ASD Kits

شغل وتعامل وادارة سيئة تم تغير يايات الوكالة بيايات رياضية وضيعوها ، بالعلم انهم سجلو شغل الكات والرشة فالفاتورة ولم يتم تسجيل شغل اليايات مع وجود الصور انها كانت بالورشة.

شكرا للاخ يوسف عطاني موعد وخلص السياره بالموعد وتعامل راقي ويتجاوب معاك اول باول ب الاتصالات بالنسبة للشغل كان جميل جدا

ركبت كيت عندهم لسيارتي والنتائج ممتازة ويهتموا بادق التفاصيل وشكر خاص ليوسف في الاستقبال لحسن التعامل ومتابعة الشغل والاهتمام بالعميل

شغلهم جيد و لكن عندهم مشكله كبيرة جدا جدا في موضوع الاهتمام بالمواعيد و نظافة السياره من الداخل. شوفوا الصوره و انتوا احكموا بنفسكم بالله هل هذا طبيعي ؟؟ مهما كانت الاسباب فيه حلول كثيرة عشان يتفادوا هذي المشكله. الصراحه كنت اعتقد ان هذا المحل من افضل المحلات في الرياض ولكن بعد ما جيت و شفت سيارتي كذا تقييمي له نزل بشكل كبير جدا

و غير كذا فيه قطع كثيره شايلينها و مضيعينها و حاطين لي قطع تمشي الحال من عندهم زي غطا الهواء الصغير حق الكفر ٣ اغطيه ضايعه و حاطين من عندهم اشكال مختلفه و غير كذا كان فيه مسامير تركب في الصدام الخلفي مو نفس حقت الوكاله حاطين مسامير مختلفه.

و ايضا مخربين الشباك حاطين مادة ولا هي راضيه تروح!

فعلا فيه فشل الله المستعان

الصراحه خيبوا ظني كثير و يحتاجوا تطوير

شكر خاص للاخ معاذ
تعاملت مع المركز في تركيب كبوت و صدام امامي ورش صدام خلفي للامانة الشغل جداً ممتاز من ناحية درجة اللون والقطع وجودتها بالاضافة الى
انهم يعطونك ضمان لمدة ثلاث سنوات والاهم نسبة تطابق لون القطعة المرشوشة مع القطعة الوكالة جداً مرضية

والله كنت مخطط اجي المحل وفي خاطري اضبط السياره لكن بعد هالتعليقات السيئه م فيه الا 2 يمدحون و الباقي سب ف الشغل وتأخير فالرد واضح حتى هنا تردون ع الرسالة بعد 3 شهور ب اروح الغرابي اطلق المشكله لي اسبوع م غير اتكلم عند الناس اسد و اسد كنت مغتر فيكم وبسوي عندهم اقول للعيال ف الاخير الحمدلله دخلت التعليقات وشفت كلام الناس بعيني ضحكني رد من ردود الشركه يقول يمكن من احد المنافسين

آمل تعديل حالة الطلب في حساب العميل في المتجر مباشرة عند الشحن مع توضيح رقم بوليصة الشحن واسم شركة الشحن لتسهيل تتبع الشحنة

تمت زيارتهم بعد البحث والظن ان الورشة عملها احترافي.

اولاً: الموظف السعودي استلم مني السيارة وبلغني بأن السيارة سيتم فحصها وارسال تقرير بالقطع المطلوب تغييرها وأجور اليد وجميع الامور لأستلام السيارة جاهزة

ثانياً: تفاجئت عند استلام السيارة بعد اسبوعين بأنه لم يتم فحص الحادث مطلقاً من ناحية (بطن المركبة) العكس والمقصات وما الى ذلك بل فقط اكتفو بتقدير الرش والسمكرة وارسال فاتورة لهم فقط دون اي فحص اضافي ودون اشعاري بذلك

ثالثا: عند استلام السيارة وتجربتها (بعد اشعاري انها جاهزه) بعد تشغيل السيارة تفاجئت بعدم عمل الحساسات الامامية والرادار وبأنهم قامو بتركيب شمعه اماميه بلون مختلف (اصفر) والسيارة زينون دون اي تبرير واضح او شرح مسبق لهذا الموضوع وعند سؤالي للموظف اشعرني اني طلبت قطعه صينية (لم يتم ذكر انها صفراء وهم يعرفون ان السيارة زينون ولايوجد لديهم اي مشكلة ان استلم السيارة والانارة الامامية لونين) شمعه زينون وشمعه اصفر وبعد تجربه السيارة بجانب الورشه السيارة لا تمشي بشكل سليم ويوجد انحراف قوي جداً في الكفر الامامي الايسر (مكان الحادث والذي احضرت لهم السياره لاصلاحه) اكتفو فقط بعمل الرش والسمكرة ولم يقومو بالفحص او يشعروني بوجود اي خلل آخر

رابعا: تكبدت خسائر فادحه لعدم فحصها بشكل صحيح من قبلهم ولم استطع مراجعه التأمين واعادة الفحص لعدم تقدير هذه القطع من قبل الفحص ونظرا لأن التأمين قد دفعو لي وتم اغلاق المطالبة وسأضطر لأصلاح الاضرار من مالي الخاص فقط لعدم اهتمامهم بفحص المركبة عند وصولها واشعاري بالقطع والتكلفة

خامسا: لا تدفع لهم مسبقاً لعدم اهتمامهم وقد اخطأت بالدفع منذ البداية وأنصح الجميع بالانتظار بالدفع او دفع نصف المبلغ والأخر عند استلام السيارة لضمان جودة الخدمة

ولدي الفواتير وجميع مايثبت كلامي ولن أكرر الزيارة مطلقاً مادامت الخدمة بنفس المستوى.

تجربة غير جيدة. يضيع وقتك معاهم. قبل مايحول العميل اتأكد من مستودعك. لاتشغل الناس. وبعد ماتحول يرسل لك رسالة الاسترداد من يوم إلى ٧ ايام.

لا احترام للعميل ولا للوقت
اكلمهم ٣ ايام بدون رد عشان اطلب القطع وأتاكد من مطابقتها للسيارة وبعد ما رد وطلبتها و أكدت عليهم على نوع الصدام حولت المبلغ.
وصلنا ثالث يوم مفروض يوم التوصيل وبعد عدة اتصالات عليهم طبعا ما يردون يرسلي رسالة يقول الصدام غير موجود وانها مشكلة الموظف الي أكد لك الطلب و بنحولك فلوس القطعة.

طبعا ما يردون واتساب ولا اتصالات الا بعد مده طويلة
لا انصح بالتعامل معهم متعبين جدًا.

اول شي دفعت حق القطع وصلتني نص القطع والباقي قاعد يماطل يومين و ذحين ما صار يرد يعني ايش المقصد من الحركة ذي يبغى يسرقني ولا ايش

شغلهم تمام التمام وتفاهم الاخ معاذ وحسن نيته بحد ذاتها مكسب وينصحك بحدود معرفته والتقيم في قوقل ظالمهم

خدمه سيئه جدا يقولك التوصيل من يوم الي يومين الحين اسبوع وبتواصل معاهم واتساب ما يرد علي الرسائل وبتصل يقفل الخط

من اسواء المتاجر بصراحه في الموقع مكتوب شحن مجاني واخرها طلع علي الشحن ب 40 ريال مافيه مصداقية للاسف

جودة القطع جيده وكل شي ممتاز لكن نسو اهم شي وهي خدمة العملاء عندهم سيئة جداً جداً جداً واقيمها نجمه وحدة خصوصاً لخدمات استبدال المنتج، رقم الواتس انت وحظك يرد عليك مرات يمر يوم كامل م يرد عليك وتتعطل بسبتهم غير كذا جيدين (مارشيت عندهم ماعرف عن شغلهم شي) لكن اتمنى منهم تطوير خدماتهم لانها اقل من بدائية

قسم بالله من أسوأ الاماكن اللي تحط فيها سيارتك، اعدموا السياره لي، بويه اي كلام وصدامات تركيب غلط في غلط ورش تعبان جدا في الصدامات باهته ويوم جيت استلم السياره لقيتها خرابه وهي مرسيدس كاسرين مرتبة السواق عندي لان اللي يشتغل هناك يطلع على السياره يتمشى جبت السياره عندهم فيها ٣٠ بالميه بنزين ويوم جيت استلمها حصلتها ٥ بالميه والمرتبه مكسوره وبويه تعبانه واسال الموظف هناك يقول والله ماعندنا تلميع بعد البويه ولا عندنا اغراض الصنفره عشان كذا البويه تعبانه روح سوي تلميع برا وتزين واتصل على صاحب المؤسسه يتجاهل الاتصال وارسل واتس اب لمدة ٧ ايام ولا يرد علي ويتجاهلني. اللي يخاف على موتره لايجيبه عندهم نصيحه. حسبي الله ونعم الوكيل دفعت لهم حول ٣٠ الف ريال والشغل والله مايسوي ٢٠٠ ريال

شفت جميع التعليقات وقربت اهون ، لكن للامانه اخذت من عندهم قطع لكزس ما اشتغلت عندهم ، للامانه على موعدهم ، مافبه تاخير ولا شي ، استلمت القطع العصر ثاني يوم مثل ما اتفقنا والحمدلله تشرفت فيهم

والله الورشه ملكيه، تركيب ملكي، يخلص الشغل بوقت جدا قصير. ومعاملتهم، خاصتاً المهندس الحبيب معاذ. حول سيارتي من مزبله الى ملكه. الله يسعدهم

طالب منهم كبوت تشارجر هلكات ومرسلين لي كبوت اس ار تي ابيهم يغيرونه ماعاد يردون علي وكل شي يكذبون فيه نصيحه لا تتعاملون معهم

جودة القطع سيئة (ركبت لحية عندهم وخفيفه مع اي شي تتأثر)
الاسعار مبالغ فيها والخدمات عندهم سيئة

أخس مكان ممكن انك تسوي فيه سيارتك ورب البيت امانه مافيه شي يرضيك والله ثاني شي شغل كلام بس والفعل كذاب مجرد انك تدفع لهم والله ما تلقى منهم اي شي من الى قالوه ومافيه احد يرد عليك بعدها لازم تكون عندهم وتراقبهم للأمانه انا مجربهم ومالقيت اوسخ منهم بحياتي الرش والتركيب للامان حلو بس مبالغ في السعر تشتري منهم القطعه ويرشونها لك بنفس القيمه ويمكن ازود نصب غير معتاد ويكذبون عليك بالمواعيد لاتصدقهم ورب البيت اكتب عليهم ورقه عشان تظمن حقك في الوقت متري منزله عندهم حرقو علي شمعه والكشافات تشتغل وخربوها ويسألني ربي على كل كلمه اذا كذبت. حسبي الله عليهم

صلحت عندهم سيارتي كات كامل اس ارتي. وباقي الكبوت لي الحين 3 اسابيع وباقي مبعد صلحوه نصيحه لوجه الله سبحانه قسم بالله ان الي بيشتغل عندهم ان يكره نفسه الكت كامل برا ب 3400 وعندهم 4400الكبوت لي الحين شارفت على شهرين مبعد صلحوه وكذالك مافيه بطانيه ويقول لازم تشتري انت البطانه الكبوت

حسبي الله عليهم نصيحه مني قسم بالله ان لاتعامل لا اسلوب ولا انجاز العميل اول مدفعت الفلوس تغير كلامهم وبدو يخرون تصليح السياره والقطع ماهي كامله ناقصه انا غلطان لني قريت التعليقات بقوقل ورحت له كل دقه بتعليمه نصيح لاحد يجيه وغالي في السعر الكت كامل برا ٣٤٠٠ وعندهم ٥٢٠٠ وعليه خصم ٩٠٠ يعني ٤٤٠٠ وكله كلام فاضي اخذو الكت كامل برا ارخص منهم وورشات احلا من ورشاتهم

اسوء من هيك معامله ماشفت بعد ماتدفع المبلغ خلص لاقطع ولاكلام يصير كل يوم يحكيك بكره اشحنها ويكذبو ديربالكم التعامل معهم والرقم الضريبي غير معرف

لا انصح التعامل معهم بعد دفع الفلوس تشحت عشان يردو عليك وفوق كذا مافي مصداقية في قيمة الشحن حسبي الله ونعم الوكيل فيكم

شغلهم جيد بس يوم اتفقت معه قال لي سعر و حولت له العربون و كل شي بعد ما جيتهم قالي السعر بدون التركيب و الرش

امانه شغلهم لايعلى عليه من ناحيه الرش والتركيب الاحترافي ولو عندي ملاحظه بسيطه واتمنى تتحسن الي خدمه العملاء خاصه بالواتساب الرد جدا متاخر اما الباقي من ناحيه الشغل من افضل الورش بالتوفيق لكم

مافيه الا عاملين وقت زيارتي.
تأخرت عندهم علشان اعرف ايش لأحتاج أغيرها بعد الفحص. زي الدكتور ليقول ايش قالك الدكتور الأول ويقيم عليه أتمنا لهم التوفيق.
بس شفت عندهم تعديل للوجهية رهيبة يخلي سيارتك من عاية إلى هلكات أو ديمون أو SRT

لا أنصح بالتعامل مع هذا المتجر ابدا تم طلب صدام كمارو zl1
و وصلني خلال يوم و تفاجأت ب ان توجود 3 قطع ناقصه
(كشافات+الخياشيم+بطانه المكينه السفليه) حيث انها مذكورة في صورة المنتج بانها تجي مع الكت و تم التواصل معهم و اخبارهم بالنقص حيث ان التواصل صعب جدا و مستحيل انهم يردون على التلفون و لما تكلمهم واتساب يردون عليك بعدها بيومين و بعد الالحاح مني و المتابعه معهم تم اجابتي في اليوم الثالث بأنهم كانو يعلموا ب أن الكت ناقص كشافات و تم اعترافهم بذلك و تم تعويضي بقيمتها ولاكن باقي القطع رفضوا التعويض

كل شي زين التركيب الجوده البويه الا التعامل مافي اي اسلوب، كأن القطع اللي بتركبها منحه من المركز مو بفلوسك.

طلعت منهم سياره حولتها srt
ما خبروني ولا بأي مشكله ممكن اوجهها او اخسر فيها بعد التركيب

انا انصدمت ان الاشارات الخلفيه ما تشتغل مع الفرامل كذلك تكون سريعه فيها لخبطه تحتاج تبرمجها برا لا يقل عن ٢٠٠ ريال

الرادار اذا نقل من يمين للوسط يتعطل يحتاح يتبرمج لايقل عن ٦٠٠ ريال

هذا اللي اتضح له وجارِ معالجته والله على ما اقول شهيد.

طلبت تركيب كت كرايسلر
ودفعت نص مبلغ القطع وقالي الموظف اسبوعين تقريباً وتدخل سيارتك للورشه ولا دخلت سيارتي الا بعد شهرين ونص (والتاريخ واضح فالفاتوره)
وعند استلام السياره وجدت الشمعه الاماميه الليد خربان ومتعطل وقالوا لي هذي اخر حبه ياترجعها وتركب شمعتك القديمه او تجيب شمعه من عندك او خذها لكهربائي يمكن يصلحها (والقطعه جديده من عندهم)!

ثانياً رش الصدامات ورفض يلمعها

ثالثاً الكشافات الاماميه بعد ما اخذت السياره
اكتشفت انها بس شكل (الشمعه الداخليه حقت الكشاف غير متواجده)

علماً بان اتفاقنا قبل دخولها للورشه كان اني استلم السياره جاهزه ١٠٠٪؜
(ماعدا توصيل الكهرب للكشافات الاماميه فقط)

والضمان يقولك ٣ سنوات على اللون
واذا طلبته ورقة ضمان يطبعها لك من عنده ويعطيك اياها (بدون ختم و بدون توقيع) يعني بلها واشرب مويتها

وهذي الفواتير للمشكك في كلامي

للاسف تجربه اقل ما يقال عنها فاشله!
شريت من عندهم رفارف وكبوت وشبك لجيب رانجلر وانواع الاغلاط بالرش!
الاتفاق انه البويه فرن وتنرش عندهم بالمحل الا انصدم وانا اكلم مسؤول الورشه يقولي وديت الكبوت لورشه ثانيه يرشه لنه ماعندي وقت طيب انا دافع لك ولا للورشه الثانيه! و المصيبه يوم استلمت السياره البويه كلها تنقير لو انه راشها عالزفلت ماصارت بالشكل السيئ هذا

وبعد مارجعته لهم قالي تحتاج صنفره وليته ماصنفرها عدملي البويه لو اني جالس عالتنقير ابرك بألف مره
صرفني وقال مع الغسيل بتروح غسلت السياره والمخوش من ورا تلميعهم الفاشل صارت اوضح من قبل الغسيل

رجعتها لهم ثاني ورجع يلمعها راحت المخوش بس البويه صار فيه تمويج واضح جدا بالشمس يعني كنا بمشكله وصرنا بمشكله ثانيه وللان الموتر على نفس وضعه وهذا بالنسبه للكبوت

الشبك سلمني الموتر وفيه جزء من البويه مقشوعه والزوايا سيئه جدا سلمته الموتر ثاني عشان يرقع البويه الا اتفاجأ انه يوم اعاد الرش عدملي الزوايا اكثر من اول اساله وش الشغل ذا يقولي عادي وديه محل تلميع ويضبط معك اسالكم بالله هذا كلام ينقال بورشه محترمه ؟؟

غير اني اكتشفت انه الفاشل الي ركب لي الرفارف ماثبت البرغي بمكانه الصحيح وخرب الفتحه الاصليه والرفرف ماصار ثابت بشكل صحيح

رسالتي لاي راعي رانجلر لا تغلط غلطتي
احفظ فلوسك وسيارتك ووقتك ودورلك ورشه محترمه عدل فيها