عن تجربه ركبت عندهم ابتسامه عند الدكتوره الاء اولاً تفهمك خطه العلاج والشيء الثاني يدها ماشاءالله خفيفه ومواعيد العياده مافيها اي تاخير اجي ع الموعد اكثر من ٥ دقايق انتظار ماتوصل + رضاي عن الابتسامه اللي سويتها عند الدكتوره الاء ولا غلطه ماشاءالله فنانه
صراحه يستاهلون التقييم العالي والله يوفقهم كل الشكر لطاقم العياده كامل بدايه من الاستقبال وللجميع بدون استثناء
التعليقات وهميةعملت حشوه عند الي اسمها ريان صرت بعد فتره اتحسس مع المشروبات الحاره والباردة رحت عيادة ثانيه علشان احل المشكله قال لي الي سوا لك الحشوه لعب فيك وعدلها والحمدلله واختفت المشكلة…مدام ما تعرفين تسوين حشوه كان قعدتي في البيت حسبي الله عليك
رحتلهم على عرض ل تنظيف وتلميع وازالة الجير ، نجمتين بس عشان ازالة الجير اما الباقي مافي اي نتيجة. شغلهم ابو ١٠ دقائق واقل فقط. اول مرة واخر مرة احجز عندهم
انتبهوا ي اخوان تعامل سيء من جميع النواحي بدون استثناء نصيحة اخ محب عيش بدون اسنان افضل من انك تتعالج عندهم نصيحة مجرب انتبهوووووووا دفعت 4500 كاش مقابل تقويم اسنان بعد سنتين قالو ادفع مره ثانية
عيادات ممتازة عن تجربة ركبت عندهم اسنان زريكون ابتسامة هوليود الكامل اسناني و ماشالله الفرق كبير اشكر كل العاملين على حسن تعاملهم بالعيادات وشكر خاص للدكتورة آلاء الله يجزاها كل خير
سلام عليكم ورحمة الله شكر وتقدير لعيادة بسمة المستقبل ، وشكر لموظفي الاستقبال ، وشكر خاص لدكتورة الأسنان / الاء رشيد على شغلها الطيب وخفت اليد ، كان عند ضرس وتم ازلة العصب مع الحشو ، تجربة موفقة الحمدالله ، وانصح بها. وفقك الله الجميع
صارلي حوالي ١٠ شهور اراجع معهم، كنت عند د. حميدة وبعد ما سافرت حولت عند د. تركي، اثنينهم شغلهم نظيف ويهتمون وراضي عن تجربتي معهم. للأسف اذا قريتوا اغلب التقييمات والتعليقات السلبية بتعرفون انها من ناس ما زاروا المستوصف اصلا ف لا تاخذون تقييمهم بعين الاعتبار. عموما اذا عندي نصيحة وحيده ف هي انكم تهتمون بدقة المواعيد أكثر وما تخلون المريض ينتظر كثير
السلام عليكم تجربتي معهم جداً جميلة بفضل الله ثم منسقة روان جيت عندهم ابي اسوي تقويم شفاف للامانة لسى ما شفت النتيجة عليه. لكن حبيت اقيم المنسقة والدكتورة مره لطيفين والاكثر من هذا تعاون المنسقة حصل ظرف شي مرونه جداً عالية. ️️
نجمة قليله في حقهم لوفيه اقل منها اعطيتهم المستوصف كان كويس والحين اغلب الي فيه جزاريين واسعارهم صارت غاليه على الجودة الرديئه الي يسوونها لا انصح بالتعامل معهم فيه مستوصفات افضل منهم بكثير
سوييتت ابتسامه عند دكتورره اسماءء ماشاء الله تبارك الله يدها خفيفه والنتييجه طلعت مثل م ابيي واحلاااا تشتغل من قلبببها واسلوبها جمييل ولبق الله يعطيها العافيةة
اخواني واخواتي انا عملت ابتسامة في هذا المجمع أنصح بالدكتورة اسماء انسانة شاطرة وفاهمه ومتمكنة من عملها تدفع فلوسك وانت مرتاح ومو مستخسر ريال ومن واقع تجربة
تجربه غير موفقه إنخدعت بالتقييم على قوقل ماب ويوم رجعت وركزت بالتقييم والتعليقات حصلت 90٪ من الناس اللي مقيمه ماعندهم غير تقييم واحد وهو 5 نجوم الخطه واضحه
بصراحه اشكر الدكتور محمد و الاستاذه سعاد احترام و اخلاق و شغلهم مره حلو ونظيف وترتيب العياده ونظافة الأدوات سويت حشوات وتنظيف وتبييض شيء رائع تسلم ايديكم والله يعطيكم الف عافيه وتستاهلون أكثر من ،5 نجوم وانصحكم بالدكتور محمد العنزي والممرضه سعاد
اشكر الدكتور عبد العزيز علي الخدمه الجميله والاستقبال الراقي خلعت ضرس العقل ماحسبت بشي الله يوفقو وشكر للمنسقتو استاذه ايمان علي الاستقبال الراقي والالتزام في المواعيد شكرا بسمه المستقبل
من أسوء العيادات اللي زرتها، جهاز دكتور الاسنان يسرب مويه على الوجه ولازالو يستخدمونه ، مستوى نظافه متدني العيادات مغبره و واضح انها مهمله ، المواعيد فيها تأخير والمفروض اماكن زي كذا مايقدم فيها خدمات طبيه
تجربتي معهم كانت جداَ سيئة ، ما أنصح اي شخص يتعالج عند الطبيب أحمد غير متمكن من عمله، خسرت ما يقارب ٦٠٠ ريال على لا شيء بلعكس زاد الطين بله. غير كذا أختي راحت عند الطبيب أحمد على أساس تسوس يحتاج لنزع عصب حسب ما بلغتها طبيبها السابقة ، فجأة صار يخلع لها الضرس بدون ما يستشيرها أو يبلغها!
تجربتي من خلال زيارتي الأولى للعيادة تم حجز موعد عند طبيبة مصرية، و قررت الطبيبة أن الضرس يحتاج لنزع عصب، أشتغلت على الضرس في الجلسة الأولى طبعاً ما كانت في ممرضة تساعدها كنت أضطر أمسك معها الجهاز تبع شفط اللعاب، بعد الانتهاء من الجلسة بلغتني انها نزعت العصب، و تم تحديد موعد للجلسة الثانية ، خلال الفترة ما بين الجلستين ظل الضرس يألمني برغم أنها نزعت العصب، لما حضرت للموعد الثاني بلغوني أنو الطبيبة طلعت ما عاد صارت تشتغل في العيادة، قالوا راح نحولك لطبيب أخر يكمل العلاج، حولوني على الطبيب أحمد مصري الجنسية، بلغني أن الطبيبة ما نزعت العصب بشكل جيد و راح ياخذ معي جلستين من العلاج، أثناء الجلسة الأخيرة حرق شفتي مرتين بالغلط بستخدام جهاز ساخن و عمل لي خصم من قيمة العلاج كأعتذار ، غير أن وجهي طَوال الجلسات العلاجية في بطنه بسبب الوزن الزائد كان وضع غير مريح جداً، بالاضافة يده ثقيلة في العمل كأنه في صِراع أثناء حقن البنج و أثناء العلاج، جربت أطباء كُثر بس مثله ما شفت، بعد مرور شهر من انتهاء العلاج بدأت أحس بألم بنفس الضرس ولكن كنت خارج السعودية، بعد أربعة أشهر رجعت، و الضرس صار جداً مؤلم مع ألتهاب في اللثه، توجهت لعيادة أخرى و تم عمل أشعة و بلغوني أنو عندي ألتهاب و وجود خُراج بسبب عدم علاج الضرس بشكل صحيح، بلغوني بضرورة التوجه لطبيب مختص بالعصب حتى يتم إعادة العلاج لأن في حال ما كان الطبيب مختص بشكل جيد قد يفشل إعادة علاج العصب و يتم الاضطرار لخلع الضرس ،لذلك توجهت لعيادة غوج برغم من معرفتي المسبقة بأسعارهم المرتفعه ولكن مضطره حتى ما أفقد الضرس، و لوجود طبيب مختص في العصب عندهم، و الحمدلله تم علاجه بشكل ممتاز، كلفني في غوج ١٥٠٠ ريال لإعادة العلاج ، بينما خسرت في عيادات بسمة المستقبل مبلغ ٦٠٠ ريال على لا شيء و المزيد من المعاناة.