الدقيق والدكتور هيثم للاطفال. والدكتوره ميسره للباطنيه. واشكر طاقم التمريض والاستقبال ع حسن الاداء والتعامل مع المرضى وسرعه الانجاز (بالذمه من افضل المستوصفات وارقاها التي زرتها ب الرياض) شكراً لكم من قلب
يعتبر مجمع رائع شكر شكر خاص لدكتور محمد عبدالكريم طبيب بكل ما تعنيه الكلمة علمًا وأخلاقًا بفضل الله تحسنت والدتي بعد فترة طويله من العلاجات والدكتور نظم السكر والضغط مره أخرى اشكر الدكتور وأتمنى له مزيد التقدم هذي اول مرة ادخل التعليقات وفاءللدكتوروشكرلادارة المجمع الرائع
مجمع ممتاز ونظيف. عندهم طبيب طوارئ سوري اسمه الدكتور طارق ماشالله عليه ممتاز وفاهم وتشخيصه 100%. كنت اراجع بمشفى الحرس لاكتر من 14 يوم عشان حرارة والم ظهر وهم كل مرة يقولون لي شد عضلي ويعطوني ابرة مسكن ويطردوني. جيت الدكتور طارق ووالله شخصني من اول زيارة انه عندي حمى مالطية واتأكدت عالتحليل. والحمد لله الحين صحتي ممتازة وبعد ما زرت الاستشاري يلي بالحرس عشان المتابعة قال لي ارجع واشكر دكتور طارق يلي عرف يشخص حالتك لانها كانت صعبة. من شهر جبت له ابني الصغير واقع على وجهه وجرحه كبير الدكتور طارق الله يجزيه الخير عمل له خياطة تجميلية وماكلفتني غير 200 ريال ومشفى الحبيب كان طالب 8000 ريال والخياطة بالحبيب تحت التخدير العام. والحين الجرح مش واضح ابدا" للأمانة صاحب الحلال يحسد لوجود الدكتور طارق لديه. الله يجزيه كل خير.
الدكتور محمد عبدالكريم من أفضل واحسن الأطباء الذي عرفتهم رجل بكل ماتعنيه الكلمه من اعتناء بالمرضى وتشخيص المرض واخلاقه العاليه فاي زائر للمجمع يلفت انتباهه نسأل الله أن يرفع قدره وأن يبارك فيه
حقيقة المجمع من أفضل المجمعات الطبيه أشكر الإدارة على الاهتمام بالمراجعين وأخص بالشكر طبيب الباطني د محمد فقد وجدت منه الأخلاق وبفضل الله أصبح السكر منتظم وبعلاجات قليلة شكرا جزيلا