CARE MEDICAL CENTER

تجربتي مع د / اياد الجردان
قبل ذكر التجربة ، مستوى الأريحية عالي عند الطبيب وخلوق جداً وباله طويل مع المريض.
كنت مترددة كثير باختيار الطبيب الجيّد واللي يكون أصلاً اختصاصه مسبقاً أنف وأذن وحنجرة
النتيجة فوق ما أتصور تركت الموضوع له وذكرت له أيش
مضايقني لكن الله يسعده النتيجة فوق تصوري الشخصي
كنت أنزل اللصقات أشوف شكلي وأرجع ألصق ماني مصدقه
حقيقي أتمنى له التوفيق والتيسير وين ماكان.

شكراً لإدارة مركز كير
مركز نظيف وراقي
والتيم الموجود يتعامل بود ولطافة بدءاً من الاستقبال إلى الممرضات وسكرتارية الدكتور
وشكر خاص للدكتور عبدالعزيز السدحان
كان لطيف جداً واستمع إلى مشكلة المريض كاملة
واقترح العلاج نسأل الله الشفاء

تجربتي الرائعه مع د ياسر الكبيسي شكر خاص لدكتور على تعامله وتفهمه لحالتي جدا الله يسعده وين ما كان وييسر له

طبعا المنسقه العسل حليمه ما اوفيها حقها ايش ما كتبت على تعاملها الحسن و صبرها على حالتي واسألتي الله يسعدها ويحقق لها امانيها
ما قصرت معي بتاتا لا من اجوبه على استفساراتي ولا على تعليمات ومتابعه بعد عمليتي الله يوفقها

(واشكر مركز كير الطبي و جميع تيم د ياسر الكبيسي جزيل الشكر تيم يهتم بالمرضى وتعاملهم جدا رائع)

كنت مع الاخصائيه مرام
سوت لي جلسة هيدرو فيشل
قمممممه في الرقي والتعامل الذوق
النتيجه كانت مباشره بعد الجلسه نظافه ونظاره

راح اكرر التجربه وباذن الله راح تكون المسؤله عن جمال بشرتي للسنوات القادمه باذن الله

Dr. Eman Zubairy is really honest and nice and advises honestly all the treatment you need with no exaggeration. I insist on visiting the place frankly because of her and I recommend to visit care medical center to deal with her.

تجربتي كانت هيدرافيشل مع الاخصائية مرام، للأمانة و بكل مصداقية كانت الاخصائية مرام جدا محترفة و دقيقة بكل التفاصيل خلال الجلسه و كانت تعطي الوقت الكافي لكل خطوة ولم ارى منها اي استعجال في مراحل او خطوات الجلسه ، انا سعيد و راضي جدا عن النتيجة و الفرق واضح بعد الجلسة مباشرة و النتيجة مثالية بعد ساعة الى ساعتين ، شكرا لك مرام تسلم يدك و الله يعطيك العافية

الحمدلله تعاملهم جدا جدا جميل وراقي وانا اغلب مواعيدي مع دكتورة ايمان ما شاء الله يدها خفيفة وتخلصي بسرعه ف انصحكم عنده

سيئ جدا في التعامل بعد العمليه
لاتقدير للمريض مع كثر التواصل
مسؤولي التنسيق عند د ياسر
لايقدرون العميل عند طلب تقرير او ماشابه ذلك تتعب علشان يجيك

دكتور عبدالعزيز السدحان بيض الله وجهك ورحم الله والديك قمه في كل شي
عالج بنت بأول جلسه بعد معانات عدة دكاترة وعيادات

بغض النظر عن احترافية الاطباء التي لم اتمكن من تجربتها نتيجة عدم مهنية المنسقات في تنظيم المواعيد

المركز رائع على جميع الاصعده اطباء وتمريض وتنسيق ونظافه وجودة وكل شي تعاملت مع ال كتور فالح الشهراني مبدع ورائع رااااائع ومنسقته قمه بلاخلاق

تنضيف بشره سيئ جدا ويقلون تخفيض اول مره بحياتي اسوي تنضيف بشره بكريم تلطه على وجهك ولاتوزعه زين وتقولك قومي

سعيده جدا بالتعامل مع الدكتور المبدع عبدالعزيز الهندي ، عملي ودقيق ويتابع معي حالتي اول بأول وفعلا يدينه تنلف بحرير ماشاء الله وان شاء الله مو آخر مره اتعامل معاه والشكر موصول للأخت بيان العرمان كانت معي في كل خطوه سواء في التنسيق قبل العملية ووقت العمليه لطيفه وخلوقه ومتفهمه وحبيت فيها انها دقيقه وعمليه والتواصل معاها سهل ومرنه جدا بالتعامل?

شكرا للاخصائية إيمان الزبيري. اخذت معها جلسات اكزيليس لدبل تشين مرررة فرق تعاملة مره جميل وشغلها في اكزيليس وحرصها على المريض خلاني اخذ معها اكثر من جلسة صدق شغل متقن انصحكم فيها جربت عيادات كثير بس هي لها طريقتها ماشاء الله متحمسة اكمل معها فل بودي

Dr.iman did an amazing job, very friendly and my skin looked amazing and fresh after the hydra facial. Thank you Dr. Iman will definitely come again. I highly recommend.

خدمة أكثر من رائعه الله يرضى عليكم ويرضيكم ويبارك لمالك المركز والموظفات والموظفين ولكل شخص تحت سقفه في أوقاتهم
لطيفين وتعاملهم كثير محترم?
مبسوطه لأني من عملائكم?
شكراً

اروح وارجع لكير افضل مركز تجميل بلا منازع بس كان عندي مشكله وحيده اللي هي الباركنق ويوم جيت اليوم لقيتهم موفرين ڤاليه ومجاني بعد

المنسقه شعاع قمه في الرقي والاخلاق في التعامل
الله يجزاها خير تسهل عليك اي امر تحتاجه في المركز
المركز نظيف ومرتب و يضم كادر طبي محترف

مركز رائع ومهتم في المراجعين حريصين على تقديم افضل خدمه. مراجعتي مع الدكتور عبدالعزيز السدحان ممتاز الله يعطيه العافيه

الله يعينكم على الانتظار بس يقولون لك فيه وحده قدامك متى تخلص الله اعلم
مافيه اي اهتمام لتحدي. المواعيد
س/ مدري الدكتور بينتظر لو انا تأخرت عليه ؟

المركز رائع بشكل متكامل لامن رحابة استقبال ولا من دكاترة تجربتي كانت مع دكتور عبدالعزيز السدحان

تجربتي كانت مع الدكتور سامي العيسى رائع اخلاق وانسان محترم سويت عنده عمليه كملت الان 6 اشهر والنتيجه الحمد لله ممتازه وبشهادة دكاتره تجميل اثنو وبشده على شغل الدكتور يعطيه العافيه

كل الشكر والتقدير لدكتوره ساره البابطين على رقي الاخلاق و حسن التعامل والاستماع وماشاءالله تبارك الله على خفه يدها تنلف بحرير

المكان جميل وواضح الاهتمام وانا من زواره من بداية الافتتاح. لكن موخرا وضع الانتظار غير منطقي
كنت انتظار مع د. عبدالعزيز وبالفعل دخلت بسرعه خلال اقل من نص ساعه بالرغم من زحمة جدوله. وحولني لطبيبة اخرى
الطبيبة الاخرى جلست انتظرها حوالي ساعتين. نص ساعه جلستها في الغرفة لحالي انتظر احد يمر ولا يعبر! حتى ماشفت الدكتورة ماحددت وش ممكن احتاج وفعلا كنت بنتظر لكن انتظر شيء يمكن مايصير!
نجمة للعناية بالمكان ونجمة للدكتور عبدالعزيز

كل الشكر والتقدير للدكتور سامي العيسى لأسلوبه الراقي ولحرصه على شرح أدق التفاصيل ومصداقيته العالية والطاقم الطبي والتخدير والتمريض أثناء إجراء العملية قمة في الرقي والحرص وشكر خاص للراقية مشرفة العمليات بيان لحرصها وذوقها في التعامل ولمتابعتها قبل وبعد العملية ولمنسقة الدكتور أسماء صراحة العيادة بكج متكامل واضح أن إدارة العيادة متابعة وحريصة على أدق التفاصيل أتمنى لهم كل التوفيق

لا انصح شخص بالذهاب للعيادة ، ذهبت للعيادة بسبب تصدعات بيضاء اعاني منها و كان هدفي هو الدكتور عبدالعزيز السدحان لتشخيص الحالة ، قام بتحويلي لعيادة اخرى ، انت الي الطبيبة لتخبرني ان البقرة كذالك لونها ابيض و اسود ، ليس اسلوب لبق ولا راقي ولا ينبغي ان يصدر من طبيبة ، تجربة سيئة ولا انصح احد بالذهاب اليها

الحين اعتقد اقدر اقول تجربتي بشكل مفصل
اسوء نقطه انهم يصوروا للي بيسوي تجميل قبل وبعد واثناء العمليه وماراح يبلغوا المريض بالشي هذا الا بعد مايدفع فلوسه ويتحدد موعد العمليه قبل كذا ماراح يذكروا الشي هذا ابدا التصوير عندهم اجباري ويحطوه بالملف
ملابس العمليات كل الازرار مقطعه مافي غير زرار واحد اول الظهر وزرار عند الركبه يتقفل و انحرجت لان كل اللي كانو بغرفة العمليات رجال وملابسي ماكانت ساتره من ورا ، لسى مااقدر احكم على العمليه اذا النتيجة حلوه او لا بجي اعلق بعد ٦ شهور ، بعد العمليه اللي فتح لي الجبيره النيرس وشالت الخيوط والدكتور ماكان موجود وماشافني بعد العمليه الا بأسبوعين وكل شوي يحجزوا لي موعد ويكنسلوه واجي للمستشفى على موعدي ويصرفوني يقولوا الدكتور مشى في عشوائيه غير طبيعيه في حجز المواعيد المستشفى اللي جالس يمشيه هم موظفات الاستقبال والمنسقه وربي يكون في عونهم واضح ايش كثر الاداره فيها تخبط

افضل الاستشارين مع افشل طاقم رعايه طبيه و اداريه قبل العمليات وبعد بتواجهون اسوء تعامل و رعايه واللي يفكر يسوي اي اجراء يسال عن كل شي ويلاحق وراهم لا يعتمد على الخدمه السيئه والافضل تروحون لنفس الدكاتره بغير مراكز اذا لهم

د. سامي العيسى قمة في المصداقية والأمانة والشغل بيرفكت ماشاء الله
ينصحك بالاستشارة الطيبة المناسبة ، ويسمع منك
الله يسعده ويرضى عليه وين ما كان
طاقم الممرضات ممتازات جدًا صبورات متعاونات ويخدمون بروح حلوة كذلك أطباء التخدير ، اسم العيادة care وهم فعلاً يهتمون فيك جدًا
اقترح فقط تقديم وجبات للمرضى بعد أي اجراء جراحي. وشكرًا للجميع

تجربتي مع طبيبين
١- الطبيب عبدالعزيز السدحان جيت عنده بعد ماحصل لي مشكلة في عيادة ثانية واحترق وجهي للاسف وصار كله تصبغات ، لما شافني دكتور عبدالعزيز انزعج جداً من الحرق وبدأ يعالج معاي بكل اهتمام وكل جلسة يبدأ بسؤال: نورة كم الفرق من ١٠ ؟ الله يجزاه الجنة
اما منسقته سامية فالله يسعدها ياربي ياكريم

٢- الطبيب فالح الشهراني بديت معاه باستشارتين لحد الآن في موضوع تصحيح الفك الجراحي ، متجاوب ويتحمل كل سؤال حتى لو كررت عليه باقي ان شاء الله اشارككم تجربتي في تصحيح الفك الجراحي الله يسهلها
برضو منسقة دكتور فالح رائعة ومتجاوبة الله يتمم عليهم

المركز رائع ويضم نخبه من افضل الأطباء. اخص فيهم د فالح الشهراني شغل متمكن واحترافي واخلاق عاليه شكرا من القلب

تعامل راقي وهدوء وترتيب وتنضم ودقه بالمواعيد ولا اروع اشكر الدكتوره امجاد والمنسقه لمى حسن تعاملها واجتهادها والوسيم والخدمات عندهم الاستاذه بيان ولا اروع ️️️️

المركز رائع بس مافيه احترام للمواعيد تجي قبل موعدك وتنلطع ساعه وزياده عشان تقابل الدكتور خمس دقايق ياليت يتم احترام وقت المريض

الكشف غالي و ارسلهم عن فحصي يطولون ع بال مايردون و الدكتور يرفض التواصل معي عيادة سيئة جداً جداً و عندي استفسارات عن العلاج اللي عطانياه يرفض انه يتكلم معي راميلي منسقته و منسقته تقعد سنين عشان ترد لا انصح بها

امس كان عندي مراجعه في المركز
انا اعتقد ان اهم شي الاستماع
ابي قولكم تجربتي ولكم الحكم

انا كنت في الغرفه وعندما دخل الدكتور قبل ما يجلس
يتم السؤال بشكل سريع عن حالتك ويتم الكشف بشكل سريع ولا يعطيك فرصه لشرح التفاصيل
وفي النهايه يطلب منك الدكتور ان تبحث انت عن مشكلتك
الصراحة كان اللقاء متوتر
انا مريت مستوصف بربع قيمة هذا المركز واستمع لي الدكتور بكل اريحيه
الكشف في هذا المركز لم يتعد دقائق محدوده

انا تجربتي كانت مع الدكتور / احمد الجندي للأمانة ممتاز جدا وامين ويعطيك نصائح وتفاصيل كاملة عن الابتسامة
والمنسقة الاخت/ امنيا جدا راقية بتعاملها والتزامها بالمواعيد دقيقة ومتابعة اول بأول

طبعا انا مركب ابتسامة وجدا اسعارهم ممتازة ومناسبة

شكرا من القلب️️ الدكتور ياسر الكبيسي ‏ومنسقات الدكتور وبالاخص موظفه التصوير الكل كان متعاون معي

من افضل العيادات اللي زرتها ، تجربتي كانت مع الدكتور سامي العيسى بعد ما شفت النتايج على الكثير من الزميلات ، قمه في الاخلاق و التعامل الراقي و المنسقه ديما جدا ممتازه و اشكرها ، كلمات الشكر لا تكفي للتعبير عن مدى رضاي بالتجربه ، سويت شفط اللغلوغ و حقنت دهون ذاتيه و احب انوه ان حقن الدهون الذاتيه يعتمد على تقبل الجسم فيه اجسام تروح اغلب الدهون و هذا شي مو بيد اي دكتور و لا يلام الدكتور عن اذا راحت اغلب الدهون مو بيده الموضوع.
الدكتور يعطيك وقتك و ياخذ و يعطي معك و هذا شي اصبح نادر جدا بحكم اغلب الدكاتره عليهم ضغط كبير ، لكن الدكتور ابدا ما قصر و طويل بال ، مثال يقتدى به

شكر خاص لدكتور عبدالعزيز السدحان انسان ذوق واخلاق انصح اي احد بيسوي بوتوكس عنده وهو مغمض راااائع ويده خفيفه?

العيادات مقفله انا الان الساعه 1 ظهراً والمبني فاضي مافيه ولا احد كيف كاتبين من 10 الصباح فاتحين؟؟؟!

انا حجزت موعد عند الدكتورة دلال العماري خلال الاسبوع هذا وباذن الله راح انقل تجربتي بصدق وامانة في نهاية العلاج بإذن الله

حقيقة قرأت الكثير من الردود السلبية وقد أُحبطت فعلاً من حجز موعد لأبنتي مع د. سامي العيسى بسبب كثرة الردود السلبية عن المركز وذلك بسبب أنني سأذهب من الشرقية خصيصاً لهذا المركز والردود لاتبشر بخير
فأستعنت بالله وذهبت وعند وصولي كان الموعد لنا على قائمة الأنتظار
لكن وجدت رحابة الصدر من الأستقبال الخاص بعيادته وكانوا متجاوبين ومتفهمين لقدومي من الشرقية بتسهيل وتسريع دخولي على الدكتور
أما الدكتور فكان قمة قمة قمة في التعامل وتوصيل المعلومة الصحيحة والمطلوبة وكان ناصح جداً بشكل أنساني
أما المنسفة فكانت سهله ومرنه في التعامل
هذا ماحببت أن أوصله للمتابعين
اما العيادات الأخرى وأستقبالهم فليس لدي فكرة
المركز نظيف جداً ويستحق خمس نجوم

المركز نظيف جداً. تعاملت مع دكتور ياسر الكبيسي والدكتورجداً متعاون وبروفشنال. العيب الوحيد هو عدم الدقه في المواعيد وبطء الرد ربما بسبب الضغط ولكن لن اتردد في القدوم مره اخرى لرضاى بالنتيجه

الاستقبال رائع. بنسبة للعمليات الجراحية في تكتم بالاسعار علشان تسوي (الكشفيه). وياخذون منك مبلغ وقدره بنسبه لعمليات الانف سعر 24 الف عندهم. اشوفه مبالغ جدا جدا

للاسف اكثر من اسبوعين وانا الاحق المنسقه عشان تعطيني موعد وما ترد بعدها رحت للمركز على الرغم انه بعيد عني بس عشان احد يعطيني خبر متى المواعيد او حتى الانتظار
اللي في الاستقبال يقولون تواصلي مع المنسقه طيب وينها قالوا لا تواصلي معها واتس اب واذا فضت ترد عليك ؟؟ ارسلت لها بالواتس وبرضوا ما ترد ؟؟ معقوله اللي في المركز ما يعرفون متى المواعيد ؟؟؟ ومافيه احد نقدر نتفاهم معه طريقه غريبه بصراحه

مركز محترم دخلت على الموعد تماما واشكر الدكتورة نورة السبيت على تعاملها الراقي واحترافها انسانة نزيهة جدا وتعطيك اللي يناسبك بدون استغلال الله يبارك لها فخورين ببنات وطنا بهذا المستوى الرفيع

كانت تجربتي مع افضل دكتوررررر تجميل الدكتور ريان العلولا الحمدلله توفقت بإختيار الدكتور خلوق وفاهم جدا الله يعطيه العافيه

د. نوره البابطين مره ممتازه وحبيت انها تعطيك على قد حاجتك وصريحه معاك وتخاف على بشرتك اكثر منك ️ شكرا د نوره

افضل دكتور فالح الشهراني وافضل دكاترة تخدير دكتور عبدالله القحطاني ودكتور طه الله يسعدكم ويوفقكم انا اليوم كانت عمليتي تقديم ذقن جراحيا وازالة سيلكون وكنت محظوظه بهالقرار دكتور بطل دكاترة تخدير ابطال ما شاء الله تبارك الله ️️️️️️️️️️ انا مها عبدالله

تجربي مع العيادة كانت جداً سيئة رغم اني ما اخترت الدكتور الا بعد ماتابعته بالانستقرام وكنت اتوقع انه الافضل.
كنت ابي شد للدبل تشن وقال لي لا ماتحتاجين وكان كلامه جداً مقنع وقمه بالذوق وقال تحتاجين فقط ٨ مل فيلر بقيمة اكثر من ١٢ ألف غير الكشفية
ولكن للأسف الفيلر خلال اسبوع واختفى ماكأني حطيت شي انصدمت جداً وعلى طول تواصلت مع المنسقة وقلت لها بلغي الدكتور باللي حصل لي وزودتها بفيديو لوجهي وللأسف كان ردها ان الدكتور يقول انا حقنت كل كمية الفيلر واذا تبغا زيادة تدفع حقه. بدون مايكلف على نفسه انه يطلبني احضر للعيادة ويشوفني حتى لمن تواصلنا مع منسقة العلاقات العامة كان بالبداية اسلوبها كويس وطلبت اني احضر للعيادة وفحصني دكتور ثاني ولكن دخل بكل دفاع عن الدكتور الاساسي ويوم اني حلفته وقلت له وش رايك بشغله بكل صراحة ارتبك وقال فعلاً الكمية اللي سويتيه كبيرة راح نرد عليك ولا جاني رد لا من المنسقة ولا الدكتور ورفت شكوى لوزارة الصحة وواعدوني انهم بيتواصلون مع العيادة
للأسف ان اسلوب العيادة والدكتور كان غير قبل الدفع وبعد الدفع ولا فكروا بإرضائي رغم ان المبلغ اللي دفعته مو شوي وزيادة اني رحت دكتور ودكتورة ثانية اطباء تجميل عشان يشوفون وجهي وانصدموا قالوا مافي اثر للفيلر

مركز منظم ومريح من ناحية الديكور وتعامل الاستقبال والممرضات وفيه نخبه من الاستشاريين السعوديين والاستشاري الفاضل ياسر الكبيسي غني عن التعريف تعامله محترم ولبق وجراح متمكن في عمليات الوجه والانف انصح بالذهاب اليه كانت اول تجربه لي واول عمليه وكنت متخوف لكن الدكتور ياسر طمني والنتيجه مرضيه جدا واحب اشكر ايضا منسقته الاستاذة حليمه على تعاونها انصحكم بالتجربه

استقبال سي وجشع كل مراجعه يطلبون مبلغ كشفيه وهذا مخالفة صريحة للنظام اتمنى من الادارة عدم استغلال رواد المركز

دائما انتظارهم طويل يضيعون وقت العميل. فالنهاية العيادة خالية والدكاترة شغلهم بسيط وروتين وفاضي أغلب اليوم لا يستحقون ذرة من أسعارهم.

كنت ناوي اروح للمكان بس انخرشت من تعليقاتكم

اسالكم بالله اللي تعامل مع الكبيسي كم عمليه تجميل الانف وكيف شغله

كل التعليقات تجيب الهم كل ما ابحث عن عيادة او مستشفى تجميل القى سب وتعليق يجيب الاحباط. الواحد وين يروح

مركز رائع استقبال محترف. دخلت العيادة على الموعد بالضبط. د. عبد العزيز السدحان طبيب ودود ويستمع جيدا للمريض.
أنصح بزيارة المركز.

الدكتور ياسر نفسيته كويسه و كان كويس
موعدي أخذته قبل ٣ شهور
تأخروا علي اكثر من ساعه انتظار! ما فيه اي احترام لوقت المريض
الاستشاره ١٠ دقايق ب ٣٥٠

ليه الفحش في غلاء الاسعار ، ترا مهما كانت شهاداتكم مو من حققكم ترفعون السعر حتى يكسر ظهور الناس اتقوا الله في الضعفاء والمساكين

الدكتور عبدالعزيز السدحان ماشاء الله عالج بنتي في خلال اسبوع من اكزيما عانت منها سنة ونص الله يجزاه خير. بس العيب الوحيد التاخير الشديد نجي في وقت الموعد وما دخل علينا الا بعد ساعتين بس الحمدلله حل المشكله من جذورها وكان يستاهل الانتظار

أولاً دفعت كشفية 350 ريال وقابلت الدكتور ياسر الكبيسي وكان جداً خلوق وقالي سو أشعه مقطعية وجبها العياده جبتها لهم العيادة بعد كم يوم واتواصل مع المنسقة حليمة تقرأ الدردشة ولا ترد فأتوجة برسالة لدكتور ياسر الكبيسي انت دكتور شاطر ومحترم فلا تخسر سمعتك عشان منسقة ماتستقبل ولا تقدر مراجعينك

الدكتور سامي العيسى كان في العيادة قمة في الأخلاق مثال للدكتور الراقي كنت ابسوي عنده عملية. قلت اي مستشفى حكومي انت فيه قال قوى الامن المهم بالواسطة أخذت موعد عنده دخلت عليه شخص ثاني قال مستحيل اسوي لك اي عملية هنا. وقال انت. وين هذا الكلام في مركز كير انصدمت فيه.

عطيتكم نجمتين لانه لا غبار على اسماء الدكاترة لكن مواعيد خايسة وأسعار مبالغ فيها وتعامل غير احترافي من المواعيد

دكتور عبدالعزيز الله يسعدك ويسخر لك فعلاً انسان خلوق وشغله ممتاز مع انو الاسعار مرتفعه الا انه يستق كل ريال المركز راقي جدا

الحق يقال المركز كديكور واستقبال وضيافة وممرضين ممتاز جدا
تجربتي عند الدكتور السدحان رجل ذو اخلاق ويشرحلك ايش المناسب شوي بس عجل

السلبيات جلست في غرفة الإنتظار مايقارب ال النصف ساعة وبعدها ذهبت الى غرفة ثانية لوضع المرهم لتفتيح الشفاه المرهم يأخذ مفعوله من 20 جلست في الغرفة اكثر من نصف ساعة في انتظار الممرضة وماتحملت وذهبت انا لهم ولم يكن لديهم تبرير للتأخير