Car Control

One of the best locations to fix your dodge and car in general staff are professional and top notch specially ahmad , totally recommend

ورشة ممتازة جدا و متعاونين اللي فيها و الصراحه ما قصروا معي الشغل مره ممتاز جدا و قليل عليهم 5 نجوم

اسوء شي شغلهم سيئ واضافه لذلك كسرو عندي مفصلت الكبوت والله شاهد علي انها منهم وبنفس الوقت صلحت السياره وانا عندهم ركب الصدام وقفل الكبوت وبنفس الوقت فتحت الكبوت الا كاسرينها لي حاولو يرقعون الموضوع يبداون لي القطعه ماحصلو راحو قالو من اول مكسوره وقالو جيب القطعه نركبها لك ودورت القطعه ماحصلتها لي فتره وجيتهم بعدها بركب القطعه كلهم يتهربون مني وتعامل سيئ والله صلح في اي مكان غير هذي الورشه يصلحون لك شي ويخربون لك شي عشان ترجع لهم نصب عيني عينك وقليله فحقهم نجمه لو فيه نقطه افضل

اشتغلت عندهم تغيير تكايات وكام وطرمبة زيت قبل ٦ او ٧ شهور تقريباً وكنت اصين سيارتي عندهم قبلها اذكر اشتغلت تصفية مع تغيير بواجي وتغيير طرمبة بنزين وكمبرسر وفلنجة وممكن شي ثاني بس نسيته
تعاملهم زين لكن شغلهم للاسف الشديد حسب تجربتي سيئ التكايات غيرتها بعدها صار كل فترة يهرب الفريون عندي وطلعت لي اصوات غريبة جداً وضغط الزيت عندي نزل عن اول مع اني مغير طرمبة الزيت والموتر ببداية الايام كان اشغله ويطفى فجاة بدون اي سبب والكبوت عندي حاسوا وزنيته لأن ما وزن الواجهة الداخلية كويس بعد مافكها وبعد عدة محاولات انهم يعدلون المشكلة بغى ينعفط الكبوت ولين راعي الورشة وداني لواحد وزن لي الواجهة الداخلية وغير اسعار القطع الي اسعارها مرتفعة عن محلات قطع الغيار والبواجي الي غيرها لي ماكملت ١٥ الف كيلو الا وصدت ويوم جيته قالي ممكن رطوبة او بنزين مغشوش غير التأخير فالشغل الي عادي جداً عشان تغيير زيت تقعد ساعة ساعتين.

ورشة متخصصة في دودچ و كرايسلر و چيب، كل العاملين متعاونين جداً و خبراء في السيارات ، زرت الورشة مرتين بسيارة رانجلر و في كل مرة تم تشخيص العيب و إصلاحه باستخدام قطع اصلية و في وقت قصير حسب حجم الاعمال. معاملة ممتازة و أمانة في الشغل الشهادة لله!
شكر خاص للأستاذ أحمد خلوصي

اعفن ورشه جيتها في حياتي لا شغل زين ولا تنظيم يعطونك موعد محدد تجي فيه وبعدها يرجعون في كلامهم سيى سيى الورشه

ورشة ممتازه دقه ف المواعيد و شغل مظبوط ناس فاهمة وخبرة غيرت مكينه و ماشاء الله شغل صح. انصح بالتعامل معهم

وش اقول وش اخلي اسعار جباره شغل نضيف امانه و اسلوب راقي سرعة بالشغل شكر خاص لعثمان يراعيك جدا جدا بالسعر ويحاول يخدمك ب افضل طريقه ممكنه الله يجزاكم خير فعلا سهلو لي اشياء كثير كنت زامل اسويها بالموتر

ورشة ممتازه جدآ الي يبغى يصلح اي شي يخص الدوج والكلايزلر ، جيب شروكي ناس فاهمين وخصوصآ الاخ سامي الله يسعدهه

ماشاء الله جبت سيارتي بركب تكايات مكينة و طلعت من عندهم مركب بكج كام و سبرنقات و تعديل كامل للمكينة، شغلهم سريع و دقيق و يعطونك نصايح عن كل شي و يعلمونك وش اللي يمفع و اللي ما ينفع. اشكركم جميعاً سامي و احمد و عبدالله و عثمان من كل قلبي

ورشة فاشلة ونظام شللية اذا يعرفك يضبطك والا سيارتك يسحب عليها ويعطيها اقرب عامل يلعب فيها ويتعلم عليها

شباب سعودي بإشراف الاخ سامي ، نصيحة وتعاون ويخدمونك كأن السيارة لهم ، ثقة وأمانة ، كانك عند اخوانك في الورشة ، انصح فيهم ، والله يوفقهم ويرزقهم

اول مره اتعامل معهم ومب اخر مره
رش جنوط وكليبرات وتصفية ثلاجه ما شاء الله شغلهم ما عليه خلاف وناس محترمه اشكر الاستاذ سامي واحمد وعثمان على حسن المعامله

كانت عندي مشاكل بالسياره والشباب م قصرو ساعدوني ونصحوني بكل شي فعلاً سامي والشباب كلهم م قصرو يعطيهم العافيه حلو مشاكل كثير بسيارتي الله يوفقكم ويرزقكم ️

تعاملهم جدا ممتاز وشغلهم واضح ماعندهم لف ودوران اشكر الاخ سامي على الاستقبال رائع اسعارهم مقبوله جدا وانصح التعامل معهم وبقوه

شهادتي مجروحة صراحة
امانة وصدق وثقه
اسعار مناسبة
نصائح ببلاش
واشراف مباشر من الشباب الله يعطيهم العافية…

ماراح تندم على زيارتهم

للامانة شغلهم م تشيل همه ولا تتابع وراه. متعاونين ومتجاوبين وعمليين اذا بدوا يشتغلون سيارتك م يوقفون لين يخلصونها بدون م توقف ع روسهم

من افضل الورش بالرش انا رشيت صدام واللون كحلي ازرق وجلست سنه خايف من اني ارشه لا مافيه احد يضمن لك الصدام وتطابق لونه مع باقي السياره بس رحت للورشة سامي وماقصر وماكثر كلام ويعجبني الشخص اللي مايكثر كلام ويمدح شغله يخلي شغله هو اللي يتكلم عنه تستاهل الورشه اكثر من خمس نجوم على شغلهم وعلى اخلاق راعي الورشه وسعة صدره

ورشة سيئة وفاشله ، قايلين لي الخميس تكون جاهزه ودقيت عليهم يوم الخميس قالو ناقص قطعه جب القطعه يوم السبت وخذ السيارة بعدين جا يوم السبت قالو خلاص مانحتاج قطعه تعال بعد العشاء تكون جاهزه ، رحت لهم الساعه ٧: ٣٠ على اساس استلم السيارة دخلت لقيتهم ساحبين عليها ولا سوو اي شي فيها فقط السمكره صلحوها، لقيت القطع الي جايبها جوا السيارة بكراتينها ماصلحو شي فيها تهاوشت معاهم وقعدت لين ١٢: ٢٠ الليل يعني قرابة ٤ ساعات عشان بس يصلحون ذراع الدركسون عشان اقدر اطلعها من الورشه ، + الدريشة اليسار خربانه ولا صلحوها وطلعت الدريشه اليمين مخربينها ولا تسكر وفوق هذا كلها المرايه اليسار مارشوها وزياده عليها طالبين عظمة صدام وبلشت ادورها لين لقيتها اخر شي ما استخدموها وطلعت زايده رغم انهم طالبينها