BLUE LINE

سلام عليكم انا شفت تعليقات الكثير بالنسبه لمحل بلو لاين و شفت التعليقات بعضه ايجابي و البعض الاخر سلبي جدا لكن هذي شهادة حق تنقال و احساب فيه امام الله والله ثم الله ان دخلت المحل و الموظف الي استقبلني كان جدا خلوق و كويس و الوضع كان بينا كلمه ورد غطاه و اشتريت منهم فلتر لسيارتي قيمة الفلتر 403 و ركبوه لي مجانا ما اخذو قيمة التركيب ف اتمنى من الاخوان الي مقيمن تقيمات سلبيه يراجعون نفسهم شوي لاحد يظلم اخوه المسلم كلتغ ننضغط و مرات نكون بالدوام ضغط زبائن و اتصالات على تلفيون المحل ف الجميع يكونون بحالة ضغط ف هذا مو معيار تقيم فيه المحل و تبني فوقه تعاملهم مع الزبائن انا ما اقول الا الله يوفقهم ويبارك لهم في حلالهم و يرزقهم من واسع فضله

والله وبالله وتالله انه لم تحصل لي مشكله معهم واجي وادفع واخلص شغلتي وامشي ، لكن لم ارى بحياتي مثل سوء تعاملهم يشهد الله بالذات موظف الاستقبال حسن يكلمك باسلوب كانك جاي تشحذه وانت جاي بفلوسك تعامل فاشل فاشل فاشل فاشل لابعد الحدود

ركبت عندهم فلتر مع الانتيك شغل كامل ب٢٥٠٠
وماشاء الله شغلهم مافيه كلام سنتين مركبه ولاشكيت من شي
*وبعد سنتين بعت الموتر وشريت ثاني وركبت فلتر عند محلهم الي في الشمال لاكن شغلهم فاشل يعني اذا تبي الشغل ازين لاتجي الا الفرع ذا *

من أسوء الفروع شريت من عندهم قيج وسنة كامله من ورشة لورشة وأخرتها طلع المشكله عندي بالقيج نفسه خربان معطيني قيج خربان وحتى الحساس حقه صرفوني وماركبوه والمشكلة الأكبر الكاتش كان مركب غلط وبدال مالتبخير يروح للكاتش كان مخلينه يروح لثروتل يعني للمكينة والله ماتحسفت الا عالمبلغ ادفع اخرتها قيج خربان وكاتش كان مركب غلط

م انصح احد يفصل انتيك عندهم فصلت عندهم ولا صلحو قاعدة للحساس وصار ينسم ورجعت لهم قال بولف لك جلدة ولا سوا شي حتى يوم جيت ابرمج صار فيه خطأ بالقراءات بسبب التنسيم

ركبت من عندهم فلتر مع تفصيل انتيك ب ١٨٠٠ وما ادري الصراحة هل السعر غالي او طبيعي

تحديث:
بعد سنة و٤ شهور تقريبا من تركيبي عندهم تكسرت غرفة الفلتر
ورحت لفرع الشمال وبكل برود يقولي نركب لك غرفة ثانيه ب ٤٥٠
طيب كيف تنكسر ؟ مو مثل ماتقولون انها فايبر ؟
اعتقد انها بلاستك وماتحمل حرارة السيارة
والصور قدامكم ، هذا الشغل كلفني ١٨٠٠ ريال ياجماعه

سويت تصفية للمكينة عندهم سعر جدًا ممتاز واحترافية بالشغل والترتيب ويعطيك ضمان على الشغل ويهتم بالتفاصيل اشتغل عندهم وأنت مرتاح

اشوف الشباب يكتبون تصفية مكينة ب 800 و 600 وش هاليدين الي عندهم غير عن البشر المحلات واجد ومواقع النت واجد لكن ابو راس مثلث الي يجيهم وهذي اسعارهم

الموظف السعودي منفس ويحسسك انك ثقيل على المحل واول ماتدخل بس ودك تهج من النفسيه قسم بالله كم مره اجي بشري وادخل واشوف نفسيته واطلع كنه مغصوب يشتغل

سويت تصفيه عندهم شغلهم نظيف جدا وشي يشرف تشوف صاحب المحل موقف على سيارتك بندر واشكر حسين على شغله

يوجد موظف تعامله سيئ جداً جداً مع تعامله هاذا ما بيجيب زباين لصاحب المحل انا لو ما احتجت الغرض ماشريت (من باب النصيحه)

صراحة من افضل ما شفت في الشغل من الاحترام والاحترافية وخاصة من الاخ حسن ما قصر ابدا بالخدمة والاهتمام والمعاملة وبصراحة يستاهلون المشوار من الشرقية الى الرياض وما راح يكون اخر تعامل ابدا باذن الله
الله يوفقكم وخلوكم على هذا الرتم الصحيح والشغل النظيف

تعاملهم سيء جدا من الموظف الفلسطيني الي يتكلم سعودي اخوه الي في الفرع الثاني افضل بقليل
المصري لا باس به
الاسعار نار

والله للأمانه شغل احترافي جدا ادوات من افضل الادوات تعامل راقي لاكن المشكله الوحيد الاسعار مرتفعه وهاذي تجربتي معهم

نار الله الموقده اسعاااره مرره عاليه والسبب يعود لعدم توفر القطع اللي يبيعها في السوق بكثره وشبه محتكر للشغله وبعض القطع تحصلهها برى ارخص بواجد

سويت عندهم تصفيه للميكنة و شملت تنظيف البخاخات و تغيير البواجي NGK الرياضية والثروتل وتنظيف الثلاجه والي حواليها.

شغلهم نظيف وممتاز جداً ما شاء الله.

الله يوفقهم،

تعلمو تفتحون صندوق بريد فى امريكا واشتر كل االي خاطرك فيه بنص سعر الاخ انا انتقدته مره باالانستا عطاني بلوك

ركبت من عندهم انتيك كامري ١٩ الشغل ماشالله ممتاز و اسلوبهم بعد حلو وانشالله راح ارجع لهم للشغلات ثانيه بعد
يستاهل التعمل معهم

رحت و سويت تصفيه للميكنة و شملت تنظيف البخاخات و تغيير البواجي NGK الرياضية و بوابه البنزين (الثروتل) و تنظيف الثلاجه المكينة والي حواليها.

بأمانة شغلهم تعدى شغل الوكاله ما شاء الله انا كان عندي اهم شيء البخاخات يفكها ينظفها و ينظف المواصير البخاخات.

عندي السيارة اختلف عزمها و صرفتيها 180 درجه

و السعر جداً جداً جداً رخيص مقارنه بالبقية الورش!

اسأل الله التوفيق لهم

شغل نظيف سويت تصفية مكينة تنظيف الثلاجة وتنظيف بخاخات والثروتل مواد التنظيف امريكيه بندر واخوه حسن حريصين على نظافة الشغل و المتابعه وتقديم النصائح الله يرزقنا وياهم من واسع فضله المشكله في المواقف تعال بدري بعد العصر مباشرة الساعه ٤ يفتحون ويسكرون ١١

شغل ممتاز جداً و حريصين على أدق التفاصيل وسويت عندهم تصفية مكينة و تركيب بلف رياضي وتغيير موية ريديتر و أسعارهم مناسبة جداً واشكرهم على شغلهم الممتاز و راعي المحل تعامله راقي جداً جداً ، تجربة سأكررها بإذن الله.

الاسعار مبالغ فيها جدا
ومايعطون ضمان اشتريت فلتر ماعليه ضمان مب مشكله لكن قلتله عطني فاتوره قال لازم تدفع 90ريال حق الضريبه عشان اطلعلك فاتوره! عسى ماشر

من افضل محلات التزويد والقطع سرعه في الرد واتقان في العمل ورحابه الصدر انا ركبت من عندهم بلف حراره مع برمجه المراوح

من افضل محلات التعديل ان كان قطع او تعامل
انصح فيه وبقوة ويكفي انهم سعودين وينصحك مايستغلك اسعاره مقارنه ب السوق رخيص جدااا
سيارتي من اصعب السيارات وماشاء الله ضبطوها اشكر الاخ حسن والاخ بندر على التعامل الراقي

انا جيتهم ركبت بلف حرارة رياضي و ماء راديتر

قلت للموظف ابي اسويه برمجة مراوح قالي سعر مبالغ فيه و فوق كذا قال الحين ماني رايق تعالي وقت ثاني بأسلوب غبي و سيء و يتكلم من طرف خشمه تقول يبي يشتغلها لي بلاش
حتى نجمة ما يستاهلون وكثيره عليهم

اشكرهم على الدقة في العمل ماشاء الله تم تصفية كرايزلر srt وتم تركيب كت كورسا والشغل تكانة ويتقبل الاسئلة بصدر رحب تحياتي

وديت عندهم سييرا معدل كانت عندي مشكله ب البرمجة وماشاءالله عليهم عرفو المشكله وعلاجها ، الله يرزقه ويسعده لان فعلاً من المحلات اللي المفروض تكون عالميه

اقسم بالله العظيم بأنهم يخافون الله والمحل يسوي تصفية شاملة للمكينة وغسيل الثروتل ومساطر البنزين وسيارتي تاهو والله شغل بلولاين يثلج الصدر وإذا تبي سيارتك تعيش معك بنظافة تامة لا تروح إلا لبلولاين

من تدخل المحل وتشوف وجه الموظف المكشر تنسد نفسك وأنا اكثر من مره اجيهم بحكم قربهم من المنزل ولاكن الأسعار مبالغ فيها والتعامل عشر مرات سيء ومرة زينة تحس إنك داخل بيته مو محل. وللمرة الالف اقول شوفوا أسعار المحلات الاخرى قبل تجونه

اخذ فيول بكثره وسعره معرف مابين 350الى 370 اذ مقطوع طبعن فيول 103ms
ولان يقولك 430ريال واقول انا اخذه ب350 واحيان 370 يقولك والله ماقد بعته بسعر ذا

للامانه شغله مرررره نظيف واغلاقه عاليه لا هو ولا عماله مشتغل عنده موتر صعب شغله ومعقد وما اشتغله اي احد انصحكم فيه

اسعاره فلكيه ومبالغ فيها مررره. ياخوان نصيحه لكم قبل لاتشتري من عنده رح شوف السوق تلقى بنصف السعر او اقل. شريت من عنده قطعه ب500 ريال وتفاجأت واحد شاريها ب150.

نصابين ركبت هويات وبرمجت عندهم مع العلم اني قائل له تعرف للبرمجة ولا بس نظام مهكر قالي اعرف والبرمجة الي عندي أصليه وآخر شي خبط الموتر من ثاني اسبوع مع العلم اني م استخدمت الموتر الا شي بسيط جداً

ماشاء الله تبارك الرحمن. انا للامانة ماشريت قطع غيار من عندهم. لكن اشتغلوا على سيارتي شغل محترم ابد سلم سيارتك لبدر حجازي وارتاح شغلهم تمام لو اقدر اقيمهم أكثر قيمتهم يستاهلون الله يوفقهم.

جداً جداً سيئين وغير محترقين بغوا يسببون حريق فالسياره بسبب سوء تركيب البخاخات حقت البنزين وأثناء إصلاح الخطأ نسوا يركبون اللي حق التبخير الخلفي فالسياره فاضطروا يرجعون يفكونها من جديد وفوق ذا كله الأستاذ بندر حجازي غير متعاون وكل اللي يسويه إنه يهاوش العمال ويشتغل بغضب

م ش الله كله قطع اصليه وسلعتهم الافظل معروفه واسعارهم توصل لارخص من سعر المصنع. لاكن الموضفين لازم يسيرون الطف شوي معاملتهم ليست الافظل

اسعاره غالية وبفرق كبير عن المحلات الثاني و التعامل معهم بشع مايعطيك وجه واذا رد عليك يكلمك من طرف خشمه