Alluer clinics عيادات الور

اراجع مع الدكتور المنتصر بالله الحمدلله شعري تغير ١٨٠ درجه
شكرا للدكتور المنتصر والمنسقه هدى شكرا لها وتعاملها واخلاقها معانا نتمنى كل المنسقات مثلها

طلبو يصورون الهوية مع انها بالنظام ممنوع يطابقون المعلومات ويرجعونها ، مواعيدهم سيئة ، عدم احترافية وحدة من موظفات الاستقبال ، موقع العيادة سيئ جداً ، اسعار مبالغ فيها جداً جداً ومافي باركنق

اولاً كنت جاية علئ مدح الاخصائية تماضر
تجاهلت كل التعليقات السلبية ورحت بالبداية ماشافت بشرتي ولا فحصتها ولا قالت انا ايش احتاج نفس باقي التعليقات دخلت علئ طول بالسعر للجلسات ومدح للجلسات وان المنتجات جدا فيها فوائد وان عندهم سرير فقط موجود بالرياض وميلانو والسرير ذا له فوائد عديدة

للاسف اني دفعت لثلاث جلسات ع اساس اني بشوف شي يستاهل السعر
وما طرت لي ابدا العلاج او قيمتة فقط ركزت علئ الجلسات وتوقعت ذا الكلام
طبعا ً الاخصائية اثناء الجلسة دخلت علي عشر ثواني والباقي للجسم والوجة الممرضة هي ماتجي ابداً
طبعا لما طلعت جتني المنسقة قالت الاخصائية تعتذر عندها عزيمة وطلعت ودي وصفه العلاج! ؟! من الاساس ليش تاخذ مواعيد دام عندها عزيمة وبالاخير مصورة مع مشهورة ثانيه … مو من اخلاقيات المهنة

بعدها تفاجت ان قيمة العلاج ٥٥٠٠ ريال غير ٦٣٣٣ اللي دفعتهم للجلسات ؟؟؟؟ ليه من البداية ماقالت لي عن قيمة العلاج انه غير الجلسات

طبعا عشان اكون صادقة الجلسات مافيها زيادة عن اي فيشل في اي مركز تجميلي
حتئ الماسكات يوضع عليها موية من المغسله وتخلط لو انها ع كلامهم ممتازة ماحطت موية من المغسله اقلها موية حلوه

السرير اللي هم هابين فيه فقط مساج وخاصة للسبا وتقدرون تسالون الشركة المصنعة
انا دفعت ٣٣٠٠ للوجة لثلاث جلسات طلبت الغاء الجلسات الاخرئ بعدها قالت المنسقة لا تحتسب الجلسه ١٥٠٠
هل من المعقول كذا قالت كان عليها خصم واذا الغيتي ترجع للسعر الاصلي! ؟! ؟! ليش محد بلغني من البداية ولا بس همكم السعر
المفترض علئ مالك العيادة اذا شاف التعليقات يطور من الشغل مو نفس الخطا. ،،، تم رفع شكوئ لوزارة الصحة

المكان جدًا راقي وتعامل الموظفات ولا أروع. من بداية دخولي حبيت وجود خدمة صف السيارات ومنطقة الإنتظار كانت نظيف ومريحة.
راجعت عند مع د. ماجد العيسى. جدًا خلوق وأمين ونصحني بـ الإجراء المناسب "لحالتي" وما حسيت هدفه مادي ابد.
صحيح الأسعار بشكل عام غالية لكن اشوفها تسوى.

النجوم للدكتور عاصم المسفر رشحه لي دكتور اخر بحكم انه في اجازه و بصراحه طلع قد المدح و اكثر. رغم اني اسوي بوتكس كثير الا اول مره احس وجهي مرتاح مو مشدود اثناء التعبير ولا احتجت رتوش و للأمانة ملاحظاته لاحتياجك في الفلر دقيقه و مناسبه مو مبالغ فيها ،،،
الف شكر له

اما بخصوص عيادة الور اتوقع نجمه وحده كثيره بحقهم /
اولا / عند الاتصال لاخذ الموعد تحقيق ايش الاجراء و ايش بتسوين وكمان لما تحضرين للعيادة تنعاد هذه الاساله كلمنا وزرنا عيادات كثير ماشفنا هذا التحقيق.

ثانيا/ توقفي عند طاولة الاستقبال الموظفة باعلى صوتها تقرا اسمك من الجهاز و تطلب منك رقم جوالك وهويتك علشان تتاكد انك نفس صاحب الملف على اساس لو بدخل بملف شخص ثاني ماراح اكون عارفه جواله وهويته!
بالعربي خصوصيه المريض شبه معدومة عند موظفي الاستقبال.

ثالثا/ غرفة الانتظار لا كراسي مريحه ولا نظافة و لا شكل يرتقي لمستوى الدكاتره و المبالغ الي ندفعها لهم.

رابعا/ انك تخلي المريض في الانتظار ساعه و في غرفة الدكتور ساعه لا يعني ان العياده لامثيل لها و ان فيه زحمة على الدكتور هذا يدل على سوء ادارة المواعيد وخلل في عمل منسقين الدكاتره …. وهالشي متكرر بعد عدة تجارب ووعود كاذبه لتحسين مستوى الخدمة.

السلام عليكم،
كان عندي موعد مع الاخصائية تماضر سمعت مدح عليها كثير من سوشل ميديا فقلت اجرب اخذ كشفية واشوف اذا بتحل مشكلتي.
سعر الكشفية: ٢٠٠ ريال.
مدة الكشفية: دقيقتين وهي واقفة.
أثناء الكشفية وصلت وبيدها قهوة، ما سمعت شكوتي وجلست تتكلم على طول. لما قلت شكواي من المفترض يتم الفحص الجسدي ما كشفت عن المنطقة وما ادري كيف قدرت الخطه العلاجية الي قيمتها فوق ٣٠٠٠ مره وحده.
كانت مهتمه انها تعلمني الاسعار اكثر من انها فعلا تسمع شكواي بدون مبالغه اخذت دقيقتين ككلام وبعدها ارسلت لي المنسقة علشان ادفع. طلبت اشوف صور لحالات سابقه وقالوا ممنوع من الوزارة علمًا اني شغالة بوزارة الصحة والحالات بدون ذكر اسماء المرضى او ما يدل عليهم مسموح الشخص يوري شغله قبل وبعد خصوصا اذا كان امر تجميلي.
كانت تجربة سيئة، أرفض الخدمة العلاجية اذا كانت بهذي الجودة.
الاستشارة حق للمريض ودفعه لمبلغ وقدره هو طلب مشورة من قبل الاخصائي/ الطبيب من خلال اخذ تاريخ مرضي وفحص وبعدها طرح جميع الاجراءات الممكنة. الان الوعي صار منتشر بحقوق المرضى والاستغلال امر مؤسف. الشخص يفضل يحط فلوسه بمنظمة تقدره كمريض مو عيادة استغلالية. ايضا عرفت الضجه الاعلامية ماهي الا تعاون مع مشاهير واجد وتقديم خدمة مختلف عنا.

أيضا ما أفضل أتواصل معكم، لان هذي السيمفونية كنت تكتبونها من عمر الدنيا التعليقات الي قريتها تحت وتكون قبل مدة طويلة لو فادت كان ما جيت وكتبت هنا شكواي ولكن هذا رد الي تحطونه فيما معنى انكم مهتمين.

حضرت عند الدكتور علي المجحد تعامل رائع وراحة نفسية ونتائج مرضية ومبهره شكرا دكتور علي وشكرا للعيادة على استقطاب الكفاءات

لا انصح فيها استغلال جدا يحط لك الشمس والقمر في يد اول زيارة ولافيه احترافيه ولا الالتزام في الوقت ولا يقدم لك الاستشارة الكافية اجل اول ماتدخل على طول يحط البنج لك ويقول يالله وتجيك هذي بالشبكه ادفع الحين هدفهم الوحيد مادي ولاتوجد احترافية ابد من غير قصور في الجميع فقط الاخت الفاضلة منى ونعم فيها اخلاق وتهتم منك اذا جيت هي اللي الله يكثر من امثالها

تأخير موب طبيعي بالمواعيد اكثر من ساعه ونص مافيه اي احترام للمواعيد والمشكله المسؤلات عن المواعيد يكلمونك ٢٠ مره ياكدون على الموعد كأن الواحد بيدخل بوقته!

نشكر الموظف خالد الفويرس على حسن التصرف والتعامل
لما حصل في مواقف العيادة وحسن تصرفه لمساعدة سمو الاميرة عند وقوعها من السيارة عند نزولها ومرفقننا الى المستشفى للأطمانان على سمو الامير ونعتذر عن اصابته ونتمنى له الشفاء العاجل

جربت اطباء فيهم الخير والبركه بس دكتور عمار الهذلول مختلف يعطيك وقتك ويشرح ويجيب على اسألتك بكل اريحيه وماشاءالله شاااااطر ومخلص بشغله وصريح يقولك اذا يناسبك هالشي ولا لا. تسلم يدينك والله يعطيك العافيه ويكثر خيرك

كلمة حق تُقال
الإبداع من الأمور النادرة في هذا الزمن، لكنه يظل أمر مميز مهما قل أو ندر، ويعرف قمة الإبداع وحُسن الخلق
عند الدكتور/ سليم الكريع متميز بمجاله رائع بشرحة أمانته ومصداقيته العالية مع المريض، نتيجة جميله وطبيعيه. ويعمل اللي يناسب قياسات الوجه. متجاوب في جميع الاستفسارت بعد الاجراء
وفخورين في دكتورنا لان العايله صارت كلها عنده.
كل الشكر والامتنان للمنسقه (ديم) على سرعة استجابتها ، وتعاملها الراقي?

عياده همها ربحي فقط
يستغلون ثقة المجتمع بالطبيب السعودي
خلنا نبدأ اول شي بالمكان متواضع ما هو فخم على قد اللهط اللى ينسحب من جيوب العالم
ثانيا الاسعار مبالغ فيها بشكل مقزز يعني طبيب مخلص التخصص الدقيق من سنتين مدبوله اسعاره مقارنة برواد التخصص
ثالثا مضيعة وقت الزبون و استغفاله بحيث انهم يكدسون المرضى و يشوف الطبيب اكبر عدد، يعني عادي تنتظر ساعات و اذا تكلمت يسحبون فيك من عيادة فاضيه لعياده فاضيه لين يجي دورك و يخلص الدكتور من المليون مريض قبلك ، ناهيك ان الدكتور يكون منهك و يسلك لك ولك دقيقتين و بعدها يطلع يلحق يشوف المليون اللى بعد
رابعا موظفين شخص ماله الطب ولا شام هواء كلية الطب اسمها ت. ع.
هذي وضيفتها تلعب الوتر الحساس عند اللى يحلمون بلون سنووايت ولا ومسمينها (اخصائيه)
ياناس ياهووووو هذي مو طبيبة ولا لبستلي لاب كوت و عندها مواعيد و تسخدم كلمه (المرضى) ما مريض الا اللى حطك و رازتلي نفسها تحلمين والله انك تصيرين طبيبه

خامسا ابو جبهه الراس الكبير ممكن يوافق لك على عملية و هو عارف بقرارت نفسه انها مالها ابد نتائج مثل عملية حقن دهون ذاتيه
ولا تفيد لانه ما في رتوش لها يعني نفس العياده المخيسه ماعندها فريزر يحفظ الدهون لك تحت الصفر و مع ذالك اذا حاججتيه قالك تبين نتيجه نحقن مره ثانيه وتدفعين فلوس
(تجربت اختي معهم)
يعني ماافهم كيف اصلا وثقت بشخص قبيح خارجيا و داخليا

اول انا كنت دايم مع اخضائية تماضر ، كانت مره حريصه و تدخل و تسوي هي الجلسات بنفسها. اللحين الجلسات مع ممرضه و ما فيه التزام و لا احترام للوقت غير الاسعار النارية!

و د. علي المجحد
يلطعك عادي ساعتين الى 3 ساعات انتظار و اذا سالتيهم ليش قالوا عنده اجتماع دام عندك اجتماع لا تحط مواعيد الناس وقتهم مو على كيفكم!

انا تجربتي مع الدكتور المنتصر بالله بكل أمانة كان جداً لطيف ، وعطاني حقي بالأستشارة. وكان صادق وغير أستغلالي الله يسعده جميل خلقاً وخلق.

تجربتي سيئه كانت مع الاخصائيه ت رحت ابيها تسوي تفتيح للركب والاكواع وقالت لي بخليك مثل بياض الثلج الكلام اللي دائم تردده تخدعك بكلامها والنتيجه مافي اي تغير ابدد دفعت مبلغ 3 الاف على الفاضي هذا غير مبالغ الكريمات همهم سحب الفلوس ولايهم المريض ابدا

العيادة مرتبة مره ونظيفة، حبيت تأكيدهم للمواعيد على الواتساب بطريقة فعّالة وحديثة بدلاً من الإتصال، اسلوبهم لطيف جداً ابتداءً من الموظفين للدكاترة،
ميزتهم انهم يستقطبون دكاترة فاهمين وشاطرين جداً وهذا أهم شيء، عيبهم الوحيد هو عدم إحترام الوقت، لو بس يهتمون للوقت كان صاروا بيرفكت

I really like that the doctors here are truly knowledgeable and skilled.
What I didn’t like tho, is that they don’t seem to respect patient’s time which is a huge downside to be honest

مكان قمه بالتنظيم والاحترافيه
يضم نخبه الاطباء والكادر الصحي وشكر خاص لدكتور غازي الثبيتي

مواعيد الدكتور زياد سيء ومافي التزام فيها كل شوي يتصلون يغيرون الموعد مره الدكتور مسافر ومره بيقدم الموعد بيطلع بدري ولا رايح مؤتمر ٣ شهور مطارد علشان موعد كل شوي يتغير

حبيت العياده نظيفه وراقيه والدكتوره تماضر خلوقه وكريمه وانسانيه وفاهمه شغلهاصح الله يوفقهاويسعدها عطتني استشاره كامله

تعامل جداً راقي من التيم كامل
الاخصائية تماضر تجنن واخلاقها عالية وتعطيك وقتك
غير نتائج الجلسات عندها بدون مبالغة تجنن

احب اشكر مركز الور على وجود الدكتور المبدع احمد الحربي قمه في الادب والاحترام وانسان مريح جداااااا وصادق احب اتكلم عن تجريتي معاه كنت خايفه من العمليه ومرتبكه بس بكلامه واسلوبه ريحني والنتيجه ويشرح لك بضمير عن كل التفاصيل وهو يسوى العمليه وكمان بعد العمليه ايش المتوقع حدوثه سويت الغلوغ اليوم بنات ولله ثم ولله انه فنان كانه ينحت قطعه ومبسووووط وهو يشتغل مو كانه يسوي عمليه الله يسعده وتسلم يدك دكتور ارفع لك القبعه?

سويت مع ياسر مليباري سيئ جدا وسعر غالي وسوى لي حقن فيلر وبعد م سويت اذبه فيلر في الشفايف بيوم وراح خلال اسبوع نصب وسعر غالي اخذ مني خمسه الف وميتين

المركز ممتاز ويكفيه وجود الدكتور المبدع أحمد الحربي دكتور رااائع وشغلة جبار وجمال لمسته كجمال أخلاقه وذوقه العالي جزء من عافية المريض. عملت عملية شد البطن ونحت الجسم وكانت النتيجة خيااااال. وفقه الله وبارك جهوده.

Overpriced procedures, and they still charge for examination fees + the procedure you're asking for. I mean, who does that these days! It makes me feel that the motto followed is how to bleed ‘em dry with half-hearted services. It's an old business model that drives customers away. It's not a lucrative and sustainable business model; you need a proof look at the angry clients through the ratings! Client retention numbers aren’t promising, I’d assume.

انا جيتهم عشان اخذ استشاره مع دكتورة تماضر وانلطعت ٤٠ دقيقة تقريبًا هذا وانا جاية بدري واول ما شفتها على طول دخلتني بالبكجات واسعار فلكية + اشوا اني شفت التعليقات هنا بغيت اتهور وادفع ليتني قاريتها من اول كان ما جيت خير شرر

عندهم مشكلة غثيثه ومزعجه جداً جداً جداً وهي انك تاخذ موعد ويحددون لك الموعد ويكلمونك قبلها بيوم عشان يأكدون الموعد ويرسلون لك بالواتس عشان تأكد لهم موعدك وآخرتها لا جيتهم تنطق بالإنتظار (ساعتين) الموضوع فعلاً فعلاً يغث

مو شخص يحب يكتب تعليقات سيئه بس بكتب تجربتي لعل العياده تغير من طريقتها
حجزت موعد وكان ٧: ٤٥ مساءً
كل عشر دقايق اسأل الممرضه اذا الدكتور بيجي لان وراي اشغال ثانيه وترد ب (خمس دقايق وبيجي الحين)
ولما مرت ساعتين قلت لهم بطلع وابي فلوسي فاخذوني غرفه ثانيه على اساس ان جا الدكتور ما يحتاج تطلعين وللاسف طعتهم وبالغرفه كملت ٤٠ دقيقه انتظار وبعدها تهاوشت مع الممرضه لان مااحب الاستغباء
ملخص التجربه عيادة ما تهتم للعميل/زبون ولا عندهم احترام للوقت، فمو مهم اذا موعدك ساعه سبعه بالنهايه بيدخلونك على مزاجهم سواء بعد ساعه ساعتين ولا ثلاث وقتك مو لك
اما الدكتور فكان كويس بس شخصيًا مااحب الاستغباء وعدم احترام الوقت
I dont recommend it because my appointment was at 7: 40 and the doctor came at around 10 something

جيت مع اختي كان عندها موعد مع الدكتور عمار ومعها بنتها الصغيره موظفه الاستقبال كان تعاملها جدا لبق وحنونه مع بنت اختي الصغيره لدرجه جات لين الانتظار وعطتها حلاو، فعلا الدنيا لسه فيها خير والدليل موظفه الاستقبال اظن اسمها صفيه ياحظ المركز فيها موظفه خدومه ومنجزه

تعاملت معهم لعده سنوات مع معظم الاطباء. واليوم كان عندي موعد مع د. علي المجحد. وصلت قبل الموعد بربع ساعه بناءً على طلب العياده وعلى كمية الرسائل التذكيريه بضروره القدوم قبل الموعد. وللاسف ما دخلت بوقتي المحدد وانتظرت ساعه ونص في غرفه الانتظار وكريم البنج بوجهي. وطلعت منهم بوجهه مبنج وبدون اجراء.

الور عياده لا تحترم وقت المراجعين. ولا تحترم الوقت. والتعامل كان سيء. دائما كنت امشي وانتظر بس طفح الكيل وزاد التمادي.

كل العيادات يسعون للتطوير ولارضاء المراجع والمريض. الا عيادات الور دائما في تراجع. تجربه لا تتكرر ولا انصح بهم ابدا

انا ترددت في العمليه عند الدكتور غازي الثبيتي لاني عملتها سابقا مع (دكتور اخر) وفشلت تعرفون ليه كنت خايفه لانه باختصار الدكتور غازي ما يحط لك الشمس في يد والقمر في يد. يعمل بصمت يخلي النتايج هي اللي تخبرك عن شغله عملت العمليه عنده والنتيجه اجمل مما انتظرت اياديه تتلف بحرير. صادق ومخلص وامين ويخاف الله وقليل الكلام انا الوم نفسي من جد على ترددي بس مثل ما يقولون اللي انلسع من الشوربه ينفخ في الزبادي وما انسى فريقه الرائع ابتداء من ميرفت الى الاء الى ايمان هذا غير النظام والترتيب في المواعيد. ربي يوفقك دكتور ويرزقك من واسع فضله وينفع بعلمك وعملك. انا جدا فخوره وفرحانه ان عندنا دكتور مثل الدكتور غازي افتخر فيه

السلام عليكم
حبيت اشارككم تجربتي مع المركز كانت تجربه جيده ولله الحمد
وكنت مع الدكتور ياسر مليياري ماشاءالله عليه رائع ويعطيك من وقته ودقيق في شغله الله يبارك له
لكن النجمه الناقصه كانت بسبب التاخير في الدخول تاخير موب طبيعي وكذلك الاسعار مبالغ جداًفيها

عندهم الشغل غريب ؛ الفيلر مثلا تحطينه يطلع يجنن و تطلعين راضيه والشغل طبيعي مره و تقولين علشان كذا مررره غالي لانه حلو و طبيعي ‍️ وتنصدمين بعد فتره قصيره ان الفيلر اختفى تماما ولا باقي له اي اثر ولا كأنك سويتي شي