حقيقةً من اجمل وارقى واروع الفروع️! التيم كله كان متعاون واهتمامهم بالعملاء كان واضح واخص بذكر تعامل الاخ عبدالله كان راقي جداً وفاهم لذوقي وعطاني عدة اختيارات تناسبني ، وباله طوويل رغم اني جايه في اخر الوقت وماعجلني ابداً حقيقي مثال للموظف المثالي
الشموع عندهم مافيه أجمل منها الروائح تأخذ العقل وفواحه لكن بصراحه مصخوها كل شوي رافعين السعر الان وصلت الشمعة الكبيرة ١١٠والصغيره حول ٨٠ ريال السعر صار مبالغ فيه جداً احبهم وكنت اخذ كميات كبيره من الشموع لكن الحين لا بسبب السعر المبالغ فيه جداً ولا عاد افكر ادخل المحل لان مصيبة لمًا تخسر ولاء العملاء بسبب ارتفاع السعر المبالغ فيه وبتكون النهاية خسارة للمحل
هذي الزياره الاولى للفرع طاقم العاملين اهتمامهم بالعملاء كان واضح جدا ومحترمين. طبعا الاخ العتيبي على رأسهم كان في قمه الذوق والرقي واللباقه وجدا ساعدني في الاختيار وشرحه للمنتجات كان في قمه الاحترافيه. شيء لمسته مميز جدا عن باقي الفروع اللي هو التعامل والابتسامه والاحترافيه الله يوفقهم
الصراحه حابه اشكر حبيبتي العسل الموظفه اللطيفه اللي ما قصرت مع العملاء بابتسامتها الجميله حتى بنهاية الدوام كيف تخلي الزبون يطلع من المحل مبسوووط من الخدمه الاخت (هنوف سعود?) اشكرك كل الشكر على الذوق العالي واللطافه وبشاشه عكس البعض ️️️️️️
موظفين ومدير الفرع قمه في الرقي والأخلاق والإحترافيه! زرت الفرع تاريخ ٢٢ جون الساعه ١٠ مساءً. مثال يحتذى به للموظف السعودي.
Staff and branch manager are very professional and very helpful! I visited the branch on June 22,2022 at 10 pm and they made my shopping experience amazing! Thank you so much.
المحل جميل ومرتب موجود في الدور الأول في المكان مول عندهم سلة فيها مجموعة منتجات عناية بالجسم تصلح تكون هدية وطبعا معروفين بالتنوع الكبير في منتجات الشموع سواء بفتله وحده أو ثلاث فتلات وأيضاً عندهم صابون اليدين جميل جداً والروائح متنوعة وحلوه، بس تأكد تاخذ الصابون اللي برغوة أفضل بكثير من الصابون اللي بدون رغوة وأهم شي لا تفكر تشتري منتجاتهم في غير وقت التخفيض لأن فرق السعر كبيييير
الموظف داخل المحل قليل أدب رافض يبيع يقول سكرنا وجاء بعدي واحد ودخل طيب قفلت قفل كل شي يا ناس هؤلاء يسيؤون للشركه الي مشغلتهم احترم مكان رزقك الناس وظفوك ابرز جماليات المحل مو تسد نفس الزبائن الله يسد نفسك يا شيخ والإخوان الاداره اعقدوا دورات للموظفين قبل ما يستلم اي وظيفه
انا طبعا رحت فرع الرياض غاليري الفرع ايام التخفيضات على زحمة الناس للامانة الموظفين كانو في قمة التعاون و خدمتهم ممتازه اغلب الاشياء الحمدلله كانت متوفرة برافو عليهم اتمنى لهم التوفيق و كذلك تعاملت من المتجر اون لاين ايضا واضح و جميل