Ashley Furniture

المعرض ممتاز ومحتوياته ممتازه ولكن التعامل سئ جداً وعدم التوضيح للمشتري بالطريقه الصحيحه وخدمة العملاء نتصل مايردون ابداً للاسف طريقة التعامل تحبط لعدم التعامل معهم مره ثانيه شريت منهم كراسي ومرمطوني لا استلمت ولا يوصلون والله يعقلها

دخلت اشوف التعليقات لاني ناويه اشتري منهم وانصدمت من كمية الاحباط والقهر وسوء المعاملة الاغلب اشترى ودفع فلوس و اللي اشتروه بالضبط وصلهم ناقص او مكسور او لونه مختلف او مازال في قائمة الانتظار كيف تخلي الزبون يدفع منتجات غير متوفرة! كيف تخليهم ينتظرون شهور و ماترد على اتصالاتهم وتتجاهل طلباتهم الحقيقيه وتستبدلها باخرى! مصيبة اذا ادارة اشلي يعرفون باللي يصير ؟ انا كزبون ابحث عن محل متعاون وجودة في الخدمة والمنتج وعنده خدمة عملاء ممتازه ايش يخليني اشتري منكم اذا كل هالمشاكل موجودة؟؟

اسوأ شيء في الاسترجاع والاستبدال يلعبون على الناس والأسوء الادارة لما تروح تبغا تلاقي حل يعاملوك بطريقة سيئة جدا وللعلم نفس المنتجات اسعارها برا ارخص عند ميداس مثلا.

المعرض كبير ومنظم. الموظفات متعاونات. أخذت أبجورات وكانت مناسبة جدا. ياليت يكون فيه ركن مخصص للأبجورات والتحف لأن متعب أدور المعرض كله للبحث عن أبجورات.

البائع هناك بلف بيك و إدور وإحاول إبيعك عشان النسبة و كذب عليك و بعد ما يتم البيع بتشوف الأسوء بكثير منهم
لا ردون على التلفون و لا حتى خدمة العملاء و لا أي احد في الإدارة!
و كتجربة تعد أسوء تجربة و لا أنصح بالتعامل معهم و التوصيل بفوت 15 يوم

اسووووء فرع و لو فيه اقل من النجمه حطيت تعامل سيء جدا من مدير الفرع و طاقم العمل بطيئين بشكل و انتظار اكثر من ساعه! على قطعه وحده بس لييه!

كل الشكر للاستاذه حنان على مساعدتها لي واختيارتها المناسبه وصبرها وتحملها وطولة بالها شكرا لها واشلي محظوظين في موظفه مثلها

موعيد غير دقيقه وبعد الانتظار ١٣ يوم تجيني الغرفه من دون مسامير والله وهو يركب الخشب يتقشر الغلاف الخارجي للخشب
لا انصح التعامل مع هذي الشركه

أطقم الكنب جميلة ورائعة وكذلك تشكيلات طاولات الطعام وغرف النوم ، لكن السعر مرتفع نوعًا ما.
لكن يؤخذ عليهم عدم كتابة السعر الإجمالي للنوع.
مثلًا: طاولة الطعام المفروض يفصل السعر كسعر الطاولة وحدها ثم الكراسي ثم يكتب السعر الإجمالي!
وكذلك الكتب كل قطعه بسعر!
بحيث يجلس العميل ويحسب كل قطعة حتى يصل السعر الإجمالي!

للاسف اسواء خدمه ما بعد البيع لنا ثلاث شهور شارين منكم بمبلغ كبير و للان ما وصلتو لنا شي وفوق هذا اسواء خدمه عملاء ندق انتظار 20 د رد الي وبعدها احد يرد ويحط هولد! وين الامانه وين رضاء العميل!

اليوم زرر آشلي. اول مره بحياتي ازوره رغم اني ساكنه الربيع جنبه.
الساعه ١١ وانا الفلف في المعرض حسيت بدوخه. المحل شبه فاضي تماما والموضفات كل وحده متسمره ع المكتب. دورت ماء ابشرب ماحصلت. تعودت ع ابيات ودبليو سيتي. حاطين مويه كثير. اول مايدخل العميل.
المهم رحت لوحده في الدور الثاني جالسه ع كاونتر قلتلها ابغى مويه اذا ممكن قالتلي تحت عند خدمه الععملاء. اصلا باين الاعياء ع وجهي. نزلت تحت لقيت وحده جالسه ع مكتب. قلتلها ابغي مويه قالتلي. عند خدمة العملاء َرحت ادور خدمة العملاء مالقبت احد جلست ع الكرسي امكن خمس دقايق ماشفت احد. قمت امشي قابلت عامل قلتله ابغي مويه انا تعبانه قلي طيب. راح وجاب لي مويه. جلست وشربتها وطلعت ع طول. وهذا كله موجود بالكمراء. بالامكان التاكد منه. اللي بقوله انه في شي اسمه انسانيه. لو اغمي علي.

كل وحده ترسلني مكان مسنحيل مايكون معاها مويه في مكتبها كان اعطتني اياها او قامت تجيب لي مويه. الموظفات يبغالهم عشرات السنين. عشان يتعلمون فنون البيع. والتعامل. توبه ان رحت مره ثانيه.
حتي كوفي مافي. حتى االي يحتاج مويه يشري

سيئة جدا مماطله وتلاعب
تم تسليم المطبخ ويوجد به عيوب وتم التصوير من اول يوم بالتاريخ والساعه وراح اتواصل مع الجهات المسئوله

It's not easy to find the furnture you need and matching your budget
It.s more than moderate prices

افضل محل اثاث بالرياض باختصار لامن ناحية الجودة و الاسعار مقارنة بالسوق و خدمات ما بعد البيع يفووز هالمعرض كل الشكر لكم و لاهتمامكم بعملائكم رائعين جداً

المكان فخم اسعار مميزه تخفيضات حقيقيه تنوع رهيب يرضي كل الاذواق
حسن استقبال واهتمام اريحيه في الرد على العملاء ادب احترام ذرق رفيع من العاملين والعاملات بالمعرض
الف شكر لكم جميعاً

تجربة سيئة جداً مماطلة في تسليم المشتريات لاكثر من شهر علماً بانه تم الوعد بالتسليم خلال اسبوع الى ١٠ ايام. اثنتين من موظفات خدمة العملاء غير مؤهلات لمقابلة الجمهور ولا يمتلكن ادنى ابجديات معاملة الزبون. يوجد خيارات افضل واكثر التزاماً واحتراماً للزبون ووقته.

معاملة جدا سيئة اشترينا غرفة نوم
اجت بدون كراتين ومستخدم وفيها اكثر من ٢٠ عيب بين خدش وكسر
راجعنا الإدارة قال رفعنا طلب خلال ٤٨ يتصلون وماحدا اتصل ولاحدا يرد

أخذت منهم طقم كنب جدا مريح والحمدلله توفقت فيه والتوصيل كان جدا سريع خلال ٣ أيام عمل عالموعد بالضبط

جميل فيه كنبات وطاولات اكل وكراسي وغرف نوم مزدوج واطفال ومداخل وسجاد وخداديات ومطابخ اثاث منزلي. لكن مابعد جربناالبضاعة ننتظر توصل بعد ٤ اشهر

انتبه منهم ومن عروضهم يركض وراك عشان يبيعك ولا طلعت جودة المبيع عايبه قال والله خصمت حق العرض ودراهمك ترجعها وزارة التجاره

متجر رائع من حيث تشكيل الاثاث المتنوع ولديهم عدة خيارات المودر والنيو كلاسك والكلاسك والاسعار متفاوته حسب الموديل والقطع البعض بمتناول الجميع والبعض مرتفع ويوجد لديهم موظفات البعض لديهم خبرة بتنسيق والنصح بختيار القطع ونتمنى التوفيق للجميع

الخمس نجمات للأخت ليلى الكثيري كنت متردده من الشراء من آشلي بعد قراءة التعليقات ولكن مع التعامل مع الأخت ليلى والشعور بالثقة وحسن التعامل كل الشكر والتقدير

انا شريت منهم مطبخ جلس اربع شهور وهم معطيني موعد ثلاث شهور لو ما رحت لهم اسال عنه ولا ما ركبوا شي وتعامل الموظف جداً سيئ ولا يرد على الواتس ولا يشوف العميل شي ولا يعبر احد وعندي مايثبت بعد تركيب الخشب تجلس 10 ايام تنتظر الرخام واذا فيه قطع ناقصه تتاخر اكثر مواعيد كلها كذا وخدمه وتعامل فاشله جداً
بعد ما تدفع محد يتجاوب معك باختصار خدمه ما بعد البيع معدومه

اسوأ تعامل مع العملاء في خدمة الاسترجاع. اول واخر تعامل معاهم

They have the worst customer service and the worst return policy, not buying anything from here ever again

أسوأ خدمة ما بعد البيع وأسوأ خدمة عملاء واجهتهم بحياتي. لا يفقهون أبجديات حل المشاكل او حتى فهم طلب العميل. شريت مرتبة مع القاعدة وصلت القاعدة والمرتبة ما وصلت في الأخير قالوا خطأ من البائعه لان المرتبة طلبية خاصة تصل بعد ٣ شهور! ورفضوا يحلون المشكله و مدير المعرض مستحيل يواجه الجمهور مرة في اجتماع مرة مشغول. عدم تواجده بين الزبائن والموظفين سبب كبير في التقصير

تجربتي جدا سيئة طلبت غرفتين وصلتني بعد سته اشهر من طلب وحده من الغرف ماجابوا الكمدينه ولا تسريحه واول ماطلبتها وجيت ادفع الفلوس قالوا اكثر شي شهرين وتوصلك مافي اي مصداقية ولا عاد راح اشتري منهم قطعها لو ماعاد في احد الا هم مادام مستمرين ب طريقة الفاشلة هذي

أسوأ خدمة عملاء شريت كرسي وقالوا الاستلام بعد أسبوع من الفرع يكلمونك ولي أكثر من ١٥ يوم محد كلمني وكل ماكلمت خدمة العملاء يردون علي ينات يقولون بنشوف لك الموضوع ونرجع نكلمك ومحد يكلمني والمشكلة القطعه يقولون موجودة في مستودعات السلي ننتظرها تجي ليش الكذب تقولون بعد أسبوع التسليم

عندي طلبيه من تاريخ 25/5 الى تاريخ اليوم لم تصلني وعند الشراء قلت الموظفه انه موجوده خلال اسبوع تكون موجوده عندك والان لي اكثر من 5 شهور وعند التوصل مع خدمة العملاء اليوم قالت يبغ لها شهرين

للأسف عند الشراء تجد كل الاحترام والتقدير وعند التوصيل والاستلام يمر عليك اكثر من شهرين ولا تستلم الطلبية وبدون اي اعتذار او تواصل مع العميل
تقدمت بشكوى لوزارة التجارة بعد مضي اكثر من شهرين ولم يتم التوصيل وللاسف وزارة التجارة ابلغوني ان سياسة المعرض قد يصل وقت التوصيل فيها لاكثر من ٦ اشهر وهو ما لم يبلغوني فيه وعندما اخبرت موظف وزارة التجارة بان هذا خداع للمستهلك وكذب اخبرني بانه يمكنني رفع قضية في المحكمة التجارية على الموظف الذي ابلغني بان التوصيل خلال شهر! هل هذا يعقل!
بدل ان تستمتع بشيء اشتريته من حر مالك فأنت مضطر للدخول في المحاكم والقضايا!
تجربة لن تتكرر مع هذا المحل

تجربه ممتازه. الاهتمام بالتفاصيل. رعايةالعميل ممتازه. نوعية البضاعه جيدة جدا. حسن المتابعة. الالتزام بموعد التسليم

خدمة سيئة وعدم مصداقية بمواعيد تسليم الأثاث، اشتريت طاولة طعام ودفعت المبلغ كامل على ان يكون التسليم خلال شهر ٧ الماضي وعند المراجعة يماطلون واعطوني مواعيد نهاية السنة!

هذا المكان عواااار قلب بإختصار من جمال كل قطعه فيه
اخذت من عندهم كنب كامل استرخاء
شي يجنن وربي
والموظفات هناك ذوووق ومحترمات جدا
اللي باعتنا نوره المطيري على مااذكر اسمها
المهم انسانه قمه في الذوق والاخلاق وبالها طوييييل ومحترمه

واجهت مشكلة في عدم توصيل الطلبات. موظفات خدمة العملاء من أسوأ الخدمات تعاملا ولا يعرفون كيف يتعاملون مع مشاكل العملاء. للأمانه من قام بحل المشكلة الأخ عمرو بيومي والأخت ميلاف عند المحاسبة قمة في الأخلاق وامتصوا غضب العميل والأهم حلو المشكلة يا ليت يعطون دورة لموظفات خدمة العملاء

المعرض كبير وفي كل الأحتياجات

الملفت للمصلين الحاجز الذي امام المصلين مليء بالنجوم السداسية نجمة داوود حبذا لو غيرتوه

ما شاء الله تبارك الله. بضاعة ممتازة وتوصيل قبل الموعد المحدد (علما بأني خارج منطقة الرياض) وتعامل موظفين راقين جدا. وتواصل ممتاز من خدمة العملاء للإطمئنان بتوصيل البضاعة وسلامتها.

أشكر الموظفه أفنان عمر على ذوقها واخلاقها وصبرها خدمتها كانت رائعه تحببك بالمكان وتخدمك بكل حب فعلاً مثال للموظفه الرائعه. أهني شركة أشلي لأختيارها عضوه معهم ️

لاانصح بشراء منهم مماطله في تسليم الاثاث رغم وجوده في المستودع سياسه ارجاع فاشلة وفيها اجحاف بالمشتري وعدم توضيح ذالك قبل الشراء واسعار الشركات الاخرى اقل سعر للمنتج نفسه

الخدمه والمعامله من الموظفين جداً سيئه غير خدومين وان لحقتهم يكلمونك من طرف خشمهم ، اذا كذا الخدمه ماقبل البيع وش يصير لو شريت
معليش ماارجع مره ثانيه ولا افكر حتى

التنوع ومستوى الأثاث والخيارات رااااائعه. تكاد تكون الأفضل بالسوق ؛ لكن موضوع مواعيد الاستلام الذي يستغرق أشهر قللللة أدب!
الطاولة هذي مثلاً تستغرق شهر عشان توصلني وانا بالرياض!

ماعندهم مصداقيه بوقت التسليم وغير كذا يوم جيت استلم القطعه ، قعدت انتظر اكثر من 30 دقيقه ويوم وجهوني لقسم التسليم ، العامل قاعد يركب القطعه وقعت انتظر 20 دقيقه زياده ، لاتوجد مصداقيه عندهم وتأخير اكثر من اللازم

تجربتي مع معرض اشلي مميزة ورائعة جداً ولا يختلف عن فروعه خارج المملكة من ناحية التشكيلة والمعروضات ، وجدت الأثاث المناسب لي وكانت استشارية المبيعات الاخت الاستاذة ليلى الكثيري مميزة واحترافية في خدمتها للعميل وشرحها وتوضيحها ومساعدتها مما جعل من اختيار الاثاث رحلة مريحة جداً. شكراً الاخت ليلى شكراً اشلي.
رائد

Terrible after sale service. I bought a wooden table and stools, the stools wood showed manufacturing issues, they refused to fix it and claimed it was "water damage" therefore not covered by warranty.

خدمة سيئة جدا جدا، تأخر في توصيل الطلبية و ممطاله وعدم الرد على العميل و اسلوب في قمة قلة الذوق عند التواصل معنا من قبل مدير التوصيل و بقية الموظفين في خدمة العملاء.
لا انصح بالشراء منهم و اتمنى من الادارة العليا لهذه الشركة اعطاء دورات تدريبية لموظفيهم في طريقة التواصل مع العملاء و كسبهم والتعامل بذوق معهم لأنه طريقتهم الحالية سيئة ومنفرة للزبائن.

ينكر العاملون فيه ان الموقع في الانترنت تابع لهم سالت عن طاوله تلفزيون وجدتها في موقعهم وعند مراجعه المعرض لشراءها قالوا بانها غير موجوده والموقع لا يمثلهم

اشتريت من عندهم طقمين كنب ومثل عادتهم تأخير والمشكلة مب في التأخير المشكله في تعامل الموظفه بشاير العتيبي سيء جدااااا يعني مع تعاملها هذا كلنا قررنا نبعد عن الشراء من المعرض

المحل والكنب والطاولات وكل شي روووعه والله، لكن التوصيل وخدمة مابعد البيع سيء سيء لأبعد درجة نصيحة اللي ماعنده طولت بال او مستعجل ابداً لا يفكر ياخذ منهم حتى الرقم حقهم مايردوا عليه شي مقرف بصراحه طلبت طاوله ع اساس توصلني بعد شهر واليوم كملت شهرين ونص وماوصلت لسى ولا حتى يردوا علي والله مابعد هوم سنتر وابيات وهوم بكس في الموعد باليوم والدقيقه يوصلوا لك.

تعامل سيء ، منتجات رديئه ، فعلا كان قرار خاطيء جدا التسوق من عندهم ،، شريت من عندهم منتج و بعد الدفع قالو لي غير متوفر و يوم شريت المنتج من مكان ثاني قالو ترا توفر و غصب تستلمه مافيه لا استرجاع ولا تبديل

منتجات المعرض ليست ذات جوده عاليه. تم ارسال المشتريات بدون ابلاغي قبل ذلك بوقت كافي حسب العرف بحكم وجود طلب لديهم من نفس مدينتي وكنت غير متواجد في المنزل ،وبعد ذلك صار فيه مشكله لم تحل الا بتدخل المدير

السلام عليكم ورحمه الله حابه اشكر الاخت ليلى الكثيري في معرض اثاث اشلي على حسن الاستقبال وحسن المعامله ومساعدتها لنا في الاختيار واهتمامها الشديد بكل التفاصيل وكائنه المحل ملك لها جزاه الله خير على هذا الاخلاص الشديد وبارك الله فيها وفي ذريتها

الاخت ليلى الكثيري مشكورةً
ما شاء الله عليها اختصرت علي وقت وجهد كان طلبي غير متوفر بالعرض ووفرته لي

للأسف غير صادقين في كلامهم مجرد انك تدفع تتفاجأ بكلام غير و عدم اهتمام و تجاهل.
جودة الاثاث جداً سيئة
خدمة العملاء سيئين جداً ولا فيه اهتمام بالعميل.

خدمة رائعة رئعة جدا وسعدت بلقائي بالأخت ليلى الكثيري ولم ارى إستشارية خدمة عملاء متفانية في عملها مثلها أشكرك من كل قلبي وشكرا لسعة صدرك

ك بضاعة جميل لكن للاسف التعامل حدا سيء والمواعيد غلط ولايوجد اي رد أو تجاوب ووعود فارغة ومافي اي التزام!

للأسف المعرض نصابين الي فيه وخاصه في التركيب اشتريت دولاب منهم وجابو لي الي بالمعرض رغم اني طالب جديد وغير مركب ابدا. وجابو الي بالمعرض رغم ان عليه ملاحظات ومكسر. ومع ذالك بجيحين وقله ادب وقوة وجه. لا اعتذار عن التصرف الخطإ منهم. وعند طلب استعاده المبلغ لم يتم بحجه عدم وجود سيوله لديهم عذر اقبح من الذنب. انصح بعدم التعامل معهم ابدا وخاصه مدير المعرض السوري عبدالله!

اداره سيئه غير مهتمه برضى العميل
اشتريت منهم اثاث بشهر واحد بالميلادي على ان يستورد من الخارج خلال شهرين ،
الأثاث وصل مستودعاتهم من وقت طويل ولم يرسل لي بالرغم من تواصلي معهم الدائم
مجموعه من الهواه في مجال عملهم

والله كنت بشتري ااثاث منهم بس كاني هونت حتى لو فيه عروض مومعقولين. حق اشلي يدر ع اللي يمدح والي يذم يسفهه كان ماله دخل ترى دبنهامز خسر تجاره بسبب انه ماواكب الوضع الجديد ولا سمع بالتطور فعشان كذا خسر. حسنو السمعه افضل من الخساره

اثاث امريكي منوع وأسعار معقوله يتكون المعرض من ٣ادوار كتب وطاولات طعام وغرف نوم و مطابخ واحد جميل أنصح بالزياره

Good furniture quality, worst customer service
Worst experience ever, worst customer care ever, I’m not sure if you have any idea of the customer satisfaction meaning!
I bought some of my furniture from there and the delivery got postponed couple of times
Their employees they over promise and they actually don’t know about the right process that the company goes through in the delivery process.

لديهم أثاث جيد أعجبني لوجود تخفيضات وقت تسوقي لكن سائني موعد توصيل الأثاث فقد كان بعد الشراء ب ١٥ يوماً

I purchased a bed 30 Mar 2019, today is 15 May 2019, I haven't received the bed. I have called and emailed and this moment am in the store asked to wait for the manager he should be here 15 min inshalla. I will get my bed delivered today, they will refund my money or I will go to my bank and dispute the charge.they told me one week when I bought the bed. I am fed up. The manager just apologized and said they should have in stock, waiting for him to check. Not sure where their disconnect is but it's a shame because they have nice furniture and a good selection. No matter the outcome I will not buy anything from her again.buyers beware! See other reviews also stating the same.wish I would have looked at the reviews first.

تم شراء طقمي كنب وغرفة نوم.

طقم كنب وغرفة نوم متوفرة عندهم وأوصلوها بعد أسبوعين من الشراء، جميل.

الطقم الآخر غير متوفر في مخزونهم ووعدوني بوصوله خلال شهر واحد، لكن لم يتم توصيله إلا بعد شهرين وكثير من المحادثات مع البائع والمتجر ورفع شكاوى للإدارة، وأخيراً بعد رفع شكوى لوزارة التجارة وكتابة تقييم سيء هنا تم التجاوب أخيراً.

علاوة على أن السجاد الخاص بالطقم والذي وصلني عبارة عن سجاد معروض في أرضية المعرض يمشي عليه الناس ويوسخونه ثم يلفونه ويغلفونه ويوصلونه لبيتك كأنه جديد، وبعد عودتك للمنزل تتفاجأ بالسجاد غير النظيف من متجر راقي جداً وغالي الثمن!

تحديث:
قام المعرض مشكوراً بالتفاعل معي بعد بلاغ وزارة التجارة وسيقوم بتوصيل الكنب قبل انتهاء شهر رمضان، وسيتم خصم 25٪ من قيمة السجاد، أتمنى أن تكون كافية كقيمة نقله وتنظيفه.
بارك الله فيهم وفي الأستاذ أحمد جلال.

تحديث:
تم توصيل وتركيب الكنب + استلام التعويض نقداً من المعرض.

طلبت بوفيه من ثلاث شهور وقالو يبيله ٣ شهور زياده قلت ابي المبلغ وقالو اسبوع بس ارسلو الايبان ومر الحين عشرة ايام ما وصلنا شي

شركه كذابه بالمواعيد وكل يوم يقول بكرا بتجيك اغراضك ولاكن كله كذب وكل يوم بكرا او الاسبوع الجاي ولي اسبوعين على هلحال للاسف وللحين انتظر

الحقيقة المحل ممتاز وبغض النظر عن الأسعار انايهمني الجودة والخدمة مابعد البيع والمحل هذا من الناحية هذي ممتاز وأرجع على الأسعار واقول متوسط ماهو رخيص ولاغالي بالنسبة لجودة منجاتهم. وبالتوفيق للجميع

من اسواء محلات الأثاث بالتعامل لايوجد رد من خدمة العملاء وعدوني بيوم لتوصيل طاولة الطعام ولم يوصلوها الى الان وبدون اَي تجاوب واعتذار لا أنصح بالتعامل معهم أبدا وسيتم رفع شكوى الى الشركة الأم

الاثاث جميل والتعامل للأسف جداً جداً جداً سيئه
واتضح لي عند شرائي من بائع من غير الجنسية السعودية يتم توصيل الأثاث بالوقت المحدد
أما اذا البائع سعودي فالله يكون بالعون على المماطله والتأخير وعدم الرد.
ومدير المعرض السوري عبدالله بياع كلام ووعود بلا وفاء.

خدمات ما بعد البيع سيئه عندهم لحد الثمالة
من تدخل عليهم كل واحد يسابق الثاني لخدمتك واذا دفعت فلوسك رحت فيها
نصيحة روح أماكن افضل

اسوأ تجربة شراء على الاطلاق. مواعيدهم بعيدة جدا. خدمة ما بعد البيع سيئه. ما في عندهم اي مرونه على الاطلاق.

لا انصح بالتعامل
Worst experience ever.

يسوون تخفيضات ولكن اذ جيت تشتري من المعرض اغلب الاشياء تكون مخلصة ويبيلها طلب ٤ شهور انتظار ، التوصيل يتأخر وغير دقيقين بالمواعيد يجونك متي مايبون ، اتفقنا عالتوصيل الساعة ١٠ و السواق يتصل الساعة ٢ فجرا بيوصل قطع؟؟؟! فوضى و فوق كل هذا مايردون على خدمة العملاء ، و يجيبون القطع ناقصة ولا يركبونها

كثرت التعليقات عن مواعيد التسليم عندهم يخلي الواحد يتراجع عن قرار الشراء منهم، والا لقيت عندهم بضائع جميلة ومتميزة.

للاسف خدمة مواعيد التوصيل غير صحيحه طاولة طعام تجلس 3 اشهر عشان توصل. لو تطلبها من النت اسرع وارخص. للاسف قريت تحذيرات قبل اشتري منهم بس ماتوقعتهم صادقين!

معرض كبير جدا ٣ طوابق يوجد قسم مطابخ والاثاث امريكي + صيني الموضفين لابأس بهم الاسعار متوسطه الي مرتفعه

اسوء محل اثاث تعاملت معاه جلست اختي شهر وزياده ماوصلتها القطع الي شرتها وكل ماراحت يماطلون بكره وبعده توصلك.