Al Yamamah Hospital

اشكر الاستشاري نساء والولاده د سعد فهد الكردي على حسن تعامله وطيب اخلاقه وتقديره للمريض وسماحة صدره
وسرعه استجابه في اي شي يخص مريضه، واشكر ه مليون مره على ابتسامته وصبره علي وحسن استماعه لي واشكره على تقديره للظروفي الدراسيه وترتيب المواعيد والعمليات على مايناسب جدولي
والله هالدكتور لاينكرره الزمان بطيبه قلبه وحرصه واتقانه وامانته بالعمل (وتواضعه) اتمنى له يحصد مازرعه كل يوم من ايامه ماقدمه من طيب وابتسامه وصبر له ف انه يستاهل كل الخير
واتمنى ان كلامي يوصله والله مادمت اسعى في هالارض ماانساك من الدعوات الطيبه والصدقه?

رابع زياره لي عندهم 3 للنساء و1 للاطفال حرفيا اطلع ماتقدمت لي خدمه صح اتمنى وزاره الصحه تلفت لهم الوضع جدا مزري وطواري الاطفال دخلت 4العصر طلعت 6 وفي الاخير تحويل لمركز صحي بدون خدمه او حتى كشف هل يعقل ؟؟!

السلام عليكم. انا اول مره اراجع المستشفى قسم النساء والولادة بصراحه تعملهم جدا محترمين والدكاتره محترمين وسريعين في الخدمه بس عندي ملاحظه بسيطه يطولون في المواعيد شوي وعندي عمليه قريب اسوئها عندهم وان شاء الله الله يكتب لي الخير يارب وشكرا

اللي عنده ملاحظة او شكوى يتصل على وزارة الصحة ، انا حصل معي مشكلة ورفعت شكوى عليهم وعلى طول حلوها لي

الزياره الثانيه لي
تاخير بالمواعيد
لديهم
ولكن الطاقم ممتاز

عندهم فعاليه اليوم العالمي لسلامه المرضى
مره حلوه. مهتمين بتوصيل المعلومه. للمريض ومعرفه حقوقه.
توزيعاتهم حلوه

لو فيه اقل من نجمة كان عطيتهم ، انتبهو تروحون له لانه قطعه من جهنم اقسم بالله شعور مخجل مستشفى حكومي بهالمستوى وبهالاداء وبعض الموظفين الدولة تدفع لهم رواتب عشان تخدم الناس ويطلع العكس كلهم برا يدخنون! عزتي لCBAHI اللي عطتكم الشهادة ،،، روحو المدن الطبية نصيحة

اليوم الأحد 1445/3/2 في تمام الساعه 4: 03 العصر
دخلوها على الساعه 6: 20 المغرب

جبت أهلي لطوارئ النساء و كان معها نزيف ما فيه إلا دكتور و ممرضه و 3 سترات على الكمبيوتر مدري وش يسجلن و الحالات 8 حالات من غير زوجتي
العلاقات المرضى ما داوموا بالفتره المسائيه و كذلك المدير المناوب
إلي متواجد فقط الإستقبال و الدكتور و الممرضه السودانيه
الأسره فاضيه و ما دخلوا أهلي
ما دخلت إلا بعد دخولي للقسم الطوارئ و مناقشة الدكتور بالحاله

موظف الأستقبال ما قصر أتصل بالموظف المختص بعلاقة المرضى
و رد له بجي بعد صلاة المغرب مباشرة ولا جاء

ولا كلمته لأنهم دخلوا أهلي بعد مناقشتي للدكتور لو أنه ما دخل أهل و كشف عليهم كان رحت لعلاقات المرضى

أشكر موظف الأستقبال و الدكتور على سرعة الأستجابه لحالة النزيف

من اسوء إلى اسوء مايبون يشتغلون جميع العاملين فيه من تمريض او دكاتره وبكل برود تقوله الولد صار له أكثر من ثلاث اسابيع عنده ترجيع والله يكرمكم سهال وبكل برود تقول الدكتوره مافي اي مشكله كيف مدري بدون حتى فحص مبدئي والله يكرمكم الحمامات لاحول ولاقوه اتمنى من اي مسؤل يوصل هاالرساله وينظرون في شغل العاملين في المستشفى واضح انهم مايبون يشتغلون اتمنى من وزارة الصحه النظر في الموضوع الله يعز الدوله وملكنا والامير محمد بن سلمان مو مقصرين بشي

اول مرة في حياتي اشوف كدا رايح الامستشفي وانا تعبان بموت والموظف الي في الاستقبال يقولي تامينك مش هنا قولتو كيف اقطع كاشف كاش كانت تعبان بموت وسناني ضايعه يقولي الاسنان لي السعودي فقط كانت بموت يخي والله انت لو في مصر هنكرمك عمري ما شوفت كدا بجد

سي جدا عدم اهتمام في المرضئ وعدم التنسيق الجيد بين الحالات الطبيب العام ياخذ التاريخ الطبي او الحاله وعاد انتظر سعادة الاخصائي يشرف عشان يشوف الحاله وتجلس تنظر ولا يفكرون فيك لانك بالنهاية غير مهم لكن الله يجيب الخصخصة

مستشفى يمامه مررره سيئه مسويه قيصيرية ومفتوح بطني ٣فتاحت وقالووو لي اطلعي عادي ولا عندهم هميه اللي مسوين لهم عمليه فيه اهمال كثيرررر حتى يحذفون الطفل عندك وانتي ماتقدرين تسوين له شي ولا تحركين من التعب يحذفونه عليك وكلاهم مررره سيئه

والله سمعة المستشفى مرا مو قد كذا رحت للمستشفى مجبورة لان ما عندي تأمين بعدم ما جاني تحويل من مستشفى خاص لان طفلي يحتاج رعاية اكبر وقتها ورحت وكان هم الدنيا كله فيني من السمعه السيئة عن المستشفى والله دخلت الدنيا منظمة والناس ماشيه بالدور والادوار تمشي ودخلت منطقه الاطباء المشرفين على الاطفال وماشاء الله كوادر سعوديه ممتازين بعملهم الله يبارك فيهم كل شي كان منظظم ومرتب باستثناء انو مافي كرسي تنويم بسبب الزحمة والحمدلله عدت بخير وعلى خير.

العيادات سيئة معاملة الفرز سيئة تنافخ على المرضى تقول تنافخ على شغالتها
المستوى عادي وتحت
وشغالين الطوارئ رمي على المراكز مهما كانت الحالة تعبانة وحالة مشفى

تشنج ولدي لأول مره و وما عرفت أتصرف رحت للسلام ما عندي تأمين قالوا لي روحي لليمامة عشان الاشعه والتخطيط وياليتني سويتها عندهم ولا رحت
انتظار ٧ ساعات ونص بالسيب مع انه مكتوب له تنويم
نوموني بغرفه الملاحظة لان مافيه سرير واخذوا منه تحليل بالليل وعادوه الصبح ولا علموني السبب ولا النتيجه بس اللي شفته علاج بخار كل ٤ ساعات وانا عندي بالبيت اقدر اعطيه مايحتاج تنويم
مر علي ثمان دكاتره كلهم اشرحي لنا وش صار ونفس الشيء
ما شفت اي علاج ولا شرح ولا شي بالعكس واحد روعني يقول صرع ما راعى اني أم خايفه على ولدها
قلت متى الخروج قالت ننتظر دكتوره الاعصاب بتجي الاحد الصبح وانتظرت جت الظهر بعد ما ذكرتهم واخرتها نفس الاسئله وبكره نسوي تخطيط طلعت على مسؤوليتي
مافيه للمرافق سرير او كنب عالاقل نايمه على كرسي بلاستيك وغير كذا ما فيه مراعاة كل شوي يفتحون الستارة علينا بنص الليل يا تنظف ومن زين التنظيف خبزة يابسه تحت السرير من قبل اجي
او دكتور اشرحي لنا الحاله واخر يوم قبل الفجر تبغاني اغير المكان لان فيه طفل اكبر يحتاج السرير! انا انسانه احتاج انام بعد طلعت مريضه مره
الله يغنينا عنهم بالعافية
طبعا النجمه الثانيه بس عشان ممرضه سعوديه
وعشان مره فادوني بولدي وهو صغير عرفوا مشكلته وبسرعه

للامانه طوارئ النساء تعاملهم عسل الله يسعدهم من الامن للدكتور الممرضات كلهم عسل / لكن نجي للدور الاول الرجال تعاملهم سيئ يصارخ علي والامن اسوء واخص بذالك واحد راسه من النص مصلع ومن الجوانب شعر حرفياً اسلوبه سئ وكل هذا يعكس على المكان إذا بالوظايف العاديه مثل الباريستا او كاشير وجوب عليهم نفسيتهم تكون حلوه لكن الله يعوضكم بهالمستشفى

تجربتي كانت فالعيادات الخارجية لمتابعة الحمل
صراحه شهادة حق تنقال مواعيد منظمه حتى وان تاخرت عليهم يدخلوني بدون اي تعقيد ، الدكتوره اللي قابلتها اول مره ما يحضرني اسمها ولكن كانت كويسه وبشوشه وصدرها رحب ، المبنى جديد ونظيف وفيه اهتمام كبير بالشكل والنظافه تجربة كانت جيده وبستمر معهم الى الولاده باذن الله "

حطيت نجمه بس عشان اقدر اكتب جيتهم قبل 11 سنه وكانت تجربه جدا سيئه كنت بكريه و خايفه وتعاملهم الخايس وروحي هنا وتعالي هنا كل وحده ترسلني للثانيه مايدرون وين الله حاطهم وينافخون مدري يحسبون جايينهم دلع المهم قررت معد ارجع لهم وللاسف قبل 5 سنوات اضطريت ارجع لهم جتني ولاده مبكره ولازم حضانه ورجعت لهم نفس التعامل كل شي يتطور الا تعاملهم من سيئ للاسوء الطوارئ يجيب المرض زياده من كثر التطنيش واسلوب التعامل ومدري ليه متوظفين دام مالهم خلق واليوم رحت اخذ اشعه وطبيبة الاشعه اسلوب مستفز وتعامل خايس واخلاق صفر ما اقول الا الله يضيق عليك مثل ماضيقتي علي تتسكر في وجهك مثل ماصلحتي معاي

اختي والده عندهم وطول الوقت الطفل عندها وماروشه من ولد ليه الاهمال والفلبينيات وقت الولاده يضحكون ويضربون الباب مافي احترام للمريض ولا خصوصيه

يجب أن تتاكد من كل شيء وزن طول وغيره فاحياناً لا تسير الامور كما ينبغي، لا تستغرب تحتاج اشعة ويكون فيه خلل لديهم ويطلبون منك العودة لاحقاً او تتواصل معهم كل اسبوع وتسأل جاهزين او لا ، تجد بعض العاملين يتذمر من المنشأة ويقولها لك، المستشفى يحتاج ادارة ناجحة وكفاءات مميزة فالموجود نص ونص.

أسوأ مستشفى بالمملكه ولدت عندهم قيصري والعمليه خربانه خربانه والان اتاخرت بالحمل بسبب العمليه انصح. بعدم عمل العمليات القيصريه هناك

قسم بالله العظيم والله على ما اقوله شهيد انهم بغو يموتون امي قدامي بسبة سوء فهمهم وقلة خبرتهم
امي جتهم تتلوى من الالم وكانت تقولهم انها قابله للاجهاض ويسوون لها سونار 3 مرات وبكل مره يقولون ماندري وش فيها ماتضح لنا شيء! لين اخر شيء انفجر الجنين في بطنها وجاها نزيف وهم مادرو عنها والدكتور حق الاشعه لما جاها النزيف رفض يسوي لها الاشعه بحكم انها سوت قريب! حسبي الله ونعم الوكيل ولو امي ماطلبت تسوي العمليه ماكان سوو لها ولا تدخلو فيها وكان الله اعلم بحالها الحين حسبي الله عليهم

تم تحويلنا الى طواري اطفال اليمامة نقص اكسجين حاد لابني
الطواري عباره عن اطباء بزارين يطبقون على الناس مايدرون وين الله حاطه الولد يقول لحظه بروح اسال الدكتور وش اسووي راح ولا رجع
والبنتيين طوول الوقت سوالف شكاوي عن ازواجهم
طيب وابني اللي بيمووت في يدي
ولكن الحمدلله طلعت ورحت اقرب طواري ثاني

حسبي ونعم الوكيل قبل شوي كنت عندهم وكانت عندهم وحده بشارع تصيح تبي تولد ومحد عطاها وجه حسبي الله ونعم الوكيل فيكم عشانها مو سعوديه سويتو فيها كذا وتصيح وتبكي تقول بموت وقاعده تولد ولا احد عطاها وجه خيييير ويييين الانسانيه لهدرجه محد يحس ياخ لمتى واحنا كذا احنا ف 2022 الناس تتغير وتصير كويسه وتتعامل بالاحترام عشان الاجر مو عشان الدوام بكرا يطلعونك وانتم الناس تدعي عليكم ياخ خييير خييير قسم بالله لحد الحين اسمع صوتها م قول غير حسبي الله عليكم وجعل الدنيا تدور فيكم وتحسون فيها.

دخلت طوارئ وبسرعة استجابو وطلبوو مني الاتصال بالدفاع المدني لان الحالة تستدعي ذلك و الدفاع ماقصروو سرعة استجابة وحضور ويد بيد مع الطبيبة المناوبة ولا اخذنا الا ساعة والحمدلله وخلصنا نشكرهم ونشكر الدفاع المدني.

اسوء مستشفي وتعامل ممكن الانسان يتعرض ليه الطقم الطبي شاطر لكن المعامله سيئه جداً خصوصاً بغرفه الولاده. ميتقلش عليهم غير ملايكه العزاب ابداً دول مش ملايكه رحمه وخصوصاً بعد وجود التمريض السعودي اخر فوضي بيرمونا بعد الولاده او العمليه بدون اي مساعده

والله يجماعه لما شفت كلامكم حسيت فيه شي متعمد انا ولدت فيه ياربي لك الحمد والله العضيم ان الدكتورات الله يسعدهن يركضن ومرا مهتمات حيل مو شوي وحتى كانن يمسكن يدي ويهدني ويدعن لي وحده ماسكتني شوي وتبكي مرا حليلات والحمدلله ولدت وخيطوني خياطه داخليه وخارجيه تجميله وم شاء الله تجربه جميله بعدها نمت ثاني يوم جو اخذو ضغطي وحلللو البيبي وكل اموري تمام وخلوني احتياط بعد وثالث يوم طلعت وكانت تجربه جميله تمنيت بس عندهم ابره ضهر واستغرب من كلام بعض الناس هل فعلا التجربه تختلف اول الدكاتره نفسهم تغيرو م اعلم

حسبنا الله ونعم الوكيل على جميع المنسوبين هناك إهمال وطول انتظار وديت اطفالي وبعد انتظار ساعه ونص يشرفون وبكل برود يرفضون استقبالهم وهم مسخنين وعندهم مغص وترجيع كل اللي تكرمو فيه اعطوهم خافض بعد انتظار ٢٠ دقيقه زياده واعطونا تحويل لمركز صحي الله لايسامحكم

ورعي تعبان وانتظرنا ساعه ولا احد تلفت فينا ودخلت اقرا التعلقيات كلها تاخير. الله المستعان على مايصفون. قالوا عنده ضعف في ضرابات القلب وفلونزا وهذي الحالات ماتعتبر حالات حرجه على حسب كلامها والكارثه انها سعوديه وبكل برود تقول روحوا لااقرب مركز. الله لايوفقهم

قاعدة أقرا التعليقات تذكرت ولادتي قبل خمس سنوات بكريه رقدوني وخلوني بغرفه وتركوني يوم كامل بدون اي دكتوره تكشف شبكوا التخطيط وراحوا بس بعدها انا افكك الي شبكوه وادور بالاسياب اروح للاستقبال اصيح الم وانفكت المويه وترجعني الممرضه مرتين للسرير ، بعدها اتصلت على اختي تكلم المدير عشان يجيني احد بطني صغر مره نزلت اغلب المويات والنبض قل بعدها جت الدكتوره تهوش الممرضات انهم ليش مانادوها وودوني لغرفة الولاده ولدتني القابلة تنادي مااحد حولها بالاخير هي ولدتني ، الغبنة بعد الولاده لا يتجاوبون مع المريض كنت ابي دوره المياة اعزكم الله ومعي فقر دم حاد ونزيف قلت ابي تمسك لي بس الباب لو دخت قالت الممرضة سعودية مالي شغل فيك انا حامل ومااقدر امسكك وراحت انتظرت الزياره عشان ادخل دورة المياه ، و البيبي عندك من تقومين لين تروحين بس وقت الزياره يحطونه عندهم حتى ابوه مايشوفه ممنوع وفصلوا عني الجرس ليش ماادري! لازم بنفسي اقوم لهم للاستقبال
فاشل بكل ماتعنيه الكلمة غير عاد سوء النظافة بكل شيء

مشفى اسوء مايكون ، يعالجون الاجنبي باسعار اغلى من المشافي الخاصه وخدمه زفت ، والاستقبال عندهم يتكلمون معك كانك داخل فرع امني ، لو في اقل من نجمه حطيت

تجربتي بالمستشفى جدا جدا سيئة
اليوم كان عندي موعد عند الدكتور محسن في عيادة النساء والولادة ماعنده اسلوب ويصارخ ومايعطي المريض حقه لكن حسبي الله عليه من دكتور أساسا المستشفى ماعندهم دكاتره او دكاتورات فاهمين الا القلة وهذي تجربتي بالمستشفى ومايستاهلوا نجمه وحده كمان.

تجربتي الأولى للمستشفى نزلت زوجتي قسم الولادة للامانه المستشفى ضايع وداج وخدمه سيئة و نظافة صفر المسئوليه معدومه والاهتمام صفرين اخذت ساعة تتألم محد ناظر فيها وكل الوقت أنتظار والحين بينادونك الحين بينادونك اضطريت اطلعها.

مستشفى صراحة يرثى لها ننتضر من 11 الى 2 وبعد مانادو على الطفلة طلعت الدكتوره مش موجوده وانتضرناها الين الساعة 3 هل هذا معقول ممنوع يدخل معاها الى شخص وحتى كراسي الانتظار مكسره وقديمه والمشكله مافي الى هذا المستشفى يخدم شرق الرياض ومعاد ادري وش اقول كل شي سيء

للامانه كنت متخوفه من الولاده هناك وسمعت انه مو كويس وووو واقسم بالله اني توني والده لي ٤ايام عن طريق الطواريء للامانه متعاونات مره ويساعدون واهتمام فيك بس بعد الولاده المشكله الوحيده يجيبون لك البيبي كثير ومايعطونه رضاعه صناعي كثير انتي رضعي وهذا العيب الوحيد.

الحكومه ماقصرت وفرت كل شي الله يديم عزها. لكن حسبي الله ونعم الوكيل بالمشغلين لهذا المستشفى. لا ممرضه تقيس ضغط وحرارة و اخر زياره لي مع اختي كان في ممرضتين يقيسون الضغط لبعض. واختي التعبانه واقفه وكل اللي سوته اخذت وزنها وقالت لها انتظري لين يجي الدكتور قدام باب غرفته.
ننتظر الدكتور لين يجي من البريك اللي مدته ساعه. واذا جا الدكتور ماحصلنا الممرضه ويلا ننتظر مره ثانيه لين تشرف حضرتها. والا من قسم الاشعه اللي فاضيه بس تتغدا واستناها تمسح الطاوله عشان تشوف لي موعد! وقسم المختبر اللي رمت ورقتي بالزبالة عشان ماكنت موجوده ورحت اسوي الاشعه. والزياره الثانيه حدث ولا حرج. الدكتور مو فاضي لحالتي ويتحجج ان تحاليلي ملوثه. طيب سولي اوردر ثاني بس مو فاضي وقلي اسوي موعد ثاني واللي بيجي عن طريق تحويل ثاني من الوحده. لأن حضرته صرفني من العياده والمستشفى دستشارج! طيب وين يروح المواطن يتعالج اذا ذا حال الدكاتره والممرضات وباقي الاقسام بالمستشفى؟!

حسبي الله ونعم الوكيل لكل مضيع امانه.

السلام عليكم. البارحه سويت عند اليمامه عملية تنظيف الدكتور الهندي مشتاق و الدكتور السعودي هيثم الموجود بالطوارئ رائعين وحتى تعاملهم جداً طيب الله يسعدهم ويوفقهم. الممرضات اغلبهم متعاونات. النظافه تعتبر متدنيه. الادارة جداً جداً سيئة وب اختصار مايدرون وين الله حاطهم وتعاملهم سيئ جداً

من اسوء مستشفيات في المملكة والله لايعودها ولو اموت ولا افكر اجيكم هذا غير التلاعب الي بالاستقبال على الناس حسبي الله ونعم الوكيل

اسوااااا ء من كدا ماشفت اليوم العيادات الخارجيه فاضيه والريحة شكشوكه و عندي تحويل مو راضين يستقبلو المدير موافق والدكاتره مو راضين ولا في احد ع المواعيد جاء بس كدا اسمو عندهم مواعيد ولسا تدخل ماترضى تسوي تحاليل دا طفل صغير لو مقهوره اني دخلت القوه خافي الله في الوظيفه دي امانه تحاسبي عليها بس حسبي الله ونعم الوكيل

توني والده عندهم قيصري الله يجزاهم خير كل اللي شاركو بولادتي والمستشفى مره مهتم ونظيف والدكاتره كلهم لطيفين ويحاولون يخففون عنك السلبيه الوحيده يجيبون البيبي عندك بعد الولاده وكل الحكومي كذا

غير طبيعي لي شفته في هده المستشفى سوء تعامل من طرف الممرضات ما في احترام المريض ما في كفاءات في تعامل و احترام المريض و تفريق بين الجنسيات كنت في دبي في فرق كبير في تعامل زياده اذا ما في احترام مواعد يعطوك موعد و يخلوك تستنه نصف يوم لي اجا اول يدخل طيب ليش تعطو موعد و تخلو ناس واقفه على ابواب عياده نساء و وتوليد very poor

تحتاج الي اعادة ترميم ب الكامل المبنى قديم جدا جدا غرف الانتظار الكراسي فيها متسخه المواعيد تحتاج تنظيم وياليت مواعيد المستشفى تطلع في برنامج موعد افضل من النظام الورقي الحاصل حاليا الان جالسين يسون ل العيادات الخارجيه ترميم ب الكامل عقبال المستشفى كلها وياليت تزودون ب العيادات خصوصا العيون المواعيد الان صارت اقرب من اول وهذا تطور ممتاز بس اهتموا ب النظافه وترميم المستشفى

والله اسوء مستشفى حكومي في الرياض لو فيه انقص من نجمه حطيت لا تعامل مع مرضى زين ولا خدمة كويسه رحت له مرتين عفت نفسي من سبب اسلوب ممرضات خاصه قسم طوراى النساء وربي انه افشل مستشفى شفته في الرياض اتمنى وزراة صحة تلفت على نوعيه مستشفى مثل كذا فوضى عارمة داخل قسم طورائ نساء

حولني المركز الصحي على قسم الحمل والاولاده مبنى قديم ومتهالك يخليك تكره الحمل والعرس كله الإستقبال زحمه ما فيه الا موظفتين فقط الدكتوره جيده وحريصه قامت بكشف مبدئي وحولتني على الاشاعه والتحاليل بعد شهر

ادخلت زوجتي للولادة منذ زمن قبل ان يفرض التامين الطبي على المؤسسات الخاصة وكان ممكن لغير السعودي الدخول للمستشفيات الحكومية وكانت العناية ممتازة

أسوى مستشفى على مستوى الرياض المبنى سيء ومتهالك الممرات ضيقه والعيادات صغيره يفتقد النظافه بالكامل مافي اي تنظيم للدخول للمواعيد مما يسبب تزاحم عند باب العياده الله يسامح الوحده الصحيه اللي حولتني عليهم حولوني على الأمير محمد ايش نظافه وترتيب ومعاملة ممتازه جدا

حقيقة تجربة سيئة جداً
البداية فى الإستقبال تارك الناس وتعاملة سيئ جداً مع المرضى.

طوارئ النساء حاطين دكتور لمعاينة النساء للإسف في الولادة.
مما جعلني اترك المستشفى وزوجتي تعبانة وروح اشوف مستشفى اخر.

اتمنى من الادارة النظر في هذا

صراحه خدمتهم وتعاملهم ممتازين ماتوقعت ان المستشفيات الحكومي كذا " نظافة وتعامل وخدمه 100٪100 اما مستشفى قوى الامن ماحبيت تعاملهم كاننا خدم عندهم ينافخون ويتامرون بعد كذا ماراح اروح الا مستشفى اليمامه وبس

الخدمة سيئه ممرضات شايفين حالهم ماندخل بالمواعيد يعطونا مواعيد لانتصل عليهم ومايردون مواعيدهم بعيده انا خاادخل الشهر الثامن واشعر تفصيله للحين ماعطونا بالرغم أني زوجه مواطن.

لو فيه اقل من نجمه حطيت.
للاسف شي يسد النفس قسم طواري الاطفال شي يغبن شي يقهر من الساعه 7 المغرب الى الان عشان نسوي تحليل ويكشفون على الولد.
والله اني تحسفت على كل دقيقه جلستها عندهم والله لو اطلع قرض واروح مستشفى اهلي افضل لي من دقيقة انتظار هنا حسبي الله ونعم الوكيل حسبي الله ونعم الوكيل.

مستشفى مقرف جداا الرائحة جدا سيئه و لا يوجد فيه اي نظافة و لا تعقيم. أين انتم يا وزارة الصحة عن هذا المكان فهو لا يمثل مستشفيات المملكة. سئ جدااااااا

اذا كان وزير الصحة لايعلم بوجود هذا المستشفى فهده مصيبة، أما إذا كان يعلم فالمصيبة أعظم. مهما تكلمت لا أوفيهم حقهم من السوء، من المعيب وجود مثل هذا المكان بالمملكة العربية السعودية.

موظفة المختبر اللي تسحب الدم كانت سيئة جداً جداً في التعامل.
منفّسه تقول عاجبكم والا مع السلامه

مستشفى له صيته منذ القدم لكن يحتاج الى تحسين جودة ومبنى وموظفين خاصة انه يخدم النساءوالاطفال اكثر شي

الله لايوفقكم انتظر ساعتين وعيالي تعبانين وبالاخير تعامل خرا ويقولون لي روح مستوصف المنار! طيب من البدايه ليه ماتقولين لي! ؟
هذا دليل اداره فاشله وعدم اي مرعاه لحاله المرضى '
الله لايحد مسلم عليكم

الصراحة ربع نجمة خسارة مادري وين مدير المستشفى عن مهزلة قسم الأسنان الصراحة ان القسم تعبان حيل من استقبال وحتى دكاترة غير ملتزمين بالحضور تجي عندك موعد أكيد راح تقعد ساعات بعده وإذ سالت وين الدكتور يقولك أجتماع هههههههه وهو يطحن بالكبدة

مستشفى جبار بمعنى الكلمة شكرررررا من القلب لكل دكتور ودكتورة خصوصا السعوديين والسعوديات ولدت فيه من فتره مستشفى جميل واهتمامهم فضيع عكس اللي سمعته الدكتوره وفاء والدكتوره مروه قمة في الاخلاق الله يسعدهم يارب وفيه دكتورة ثانيه سعوديه نسيت اسمها اسأل الله ان يسخر لهم الناس الطيبه على جمال تعاملهم واخلاقهم بس مشكلة المستشفى في الدخول زحممممة وتوقعين على مسؤليتك انك جيتي وانتظرتي ومافيه سرير وهذا الاجراء سووه مع كل المريضات عموما الله يعز حكومتنا على كل شي موفرينه للامانه كل شي متوفر بعد الولاده من فوط وحليب واهتمام بالطفل الحمدلله

الشكر الجزيل للقائمين على المستشفى من حسن استقبال وبشاشة واخلاق عالية.
وخاصة
حنان في الاستقبال طواريء اطفال. وجميع من قابلتهم من دكتور عبدالله في العيادات الخارجية
وطاقم قسم القلب. شكرا لهم

الطواري الاطفال ازفت من الزفت تنتظر ٦ ساعات زي الهوا علشان جراح ينظر في حالتك الكوادر ضيفعة ومترددة وقليلة اكثر ما فيه ممرضات يمشن بالاسياب و السكورتية اما اطباء الله يخلف بس كان قبل ٥ سنوات و ١٠ افضل الان تفاجأت بمستوى الانحطاط خصوصا الطواريء اتمنى اصلاح الكادر و طريقة الفرز و الاطباء

حسبي الله عليهم أنا قالو لي الجنين متوفي ودكتوره السودانيه تصارخ خلاص لاتاكلين علاج أو شي لانه ميت وحددت يوم العمليه رحت مستشفى ثاني طلع حي والممرضات والدكتورات لاحظو لبسهم ماهو نظيف مستشفى عباره عن زباله وممرضات اسلوبهم شين حسبي الله والوحده لاجات تولد اشوفهم طايحات محد حولهم وومافي اي اهتمام ومبنى متهالك جدا

والله حتى نجمه مايستحقونها حرام اسم مستشفى فيه وقسم الطوارئ نساء وولاده للي كانن موجودات بنص شهر ١/هجري بداية هالسنه الله لايسامح اي وحده فيهن ،،خلو تام من الانسانيه. ماشفت اي اهتمام او رحمة وقت الولاده من قبل السعوديات او السودانيه الموجوده. بغيت اموت انا وجنيني بسبب استهتار وتهاون الممرضات والدكتورات السعوديات.